Pizza Maru (海運大廈)

营业中

休息中

係Pizza Maru剩係得銅鑼灣一間分店嗰陣，已經覺得佢啲炸雞同Pizza好好食依家佢開到成行成市，再返返嚟食，味道都一樣keep到水準而係海港城呢間分店，仲可以欣賞埋維港嘅海景👍🏻 最值得推介係Chicago Pizza，超級多芝士🧀🤤面頭嘅Grilled Potato Chicken有好多燒汁，啲雞肉好入味而且個批邊好軟熟，再加埋好香口嘅杏仁😋就算平時唔鍾意食pizza邊，都會覺得呢個Pizza邊好好食👍🏻 印象中佢嘅炸雞都好唔錯，今次叫咗蜜糖蒜泥炸雞，同印象一樣，肉質好Juicy但略嫌因為蜜糖蒜蓉醬搞到個脆皮有少少腍腍地😟 煙鴨胸泡菜卡邦尼意粉絕對係一個fusion菜，本身以為卡邦尼即係落咗好多cream，就唔會好辣，但原來個泡菜真係辣辣地🥵不過酸酸辣辣咁，又好Creamy，其實都幾開胃 青口煲因為個白汁比較稀，所以食開頭嗰幾隻其實完全點唔到汁😣搞到冇乜味，建議大家如果真係點呢個煲，可以先拎晒啲青口出嚟再點個汁 食炸雞點可以唔飲啤酒？佢哋有好多款啤酒揀👍🏻點咗一杯gentlemen lager，一杯 lady raspberry ale估唔到raspberry ale真係幾有r

好耐無同屋企人食Pizza la, 今次同佢地一齊來到Pizza Maru，假期通常都要排隊等位，所以一家大細唔想等太耐，平日來就岩啦。蜜糖柚子八爪魚沙律 - 沙律非常清新，有我至愛的火箭菜，八爪魚一啲都唔靭，蜜糖柚子沙律醬令成個沙律更清新好味。蜂蜜蒜泥炸雞 x 蒜香甜辣秘製炸雞 - 我地每樣都叫六件，咁就可以食兩種口味喇！兩款炸雞的都炸得非常香口，炸粉亦唔會太厚，仲炸得雞肉保持到肉質鮮嫩，非常好吃。蒜香甜辣味味道較經典，而且佢真係唔辣，酸酸甜甜岩哂一家大細！群蟹派對 - 呢款pizza 有兩個size 選擇，我地就叫左個Regular ，pizza 非常足料，蝦幾鮮甜，不過蟹肉份量就無預期的多，但整體不俗。韓國烤肉芝加哥 - 終於來到重點pizza喇🤪，pizza 拉芝十分邪惡好味，而蕃茄非常Juicy鮮甜，所以唔會覺得pizza 好膩，配搭十分岀色，牛小排味道好似叉燒，咁好味的牛小排再多一點就完美😍。

Pizza Maru於4月26 日 LINE FRIENDS SALLY 生日前夕推出期間限定「LINE FRIENDS meets Pizza Maru」 YELLOW SALLY 特別餐牌及與可愛又實用的限定版新品。餐廳的佈置也是期間限定的黄色 LINE FRIENDS 朋友仔！每間分店更設有專用打卡位， 讓大家可以與可愛的 LINEFRIENDS SALLY 合照，鍾意美食、鍾意充滿活力嘅黄色又鍾意 LINE FRIENDS 的朋友一定要去朝1.芒果芝士薄餅世界（$248）餡料包括馬蘇尼拉芝士、車打芝士、通粉、蕃薯慕絲、酸忌廉、芒果醬等，彈性的餅底與芝士完美融合，酸香鮮甜的芒果醬平衡芝土薄餅的鹹香，食落有多層的層次，口感豐富。2.香芒鮮蝦炸雞派對($158)人氣韓式炸雞加入即炸鮮蝦，伴以芒果醬將美食提升至新層次，一次可以吃到兩種口感。3.鮮蝦忌廉意大利飯小花園($198)飯粒與番紅花忌廉汁熬製成，配料加入入黑橄欖及洋蔥，口感煙韌彈牙，佐以鮮甜十足的鮮蝦，非常清新感。4.蟹肉飛魚子意粉（$185）5.Pineapple Ade （$48）6.Peach Lime Iced Tea（

