Pivo Czech Bar (已結業)

成班姐妹約食飯，打算近近地就係element搵間可以吹下水既餐廳，search 到見到呢間幾特別，係食捷克野，仲要係openrice有main course buy one get one free promotion，就即刻book咗。餐廳環境舒適，適合傾下計食下野。🍻一去到就叫咗個雞翼同沙律食住先，之後再叫咗個兩個意粉同呢度既招牌菜-捷克豬手！個豬手佩搭咗兩個dip sauce 仲有啲薯菜🌱做side dish 個豬手燒得好香，好入味，啲薯菜亦無馬虎，值得一讚。👍🏼👍🏼

星期五晚最好既活動一定係約班朋友出黎飲飲食食，今次移師到圓方上層廣場一間食捷克菜既餐廳，雖然地方唔大，但環境唔算好迫，加上暗暗地既燈光，最適合一路食飯飲酒傾計，好好氣氛。人多食野好辦事，可以叫多幾款，咩都試下😍Brie cheese & beets salad 沙律用料豐富，火箭菜、櫻桃蘿蔔、紅菜頭 、芝士、紅莓乾、合桃碎，食落有多種口感，配上酸咪咪既沙律汁，味道清新開胃。Snack platter整盤都係炸物，雞翼、大蝦、薯球、燒肉，食物炸得香脆，仲有兩款沾醬俾你加添風味。Truffle fries 金黃色既粗薯條灑上黑松露鹽花，再配上buttermilk dressing，黑松露味道唔算好強烈，用黎送下酒就最好。Anchovy & vegetable spaghetti 睇落好似好清淡，材料簡單只有西蘭花、蕃茄仔、醃漬過既鯷魚(即係鬼佬咸魚)，食落味道咸咸香香帶少少微辣，十分惹味。Roasted pork knuckle首先豬手相當大隻，足夠4-6人食 ，掛係鐵架上，一邊食一邊切，真係要相機食先，呃下like。同德國豬手既烹調方法唔同，應該係先煮後再烤，所以豬皮部分唔會有脆卜卜既口

上OpenRice見到有買一送一優惠，緊係去試下尼間位於圓方頂樓的Pivo Czech restaurant. 今日兩個人過黎食晚飯。叫左兩個main course. 出名的豬手同慢煮鴨腳。豬手上台好有氣勢，好大份。仲有佢有兩個醬：芥末醬同蛋白醬。好特別。而我最鍾意兩溝甘食。而豬手皮唔係我想像中的脆身。佢係膠身。好有骨膠原。而肉質都好嫩滑。的確唔錯。而另外個慢煮鴨脾，佢既皮係脆身幾好食既。肉都有汁。唔會乾爭爭甘。但就感覺偏咸。味道唔錯，但就唔係我杯茶。兩個主菜我地兩個人都食唔晒。好大份又抵食。所以有買一送一優惠係可以黎食。👍👍

平時比較小黎element civic square諗住呢頭平時都好貴但見呢間成日有優惠有時買一送一 豬手餐又偏向大份所以比朋友拉左過黎試試佢直接講講隻豬手 可話係我係香港食過最好食既豬手佢仲有個放豬手既台 插住隻豬手 方便比你切出黎比起ikea果隻 呢隻好食好多同埋 如果你唔想切 可以叫店員幫你切呢到都值回票價啦呢隻豬手 豬皮夠淋 但！你會feel到ok肥 所以絕對要搵朋友黎分如果唔係一隻都食唔哂肉方面 有肉汁 夠淋夠滑 淨係呢點 令佢成為我食過最好既豬手

Friday night 同一班好朋友黎relax下前幾日已book定位呢度環境好靚，係elements既平台，地鐵出黎上2條電梯就搵到～呢個view有少少遠離左市區既感覺餐廳內燈光較暗，岩飲野傾計/同男女朋友黎，幾有情調我地呢班餓鬼叫左一堆野食好快清晒（皆因有9個人分...每人每樣食得唔多）呢個沙律個牛肉幾正，medium rare架！必食係豬手，專人幫我地d懶鬼切埋，好淋好滑，又唔會太咸，配少少cream同mustard食仲正，好少食到咁好味既豬手，推介！芝士波波，不過不失啦，都幾脆，但芝士唔流的。黑松露薯條，松露味唔太出，但都幾香脆好味。呢杯係peach champagne, 比起其他cocktail細杯，但易入口，唔錯！雜腸😂中間果條入面有芝士流出黎，好好味。生日甜品，我地影相影太耐，倒d醬落朱古力波已經冇即溶既感覺，個strawberry roll都幾特別，個皮配埋入面d cream加果肉幾有口感，加少少雪糕一齊食仲正。

