Pizza Maru (荃新天地)

营业中

休息中

依間主打pizza同炸雞既韓國餐廳最近係荃灣開左新店,lunch去食仲有午餐精選,夜晚去食都好多人排隊,食完絕對係會為左佢既pizza再幫襯😍泡菜海灣芝加哥($189)除左餡料好豐富之外,佢既芝士真係勁多!一拎起已經好拉絲,而且佢既批邊係蜜糖杏仁邊,咬落去啖啖芝士,口感好厚實甜甜地好正😍係我近期食過最鍾意食既pizza質感Half & half 炸雞($223/12件）有五款味道選擇,我揀左蒜香甜辣味同蜂蜜牛油味,上面灑滿好多既調味粉,兩款既味道都好濃郁,炸粉吾會太厚,食落去好脆而且好入味,食完都吾會覺得好膩Strawberry Mojito($75)一至五既4點至8點仲有happy hour,比起平時平左$20!可以同fd食炸雞再配酒飲chill下

🔸群蟹派對(蕃茄醬底)Regular 9吋 $148揀左個9吋4個人Share，朋友大叫太細個喇🤣早知要個大既12吋啦😛啲款式比較新穎，配料都足，幾好食！🔸Maru 紫蘇炸魷魚圈$83呢個就普通，粉漿有啲厚啊！🔸韓式炸雞(半半)$223 揀左芝士袐製炸雞同甜辣袐製炸雞😋味道唔錯，不過如果啲雞肉再滑啲就好喇😛🔸帶子泡菜卡邦尼$158韓式Fusion意粉，都幾特別，唔辣既，不過份量少左啲🤭🔸Maru Punch $73▶️Lemon, Lime & Bitters$68▶️ Bellini$58▶️ Aperol Spritz $68揀Cocktail 有時都要撞手神，有時都未必啱自己口味。叫左4杯，都真係一半半，按好飲度排名😆頭兩隻易入口，後兩隻有藥水味嘛嘛哋🙈結論係人多share pizza同炸雞係開心既！餐廳好多人等位，溫馨提示用Gulu app拎飛就夠晒方便😉

上次食完外賣既Pizza Maru🍕實在覺得太好食，所以立刻約好姊妹和我再戰堂食！星期三平日晚上臨近七點拎飛，估唔倒有好多放棄既人，十個號碼等左十五分鐘就有位喇~🥳/🍟薯角炭燒雞肉芝加哥(蜜糖杏仁邊)即叫即整的關係，所以會等耐少少，但真係熱辣辣架😍芝加哥批滿滿的拉絲芝士真係冇得輸，即使十分邪惡也會令人大口大口吃！今次試左薯角炭燒雞，帶甜甜的燒汁味道，而且食食下又有啲薯角仔，都好滋味架💯/🍗半半炸雞(蒜香甜辣秘製炸雞X蜂蜜牛油秘製炸雞)半半炸雞一次過滿足哂我地兩個願望😇兩款都同樣惹味，蜂蜜牛油甜甜的更脆身一點，蒜香甜辣多汁惹味，真係各有千秋🙌🏻/🥗蜜糖柚子花園食左咁多肉梗係要叫番個沙律清下腸胃~蔬菜清新，配酸酸甜甜的蜜糖柚子沙律醬很開胃👍🏻/🦑Maru紫蘇炸魷魚圈魷魚圈的炸粉都比較厚和淋身，魷魚都冇咩味，個人覺得可以慳番$$和quota lol/是晚每人平均消費約$160，都好抵食呀，食完仲好滿足！Pizza Maru的Pizza和炸雞即使很邪惡，也會令人很想再吃呢☺️💕🐷

好食‼好好食‼每次行過都見有條龍，排隊等的都以年青人為主，今晚難得18:xx經過仲有一張檯，唔使等咪試下囉，全場應該最老係我地呢4隻老鬼，因為full house﹐場面都很熱鬧，waitress 都係講英文，話曬跑江湖多年無難度，我地參考左openrice食評推介，就叫熱門的太陽蕃茄芝加哥pizza 蜂蜜牛油秘製牛油炸雞，叫炸雞當然係配啤酒，但見menu 叫杯prosecco都唔貴播，又試下同pizza / 炸雞夾唔夾，如是者4個人，1個pizza、6件炸雞、3杯prosecco & 1杯凍紅茶，每人$130蚊，都算合理，因為好食，我個人覺得抵食，pizza內藏豐富芝士，個批的質感很難形容，又唔係坊間叫厚批的似食麵包﹐又唔係意式的薄批似食餅乾，有小小糖霜甜甜地，第一次食係好有新鮮感。炸雞就無得輸啦，韓國炸雞又點會唔好食，總之我會再去食，不過要唔使排隊。

