PizzaExpress (帝國中心)

营业中

休息中

自己一路都幾鍾意食Pizza Express，因為就住食Pizza來講嘅話，佢呢一度係對麵包嘅鑽研，甚至乎醬汁嘅處理，再加上創作唔同款式嘅Pizza，都比同類型嘅餐廳出色。打開餐牌，我比較注重健康，但他是沙律已有不同款式選擇，而且份量亦都可以選擇大份量；或者小份量；比較貼心，因為事實上唔係每一個人都能夠食到個大嘅份量。餐廳亦都有自己嘅會員制度，登記成為會員，每一餐嘅消費就可以儲入去帳戶裏面，方便享受唔同嘅優惠。餐廳嘅環境佈置我覺得係非常之有格調，而且餐廳每一張座位嘅間隔亦都比較闊落，絕對適合喺度傾偈飲酒食嘢。我就叫咗一個2人套餐。裏面包含頭盤、沙律同埋主菜等牛肉薄餅。一嚟嘅時候，係龍蝦湯，餐廳一啲都唔吝嗇，非常其他地方，好多時候都係一個簡單嘅忌廉湯或者羅宋湯，好少餐廳會想龍蝦湯，而且佢嘅龍蝦湯都唔簡單，係龍蝦湯底上面加上做龍蝦肉，令到每一啖湯同埋肉都可以融合埋一齊。我自己就叫咗一杯Expresso Tonic，由於呢度係Happy hour享有一送一嘅優惠，所以我都會叫一杯嚟飲。之後嚟咗呢一個係聖誕花環拼盤沙律🥗，就咁望落去，已經知道佢呢一個菜式係特登為聖誕節已設定嘅：沙律嘅擺盤亦都好

#跟住我食唔中伏.上星期心心同朋友仔一齊去尖東玩＆影相，兩個小朋友無啦啦話要食pizza😂近近地就去咗帝國中心嘅PizzaExpress…勁開心😍已經出咗🎄聖誕menu🥂［龍蝦湯 配 巴馬臣芝士脆包］個湯好香濃，而且有加咗蟹肉仲要勁多又鮮甜！唔錯👍🏻［聖誕花環拼盤沙律］呢個超級靚‼️小朋友勁中意星星形狀嘅脆包😆我就勁欣賞中間嘅金文拔芝士沾醬🤤超香濃 #芝士控 必點！另外有帕爾馬火腿、摩特黛拉火腿＆煙三文魚❤️配上紅石榴籽嘅沙律菜好fresh亦很新鮮！重點個賣相真係好靚🤩 #勁有節日氣氛［金文拔芝士及燉牛肉薄餅］心心聽到係牛肉pizza勁興奮😂 #食肉獸寶寶燉牛肉好軟嫩，牛味都幾香👌🏻Pizza餅底係薄脆類，除咗牛肉仲有super food羽衣甘藍👍🏻加上幾款cheese夾個mixed sauce，感覺幾特別又唔會漏😋So far 呢個聖誕限定menu 嘅野食都唔錯，遲啲再同屋企人黎食埋Christmas pasta🤤如果夜晚過來尖東仲有勁靚聖誕燈飾可以影相打卡添🙈

踏入十二月，尖東呢頭啲燈飾已經全部著晒喇，今日約埋朋友行下海邊，影下燈飾，行之前係附近醫肚，就選咗平時都好中意嘅PizzaExpress😍原來有新嘅限定menu，聖誕月份🎄緊係要食聖誕大餐啦！*聖誕節🎄二人套餐 $568**龍蝦🦞湯*龍蝦湯都幾濃郁，仲有啲龍蝦肉拌蕃茄沙沙醬，啖啖鮮味，配角塊包勁好食！佢係薄得嚟邊邊位就脆嘅，似餅乾質地，但係中間比較厚啲既位係煙煙韌韌，麵包控一定鐘意呢塊包*聖誕花環拼盤沙律🥗*擺碟賣相好靚，好有聖誕節氣氛，中間係金文拔芝士嘅沾醬，星星脆包點芝士食好邪惡😍除咗沙律菜之外，仲有煙三文魚、parma ham、火腿，每款都有三塊，二人份量嚟講呢盤沙律都非常大份。沙律菜新鮮爽口，不過檸檬🍋香草汁唔多，如果多啲salad dressing會再好食啲*金文拔芝士及燉牛肉薄餅*賣相紅紅綠綠嘅pizza乎合晒聖誕主題😆我真係未試過燉牛肉做餡料嘅pizza，食落好軟腍，有少少似炆牛腩粒個款口感。最特別係有紅莓醬嘅配搭，咸咸甜甜嘅口味好開胃

