Peek-A-Poke (希雲街)

营业中

休息中

☆ 𝙋𝙚𝙚𝙠-𝘼-𝙋𝙤𝙠𝙚銅鑼灣希雲街16號地舖天氣熱，成日都無胃口食野，一係就唔想食熱野，於是乎搵左呢間Poke Bowl食。✦ 自選風味碗我揀左呑拿魚同八爪魚，跟壽司飯，配料海帶芽、豆腐、蟹子，醬汁 果仁芝麻醬，調味料揀左紫菜絲同木魚絲，整體食起黎其實好清新，比起食刺身飯個感覺有d唔同，同埋個飯底比我想像暖，我諗住再凍多少少，八爪魚比起呑拿魚好食，其實我揀嘅都係大路穩陣野，大家可以參考下。我朋友個碗揀左醃蘿蔔，我帶住口罩都聞到好大陣酸味，所以我笑佢個碗係酸宿野XDPS：唔一定要跟晒全部飯，一半飯一半沙律菜又得，全部沙律菜亦得，得左！如果下次食我會揀50 50，因為全部飯真係飯食唔晒。

兜兜轉轉又黎到希雲街，之前都推介過呢條街有好多特色小店💛今次要介紹嘅係特色風味碗，魚生刺身Peek-A-Poke🥗————————————————👅自選風味碗（$98）👍🏻雖然係一碗過，但係花多眼亂選擇多，基本上自由配搭1-2款刺身、3款配料、1款醬汁👍🏻個人喜歡吞拿魚mix三文魚👍🏻配料份量都幾多，眼見隔離枱都係叫豆腐、雞蛋絲、蟹子等熱門之選👍🏻醬料方便推介芝麻醬，配魚生食會開胃d————————————————💡 可以選擇配醋飯/沙律菜，一半一半都得架！(留意返如果成碗都係飯都幾大碟，會食到勁飽）📍 Peek-A-Poke：銅鑼灣希雲街16號地舖

已經唔知嚟過呢班幾多次🤣食過小小其他嘅pokebowl 但係始終對呢個最念念不忘🌝每一次食完都覺得好滿足😌-🐟Tuna x salmon poke bowl🐟配料: 豆腐 海帶芽 酸薑 香菇 沙律菜-黎咗咁多次 竟然今次先知道 原來係可以揀吞拿魚加三文魚各半🤣好滿足!!終於唔使掙扎揀邊樣好🤣🤣三文魚係比較肥美 油脂香比起吞拿魚更突出🐟豆腐 香菇 海帶芽基本上係必點的🌝但唔知點解我覺得今次佢嘅豆腐冇以往食嘅咁滑嘟嘟 但整體都係好好食😋配酸薑勁開胃！佢都依然會係我嘅愛店🥰

🍣poke bowl is jeng~天氣熱就想食魚生飯˙𐃷˙雖然而家成日都要排隊～不過食得飽又健康～今次就嗌左個雙拼(沙律菜同壽司飯. ̫ .)再配三樣配料同埋醬汁～你都真係有好多配料又多魚生又多菜，超級滿足(>_<")𓎩𓌉𓇋 ‎加州風味碗 $98個芝麻醬真係好好食(*´﹃｀)清新得來又唔會太Heavy，夾埋個三文魚同埋青瓜，話咁快就食晒成碗lu~ 大推!𓎩𓌉𓇋 ‎夏威夷風味碗 $88海帶牙同吞拿魚嘅配搭幾得意，雖然都幾好食不過就冇芝麻醬咁正. ̫ .下次有得揀會試其他口味先hehe

想食好野但又唔想咁heavy，就真係要試下Peek-A-Poke嘅夏威夷蓋飯(Poke Bowl)啦😎#丼 就食得多，Poke Bowl 就真係少食啲，佢其實係來自 #Hawaii，係夏威夷嘅菜式(雖然都係由日本移民帶到夏威夷嘅😂) 而@peekapoke 佢哋真心整得幾有水準！首先 #pokebowl 個底可以揀飯/ 沙律菜/ 半飯半沙律菜，夜晚我哋都想食得 #輕盈 啲就揀左沙律菜做底啦。魚生方面我哋分別揀左 #三文魚 同八爪魚，兩款都幾新鮮，八爪魚又夠哂趙口，正🤩至於配料方面其實都有幾多選擇，其中嘅蕃茄同蟹子都唔錯，整得入味之餘同魚生粒亦都幾夾。另外如果鐘意食海帶芽嘅話都可以試下，因為份量都幾多😂 醬汁方面我哋就揀左蜜糖香醋汁，酸酸甜甜好開胃。雖然我哋冇揀到飯做底，不過其實食完都幾夠飽。整體表現唔錯，值得再幫襯！

