Pepperonis Pizza & Cafe

营业中

休息中

好耐無去西貢 平時入得去都係食海鮮 今次特別d去食b朋友介紹既pizza店🍕 佢鋪入面都係紅白格仔既枱布 幾得意我地叫左個雞肉牛油果🥑菠菜沙律🥗 唔錯唔錯 牛油果超級新鮮 而雞肉唔會老 都軟滑 食落超開胃佢既pizza真係好正 皮夠薄 外翠內軟熟 食落口感非常好 芝士份量足 所有野搭配得非常好 👍🏻仲叫左佢地既千層麵 非常邪惡 芝士非常香口 但超飽肚 食幾口已經好夠 但係好食既 最好叫多幾個朋友一齊去 就可以食多幾款野下次一定會再黎試佢其他款式既pizza

本來話45分鐘到，等左個幾鐘，等到黎個pepperoni pizza送到黎又硬又凍，料就無乜，得層茄醬係面，食到牙都軟，作為西貢居民咁耐，已經唔係第一次食，質量愈來愈差，下次寧願食番pizza hut好過。打去餐廳投訴，有個自稱經理既人先耍走你，到搞唔掂就換比經理聽，都係貫徹CS既態度，耍得就耍唔好阻我收工，堂食的可能質量ok，但外賣的就不了！一句都尾，唔想做就唔好做，三番四次整啲垃圾出黎比人食，真係狗都唔食，經理唔會再話下次免費個pizza比我食，咁既質量，你倒貼錢我都唔會浪費自己肚位！

假日一早入嚟食早午餐佢11點開，我地早左小小到，但入面店員好好，比我地入去坐住等開鋪，而店員全程都好友善，服務值得一讚六個人去揀左五樣野，味道唔錯，碟頭都好大，夠晒飽!

晚上特登揸車入西貢食牛扒，因為呢間餐廳每逢星期三都有三款牛扒做買一送一既優惠，幾抵食之剩味道亦唔錯。大約晚上七點黎到，雖然我哋無訂枱，但待應都好好俾咗枱我哋，不過就要八點前交枱 ; 因為之前都係食開牛柳，所以我同朋友一坐低就即刻落單。落單後等咗二十分鐘牛柳都未黎，問個待應係咪落漏單佢就話整緊，如是者再等多十分鐘都重未嚟，我哋再問一問先知原來係落漏單。🤦🏻‍♂️ 🤦🏻‍♂️牛柳叫咗七成熟，煎得不錯內裏粉嫩，黑椒汁味道亦頗惹味，而且有粗薯條同沙律菜伴碟 ; 不過我同朋友都一致認為牛柳係縮咗水，而且依家要成 $278，記得二月尾食都係 $208，加上服務又。。。。今次真係有點失望。

呢間餐廳，係我哋心目中Pizza比較好食嘅餐廳之一，門市喺西貢唔過嚟食Pizza嘅話呢一個都係我哋其中一個選擇。而且佢依個半路天嘅環境，好有異國風情，情調都唔錯。無論係情侶或一大班人，呢間餐廳都好適合佢哋。不過如果你太細食嘅話，餐廳就唔係太啱啦，因為佢哋嘅食物份量真係好大，可以先睇下相嗰日我哋叫咗一個ribs，同一個Pizza。個ribs嘅份量絕對唔係兩個人食得晒，而且燒得唔錯，可以用牙一層層撕開，肉質尚算新鮮，調味適中，伴碟嘅薯條都好有驚喜。Pizza方面，我哋就叫咗新奧爾良Pizza，個餅底很鬆脆，醬汁美味，而且芝士和肉都好有好感，好適合鍾意芝士嘅人。呢一餐兩個人食，食完之後真係覺得好飽，飽到連第二朝都有飽嘅感覺。價錢方面，一啲都唔貴。人均消費大概$150。不過，佢哋最近請咗新嘅員工，好似服務就比較生手一點啦。

入到西貢真係人生路不熟，同朋友是但搵一間西餐，本無期望，點知無期望先有驚喜點左一客單骨雞翼，炸得好好，唔會好多粉，個醬好開胃，酸酸甜甜的pizza一上檯真係香到流哂口水，d料十分豐富，餅底算薄，真係勁正呢個rib最值得一讚嘅一定係佢個醬汁，超惹味，啖啖肉，岩岩男仔朋友呢個千層麵就略微過濕，食起上黎有點漏，但味道可以下次入西貢一定再食呢間

