Pâtisserie Tony Wong

营业中

休息中

已經好耐冇寫食評, 但今次真係要出post 讚. 知道 Tony Wong 好耐, 但從來冇食過. 今日臨急要搵個「半磅」蛋糕. 走咗去 Tony Wong, 見到有個芒果拿破崙, 但因為我身體嘅緣故, 不能食芒果. 多口問有冇有冇雜果味？ 店員回覆我你幾點要？ 當時約4：30pm, 我話6pm. 以為佢會幫我喺第二間度轉過嚟, 點知佢推開到門. 問廚房有冇材料可否即做？ 我好surprise😳, 銅鑼灣咁貴嘅地段竟然會有廚房？佢話有材料, 可即做. 於是我即刻比錢. 實在太驚喜. 另一張圖係🌹玫瑰花蛋糕. 我前後兩日都要慶祝, 所以又返嚟. 媽咪好喜歡玫瑰花蛋糕, 打卡一流, 係花瓣甜咗少少, 下次問下可唔可以少甜 😅

📍Pâtisserie Tony Wong🇭🇰 銅鑼灣駱克道496-498號合亞大廈地舖一直都知呢間好出名！聽人講話好好食終於有機會試下😆😆個日係銅鑼灣想食啲未試過 特別啲嘅蛋糕就決定係佢了😋 芒果拿破崙 $458今次揀咗佢嘅拿破崙 好似最招牌🤣（？）成個蛋糕勁墜手🤣🤣芒果好甜！ 份量都好多個酥皮勁香 好脆 好厚實超級有滿足感Cream好滑唔會太甜~好食係好食 但係未到好驚艷呢個價錢覺得可以食到更加好嘅～

Tony wong 最近做緊8折又出左新款chocolate pecan cake 即刻買黎試試先Tiramisu 都好可愛啊 成杯咖啡咁好難得生酮蛋糕可以咁cute🤪朱古力外殻係累朱古力 唔甜入面d cream好軟滑 蛋糕有浸泡咖啡好濕潤 成件事完全唔覺得自己食緊生酮蛋糕🍰好味另外chocolate pecan cake都幾好食 上面個棉花糖有橙香 好驚喜 令個cake口感 fresh d@sweetboutiquedetonywong

當年當 Tony Wong仍然係Royal Garden 嘅時候，Lunch time 都好鍾意去 Gourmet 買自助SaladBar 外賣，心情麻麻時會獎勵自己，再跟一件 Napoleon，甜一甜自己自從佢自立門戶，因為店舖都唔太就腳，所以都好耐無食過。終於佢有新店係銅鑼灣，就的係心肝去支持下禮盒明顯花盡心思去設計，明顯突出店舖尊貴定位。買咗四件切餅。 Double Cheese Cake，輕甜味道，而芝士味都特別輕，食完都唔會有飽滯感The Bunny - 期間限定產品。做型真係好可愛，皮似糯米糍，外層係Mousse，但小朋友對其中間味道唔係太欣賞！最後係我嘅心頭好，Mixed Berry Napoleon， Tony 嘅酥皮永遠唔會令人失望，雪凍咗都係皮脆，但唔會overcook, 唔會硬崩崩。臨尾見到另一心頭好，蝴蝶酥。包裝盒真係靚到不得了！！ 一如以往同當年 Royal Garden 質素一樣好，但甜道就明顯有調較過，比較輕甜，又夠脆 口。而家仲有八折，一盒超過30塊就係性價比高。

🍪這款生酮曲奇之前在聖誕節時已經買過一次，它選用羅漢果糖、阿洛酮糖、椰子粉、杏仁粉等製作，難得成分乾淨得來味道和口感仍跟凡人曲奇一樣，而且價錢合理，所以決定回購，幾天已被我(又)幾乎全部消滅了😆🍪雜錦生酮曲奇禮盒$178🥥椰子曲奇☕️咖啡合桃曲奇🫖伯爵茶曲奇🥠杏仁薄脆片🧀芝士曲奇🍫朱古力碧根果仁曲奇🍦雲呢拿杏仁曲奇🍫朱古力曲奇✧ ˚ · . *:･ﾟ✧*:･ﾟ✧･ﾟ: *✧･ﾟ:* .· ˚ ✧🍰Sweet Boutique de Tony Wong @sweetboutiquedetonywong @patisserietonywong九龍灣店📍九龍灣臨興街32號美羅一期17樓1716室九龍城 (特約經銷商 Patisserie Tony Wong 分店)📍九龍城褔佬村道 65 號地下銅鑼灣 (特約經銷商 Patisserie Tony Wong 分店)📍銅鑼灣駱克道496-498號合亞大廈地下葵芳 (特約經銷商 Patisserie Tony Wong 分店)📍新界葵芳新都會廣場 3 樓 329 店舖屯門 (特約經銷商 Patisserie Tony Wong 分店)📍新界屯門市廣場