🔸️芒果芝士薄餅世界（13吋）- 價格：$248Pizza 由馬蘇尼拉芝士、車打芝士、通粉、蕃薯慕絲、酸忌廉、芒果醬等製成芝士份量多 足以拉絲 味道亦非常濃鬱Pizza內含有通粉 再加上大量芝士普通食量嘅人 最多食兩塊就飽曬想食埋其他菜式嘅記得留肚🔸️香芒鮮蝦炸雞派對（6件）- 價格：$158韓式炸雞加上即炸鮮蝦 再伴以芒果醬營造出酸甜平衡嘅味道芒果醬酸酸甜甜嘅味道配搭上炸雞和炸蝦香脆的口感讓人一試難忘🔸️黃金烤肉芝士意粉樂園 - 價格 ：$193超濃稠嘅商瓜忌廉汁遇上煙韌掛汁的意粉再搭配上惹味嘅韓式烤肉 忌廉汁內含濃厚嘅芝士味及粉末狀嘅南瓜意粉煙煙韌韌有咬口得嚟又唔會難咬伴隨住香口嘅忌廉汁 非常滋味而烤肉則係傳統嘅韓式烤肉味道🔸️鮮蝦忌廉意大利飯小花園 - 價格：$198將意大利飲放入番紅花忌廉汁熬煮至濃稠狀態 配以黑橄欖、洋蔥、鮮蝦等配料每粒飯都被香濃嘅忌廉汁包裹為味蕾帶來享受

身為 LINE FRIEND 忠實粉絲 👧🏽 好開心可以提前參與 PIZZA MARU 聯乘 LINE FRIEND 幫壽星莎莉SALLY舉辦生日派對 🥳 今次推出了一系列以黃色為主題的期間限定餐單，賣相超有心思，而且餐廳佈置了不少打卡位，整個氣氛完全打造成一個黃色世界 💛🔸芒果芝士薄餅世界▫️香芒鮮蝦炸雞派對🔸黃金烤肉芝士意粉樂園▫️鮮蝦忌廉意大利飯小花園除了限定餐牌，仲有多款 YELLOW SALLY 主題限定版新品同埋商品。喜歡 LINE FRIEND 的朋友大朋友絕不能錯過！

[ Pizza Maru ]韓國人氣薄餅炸雞店Pizza Maru將於明天 (2024年4月26日) 起聯乘LINE FRIENDS推出期間限定「LINE FRIENDS meets Pizza Maru」餐牌，以黃色LINE FRIENDS SALLY🐥設計咗4款菜式😍。✿ 芒果芝士薄餅世界 $248 🍕🥭🧀13吋手工薄餅，餡料有通粉、芝士、芒果、蕃薯慕絲、酸忌廉醬等，餅底柔軟有彈性，外層有厚厚芝士，鹹香味與甜酸芒果醬平衡，口感清新。✿ 香芒鮮蝦炸雞派對 $158 🔥🐔🥭🍤6件韓式炸雞外皮薄脆，加入炸蝦、甜酸芒果肉、芒果醬及甜辣醬，味道層次豐富。✿ 黃金烤肉芝士意粉樂園 $193 🍝🎃🍖🧀南瓜忌廉醬濃稠，扁身意粉煙韌夠掛汁，加上韓式烤肉及芝士，濃厚惹味。✿ 鮮蝦忌廉意大利飯小花園 $198 🍛🍤🧀意大利飯粒配搭番紅花忌廉汁煮得煙韌彈牙，並有黑橄欖、彈牙大蝦及濃郁芝士。飲品🍹✿ Peach Lime Iced Tea $48✿ Pineapple Flora Iced Tea $48冰果紅茶配上唔同果肉，味道清新，解膩一流👍。總結🫦 每款限定菜式都有LINE FRIENDS圖案裝飾，而