平時好少黎Elements食飯，今次有嘢慶祝兼且女朋友咁啱想食鹹豬手，所以就專登搵左呢間。黎呢D餐廳，當然要飲翻杯啤酒～ 見到Menu有幾款唔同產地既啤酒，叫左一杯Kazel Dark，食捷克菜當然要配翻捷克既啤酒啦入口有少少苦味，但係好快就俾甜味同埋柔和既麥芽香蓋過，唔錯唔錯。因為得兩個人既關係又想試下佢個豬手，所以叫左啤酒煮青口。青口幾新鮮嫩口，帶有淡淡既鮮味但係個汁偏鹹左少少同埋冇乜啤酒既感覺。Overall都唔錯既。跟住落黎就到主角鹹豬手出場啦有別於一般餐廳用炸既方式，烤出黎既豬手冇咁乾身，豬皮充滿彈性又唔會覺得特別肥膩雖然係凌空掛左係度，但係都好容易就切到出黎。呢個都算係我o係香港食過最好食既豬手。配菜既薯條都炸得幾好味（原本係配薯角，問過餐廳職員可以轉薯條），d豆好嫩好爽口，連配菜都一絲不苟呢個值得一讚兩個人始終食唔到太多嘢，下次都係搵多幾個朋友試埋佢地其他嘢食先～

香港人生活繁忙，適當時候真係需要飲下野relax下，於是約左三位靚仔星期五晚放工之後Happy Hour吹下水gossip下，訂位呢個重任通常都係女仔負責，於是我又上openrice 搵下有咩地方可以坐得耐啲又有酒飲，搵搵下竟然俾我搵到呢間bar，雖然交通唔係咁方便而且比較遠，但咁大個女都未食過捷克菜，當然要試下啦!呢間餐廳位於九龍站上蓋，沿住扶手電梯一路上到頂層天台，估唔到原來天台咁多餐廳，而且仲好熱鬧，成個氣氛都好好，真係Happy Friday!!Truffle Fries薯條幾好味，熱辣辣，外層夠脆，唔會太鹹，Truffle好彩唔算多，因為唔係我杯茶。Bacon Greaues Fried Chicken炸雞幾好味，份量算多，雞肉幾滑，但食唔出有bacon。Roasted pork knuckle with horseradish & mustard賣相唔錯，本身隻豬手係有個架夾住，成件事係可以用黎呃like，不過碟豬手一黎度我已經將佢支解，因為大家都好肚餓。講返隻豬手，成隻豬手都好易切啲肉落黎，個皮唔係脆既，同平時食開既德國豬手唔同，但又幾好食，味道唔會過鹹，至於配菜就係薯角

服務方式:落單，等職員上菜座位:有普通座位同高檯位餐牌:晚飯時間去，未見有set dinner需要main menu 散叫語言:各有英文同中文職員但餐牌係全英文嘅等候時間:星期日晚飯時間可能咁啱有位但餐廳都接近80% full食物種類:Typical 西餐有沙律，前菜小食，主食同drink menu 價錢:主食一百尾到二百中用咗openrice 優惠，有主食買一送一點評:- 餐廳推介係豬手，味道的確唔錯- 其他食物亦都合乎價錢- 食物份量足夠，兩人叫咗一前菜，兩主食，都食剩少少- 有買一送一優惠嚟講，絕對值得一試。但正價都一試無妨相:

Because of Mother's Day and I needed to book the table few days before. The shop is featured as Czech  restaurant and this is my second time to try Czech dishes. First time tried in Czech and the Goulash soup is too memorable, ha, remembered it's in good way. Thus, this time I ordered Goulash soup to let them try too. However, here's Goulash soup indeed disappointed me. The soup was like tomatoes soups or even worse, light flavor and not attractive. The bread covering the soup are so thick too,

又係星期六晚 想食餐好西去到Elements 既演薈廣場上有好多餐廳入夜後燈光閃閃 氣氛一流睇完食評後 揀左呢間捷克菜試試其實附近幾間餐廳的環境都差不多氣氛好好 適合情侶💑 或者一大班人黎飲下啤酒傾下計第一次食捷克菜因為捷克鄰近德國 飲食文化同德國菜有點近似又係有豬手同酸菜我地2個人 叫左2碟已經好飽 食唔哂烤豬手係廚師精選👨🏻‍🍳Present 得好靚有個架夾住豬手除左好睇之外都好易切仲可以轉舊豬手，可以360度咁切哂啲肉落黎😂😂捷克菜豬手既煮法有點唔同係煮完先再烤所以唔似德國豬手咁脆佢個皮都係腍的但又幾好食喎配埋 mustard sauce 就無咁膩👌 但係佢就無配酸菜囉配菜既薯角好腍 好似擺左好耐咁 唔好食既但豆就好好味另外叫左個炸雞 以為好大舊點知係雞軟骨size 但係好夠味 就咁食咸左少少如果送啤酒就岩哂今次因爲男友揸車所以無試捷克啤酒有機會會再試試同埋會試埋捷克出名既農夫包湯🙈

