Pick Coffee by Pokka Cafe (形點 I)

营业中

休息中

餐廳在面門所做的改動已有一段長時間，說明小妺已有段時間沒有來用餐，今次改動帶有新鮮感!龍蝦湯其中一個主菜加 $69選擇由餐湯轉龍蝦湯及加一份餐茶，龍蝦湯味道濃郁，有很細粒的龍蝦肉。麵包鬆軟，大小與一般餐包差不多。吉列豬扒咖喱奄列飯食豬扒外脆內軟，咖喱是一般的日式咖喱汁，不算太辣。熱咖啡餐茶選熱咖啡，並選擇加$8 加大份量，份量有兩杯，溫度很熱，味道尚可。牛肩胛拉麵 牛肩胛看上去不錯，但食後肉質一般，須要費勁咀嚼。湯的味道一般，拉麵品質正常。北海道刺身帶子黑松露意粉 加餐湯及餐茶 $52 餐湯不太稀，味道適中。意粉賣相不錯，帶子煎出來的色澤很誘人，可惜太細件了。意粉汁味道不錯，令意粉更好味。熱檬茶餐茶選熱檬茶，味道正常。雖然餐廳的外貌有新鮮感，但食物的質素沒有多大變化，只有餐具較吸睛。意粉、麵、飯最喜歡旳是意粉，其次是咖喱奄列飯。今次沒有食甜品，所以對甜品還是有期待的，留待下次啦!

今日經過商場俾呢間餐牌吸引，就決定俾次機會佢試吓佢嘅嘢食係點嘅！首先試吓佢嘅澳洲上級草飼肉眼牛扒300g ，價錢嚟講偏中上尚可接受，牛扒做到五成熟剛剛好，保留肉汁鮮嫩易入口，美中不足係牛味唔太夠，對於呢個價錢比到呢個質素都OK跟住嗌多咗個豚肉生薑燒，豬肉普通有少少冰鮮味，生薑燒嘅汁偏甜薑味夠，白飯用珍珠米好食，但味噌湯就偏鹹 去餐廳Menu有啲多頁，好多唔同嘅配搭，啲加購有啲複雜，轉套餐Combo有啲誤解咗，但店員都好耐心講解 ！嘢飲有好多選擇，有啲幾特別，膠原蛋白飲，桑葉青汁，最後我就揀咗荔枝菠蘿水果茶特飲，飲落都OK最後見佢隔離有一間pickup coffee,好似係同一集團有賣早餐，等我有機會再試下先🙂‍↕️

自從搬入來元朗都經常在元朗周圍找不同食店試，上一次和女朋友在Tonkichi吃飯後，發現隔離店就是Pokka Cafe，經過很多次都不知道原來改了名是Pick Coffee By Pokka Cafe，今次專程來飲咖啡！女朋友點了二人春雞套餐後，職員推介我們可以半價點餐牌內任何飲品，女朋友點了珍珠涼粉咖啡，而我就問職員有什麼推介，職員就推介了藝伎咖啡，說這種是冠軍的咖啡，味道是帶點果香味，經職員推介完我當然點了這杯，職員亦都細心地詢問飲品不如飲後起可以嗎，女朋友就直接話好，之後我也覺得枱面應該不夠位放食物和飲品吧！二人春雞餐的湯是粟米湯，跟餐的麵包是甜餐包，意粉點了紅酒牛尾闊條麵，最後就是主角春雞，本來我們還想點甜品，但真的不能睇小隻春雞份量，真的很飽！職員幫我們上飲品時，詢問我們的牛尾闊條麵味道如何，女朋友吃了一大半當然讚到不停，職員就推薦我們下次買二人的牛尾回家煮亦都很方便，我就話不用下次就現在買，點知職員就說牛尾太好賣已經沒有存貨了，叫我們留下電話有貨馬上致電我們，女朋友當然二話不說就留了電話！最後飲品當然沒有令我失望，很久沒有飲這麼出色的咖啡了，而女朋友亦覺得服務很好也購買了現

