PHO 24 (已結業)

近日都有不少機會來沙田行, 是晚就想不如試試這家越南店. 前身的新加坡店惹來不少喊面, 也不敢一試, 不知這家越南店又如何呢? 畢竟在這個商場的競爭是相當大的, 要突圍不是件易事.來這裡, 當然要一個牛肉粉, 另外要個飯吧, 加碟菜, 都已是豐富的一餐.熟牛肉粉 $38: 4分, 要了熟牛肉粉, 牛肉是幾實, 幾難咬開. 個湯底不太濃郁, 淡淡然的感覺, 套用在牛肉湯粉身上, 就不太對勁. 個粉就還可以. 作為第一主打的菜色, 不合格了.越式燒雞腿飯 $48: 7分, 這個反而不錯, 雞肉嫩滑, 燒得幾香口, 加上隻蛋, 幾好撈飯.越式炒通菜 $38: 6分, 想不到這個越式炒菜是非常辣, 熟悉小弟的都知道我是不太受得辣, 而這個是小弟完全接受不到的程度, 吃不到辣就一定要小心. 另外, 而碟菜係炒得好油.整體感覺麻麻, 不過晚市來吃還算經濟, 排隊的人龍又比較小, 總算有它的優點. 但看來這裡真的要搞搞個湯底, 如果連個最重要的賣點都搞不好, 又怎能生存下去.寫完這個食評, 先發覺這裡又是喊多過笑, 有麻煩呀.

禮拜日一家四口搵地方食晚飯，岩岩經過呢度阿女又話想食越南野，望下個餐牌都算實惠啦。雖然記得open rice既comments麻麻地，但係都試下啦!　食落Ｄ野都幾好呀重有就係超好既service，成晚不停加茶，Ｄ服務員又好笑容同有禮貌!我地四個人叫左……….雞肉湯粉　(湯好够熱而且味道好!)　 咖哩牛腩配法呢包　(個咖哩超正(好味到差不多食晒先記得影相)，牛腩勁諗，Ｄ咖哩味濃得黎又唔辣最岩小朋友食，超讚!　鮮蝦豬肉米紙卷　(味道好清，鍾意食清淡野既我就岩晒啦!)　柚子鮮蝦豬肉沙律　(柚子清清甜甜既味道同Ｄ蝦and豬肉好夾呀! 好味!)　 蒜蓉包-味道一般啦,如果多Ｄ蒜蓉會好Ｄ!　青檸梳打-味道同賣相都唔錯架!　呢度勝在地點方便、坐得舒服、食物同服務都唔錯，一定再黎!用餐日期: 2010-02-05 是次消費: 每人約HKD70 (晚餐)

多得電視新年廣告, 才有機會認識這間店, 但親身試過之後, 都証明了不要盡信廣告。點了點的生肉河,鮮蝦豬肉米紙卷, 最好吃的竟然就是最平的蒜蓉多士 。我點的生牛肉河($38), size 不算太少,但牛肉真的很難吃,當然比不上家裡打邊爐街市買的$28碟肥牛,還要差過火鍋酒家$68任食哪種。我想起,有時家裡丟掉不好吃的肥牛, 還比這裡好吃。鮮蝦豬肉米紙卷($48/4件),食完也不知道裡面有什麼餡料, 個人感覺不好吃。 只有蒜蓉多士最好的。

看到OR內眾食友對這兒的越式湯河評價認真麻麻。自己一向對越南河 (特別是PHO)是有一份大愛，看見有新舖頭登場，正式是無論好醜都想試一試才能心息，何況自己對食物評價的態度，一直是覺得要自己親身感受才可下評論，所以趁今日下午有少許空檔，就走到新城市的BASEMENT，吃一碗PHO來作午飯....下了ORDER，不到五分鐘便上桌，效率真是快得嚇人。端來碩大的一碗牛肉雜錦湯河，一碗東西內包含了生熟牛肉片、牛丸、牛肚及牛栢葉，再加上PHO的量也是多得驚人，放多一陣子再嗦多一點湯，吞下肚子後想不撑飽當然是不太可能了....Quantity是足夠了，但至於quality呢 ?最大的敗筆是湯底不夠熱，那些生牛片放了良久也浸不熟，叫人怎吃得進口 ? 而且將生熟牛肉放在一起已是很奇怪的idea (這是會全然破壞湯底的味道)。湯之色澤有點混濁，牛味也很稀薄，香菜如金不換或鵝帝等亦不足，唯獨是青葱粒及芽菜下得重手，總算找到了點安慰....至於其他配料呢 ? 答案則是只得一個，就是無論是根、栢葉以至腩本身皆淡得全然沒有味道，這是怎麼攪的 ?唯獨值得一吃的是PHO本身，起碼處理得不會淰得像在吃糊仔，還有少許咬頭