奉勸各位千祈唔好食！公司年尾飯局諗住訂個靚啲嘅蛋糕慶祝，點知我哋好多同事都食到肚屙。其實當晚大家一食已經覺得餅底變壞嘅味道，所以好多人都即刻吐返出嚟，連餐廳老闆都話過分，登我哋唔抵，仲話Tony Wong邊有可能咁！事後同佢哋Tony Wong 客服反映返個餅底有問題，係變壞嘅味道，好”益”同好苦咁，第一日就好似好積極咁回應，之後就完全唔理！(有哂紀錄)由頭到尾都無要求過賠償(有同事食完屙到返唔到工，比埋醫生紙佢哋)，但咁樣嘅蛋糕質素($2000買個變壞咗嘅蛋糕)同服務態度，我一定唔會幫襯！好後悔我哋當日無留低少少餅底去報食環署囉！大家要學識如果一有問題就一定要留底，先有証據！

情人節諗住買啲蛋糕番屋企同男朋友慶祝食，銅鑼灣又好似得啲連鎖店，無得揀之後就試下Tony Wong，見到好多人訂蛋糕心諗應該唔太差。咁就買左一件芒果拿破崙同一件芒果千層，都差唔多60蚊一件，唔算大舊，諗住試一次睇下點。點知好難食，一啲都唔似大師級水準，感覺完全唔值呢個價，我屋企樓下嗰間小店賣$28都好食過佢好多，拿破崙塊皮仲要有燶味，苦既，勁失望，唔明點解啲人盲目去買，以後唔會再幫襯👎🏻👎🏻👎🏻

尋日係我生日，我男朋友特登訂咗Tony wong 嘅聖誕特別版蛋糕俾我食，跟住我就自己去拎啦咁啱我男朋友要去隔離咁樣一個蛋糕上面有啲之花就係牛油cream嚟嘅，咁但係嗰對cream呢就比較難食啦，冇味道真係純粹得個靚字嘅啫，咁你去睇吓個蛋糕呢入邊呢我睇番佢說明呢佢話有士多啤梨嘅啫喱啦士多啤梨嘅cream啦同埋有啲乳酪嘅冇事嘅咁其實個蛋糕個味道都OK但係偏酸咗啲但係都還可以都叫足料嘅，但係呢個帶我買成$629個，我諗，我下次會睇吓其他近平嘅選擇囉

生酮係香港都仲係比較冷門但tony wong都有出生酮蛋糕，同普通蛋糕仲要價錢差不多而家仲要係銅鑼灣就買到 ，真係好方便六點幾都驚會賣曬，好彩d款仲好齊我最想試既兩款蛋糕都有🥰今次試左chocolate mochi先上面個cream mousse 唔會太甜，好light好食Mochi口感少少拉絲，因為薄薄一層，口感唔錯仲有d夏威夷果仁餅底朱古力好味，係偏甜少少但以生酮蛋糕我覺得已經好高質會想再買黎食5為滿分價錢:味道：回頭度

父母結婚週年紀念日，結晶品之一嘅XO仔早就睇中咗「Pâtisserie Tony Wong」個招牌玫瑰蛋糕，訂蛋糕時發現原來港島區分店近日剛剛於銅鑼灣開幕。店子門面嘅透明玻璃設計雅麗鮮明，位於地鐵站旁尤其方便。新張期間，購物滿$200或以上即獲贈$20禮券，限定禮盒仲有七折優惠添。室內裝潢簡約大方，透明雪櫃陳列出精美可愛嘅糕點。架上則擺出禮盒系列。收銀部旁亦可揀選菂薂嘅蠟燭襯返靚靚嘅蛋糕，配套齊備。「Pink Rose 粉紅玫瑰蛋糕」必先預早三天前落單，共有一磅（$500）及兩磅（$1,000）兩個尺寸可選，免費包埋朱古力牌。可能因為哥哥取蛋糕時太趕，大家到切蛋糕時先發現祝賀結婚週年嘅字句「Happy Anniversary」被寫錯成「Happy Birthday」，幸好小插曲被家人當作笑話，帶來更多歡笑聲。蛋糕嘅玫瑰花造型粉美逼真，驚艷四方，配埋枝心形蠟燭，顏值絕對爆哂燈！意外地，以白朱古力製出嘅玫瑰花瓣軟薄香甜，一啲都唔硬，藏於花瓣下嘅芒果忌廉蛋糕微甜芬芳，果肉甜美豐沛，糕身鬆彈軟潤，吃畢亦不感絲毫溜滯。「Pâtisserie Tony Wong」銅鑼灣新店光鮮企理，服務生友善好客