今晚跟媽媽來這家吃晚飯，侍應都是講英文的，幸好我們早到，門外很快就排長龍。我們點了薯角雞肉比薩，原來以為很漏，點知水牛芝士一啲都不漏，皮脆卜卜，非常驚喜我們點了蒜香蜜糖炸雞（六件），本人非常蒜蓉味，配上蜜糖，甜度適中。炸雞新鮮炸起，皮脆肉嫩，值得一試。另外，我們叫了田園沙律，上面有柚子醬，但不會太甜，份量適合兩人，沙律菜新鮮，還配有核桃，味道不錯。這裏有很多Moctail，但今天同媽媽食飯，只叫了熱柚子蜜，養生也不錯。

韓風蟹肉塔（$138）蟹香味幾濃， 配塔左青瓜令到味道好清新，加埋，至於個餅其實係pizza批底既質地，比較厚身有口感蜜蜂柚子花園（$93）用新鮮柚子，酸酸甜甜既味道，食落相當refreshing蜂蜜牛油秘製炸雞6件（$118）啖啖牛油同蜂蜜香，感覺好邪惡但又好好味，每人3件無難度！泡菜海灣芝加哥（蜜糖杏仁批）（$189）成晚必叫之選，上面勁爆多芝士、杏仁同千島醬，另外每一塊都好均勻咁有蟹柳、鮮蝦等配料。批底係厚批，入面都勁多芝士😋😋

.🔺Pizza Maru身為Pizza Maru嘅fans 小編真係好想試晒menu嘅野食😆😆.甜辣秘製炸雞 🍗炸雞係主打招牌菜☺️今次試吓甜辣味 雖然叫甜辣汁但其實一啲都唔辣 甜甜地帶蒜香味🤨炸雞皮好脆口 雞肉好juicy😋.泡菜海灣芝加哥（蜜糖杏仁邊）pizza 🍕另一樣必點嘅當然係Pizza大家可以加錢upgrade 特色手工批邊！小編就推介金芝邊 蕃薯加芝士係有意想不到的美味但好可惜當晚只剩下摩卡邊😭 講真泡菜味就唔覺有 但有非常多邪惡芝士!餅皮煙煙靭靭🤤.蒜蓉蕃茄蟹肉意粉 🍝意粉有少少辣 因為炸雞同Pizza都有啲漏呢個意粉酸酸甜甜可以解膩🤤

💫泡菜海灣芝加哥（蜜糖杏仁邊）$189/9‘’韓式薄餅喺香港比較少見，仲要加埋蜜糖杏仁邊，拉起時，芝士滿瀉😍滿足晒芝士控嘅慾望😋😋薄餅用了豐富，有鮮蝦、蘑菇、粟米和菠蘿等等，真的要與友人一起分享才可以吃完呢！💫蜂蜜牛油秘製炸雞🍗$118/6件炸雞新鮮即炸，皮脆肉滑，六件有不同的部位，適合不同人嘅喜好。雞件均被一層調味粉覆蓋着，提升左整體嘅味道。💫韓番蟹肉芝士波$96/6粒蕃茄醬及芝士味較濃，蟹肉就少得可憐🥺這道菜嘅性價比不高呢！不過炸得脆口，混合芝士、三色椒🫑、洋蔥🧅等，口感也不錯呢！ ✅加一服務費‼️人氣店，最好預先預約🙂📍 Pizza Maru (荃灣)荃灣楊屋道1號荃新天地1期UG樓28及30號舖5⭐️評分好食指數：⭐️⭐️⭐️⭐️⭐️餐廳環境：⭐️⭐️⭐️⭐️

炸雞極鞋！ 雞胸鞋都算啦，點知連翼同脾都咁鞋，KFC都不如，垃圾！蟹肉芝士波完全睇唔到 + 食唔出有芝士，食落霉霉爛爛咁，垃圾！Pizza 餅邊唔脆、牛柳條焗到燶晒成條黑色，極韌！ 垃圾！叫三樣野，三樣都伏！永不錄用！ blacklisted！完全唔值得排幾個鐘去食！連Pizza hut都不如！上菜耐之餘仲要趕收碟趕人走全程體驗極差不嬲用openrice 都係齋睇唔寫食評平時食到伏野都算數呢間係我第二間忍唔到手要特登login寫食評警世，等人唔好再中伏