好奇怪....前兩日食完明明post 左comments, 不過隔幾日竟發覺無post到，唔通我寫完無按SUBMIT掣！？點解會咁，唔通我失憶...Anyway, 再試一次先.我上星期係食晚飯，雖不至好食到非食不可，但係商場餐廳來講，環境食物都算OK.- 魚露雞翼：有魚露酸酸地既清香，如果佢炸得脆d就更好- 柚子蝦豬肉沙律：非常清新，我鍾意個汁既香草味（有薄荷?）- 咖哩雞煲：最吸引、最入味既係薯仔呀，搶晒d雞鏡！！個汁鹹左少少，不過配上熱騰騰蒜蓉包都唔錯- 雜錦牛河：都好足料，其實我最鍾意個樽不知名既香草，有薄荷、九層塔等，味道即時變得豐富。可惜碗粉既湯唔夠熱，我發現食越南牛河成日都有呢個問題，究竟點解呢？？？！- 香蕉西米露：香蕉做甜品永遠一流，同西米尤其夾，如果出埋熱食就好喇（現在只有凍食，有點似西米糊）其他幾味就唔多記得，價錢同一般新派越南菜相若。

今日行到沙田新城市廣場搵食，有同事話間PHO24幾好食，即管去試下。入去睇到餐牌價錢，都幾大眾化，同大排檔差唔多，可以一試。食完覺得有幾款可以翻食，其中咖哩牛腩係至愛---因為唔辣 (我怕辣架)仲有柚子蝦豬肉沙律、越南蔗蝦、魚露雞翼、芋頭椰汁糯米泥<--唔係好甜食完最後飲番杯清補涼，可以下下火。其他食品一般-->看圖。

一班老友相約到沙田Pho24食晚飯。接待員笑容滿面歡迎我哋,對呢間小店立刻加上好的印像分。先order必食嘅牛肉湯河，果然名不虛傳，材料丰富新鮮。接著牛油雞翼及春卷送上來時依然脆口熱騰騰,好難得。隻隻雞翼極香蒜蓉牛油味惹味非常而春卷舀料都用上不錯豬肉不知是否大家食得太開心講得太多，飽飽的情况不,還要叫多杯三色冰解渴，我就覺得太甜，但佢哋話okay。每人消費一百元左右，勁抵。

1月同男朋友仔去越南, o個度d 牛河真係超好食, 同埋米紙卷都好令人回味. 5日裡面食左3間牛河, 其中一間就係PHO 24(因為佢係2大chained牛河店, 比較企理乾淨), 返到香港發現原來沙田有分店, 就即刻叫男朋友仔一齊去試下, 因為"河癮"黎.但唔好彩係當日「候龍」有少少唔舒服, 見倒餐牌有咸檸七, 咁就Gu且問下可唔可以轉做熱咸檸水, 侍應立刻話「無問題」, 服務真係貼心. 男友點左招牌雜錦牛河, 我點左牛根生牛肉河. 黎既時候侍應擺低左好似棵植物既o野, 原來係香葉, 我既至愛, 鐘意隨喜好落幾多都得, 同越南食法一樣. 不過佢就仲靚d, d香葉有水裝住, 咁就唔會乾啦. 推介1---牛根生牛肉河: 湯底好清, 同越南食既一樣. 本來話試下個湯底, 但係忍唔住不停咁飲, 哈. 男友問我究竟係食河粉定飲湯. 至於河粉方面, 係好滑同埋好輕身, 同香港既河粉唔同, 不過份量太多, 我自己食o野食得慢. 食到尾既時候, 就覺得林左少少。推介2---牛油雞翼: 超好味, 好重牛油味, 個皮唔太厚, 我最驚好厚既脆漿. 衰在「候龍」唔舒服, 如果唔係我會食埋炸春卷、庶蝦、燒雞腿