夏威夷風味 $88 (regular size ) 三文魚子 +$10上年食過呢間夏威夷魚生飯覺得味道好清新，大大碗又飽肚，個碗已經大 啲料仲要堆到勁高，個base仲可以揀糙米/沙律or both。叫嗰時驚啲味會唔夾/好乾，點知撈埋一齊食味道好夾。超多菜，清新又健康，好飽!!!今次黎食翻一樣嘅野，依然好好食，魚生夠曬新鮮，好多好多配料揀，選擇困難症要小心哈哈哈尤其夏天熱辣辣唔想食咁熱嘅嘢食個poke bowl就fit哂。美中不足係店舖比較細，坐得都幾逼下。不過食完就可以過隔離食shari shari，地理位置我係比100fun嘅。

-禮頓道都有一間賣差唔多嘅，我第一次嚟嗰陣、差啲搞錯左，佢位於黃店雲集嘅希雲街，咁多間夏威夷魚生飯我最鍾意呢間，一嚟係黃店，二嚟佢個份量真係比得好多，menu又易睇，我每次嚟都唔會揀佢set好嘅口味1️⃣自選風味： 🍣三文魚 $98 + 壽司飯 + 珍珠糙米配料： 枝豆仁 + 蟹子 + 雞蛋絲 (三款免費）醬汁： 山葵乳酪醬調味料： 紫菜絲 + 芝麻 + 木魚絲 + 果仁有一次試過加牛油果，但覺得唔加仲好，所以呢次冇加，三文魚勁多，呢個組合總結嚟講，我係最鍾意，佢個醬超開胃，不過個飯真係太多😂，真係食唔哂，我去到最盡都只係食哂啲餸、同食剩少少飯，之後都係叫返一半飯一半沙津菜啦2️⃣自選風味： 🍣三文魚 $98 + 壽司飯 + 沙津菜配料： 枝豆仁 + 豆腐 + 青瓜 (三款免費）醬汁： 山葵乳酪醬調味料： 芝麻 + 木魚絲 + 果仁加左枝豆仁、果仁同青瓜之後令到成個飯冇咁膩，呢個組合都幾新鮮😂，但豆腐就🤔同三文魚一齊食顯得有啲膩3️⃣自選風味： 🍣三文魚 $98 + 壽司飯 + 沙津菜配料： 枝豆仁 + 豆腐 + 雞蛋絲 (三款免費）醬汁： 果仁芝麻醬調味料： 紫菜絲 + 芝麻 + 木魚絲 + 果

去到美國，如果好掛住日本菜，就一定要去試下Poke Bowl 。但當只可以留係香港，又掛住去美國同日本旅行，就真係要食下Poke Bowl，今次就去咗銅鑼灣既〈PEEK-A-POKE〉😍😍😍今次試咗Ahi San Tuna Poke 最令人估唔到既係Poke Bowl入面有冬菇，而冬菇既味同吞拿魚都好夾。瞬間令清清淡淡既Poke Bowl增加咗濃郁既菌香味☺️☺️☺️枝豆同山葵乳酪味道都好襯，夾埋珍珠糙飯食，感覺好似食緊日式便當。山葵乳酪唔會好似平時食壽司既山葵咁攻鼻，反而好似健康版既蛋黃醬，同咩溝埋食都好好食🤤🤤🤤食物整體賣相好吸引，食材都好新鮮，每個食材味道都好夾，食完唔會有一絲油膩感 ，係好味又健康既好選擇👍👍餐廳都係半自助形式，餐具同水都係要自己拎😉 午膳時段，12:30開始會多人，要早啲去排隊

Poke Bowl愛店🥗🍚❤️食左好多好多次🥰以前好少poke店 淨係識得食佢😂宜家好似愈開愈多啦🤩Poke Bowl其實係日式 & Hawaii fusion🥳🐟🥗三文魚珍珠糙飯+沙律菜 $98次次都係食三文魚🍣份量多又肥美😚base會揀煙韌既糙飯🍚+沙律🥗因為真係好大碗 全部飯可能食唔晒🙈可揀3款toppings 我揀過豆腐, 青瓜, 海帶芽, 枝豆, 雞蛋絲 視乎心情😜醬汁既話 蜜糖香醋🍯同wasabi yogurt💚都唔錯👍🏻

