Peek-A-Poke (希雲街)

营业中

休息中

想減肥又想食得飽，而家都有唔少方法嘅～不過加埋食得豐富，呢個要求就可能難滿足啲。銅鑼灣希雲間呢間Poke bowl 可以話係我嘅all time favourite，沒有之一。佢之前停業一排，我都成日mon 住佢幾時開，而家開翻就隨時有得食啦！🥡 自選poke $126刺身方面揀咗三文魚同吞拿魚，基本上每次都係以呢兩款為主架啦我～個base 就揀咗沙律菜，大家想飯同菜兩溝，或者齋飯都得。配菜方面就揀咗：青瓜、豆腐、蟹籽同香菇，另外加咗十蚊要牛油果添，配咗我最愛嘅山葵乳酪醬～成個湯碗咁大嘅沙律，加埋足料刺身，食到一大半已經飽飽地，但本著食菜唔會肥嘅諗法，食曬佢！滿足曬～就算男士都一樣夠飽呀！

一直都好鍾意食poke bowl，同刺身丼相比會有更多選擇，有好多唔同嘅配料同sauce，甚至連個base都可以轉做沙律菜，出街想食light啲嘅話通常都揀呢個(*¯︶¯*)~𝓞𝓿𝓮𝓻𝓪𝓵𝓵~ ✨價錢:7/10👅味道:8.5/10🌌環境:7/10★Salmon & Tuna poke bowl ($98)刺身方面佢可以揀一款或者half-half，連同三款toppings同一種sauce。我就揀咗三文魚拼吞拿魚，配豆腐、紫洋蔥同香菇，鰹魚醬油作為dressing。因為配料好豐富，所以食落好滿足，啖啖都可以食個唔同野( ´▽｀) 刺身份量唔算多，味道正常但質素唔係好好嗰隻，不過食poke bowl都唔係為咗刺身就算啦。唯一唔好嘅就係食到最底好咸😂 啲飯吸曬鰹魚醬油，但overall係好食嘅！

近排成日食咗太多油膩野，今日想食返啲健康啲嘅晚餐朋友推薦左呢一間食魚生飯，話好好味又健康所以我就想去試吓！今日平日同早左去，所以唔洗排隊就可以食🙆🏻‍♀️佢有一張落紙俾你揀想食乜嘢飯，佢主要揀三文魚，吞拿魚同埋香菇飯不過嗰日去到冇晒三文魚咁所以就揀咗香菇飯　+沙津 ！佢有得揀全沙律或者半飯半沙律咁！我自己就揀咗一半飯一半沙律感覺上冇咁肥同埋我都食唔到咁多飯🤣🤣🤣佢個飯可以俾你揀好多on top嘅配料！全部都係比較健康啲嘅配料，蔬菜類嗰d咁！會返去再食嘅一間🤭

打破傳統刺身飯，創新味道，自由配搭自己喜愛的食材。首先可以揀返刺身，有三文魚、吞拿魚、魷魚同菇，可以揀一款或者兩款；跟住就揀個底，有普通白飯、壽司飯或者沙律，呢個都係可以揀兩款；之後就揀配料，款式都幾多，可以免費揀3款，再加就$5一款，我揀咗雞蛋絲，蟹籽同枝仁；最後就揀醬料，我揀咗山葵乳酪醬。出到嚟碗野好滿好大碗，賣相都超級好，味道都超級正，第一次試呢種款式嘅刺身飯，真係好特別嘅體驗。如果你有選擇困難症，可以試吓揀佢set好咗嘅款式，咁就唔使煩啦。

呢間次次行過都好多人，唔想排咁耐隊記得早d 去啦🤣我想講真係好鬼死鍾意佢入面既design,入到去d 黃光係令人覺得好溫暖☺️坐係入面食野係令到我好似去左青年旅社既感覺，由其去果陣入面大部分都係年輕人，就更有果種feel xdd😆三文魚+珍珠醋飯&沙律菜🥗hkd 98平時我成日話d 野好大份，但係呢個真係大份得黎勁！飽！肚！😂😂😂對於食量都唔細既我竟然淨係食左一半就覺得好飽繼續唔到落去🤯omg 可能係因為我揀左既珍珠醋飯特別多纖維啦，所以真係食兩食好快就覺得飽了lol 真係大胃王or 減肥人士既天堂🤣🤣🤣🤣 味道又唔錯，呢個價錢，👌🏻👍🏻🥳炸水牛芝士條🍟hkd 28夠曬新鮮夠曬熱，可以拉絲的😎🤟🏻