今日路過海港城同朋友一齊去食pizza 見到舖頭有line friends主題好吸引 入去試吓 之後發現原來而家做緊芒果主題🤤🥭💛芒果芝士薄餅世界🍕餡料包括芝士、通粉、蕃薯慕絲、菠蘿、芒果醬等，餅底與芝士完美融合，用芒果醬平衡芝士薄餅的鹹香，食落有多層的層次，口感好豐富 意想不到嘅配搭🤤🥭香芒鮮蝦炸雞派對人氣韓式炸雞加入即炸鮮蝦，配埋芒果醬將美食提升至新的層次，一次可以吃到兩種口感🤤🦐鮮蝦忌廉意大利飯小花園每粒飯與番紅花忌廉汁熬煮至濃稠狀態，配料加入入黑橄欖及洋蔥，口感煙韌彈牙，每粒都掛著濃郁的牛油忌廉汁⭐️加上鮮甜十足的鮮蝦，帶來焕然一新的清新感👍🏻🍝 黃金烤肉芝士意粉樂園好濃郁嘅芝士味，入面有南瓜忌廉醬配埋意粉超級掛汁！上面嘅韓式烤肉都非常惹味🥰

有冇人同我一樣都係Line fans呢？如果係，一定唔好錯過🐤LINE FRIENDS與韓國人氣薄餅專門店Pizza Maru 🍕首度合作，為將於本月27號黃色小雞莎莉Sally舉辦左生日🎂。我就率先為大家品嚐全新特別餐牌「LINE FRIENDS meets Pizza Maru」。芒果芝士薄餅世界由馬蘇尼拉芝士、車打芝士、通粉、蕃薯慕絲、酸忌廉、芒果醬等餡料以手打造嘅手工薄餅，咬落爆juicy，同餅底與芝士勁match，酸酸地甜甜地嘅芒果醬夾埋薄餅的鹹香，口感層次豐富。香芒鮮蝦炸雞派對一大碟成大隻咁多，韓式炸雞加入即炸鮮蝦，伴以芒果醬，一次可以吃到兩種酸甜口感。黃金烤肉芝士意粉樂園同我一樣係芝士控必試「黃金烤肉芝士意粉樂園」，濃稠嘅南瓜忌廉同啖啖芝味爆發，再加入韓式烤肉，我話咁快就清曬隻碟喇！鮮蝦忌廉意大利飯小花園飯粒同番紅花忌廉汁熬煮，配料有黑橄欖及洋蔥，口感煙韌彈牙，每粒都掛著濃郁的牛油忌廉汁。Sally、Brown同Cony以黃色主題佈置於Pizza Maru分店，仲有專用打卡位添架！好味又好玩，你地唔好錯過喇！Pizza Maru

經過見到有得食pizza炸雞同飲啤酒，咁岩又唔洗等位就入左去。入到去見到原來坐窗邊係可以有海景！雖然今次無得坐窗邊，但整體環境不錯。Pizza同炸雞黎到都大大件！menu又會建議配搭邊款啤酒！係邪惡之選！忍唔住食左件炸雞先影相

大概係中午1:30左右入去食兩個人去食間鋪冇乜人 ，大部份位都係冇人坐問個侍應可唔可以坐卡位佢勁串咁答你淨係可以坐中間呢四張或者嗰邊嗰張細枱然後隔咗一陣其他人入嚟又可以坐嗰啲卡位㗎喎我真係唔明白超差嘅體驗

來自韓國人氣過江龍Pizza Maru，主打手工芝加哥Pizza及韓式炸雞，混合美式與韓式味道，邪惡又惹味!!😻😻- 韓國烤肉芝加哥 HK$223 🍕🧀🧀🧀🧀牛小排及辣肉腸口感十足，最重要超多mozzarella芝士，每一片Pizza都能拉絲，而且香脆批邊包裹住大量芝士，芝士超香濃超滿足!!- 蜂蜜蒜泥炸雞 HK$123 🐥🍯🧄炸雞相當出色，粉漿薄脆而不油膩，雞肉多汁嫩滑，蜂蜜甜味與蒜泥香氣完美融合，配搭炸雞一絕!!