今年聖誕氣氛特別好，見到佢地已經出咗Christmas Menu🎅🏻🍽，不過近期爸爸愛上咗食Lava pizza，Lava 上嘅Burrata cheese又真係幾正，喜歡creamy cheese嘅一定要食.所以今次冇叫Christmas set，我哋à la carte 試咗以下幾款Christmas限定菜色：🎄麵包球聖誕樹 💫 配料包括辣肉腸、mozzarella cheese、parmesan cheese等等，外型名副其實成棵聖誕樹咁，side dish有星星脆包，齋睇已經開心.🎄 金文拔芝士及燉牛肉薄餅 💫 味道濃烈嘅金文拔芝士，配埋肉質嫩滑嘅燉牛肉，同酸酸甜甜嘅紅莓洋蔥醬出奇地夾，加埋羽衣甘藍，外觀好靚成個聖誕花環咁，味道既清新又開胃😋.🎄 雜莓果醬芭菲可愛薑餅人超吸睛😍 ，阿仔一見到就急不及待想食❤️，暖雜莓果醬及燕麥脆片加埋MÖVENPICK®雲尼拿雪糕，仲有黑莓、焗麵包球同忌廉做點綴，大人同小朋友都覺得佢又靚又好食，為呢一餐畫上圓滿句號。💕

餐廳位於尖沙咀中心及帝國中心外的尖東美食里Alfresco Lane 匯聚多國美食，海景露天茶座可享一覽無遺的維港景 色，餐廳最近已經換上聖誕的佈置， 洋溢聖誕的喜悅， 加上環境相當寬敞，是聖誕佳節約朋友共聚的好去處。二人套餐$568 頭盤：龍蝦湯兩客金黃色的龍蝦湯， 入口香甜順 滑， 鮮味十足， 還食到粒粒 鮮甜的龍蝦肉，滋味滿分。 沙律：聖誕花環拼盤沙律 沙律用豐富材料堆製成聖誕花環， 造型有心思，充滿聖誕色彩 。 頂層放上漂亮星形的麵包， 口感煙煙韌韌。中間放滿 Parma Ham、 煙三文魚及火腿 ， Parma ham充滿惹味的甘香， 煙三文魚鮮味滑溜。 底層是爽甜沙律菜、洋蔥圈及 鹹鹹的橄欖， 中心還放咗一碟 半溶芝士醬，配料超級豐富，口感好清新吸引， 是打開食慾的開胃菜。主菜：金文拔芝士及燉牛肉pizza叫即製的手工薄餅，上枱時， 熱呼呼， 香氣十足， pizza 批邊和底部烤得香脆，提起 pizza 還有微微的的拉絲 ，上面鋪滿煙健康的金文拔芝士、 軟稔燉牛肉， 充滿肉汁，牛味香濃， pizza 入口卜卜脆之餘，伴隨著酸酸甜甜的莓蓉醬，帶來滋味喜悅， 讓人停不了口。

今日朋友生日，佢話想去尖東嗰邊搵吓嘢食，行到去尖東嗰邊嘅公園行過少少，去到位於帝國中心個邊，個邊有條Alfreco Lane, 有好多唔同國家既野食，有海景有露天位，吹水飲野呢條lane好多選擇。🤪🤪朋友話想食pizza 我地就搵左呢間喺海旁隔離帝國中心嘅PizzaExpress. 🤪呢間PizzaExpress空間環境都大，侍應有禮貌，唔使點排隊好快有得入去食。Menu上有唔同嘅選擇，基本嘅Pizza有，仲有其他西式嘢食可以選擇。👍🏼👍🏼一黎我地冇咩點諗就叫左個二人餐Christmas special 食，揀左兩碗龍蝦湯，一個salad 同一份pizza。🤪先黎既係，龍蝦湯。有驚喜既係龍蝦湯夠大碗😂，龍蝦湯味夠濃，中間會放左蟹肉，已經係雙重享受，配埋個脆包，好有層次感，好好飲。😍😍再黎又係驚喜，salad 係Christmas antipasti Wreath, 最大驚喜係，佢好有多唔同既食材去整呢個salad, 有三文魚，Parma Ham, 火腿，已經係三重享受，再加上中間加上一碟芝士俾你用星星形既包去點黎食，好好食。😋😋😋最後叫左個pizza, Camemebert & Bra

一早去尖東海傍晨跑，跑完就去附近食個早餐。路經帝國中心，諗住食個Starbucks 當早餐，但發覺pizza express 原來出左早餐，價錢又唔係貴，當然去試一試。早餐選擇都算多，有傳統嘅英式早餐，仲有俾素食者選擇嘅green breakfast。三文治方面可以揀雞蛋牛油果，火腿之類。仲有迷你pizza做早餐，想食濕嘅可以揀蕃湯螺絲粉。總有一款啱你口味。跑完步唔想白跑，所以揀左個傳統早餐再配個英式茶。雙蛋，炒蘑菇，蕃茄巴馬火腿，火箭菜，意式肉丸，呢個早餐配搭都幾新款。素食早餐就將肉類換成牛油果醬，南瓜，好健康好fresh。有一個朋友唔想太heavy, 所以揀左個牛油果雞肉三文治。雞肉好嫩滑，配埋牛油果醬，健康得黎又唔會好dry。地方好大，坐得又舒服，慢慢食，傾下計，享受一下假日的休閑。我地約定下次一定要pizza做早餐。