和大班朋友在西貢出海玩樂後 都大叫好餓 想填滿一班大男人的肚子 這間餐廳沒有令我地失望 無論雞扒牛柳 大蝦 pizza 份量都比平時見到的西餐大 所有食物都即叫即煮 雖然等待時間比較長 但絕對値得等待

餐廳兩層高，座位環境舒適，有浪漫情調。食物方面，欣賞免費提供檸檬🍋草莓🍓水。我地6人叫咗一個招牌pizza,拼盤，青口，醬汁燒排骨，意大利飯，當中pizza最為印象深刻，r軟硬度剛剛好，好易入口，有口感，汁液配料跟面粉融為一體，好滋味。另外青口的蒜汁好入味，好有驚喜。拼盤份量好大，味道還算可以。服務方面，幾周到體貼，會詢問有無需要換碟，最後會follow野食齊未。總括而言，是值得推介的意大利西餐餐廳😋

早喺十年前，同過一個鬼佬老細打工，每逢要ot，佢都會叫外賣叫呢間pizza俾我地食，到後來我無做之後，我周不時都會叫佢地嘅外賣(當時仲會送香港區），因為佢個pizza 同ribs嘅combo真係好抵食！至從佢淨係送西貢區之後，我每次入到黎都會食佢，因為佢個新奧爾良pizza我一直都念念不忘。但今次黎到我發現有少少唔同左，先講環境先，以星期日嘅lunch time,個場竟然淨係坐左兩張枱，做乜鬼靜左咁多架！唔緊要，我地今次淨係叫左new orlean pizza 同seafood risotto.先講個pizza先，其實味道係無太大分別，但係好似粗枝大葉左，首先，佢個泰式雞醬係太多，sour cream亦都太瀉，搞到成個pizza太甜同太多汁，之前佢啲雞肉同薯仔會切得幼細餐啲，但今次係大大粒，總括黎講，成個pizza都太over.同之前所有野岩岩好有啲分別。到個seafood risotto,一上到枱，見到係橙色，以為係tomato sauce,點知驚喜地，食落口有一陣冬陰公+魚露嘅味。入面嘅海鮮有蝦（有啲梅），魷魚，同青口。飯質都煮到岩岩好，in in un un咁。其實味道真係唔差，

食物冇質素服務冇水準就算係星期一至三做買一送一都不值得試由下單到有得食fill等咗50分鐘等候期間完全冇加過水或者係問你飲唔飲野呢間野自從年初轉咗手之後完全不知所為

同幾個朋友黎到西貢覓食🤤，呢間西餐價錢中價，但絕對值回票價🧐，是關D菜式非常足料，值得一試💁🏻‍♀️香辣蒜蓉蜆肉意粉 $145🍝意粉至少有15至20粒蜆肉😱，我們夾哂D意粉都仲未拎哂D蜆肉，辣味就唔算太辣🌶，不過辣汁更帶出蜆肉嘅味道，不錯嘅選擇👍🏻雞肉凱薩沙律 $110🐥🥗凱薩沙律係我最中意嘅沙律🥗，今日就加左雞肉，而呢度對比起一般雞肉，呢度嘅雞肉沙律唔鞋好滑身🐔，唔錯唔錯😌14”新奧爾良薄餅 $180🍕材料有雞肉🐔、磨菇、焗薯🥔仲有酸忌廉，Pizza有8大件🍕，我地4個人每人2件，好彩Pizza有酸忌廉，酸酸地，配合埋雞肉🐔同焗薯🥔，香得黎又無唔係好漏😙BBQ Combo $298🥩BBQ Combo有Ribs🍖、2隻雞脾🍗、雞翼同薯條🍟，雞脾都幾Juicy🍗，其實幾欣賞呢度嘅雞，唔鞋口仲好Juicy，不過可惜美中不足嘅係個Ribs實在整得太過硬😌，我地食左半份都放棄左，所以呢個BBQ Combo建議大家唔洗叫😼