聞名已久朋友經常談論，有時午餐外賣自取，都難得有高評價。當然本人愛現食。當日等位時間唔太長，可能於2PM之後，剛過上班lunch時間終於有機會一試所謂的刺身飯。三文魚，吞拿魚新鮮肥美，但感覺唔覺似日本形式，好Fusion feel!可選壽司飯/糙米/沙律 另有一番風味👍環境裝修簡約舒適。品味獨特。飲品風格多特色。就算唔係正餐，當黎個Hightea chill chill都是個好地方，當然坐位有限，人多坐得耐有人排都有點兒那個😜

近排去到希雲街食poke 唔知呢間嘅poke好唔好食呢😚👅自選Poke (八爪魚）（普通size $98）（+60克 +$32）我哋叫咗八爪魚壽司飯 配雞蛋絲 香菇 蟹子 溫泉蛋 三文魚子 蟹柳 果仁芝麻醬 仲加咗好多調味料😛呢個配搭好好食😋佢嘅八爪魚幾新鮮 幾juicy 同埋一啲都唔韌 三文魚子同蟹子嘅份量都好多 蟹柳都幾大條🤩溫泉蛋嘅蛋汁配芝麻醬撈飯一流 整體真係唔錯🤤👅火山炸雞 $48呢個都唔錯😝佢嘅炸衣唔會太厚 雞肉咬落幾多汁 幾好味🤤👅鋼絲蟹卷 $48佢炸得幾鬆脆 唔太油膩🥰總括嚟講呢間嘅poke嘅質素幾好😚大家想食poke不妨嚟銅鑼灣呢度一試🙈😋 好味：8.27/10🤑 價錢：7.98/10🤗 服務：7.54/10😝 環境：7.21/10😚 衞生：7.10/10🤩 整體：8.20/10

出到嚟港島區，媽媽話想食沙律🥗，話要食健康啲又好味嘅嘢，就帶咗佢過嚟希雲街呢間轉門食Poke Bowl嘅小店食lunch喇💛💛😋平日十二點半左右去到，餐廳都大約8成滿座，好好彩唔洗等位。我哋分別叫咗加州風味（普通）、夏威夷風味（普通），兩碗都係配一半壽司飯一半沙律菜。(後尾先發現原來Menu有兩頁、另一頁係可以全自選Bowl 配料🤣）加州風味（Salmon Poke)配料有青瓜絲、雞蛋絲、三文魚子，果仁芝麻醬夏威夷風味（Tuna Poke)配料就有海帶、紫洋蔥、蟹子、鰹魚醬油兩碗份量都超級多！！！就算叫咗一半飯+一半沙律都係食唔晒，自己鐘意食加州風味多啲，芝麻醬撈埋一齊食，好開胃好啱夏天食👍🏻😗下次再食識得自選埋toppings🤣🤣

夏威夷蓋飯好有色彩，唔同食材搭配得健康又美味，平日好少食菜，佢啲菜🥬爽脆新鮮，仲有三文魚子同蛋絲，成碗都好好味！吞拿魚配蟹籽好爽口，仲有紫菜，撈飯一流丫。本來睇落好細碗，都驚唔夠食，但其實都好夠飽😛😛想健康就黎食下😚😚😚

《三文魚風味碗》$98主：三文魚跟一半壽司飯同一半沙律菜配料：豆腐、蛋絲、蟹子醬汁：蜜糖香醋汁調味料：紫菜酥、芝麻、木魚絲、辣椒碎、脆蒜片黎到見到份量都真係幾大碗 小驚喜😍仲有見到成碗又有紅色、黃色、綠色 特別開胃食落去啲三文魚份量多 而且大細適中🤩沙律菜都好爽口 好新鮮 分量好足配料覺得豆腐稍為冇咁特別 如果要推薦嘅話會推薦大家醃蘿蔔 食落好開胃 而且口感比較脆（不過就要配山葵乳酪汁 因為試過依個配搭最正🤣）蜜糖香醋汁都幾唔錯 幾清新而且好啱送飯🥳亦都試過山葵乳酪汁 呢個汁相對來講就比較杰撈飯就比較難撈 但係味道都唔錯😌整體來講真係好滿意🥰嘢食分量大而且價錢適中天時暑熱如果唔想食湯麵 可以試吓呢個夏威夷蓋飯 😋唯一呢度有缺點就係裝水嘅杯有啲細鍾意飲水嘅人可能要來回多幾次🤣不過下次一定會再嚟❤️