一連三日長假期的第一天，當然要同my🐢蜜出嚟聚下兼靜雞雞補祝🐢蜜的🎂，而我亦都臨急臨忙打電話book半小時後的枱，女店員好好人話我們嚟到稍等就有張窗口位置的枱，既然👸🏼會遲到我們就冇所謂，星期六的lunch真係好多人。好彩我地等多十五分鐘就有枱了，入座後女店員介紹套餐後主動問會否覺得焗和熱，之後調教風扇的出風位，感覺即時涼咗好多，接住點餐時我們有朋友竟然忘記買🎂，大家在指責時🤬，女店員聽到我們的對話，主動說可以幫拼個靚甜品比我地，不過會保持神秘感到上枱先知🤫，而飯後我們和👸🏼說有人忘記買蛋糕，👸🏼竟然話很飽不用😵，其實我們和女店員夾了說結帳時就上甜品，男店員拎金字塔甜品過來時， 全場目光都望住我地個甜品，看得出👸🏼心情由有點失望變回高📈，所以我們對今次的lunch非常滿意🥰。多謝女店員的推介和配合💯！最後要讚下個🦞套餐，一上枱見到已經很開心，澳龍口感果然同波士頓不同，另外我們沒有食🍍，因為怕濕熱，女店員幫我們清枱時極力推薦 要試下個🍍，話非常甜，最後我地當然完全食晒啦！

嚟Yoho同屋企人補祝生日，1入座就比蛋糕女侍應keep，話食完就上！之後女侍應介紹set和龍蝦2人餐後，屋企人就馬上點了龍蝦餐先，之後再點餐時，男侍應亦推介我地點人氣套餐更加抵！龍蝦餐出嚟時真係諗唔到咁大隻，認真抵食！飯後上蛋糕時突然有生日歌播，真係意想不到，冇諗過餐廳會咁窩心，屋企人亦都非常開心！

垃圾中垃圾，食物質素未到劣食，100都有20分，服務對客態度還可以，但生意手法絕對垃圾。對我地聲稱全層都係9點半閂門，但我哋食完之後出嚟睇返其他餐廳有啲10點半先閂門。見時間唔多想食飽走人亦唔想阻人收工所以都係揀呢度未食完已局部熄冷氣趕客，因我地坐比較入位置，開始時都尚算有冷氣未到出汗地步，但未食完已熄我地個範圍既冷氣，因臨走時會經過中間及門口位置，溫度明顯係有冷氣及涼爽溫度。趕時間唔好接呀嘛，接得又要趕客垃圾公司永不再去第2次及會幫呢間垃圾公司宣傳開去，公道講句食物質素100分滿分未到0分，都有20分但加埋呢種服務如果有負分我會俾負分

忍不住要給它第一次寫食評, 服務員服務態度非常好, 我們第一次來的, 要求幫忙拍照時, 經理樂意至極👍又幫忙擺位影靚相, 晚餐及甜品我們都很滿意☺️今晚吃得很愉快🥰已約定會再來幫襯的！

星期三當日，同朋友到此餐廳食tea,當時有一位聽障員工負責落單，此員工錯誤解釋飲品有半價，但我即時已向她解釋沒有問題的，請收回正價。但店舖一位長頭髮女同事態度十分之惡劣，對這位聽障員工，不停呼喝要她立刻賠償損失，不停叫她立即賠償$34 ，其實當時我正在用餐，我也沒有令你公司有任何損失，為何此員工一定要迫同事賠償？言語上不只十次要求聽障員工立刻在locker攞錢作出賠償，當我想出聲之際，同時也有另一枱客人出去安撫其聽障員工。同時我也有表示願意支付其金額，但長頭髮同事沒有理會我。曾經每天都會去Pokka食早餐的我，從今也不會再幫襯，本來不想在此公開事件，但本人已經電郵到貴公司，但沒有人回覆理會，實在太過分，相信每個人也有同理心，但此長頭髮女職員實在令在場所有食客感到不安，根本就在難為這聽障同事，令人難堪，做法過份

咁既價錢配咁既服務質數，完全不知所謂！🤬🤬🤬叫飲品的時，我只是提出凍檸茶少冰這個要求。但職員跟我說：「不要以為少了冰之後,檸茶的份量會相對多。」這個回覆令我感覺好侮辱！你們職員以為我lunch食幾百蚊，會貪你多出個少少既凍檸茶？我從來未遇過一間餐廳的職員係咁差！怪不得現在都說香港的飲食業態度非常差，根本就是有你們這些狗眼看不起人的員工！