捷克菜? 捷克係邊嫁? 捷克菜係咩黎嫁?當我發現Pivo Czech Bar既時候, 心入面問左依幾條問題。既然唔了解, 就親身去試試吧!所以我地點左最捷克既捷克湯, 與其話係湯, 不如話係汁, 係羅宋牛肉汁所以配麵包係完全正確! 依個湯確實好香濃, 香濃得有d重口味呢!之後點左個藍青口, 藍青口肉質好嫩, 唔會好似平時食到咁硬, 但忌廉汁做得唔夠忌廉香, 係一個小敗筆。而豬手唔係脆皮個種, 但都燒得不錯! 豬手份量都唔少, 岩哂多人分享!食完捷克菜, 覺得有d特別, 但感覺又同德國菜差唔多, 可能因為當初都係蘇聯既國家吧

Decided to try something different for Mother's Day lunch as well as for convenience, thus booked Pivo with Openrice with the Asiamiles awarded.  The décor is decent with some bar tables and dining tables.  I arrived early before noon and was told to come back at noon, though it was about 11:45am and the door was open.  Anyway, the service was good after we finally got in.  They had lunch sets ranging from about $128 to $158.   The a la carte menu was more interesting.  I still ordered a lunch s

地鐵上蓋方便，環境優雅，食物有水準，只是我坐的位置不知怎麼好大風，食物吹住易冷！洗手間潔淨有少許改成空間，服務員幫手影相好helpful! 讚下次好想試下豬手，見每枱客人都有點菜

今日同女朋友又黎搵食啦我哋喺eatigo嗰個Apps度搵左幾間餐廳, 呢間就係我哋本身好想去幾間餐廳之一。係今日就趁住大家都放假嘅日子就係試下啦今日大概兩點半嚟到啲間餐廳，人唔算好多，可能已經過咗peak 嘅lunch hour , 幾好呀唔駛同人逼。咁趁住人唔係好多既時候，又有自然嘅太陽光☀️最適合就係同女朋友一齊安安靜靜食brunch 啦首先叫咗我女朋友最鍾意食嘅腸仔拼盤。我女朋友真係好鍾意食德國腸，特別係芝士流心腸添！女仔真係鍾意咩都有芝士嘅味道係入邊好可口但係比較多油，而佢side dishes嗰度仲有一啲薯角啖啖薯仔真係好好食呀另外仲有我最鍾意食嘅牛扒，今次叫咗 medium rare 但係有少少overcook左。希望下次會更加好啦啲隻肉眼扒肉質有好香嘅牛肉味，食牛扒梗係要佢嘅牛香味啦另外佢嘅脂肪令到牛扒好香入口即溶我重點左個小食係炸雞粒薄薄地嘅炸漿，入邊有香滑嘅雞肉真係好好食㗎 環境仲好chill 添

今日因公事特登入左去Elements, 咁就順便同同事們食埋飯咁~ 哲克餐廳真係好少見, 所以一於勇字當頭去試一試! 真係第一次去食, 所以都抱住死就死心態啦...XD都知道哲克菜會有D似德國菜..叫左都好多野食, 食落都真係OK WO, 唔錯, 無失望感覺~但今次我只重點介紹幾個我覺得很不錯又有特色的~唔好睇佢咁GE 樣, 其實佢係一碗湯加餐包咁, Goulash Soup in wheat bread roll~ 菜味道有D似羅宋湯感覺, 但比較稠身,入面更有一D牛肉粒, 已煮到溶爛...  味道不錯! 再加上外面個包, 脆脆口感, 用刀切開再沾上湯汁進食, 特別之餘亦別有一番風味!! 喜歡芝士的朋友或覺得唔夠味朋友, 可加入旁邊的芝士入湯, 令其味道更濃~呢到嘅烤豬手絕對可以同出面其他德國店舖比拼下, 好好食! 其豬手皮香肉嫩, 皮唔會好老, 而且入口Crispy, 皮都唔老, 肉質就更加唔會老~ 我自己會加上少少黃芥末吊味, 真的不錯~!我自己好少食甜品, 所以不作太多評價, 但我身邊同事讚不絕口, 所以我都放埋係到介紹! 味道都唔算太甜~當中有Chocolate tart,