今次嚟到荃灣荃新天地啦😋而今次介紹嘅舖頭就係Pizza Maru🍕好似佢嗰名咁 成間店舖都係專注返韓式Pizza😻😻仲有韓式炸雞🍗 意粉等等🤤🤤佢仲要被稱為全港最好食Pizza😽😽 小編成日經過都見到大排長龍😱要等好耐先等到🥵今次小編即興係過佐午餐時間去 竟然可以直入🤪🤪超開心 提提大家 店員全部都係講英文㗎😋所以大家要練一練英文啦🤫🤫或者用手指 This This This🤏🏻🤏🏻🤏🏻 環境方面 店舖俾人感覺好舒服😌 仲會播住韓星MV 係大電視到 令你可以好似真係係韓國咁 邊聽邊食😽😽😽店舖面積都好大 座位都好多 有Sofa 有二人枱 四人枱 坐得都幾舒服😻😻烤鴨胸蒜香薄餅(牧場醬底) $118💰（9/10）Pizza送到過嚟真係超級香🤤🤤小編即刻打返幾張卡先 佢係一個九吋嘅Regular Pizza👅 仲要係全手工製作 淨係睇個樣已經見到好足料😋😋仲要好多芝士😽😽 配料超級豐富 有鴨胸 千島醬 芝士 香菜🤤🤤🤤 講返味道先✨真係好頂癮❤️❤️咬落去係好脆卜卜 仲要熱熱地咁放入口 真係完全世一‼️‼️ 唔同平時嗰啲硬骨骨 反而係超級容易入口 🤟🏻🤟🏻個餅底發酵之後煙煙韌韌 好有咬口 真係好快

專誠黎到荃灣試呢個韓式Pizza🍕🍕佢既🍕好多種類同特別 pizza底個麵團仲攞埋專利，係用黑米綠茶等十幾種天然穀物去發酵，相對普通餅底比較健康🏃‍♀️🏃‍♀️星期六6:15pm 2位去到㩒飛排隊，要等46個no.🧐有好心人俾佐張早啲既飛俾我地，都要等30個no. 同都要8點先入到去🧐已經等到好攰同落佐單等足20分鐘先上菜 唔怪得排咁耐隊😣但好既真係即叫即煮即焗pizza!蒜蓉蕃茄蟹肉意粉($163)本身想叫軟殼蟹個意粉無曬 唯有揀呢個😂不過錯有錯着幾好味😋完全feel係一煮好就拎出黎 岀煙個隻‼️蕃茄汁偏酸但加埋好香既蒜蓉味+香芹超級醒胃🔆扁意粉有厚度好煙韌好有咬口🍝蟹肉以為係🦀肉碎 點知係炸🦀肉有成3 4 舊大既 有誠意 推介🌟🌟🌟泡菜海灣🍕-Regular size ($142)本身又係好想試Chicago系列但又冇曬🤗唯有叫呢個啦 真係俾佢個名fake曬成個🍕係無泡菜😂😂只有泡菜醬😂😂初頭仲以為黎錯佐🙈regular size 有6件2個人都食得曬!呢個係好味版千島pizza大約有🦀柳菠蘿蘑菇粟米火腿等等~餅底的確係比平時既好食😋好煙韌無咁油膩又無咁乾🙌🏻🙌🏻蜂蜜牛油炸雞-6件($1

7月6日是「國際炸雞日」National Fried Chicken Day，當然要吃炸雞慶祝一番。韓國人氣No.1Pizza炸雞專門店【 Pizza Maru】全球擁有逾600家分店，香港新店位於荃灣荃新天地，今天就與同事來吃炸雞和Pizza作午餐。店內裝潢走輕工業風路線，以黑鐵、白色、原木為主調，環境寬敞舒適，加入植物牆更添田園氣息。午餐精選有多款薄餅、義大利面及飯可選，套餐還包括餐湯或沙律，可以特惠價配飲品，非常實惠。蜂蜜牛油秘製炸雞 ($118)半客共6件，有齊雞胸、雞上脾、雞槌及雞翼，一次可試勻不同部位。炸雞即叫即製，奉上時熱辣辣外皮香脆無比，內裡雞肉細嫩，咬下肉汁四溢。面層沾滿蜂蜜牛油粉，蜜糖的甜和牛油的香充斥口腔，令人有追吃的衝動。群蟹派對 ($148)同事喜歡吃海鮮，點了"群蟹派對"Pizza。批底麵團加入黑米、綠茶、亞麻籽、小球藻、黑麥、大麥等12 種穀物，並以低溫發酵。其健康配方在韓國取得專利，吃下不單帶穀麥香，而且特別煙韌富嚼勁。9吋薄餅分成六件，番茄醬底舖滿蟹肉和鮮蝦，加上紫洋蔥、蘑菇、燈籠椒、粟米、香芹，色彩繽紛。頂層灑上大量木魚花，隨着溫度擺動，令人食慾大增