今日一早去新城巿廣場, 見到呢間越南餐廳平日很多人, 但今日剛剛開門人不多, 就試下囉.叫了越南菜出名的生牛肉河粉. 但粉未嚟竟然上咗盆花比我, 原來係金不煥等香草, 好精緻喎.河粉來了湯底很清, 太好了, 我最怕很油膩的湯. 有清甜的肉味.牛肉很鮮, 還沒有熟透, 肥厚式中. 雖然不是太便宜 (其實新城巿便宜的選擇不多, Food Court 一般都要30-40了). 現在餐廳環境好和有服務員服務. 加一後40多元都算不錯吧.

很奇怪, 上次的食評登出後一段時間, 突然不見了!! 不過好的東西, 怎能不與大家分享, 所以決定再寫一次 話說上次原本是進沙田新城市廣場, 去A1吃牛扒大餐的. 結果卻發現原來太久沒進沙田的原故, A1最已換成另一家餐廳了. 失望之餘, 無意中被這家餐廳服務生的熱情招呼所吸引, 抱著試一試的心情,坐了下來. 三人行, 我們點了: 半生牛肉河, 咖哩牛腩伴法國包, 柚子蝦沙律, 魚露九菜花, 魚露雞翼. 說實在的, 我對越南菜是一般感冒, 而且在不久前, 曾吃過一頓又貴又難吃的越南菜, 不過看見友人興致勃勃的樣子, 想想一試也無妨.點好了菜, 服務生馬上為我們送上小碗, 如此貼心醒目, 值得加分. 接著送上一杯香菜, 介紹說有分2種可濃可淡的味道, 可隨意加入河粉中. 很少吃越南菜, 這樣還滿新鮮的. 半生牛肉河, 送上時牛肉真的是半生熟, 分下小碗, 我是喜歡熟一點的牛肉, 湯沒有變涼, 還是很熱, 足以夠把牛肉變熟, 不錯呢, 適合我怕吃生牛肉的習慣. 友人叫我喝一下湯, 因為通常湯是整個的精華, 一試之下, 真的很香甜, 還有牛肉的香味, 第一道菜, 已經令我對越南菜

今日約了幾位舊同事一齊食LUNCH, 大家不約而同想試下D新嘢, 見到呢間越南餐廳門面企企理理, 乾乾淨淨就試下囉...印象中呢間餐廳好似開了幾個月, 同埋之前睇過d飲食雜誌都有介紹過...我哋點了佢哋好出名的 "招牌牛肉雜錦湯粉"@58侍應首先放低了一個 "小盆栽"...原來係d香葉配料, 好搞笑 果碗牛肉湯粉, 湯底好清甜, 食完之後都唔口渴, 應該冇加味精, 抵讚！牛油雞翼 (4隻) @$48ok入味, 香口, 好重牛油味, 不過就油膩咗少少... 柚子鮮蝦豬肉沙律 @$58 (仲配埋幾塊蝦片, 正！)好醒胃的前菜, 柚子酸酸甜甜, 好新鮮, d蝦都ok大隻...果幾塊蝦片仲熱辣辣, 超鍾意 ~ yummi!!! 必吃甜品！從來都冇諗過越南餐廳d甜品咁掂, 好彩預留咗空間try try 越式dessert...越式焦糖燉蛋, 賣相好似日本卡通布甸狗 ... 好滑嘟嘟, 好香焦糖味...不過略嫌細杯咗少少...每人試了少少咋, 唔夠喉 越式椰汁芋頭糯米泥, 原來是凍食的, 芋頭好香好腍, 加上椰汁, i'm loving it~~~越式椰汁香蕉西米露, 暖暖的椰汁西米露, 加上