【人氣飊升健康自選魚生沙律bowl 生酮/low carbs 之選🥗】近期個個都介紹緊呢種poke bowl, 真係好受歡迎loll, 我都係今個月頭先第一次食, 有得任簡真係幾吸引🥰有選擇困難症嘅可以簡佢地preset 嘅招牌, 咁就唔洗煩啦, 淨係坐定定等佢上枱啦! 😗覺得呢間最好就自由配搭之外, 仲可以簡半飯半沙律, 全飯/全沙律, 啱晒夜晚唔食carbs ，生酮/減肥又得，滿滿嘅蛋白質同纖維，總之健康啦🌱下次應該會試吓散叫自由配搭🤤✨ Ahi San （半沙律半飯）$88Tuna，香菇，枝豆，蔥，wasabi yogurt 仲有木魚絲係面，很健康嘅味道，wasabi好提鮮✨ Califonia( 半沙律半飯）$98三文魚，三文魚子，青瓜，雞蛋絲，果仁芝麻醬 三文魚子最愛😍呢款親子丼甘冇得輸啦🤤唯一可惜係果仁芝麻醬味道唔係個個接受到，自己唔鐘意…食食下有陣杏仁味咁，應該醬油同wasabi同魚生夾啲✨牛油果milkshake $38香濃牛油果味🥑有啲啲太甜，2個人飲到一半都有啲漏

經過希雲街就特別想食刺身bowl 🥣本身霖住嗌三文魚🐟 結果咁啱無晒貨🥲 咁就揀個雜錦香菇bowl 啦🍄 (因為我係菇控)但我絕對無霖過碗嘢原來咁健康🥗😅.🟢 雜錦香菇夏威夷Bowl｜🌟：3.7/5材料清一色好健康 同埋超級綠🥗 有枝豆, 豆腐, 海帶芽,香菇🧚🏻‍♂️佢個Base可以揀：壽司飯/珍珠糙飯/沙律菜 (可以mix 兩款) 🥣 我就超級健康揀咗珍珠糙飯 & 沙律菜🥬咁味道又如何呢？第一啖： 自我感覺良好 好健康 😎 ➡️ 第二啖：平時食咁多油膩嘢 間唔中好似咁清淡一餐都唔錯 😛 ➡️ 食都最後幾啖： why so dry 😂 有點枯燥乏味 🥲 可能係自己平時無食開咁清淡, 所以有少少唔慣🤏 佢其實撈埋一齊食味道都唔錯✨ 海帶芽偏鹹撈唔咩調味既豆腐同技都啱啱好🤭 香菇亦到份量超多 啱晒我呢個菇控 🍄❤️👻 無咁好既位可能係佢既沙律菜有啲枯萎🥀 好似擺咗好耐 唔係太新鮮既狀態😿.整體黎講, 狸貓都會推薦呢間Peek-A-Poke因為以前試過佢D刺身飯真心好好食💛但呢個青BB既夏威夷碗就可能比較啱平時食嘢都清淡既朋友仔食狸貓我呢😹下次都係嗌返其他夏威夷碗先🙌🏻

喺社交平台見到有人影相出黎好吸引 所以有日收工去左試下!食物選擇唔算好多 我就揀左三文魚飯做主食 配蟹子 紫菜 豆腐一上菜見到d 食物擺位擺得好靚! 影相出黎都好豐富!三文魚溫度比我想像中唔夠凍 但係個汁好好食! 同三文魚好夾配菜味道都唔錯! 紫菜唔會淋晒 而豆腐都好滑好香成兜野其實都幾大兜 我最尾都食唔晒!但係整體黎講碗野好好食不過我當日坐高枱 坐得唔係幾舒服 環境有少少逼所以食完碗野 就急急埋單腳走人lu 

呢間餐廳係poke界黎講都數一數二，比起其他poke餐廳，食材新鮮又足料，我都bookmark 咗一段時間前排經過銅鑼灣，終於有機會試吓，果然冇令人失望叫咗八爪魚，半沙律半壽司飯，雞蛋絲、蟹籽、車厘茄，仲加咗個牛油果大大碗又健康新鮮嘅poke bowl 真係食得好爽好開心，又唔會覺得負擔好重。最欣賞嘅係壽司飯係暖暖地，唔會成個bowl 都好生冷，女仔食太多生冷野唔好嘛～ 同埋我揀咗蜜糖芥末汁，食起上嚟嘅時候食到有調味，但我搵咗好耐都搵唔到啲汁喺邊 所以唔使怕醬汁太多令到沙律同飯都太濕呢間都係值得推薦、長食長有嘅餐廳，希望日後去唔洗排隊啦～

📍𝗣𝗲𝗲𝗸 𝗔 𝗣𝗼𝗸𝗲 @ 銅鑼灣ღ 加州風味（普通）$98已經流行咗好耐嘅夏威夷魚生飯～不過我真係呢排先第一次食🤣一碗有齊多款配料同醬汁～果然係鬼佬食壽司嘅方法😂酸酸甜甜嘅醬汁撈埋魚生粒同爽口嘅生菜又係幾夾嘅～(・∀・)懶健康叫咗珍珠糙米 食落同白米一樣咁好食以為叫咗半飯半菜食晒都唔會好飽😂點知都係見到自己個肚腩突晒出嚟⊂((・x・))⊃回頭指數😼3/5（較健康清新嘅好選擇٩(^‿^)۶