最放同朋友都係諗住食健康d,減下肥,但又好想飽肚,同埋好耐無黎呢到啦～Lunch時份等左15mins,每過一分鐘就一驚心!大家都簡左自選系列,但發現比以前貴左,都唔緊要啦～佢本身份量都多!一上台見到堆到上黎,豆腐佔左1/3海帶芽都佔左半碗,但海帶芽偏咸,所以朋友食到話好渴至於我今次就試左新野三文魚+紫洋蔥+俺蘿蔔+豆腐豆腐好多好多,加埋紫菜,好正!值得一讚係俺蘿蔔同埋芥末乳酪醬,撈埋一齊原來好夾!好爽脆又酸酸甜甜再加紫洋蔥,一流

香港嘅Poke bowl文化唔算好流行，食嚟食去都係果幾間。呢間係我嘅最愛，價錢合理、味道、地點方便、配搭多，真係冇乜嘢好挑剔。一個月真係食咗四五次，因為真係好方便減肥人士，可以揀菜底每一次打卡啲朋友都會留言想食，因為個樣真係好吸引，而且唔使驚食唔夠蔬菜量，時有魚生補充蛋白質，我就最鍾意芝麻醬汁，之前試過芥末乳酪醬，比較清新但係味道都比較淡，而且有一次唔夠醬，食到一半就好乾。雖然係愛店，但係試過有一次食，隔離枱見到有曱甴喺埲牆上面，而另外一次就見到有兩條頭髮係個碗度，希望可以再注意一下衛生情況🥺🥺畢竟都唔想你哋出事，希望可以食好耐好耐

💛💛💛黃店peek-a-poke喱間真係喱兩年嘅飯堂😌黃店仲要係食poke🤩🤩自由度超高 餸 飯 醬汁 配菜都好多選擇醬汁強烈建議大家要簡芝麻醬 好夾壽司飯餸可以簡兩樣 我每次都係三文魚配八瓜魚配菜 我會簡超多蟹子同牛油果 🥑 女仔同常食唔到咁多飯 可以配沙律

📍Peek-A-Poke位於銅鑼灣嘅一間夏威夷菜～💛呢間嘢一開始我都係誤打誤撞入去食，一食就上癮🤣 啲菜式好清新開胃！係香港好難食到夏威夷菜🦖但美食之都無奇不有👍🏻又比我遇到一間好食又黃嘅夏威夷菜喎🥳🥳————————————————————-🥗 輕營之選 Go Green 迷你size $58個底首先揀左沙律菜配珍珠米！係咪好特別呢一半飯一半菜🤣其實我覺得咁幾好，因為佢仲有全沙律菜底/珍珠米/糙米底揀，每樣一半就食得清爽啲仲可以乜都試下😚雖然我係嗌迷你咋，但其實都夠一個正常人食到飽一飽架！所以飯一半真係好夠😂👍🏻我第一次去食嘅時候叫左正常，食唔哂做左大嘥鬼〰️真係多到覺得正常人係大胃王咁款，個啲食哂成大兜唔洗比錢個啲呢🤣🤣輕營口味入面有刺身三文魚，蕃茄，青瓜撈蜜糖香醋汁〰️味道偏酸，酸到有點醒神，料十分多，足夠每啖都有滿滿的餸～其實本身想推介佢食加洲口味（因為食過巧食）叫錯左輕營🥶麻麻地😢😢🥗夏威夷風味 Poh-Keh 迷你size $58呢個係我每次黎都食嘅口味！！材料有刺身呑拿魚，新鮮海帶芽，紫洋蔥，蟹籽，加左$10鮮蟹肉拌鰹魚醬油〰️係超級夾架食落🤣🤣由其是啲海帶芽！！入味到！！！加

排Shari Shari見到呢間一直都想試下，見到佢個menu有唔同魚生飯同沙律揀，今次叫左一個夏威夷風味同一個加州風味嘅bowl。夏威夷風味bowl有刺身吞拿魚、好多海帶牙同紫洋蔥仲有蟹子，配埋鰹魚醬油成個bowl味道好夾，份量都好足夠。加州風味bowl 就有刺身三文魚、青瓜、雞蛋絲同三文魚子，配埋經典嘅芝麻醬成個沙律都好fresh味道好好。佢個bowl嘅base有得揀沙律、壽司飯或者珍珠糙飯，仲有得揀兩款mix埋架。食完好滿足，下次會黎試下其他~

依間鋪頭真係好出名，本身以為係日本嘢但原來係夏威夷風格，叫咗兩個飯，我同朋友都好鐘意食魚生，醬汁好豐富，而且配菜都好足料，不過我點嘅糙飯就比較淡味，應該真係比較健康啲，就冇咗醋飯嘅香味，但整體都好好味，而且以港島區晚市嚟講唔算貴，下次會再去食呢！