呢間來自韓國既Pizza店真係十分之吸引尖沙咀分店仲有可以睇到海景既座位添♥︎芝心Maru大哥Pizza $146/10吋呢個招牌口味梗係要試下啦 用左蕃茄醬底 有烤雞 車厘茄 西蘭花 火腿 蘑菇等Mozzarella cheese加上唔同醬汁 芝士控必試呀😍Pizza唔會太厚 10”regular 岩哂2人分享蜂蜜蒜泥炸雞 $123/6件炸雞真係勁吸引 外皮脆卜卜之餘咬落去除左感覺到嫩滑既口感 仲好juicy呢個醬汁加左蒜泥更加惹味 好好食釜山炸軟殼蟹 $148軟殼蟹都炸到金黃色好夠脆仲食到蟹肉同蟹膏 夠哂大隻

喺附近返工，呢間韓式薄餅店又咁多好評，所以過嚟試下，但係果然韓式薄餅並唔係我喜歡嘅薄餅，我都係鍾意正宗意大利拿坡里薄餅多啲叫咗兩款唔同嘅薄餅，其中一款係爆多芝士嘅，另一款係泡菜牛肉，味道到嚟講泡菜薄餅其實冇乜泡菜味，爆多芝士嗰款芝士味亦都唔香濃，另外主要我唔係太鍾意佢好厚嘅餅底，而且佢並冇話焗得好香脆另外叫咗一個章魚沙律，章魚份量算係咁，味道冇特別呢到可能係打卡薄餅店，但係味道嚟講我個人就唔係太推薦

Pizza Maru (海運大廈) (尖沙咀)尖沙咀廣東道3-27號海港城海運大廈LCX 3樓34號舖。Pizza係香港大把選擇，但係如果又要有景又多款式又好味，我一定推薦海港城入面嘅Pizza Maru 🍕 可以望住大大個維港食pizza~ 正！🤓。薯角炭燒雞肉芝加哥（$223）有蜜糖杏仁邊加埋芝心 🧀 double mozzarella 芝士控表示好高興～ 😝 批邊有蜜糖係表面香脆帶有少少甜，焗得好出色喔。韓燒烤肉菠菜意大利飯（$178）呢間餐廳其實係韓國fusion菜，當然要試試佢嘅烤肉，牛肉燒香配上黑松露醬，雖然係意大利飯，但係菠菜同黑松露嘅香令到成件事好開胃🤤。@pizzamaruhk 。#gpigtst

講起韓國，好多人都會諗到泡菜同炸雞，pizza相對少人提起。其實韓式pizza一樣吸引，特別呢間人氣店，尖沙咀分店仲有埋海景，環境一流。打開餐牌勁多款pizza，同時有介紹佢哋麵團有咩咁好，主要成分為黑米、綠茶、小球藻以及12種天然穀物，混合後低溫發酵至少24小時，既健康又好食。薯角炭燒雞肉芝加哥(蜜糖杏仁邊) $223Beer $59蜜糖杏仁邊加分，杏仁提供脆口，批邊又有咬口，亦唔會過分煙韌。中間炭燒雞肉配惹味醬汁，最後仲有芝士拉絲，無得輸。食呢個批絕對需要飲番杯啤酒，有埋happy hour價，飲得開心。蜂蜜牛油秘製炸雞 $118炸雞一啲都唔失禮，雪花般既粉唔會好咸，炸雞皮脆肉嫩，size適中。Peach Lime Iced Tea $48味道有幾分似港式凍檸茶，唔係糖水般咁甜，多幾分桃味，又幾解到膩。