之前成日見到好多人排隊, 懶得排, 今日可能早左, 見無乜人, 即刻入去試下~佢D野都唔算貴喎, 個牛肉粉都係38蚊, 分量都OK, 仲有成杯''香葉''調味添~ (其實邊用到咁多呀...)今次難得約埋幾個FRIEND食, 只係叫左一碗粉, 但就叫左好多小食同甜品, 最好味既就係個柚子鮮蝦豬肉沙律, 平時都好鍾意叫柚子沙律, 呢度既柚子沙律份量好足, D柚子好新鮮呀, 勁LIKE~~~小食都唔錯, 食左雞翼, 春卷, 庶蝦 (雖然得一條, 但係佢送上黎已經cut好左4份, 唔使你目己慢慢分).. 份量ok, 幾個人share岩晒~ (不過我個friend嫌佢''油''左d, 我覺得都ok既)去親食越南野我一定會叫滴滴咖啡, 今次更係要試埋啦, good!其實已經好飽, 不過見到佢有個越式焦糖布甸, 平時好少見...忍唔叫叫埋...個樣普通啦, 但係原來好好味呀!!佢地叫左芉頭糯米泥 & 香蕉西米露, 都唔錯喎...尤其個香蕉呀...暖暖地...好香既蕉味~好滿足既一餐....下次一定留肚要試埋其他甜品!!!

唔明點解香港食市永遠都一廂情願要將人地國家 d 風味, 菜式加入自已原素。我覺得現在還未有一間越南菜館是正宗。當時知道 PHO 24開, 差 d 感動到喊出來。點知....................1. 牛肉粉還可以, 但非常細2. 碎米飯......變了難飯, 我一食就知不是碎米飯 (因為自已也會煮越南碎米飯吃)在埋單時問經理, 佢話師父還未掌握到怎樣煮碎米飯, 之前客人投訴太硬, 所以加入珍珠米。唔明取了特許經營會唔教點煮? 去之前, 抱好大希望可以找到一間是用正宗手法做碎米飯的食館, 終於..........炒粉3. 鮮蝦豬肉卷是幾正宗, 但勁勁勁(加多30個勁) 貴! 總結: 應該不會再去了!

前年聖誕去胡志明市玩左四日, 周圍搵pho食就係其中一個目的, 除左走入街市食平靚地道pho, 另一發現係連鎖店pho24, 得知佢登陸香港, 梗要試下！胡志明的pho24, 餐牌係圖文並茂的一張過膠卡, 感覺平民D及似快餐店, 香港呢間就似餐廳, 況且又在大商場上, 裝修即使算唔上好特別, 睇落光鮮D! 雞肉湯粉$38達到我對越南粉首要的要求...湯夠熱, 同埋無味精,向來喜歡越式湯粉有太量配菜如芽菜, 香草洋蔥, 湯底又夠清, 同肉類混和一齊入口, 覺得清新又健康, 個人口味我會揀雞肉多於牛肉, 咖喱雞配法包$46侍應放上枱就傳出陣陣椰香, 辣度亦足, 濃香又有層次感, 點法包食係絕配, 唔錯, 同埋相比起雞, 咖喱薯仔仲入味, 越式焦糖燉蛋$28夠濃香, 估唔到佢做得不錯, 同高級法國餐廳有得揮, 價錢就平一倍以上啦！越式滴漏凍啡$32雖然無在胡志明小檔飲的咁風味地道, 但仍屬水準之作, 愛它比較濃郁

柚子蝦及魚露沙律招牌牛肉雜錦湯粉魚露炒九菜花訂了8半, 跟本唔洗等位, 點解?入內, 人都OK多, 但又唔洗等位喎~但係人與人之間既桌位都幾近... 叫餐, 都幾快, 黎得都很快招牌牛肉雜錦湯粉有生芽菜連上, 但到最後才知道我地欠了一樽葉...>.< 但係, 佢D粉太厚又唔夠滑喎...牛肉就OK, 唔會太過老, 而且都算幾足料~粉不滑令整碗粉失了神氣!!! 再上魚露炒九菜花, 好香, 好好味, 不太SALTY, 一佳作~最後才上的是柚子蝦及魚露沙律柚子很多, 蝦都有4小只, 魚露另上, 沙律有生菜墊底~很FRESH, 好健康!叫了埋單, 有人忘了, 要我們等了5分鐘, 再叫人埋單先有得走...