今日有啲想食牛扒，睇睇個日曆見係星期三，就即刻諗起「Pepperonis 」😍 😍，因為每逢星期三餐廳都有牛扒買一送一既優惠，所以即刻 Call 齊人去食。四個人大約七點去到，幸好時間都早所以唔洗等位，餐牌分別有三款買一送一優惠扒餐 : 8 安士牛柳、10 安士肉眼扒、10 安士西冷，而買一送一優惠只限同款，不過無所謂我同朋友都係想食肉質較幼嫩既牛柳。好快就有得食喇，賣相都唔錯，配菜有薯條同火箭菜 ; 牛柳油花較少、肉質軟腍，而且肉汁亦豐富，以呢個收費黎講真係無嘢可挑剔。雖然牛扒好抵食同唔錯，但服務真係差到。。。。。。有個唔知係咪無帶腦返工既後生仔侍應，真係比佢搞到火都嚟，係咪出嚟撈架大佬，比番少少 Heart 做好份工得唔得。1 . 落單時無問過我地牛柳要幾成熟，全部當哂係七成。2 . 無問我地要咩醬汁，當我地全部都係蘑菇汁。3 . 問佢有無落漏單佢又話出梗，點知問第二個侍應先知佢落漏單，搞到另外二個朋友等到我地食完個扒佢地都未有得食，起碼等左半個鐘，但個侍應一句對唔住或者唔好意思嘅說話都無講。4 . 叫佢埋單，佢答完係之後又無咗一回事，搞到我地再叫第二個侍應幫我地。

情人節同男友返去上年佢求婚前食飯既地方，而呢間都係我地既秘密餐廳，抵食又好食，所以諗住實冇死啦。去到侍應過轉左名所以冇酒牌，咁我地就點左杯cookies and cream milk shake，平時最愛食既tune salad同ribs。杯所謂既cookies and cream milk shake，根本就係拖肥味，隻色係肉肉地色，完全冇cookies同cream味，甜到苦!勁難飲。50蚊杯，飲左幾啖，已經飲唔落。糖漿太多。Tuna salad以前堅超好食，tuna燒得外脆內嫩，沙律勁fresh。而家d tuna overcook，鞋到要咬好耐，沙律細碟好多，d菜cheap左好多。ribs仲失望，上面個醬太厚，酸到"拿"舌頭。以前非常好食，半份都唔夠食，而家食第2條骨已經食唔落。永不回頭。又少了間好食既餐廳。

Pepperonis special $120個pizza好軟熟 啲芝士可以拉絲甘長 好多餸 多啲pepper會更加正Mussels 紐西蘭青口 $115鋪滿晒蒜頭同辣椒 用白酒再煮 吱埋個檸檬 少少酸酸地辣辣地 好刺激Beef Lasagna 香焗肉醬千層麵 $135一層肉醬一層麵上面再加芝士 拎入焗爐焗 熱辣辣 超好食 食完呢個真係好飽Apple Crumble 香焗蘋果批 $65邪悪之選😈😈😈😈😈蘋果索晒肉桂味 好香 唔太甜 兩球雲呢拿雪糕完全將成個甜品發揮到最好 一凍一熱😋😋😋😋

趁天氣未係好凍，今天和老公入西貢逛逛走走，很久都沒有來了，人很多，很巧的還遇到了同事😄因為我們很晚才到，所以逛了一會就去之前訂了位的餐廳吃飯。到了餐廳之後，店員問我們想要坐樓上還是室外，我就選了樓上，誰知道樓上只有我們一枱，好像包廳一樣，很舒服，很寧靜。但當你擔心會沒有人招待我們的時候，店員已經默默的站在一旁，等我們慢慢的看完要吃什麼之後幫我們點餐👍🏻還有他們會三不五時在你用餐的時候，上來看看有沒有什麼需要的，真的好貼心呀，很欣賞這點，你絕對不會覺得因為坐樓上而被忽略。《啤酒》我們點了兩杯啤酒，small size的，很冰凍很爽。《新奧爾良薄餅》這個pizza我是看到食評上的照片覺得很吸引所以點了。我點了10''厚批，賣相已經很吸引，咬一口，批邊很脆，餡料有雞肉，蘑菇，白色的是sour cream，我初時還以為是水牛芝士，sour cream上面的醬汁是辣椒醬，口感似泰式雞醬的味道，有點甜甜的。《秘製醬汁燒排骨》還點了個燒排骨，燒排骨給我的印象是肉質很腍不黏骨，但這個排骨的肉質有點靭，不是那種骨肉分離的感覺，但味道很好很惹味。旁邊還有少量沙律菜，很新鮮，薯條很香脆。因為太飽了，今晚沒有