姊妹生日，近近地喺元朗食個下午茶，同佢慶祝生日🎂坐得都算舒服，地方都幾寬敞，枱與枱之間有距離，有空間感，唔會覺得好迫，閑日冇乜人，幾好！ 不過，假日會好多人，記得要訂定位！ 所以建議閑日去。老實講：侍應服務態度真係未如理想，但，經理就好配合，同幾善解人意！我地叫咗個 tea set for 2 + 格格多士配雪糕我自己就飲咗個王牌咖啡，我姊妹就加錢轉左杯咖啡忘記叫咩名啦！但係佢話好好飲！食物方面都唔錯，咖啡係比較出色！不過唔屬於性價比高😆

10/4和朋友四個人，約左7點半到Yoho Pick cafe同朋友食生日飯，由於店員強烈推介龍蝦2人餐及和牛排，感覺都抵食有龍蝦，又有牛柳，又有豬扒，所以我們無考慮已Order左,龍蝦套餐一上枱真係有驚喜，好大份，和牛有牛味濃超淋.最後仲點左個榛子多士粒，從未想過甜品插上蠟燭及Happy birthday ，最驚喜還播埋生日歌，當時真係有啲不好意思同好開心，女店員話聽到我們地對話所以知道有人生日，超細心

今日同另一半行Yoho，經過見到呢間pick coffee by pokka，見入面有位，諗住入去試下。一入去，個戴眼鏡女侍應個樣好似唔想做生意咁，就叫我出門口等（但餐廳入面有位）。唔緊要我地咪出去等，仲係門口個menu揀好食咩。等左一陣，見佢地執好晒其他檯，但都無人出黎招呼，我都唔知係度等咩，見佢地又唔忙，又有檯，感覺好似多我一個唔多，少我一個唔少咁，最後我去左隔離食pizza算，今時今日咁既服務態度唔得架！呢間野要改善！

限時推出New Zealand 草飼西冷扒優惠😗~~單點2份草飼西冷扒+半價單點咖啡👍西冷扒鐵板上，配上新鮮的粟米和洋蔥，附加一片羽衣甘藍😂。西冷扒厚身，烹調剛剛好，肉質juicy又口感，因是草飼味道較偏淡，粟米甜甜，整體不錯。👍點上凍Tiramisu coffee & hot 耶加雪菲 coffee😄👉👉前者外觀甚吸晴，放上一塊tiramisu手指餅，鬆脆有嚼勁，咖啡加上少量酒，再用上沙冰調配，入口順滑，做出tiramisu 的味道😂👉👉後者則帶有花香和果香味，不太濃郁，適合初嘗咖啡的人士😂環境舒適，服務員熱誠，整體不錯。

去左𝐏𝐨𝐤𝐤𝐚 𝐂𝐚𝐟𝐞据牛排,食紐西蘭西冷同紐西蘭肉眼排,*紐西蘭肉眼排上鐵板4-5成熟,等佢熟到6-7成食不錯~牛味道濃郁,這肉眼牛排食落肉質算嫩而且脂肪比例平均，口感細緻香口,肉汁豐富,加上香濃牛肉燒汁,不錯.*紐西蘭西冷朋友話夾埋蒜片同底下栗米食幾飽肚~!多汁JUICY肉質軟腍有牛味,一份SET已可很飽了轉套餐有飯/意粉選,不過我地選了芝士薯條,薯條溫度熱辣辣,點些芝士味道更佳~~~

星期日路過想試下，見到門口有個叫號碼機，但門口冇任何員工，亦搵唔到禁飛的機。呆企左幾分鐘，有個子不高及短髮（小丸子頭）帶眼鏡女侍應出現，我哋好有禮貌地向她說三位並且問她點樣攞飛，她無視我地，當我地透明，系門口接代位攞左類似menu就走返入去。我哋好驚訝！好似我哋同空氣講野一樣。再退一步，即使她不是本身負責門口接代崗位，也可以禮貌講聲等陣搵同事幫你，而唔系直行直過！被當透明ge我哋感到好非常無奈，亦諗唔到d員工可以咁冇禮貌，完全唔想做你生意咁。結果我哋呆等左陣，依然冇人招呼，其實入面有其他侍應行來行去，冇一個打算理一理我地呢d企系門口無助ge客人，最後我哋唯有去隔離d餐廳，食得舒服亦不用受氣！