荃新天地開咗好多新餐廳，呢間其實開咗都一段時間，但係次次行過都超多人排隊，今次同男朋友終於可以食到啦😍😍Kimchi risotto ball 手工泡菜芝士波 6 粒 $88 ⭐️必食推介⭐️裏面有芝士、洋蔥、蒜頭、蘿蔔、risotto 同辣椒碎, 撈埋一齊超好味！好鬆化，唔係硬身嘅，配埋泡菜蛋黃醬超 yummy 👍🏻👍🏻 Honey garlic Gangjeong chicken 蜂蜜蒜泥炸雞 6 件 $123炸雞好脆身，蒜頭味都算幾重，好香口，但個醬汁唔係好熱，有少少扣分。Grilled potato chicken Chicago $189 薯角炭燒雞肉芝加哥⭐️必食推介⭐️外邊係蜜糖杏仁，甜甜地😍 中間配料就超豐富，主要係燒雞肉，仲有大量 cheese, 洋蔥、蘑菇、薯角同超惹味嘅BBQ醬 😋😋😋😋😋Peach lime iced tea $48蜜桃青檸冰茶估唔到簡簡單單竟然係好飲，甜度適中！好香果味😍 有驚喜😍😍

超推介今次我黎到 一間超人氣韓式Pizza店特色pizza 批邊吸引到九龍區ge我黎到朝聖^^果然無失望因為佢真材實料👍🏻 多料又好食～環境都幾新淨，重要有好幾款生啤酒提供^^如果太多選擇諗五到選擇咩都5洗擔心下面呢2款2選1容易得多呀！又可以嘗試好多不同口味的材料~~肉食五行   經典五行呢度重可以加小小錢，轉特色的批邊，有3種款，各有特色！ 1.金芝邊  GOLD EDGE細滑番薯慕絲配香濃芝士2.摩卡邊MOCHA CHEESE EDGE 摩卡咖啡包做成的邊3.雙芝邊 DOUBLE CHEESE TWIST2重口味的cheese做成扭扭紋^^而今次我就選擇左+$32就有特色的金芝邊 Gold edge呢款韓式獨有的，效果出到黎真的很正！中間得材料非常足，小小甜得黎之餘重帶有！細滑番薯慕絲配香濃流心芝士溶真係比個PIZZA溶化到我個胃^^韓國蟹肉塔Korean Crab Tian圓柱形的塔包含的材料很多：蟹肉 青瓜 牛油果 泡菜蛋黃醬 酸忌廉醬再配上黑米烤薄餅放在上面一口滿滿的吃！非常滿足MARU 紫蘇洋蔥圈即叫即炸的～又香又脆口，配合椰菜絲弄成的醬的確很特別的！不論大人定小朋友都會

Blue Monday點樣可以冇咁blue?梗係去食餐勁啦～Pizza Maru 荃灣新店開咗喇，行去完街去開餐最方便！天氣咁熱，一坐低就要咗兩杯凍飲：Gentleman Lager🍺 + Peach Lime Iced Tea~ 飲完成個人即刻涼爽咗好多！！！食韓國嘢梗係要食炸雞啦，蜂蜜牛油秘製炸雞幾好食，外層香脆，入面嘅雞肉好juicy。雞肉都醃得夠味，整體都好好食😋呢度嘅Pizza好出名，我哋點咗泡菜海灣芝加哥！呢個Pizza都幾惹味，好足料，仲有非常之澎湃嘅芝士！！！食完真係好滿足☺️最後仲有軟殼蟹，好豐富！佢哋lunch hour有啲午餐精選好抵食，下次要試吓！我哋覺得呢度啲嘢食性價比都幾高，下次可以叫多幾個朋友一齊食，試多啲款式