估唔到原來PIZZA EXPRESS 連早餐都有，開頭朋友約我去PIZZA EXPRESS 話食早餐我仲以為佢係講笑，點知原來真係有，我諗時間太早啦，同埋冇咩人知有早餐食，成間餐廳好似俾我哋包左咁食早餐就飲返杯健康果汁先，跟餐加左錢轉蘋果汁同橙汁番茄湯海鮮螺絲粉湯底番茄味幾濃，海鮮味道不過不失，屬於正常水平用左自家製意式面包配以雞肉、火箭菜、牛油果沾醬、蒜蓉牛油製成，呢幾樣食材加埋一齊有多重口感，我自己覺得呢個三文治比起番茄湯海鮮螺絲粉更值得一試。蛋批薄餅係一塊細PIZZA，配上蔬菜忌廉洋蔥酸忌廉以及巴馬臣芝士，味道同平時食開嘅唔同，比較開胃，幾驚喜。雜莓面包球配上蜜糖一樣好食，作為甜品為呢餐早餐造一個結尾。係維港旁邊同朋友一齊食好西，享受生活，真係好開心。

Weekend來尖東一帶逛街，早起身梗係要食返個早餐先。來到Pizza express，發現佢地有出埋早餐，所以就諗住試下。早餐Menu提供多款選擇，除了傳統意式早餐外，還有三明治、早餐Pizza和湯螺絲粉等等，亦有專為素食者提供的素食版意式早餐，任君選擇。傳統意式早餐 $98呢個傳統意式早餐類似平時去cafe會點的All-day breakfast一樣，賣相精緻，食物相當豐富，一個價錢可以試到多種食物。包括摩特黛拉火腿、意式焗肉丸、番茄、雜錦蘑菇、雞蛋和火箭菜，配上自家製麵包。最喜歡意式焗肉丸，並不是早餐會見到既常客之一，番茄肉丸好juicy，令人回味無窮。自家製麵包也出色，對於一家主打pizza的餐廳，製作出好食的薄餅皮至麵包也是專家，咬落去好鬆化，而且新鮮焗製會加分。而番茄也是加入黑椒粒烤過，好味又營養。蕃茄湯海鮮螺絲粉$58另外一個早餐點上了番茄湯海鮮螺絲粉，伴以太陽蛋。海鮮味比起番茄更入味，更突出，加入蝦肉蜆肉，鮮味十足，整體配合埋螺絲粉，好滿足。熱鮮奶咖啡（+$15）跟餐加$15就有得飲咖啡，點了一杯熱的鮮奶咖啡，奶泡超級多，很creamy，用心製作的咖啡。凍美式咖啡（+$

難得放假一早先去尖沙咀找一間cafe嘆一嘆 閑逛中見到一早這餐廳竟然已開門 GOOD! 🌈餐廳型格舒服 不錯~ •選擇不算太多 點了一個Italian all day breakfast $98 Breakfast set包了一杯飲品🌈點了cappuccino 咖啡豆一般般 泡不夠綿密始終不是專門沖咖啡的cafe🙈🌈但幸好 Breakfast set非常吸引！色彩繽紛材料豐富食煎蛋最爽是切剩蛋黃位一啖放入口 流心濃郁的蛋黃汁在口中蔓延 正Meat ball份量不大 但真材實料啖啖肉麵包熱烘烘軟綿綿 一讚🌈tomato and avocado dip 之前食過這款一試難忘 Sauce是特別調製的 Creamy酸酸甜甜特別好食 十分推介！🌈非常relax的brunch 絕對會encore

假日早餐食咩好「Pizza Express」幫到你，今次到訪位於帝國中心的pizza express 與友共聚，歎一個假日靚早餐。大家都知道尖東美食里匯聚環球美食， 而且亦可享受美食之餘也可欣賞維港， 尖東是假日休閒最好的地方。不講不知道原來pizza express都有早餐供應， 沙田分店是每天供應的， 與其他分店會在週末才會提供， 而且早餐選擇多， 總會有一款啱你口味。「傳統意式早餐」 一份早餐足夠2人share， 配搭豐富。肉醬豬肉丸很惹味， 火腿及煎蛋中規中矩， 意式法麵軟熟美味， 炒雜菇都很香口， 蕃茄煎得香口及多汁， 整體性價比超高。「意式焗蛋」 這個只有早餐才有， 即叫即焗， 熱辣辣香噴噴。 入口啖啖蛋香， 加上煙肉及菇類其他配料，味道很好，個人很喜歡，值得一試。「雜莓麵包球 」 麵包球超鬆軟， 塗上果醬 ， 香甜美味，加上新鮮藍莓及士多啤梨， 這個甜品無論任何時候都百吃不厭。「川寧茶系列-英式早餐茶」加10元， 可配茶或檸檬， 茶包是分開上抬，還跟一壺熱水， 這個很不錯。「石榴汁」加18元有果汁， 石榴汁很特別不是每間餐廳都會供應， 而且這杯果汁非常香濃， 味道討人喜歡

星期日lunch 2人餐隨便點了一些正常，又安全的菜式．即係少中伏的...環境幾好坐，唔算坐滿又唔會好嘈卡邦尼意粉真係...好一般，甚至覺得唔好食...有點失望...pizza 再加$15, 正常味，餅底算okLatte 就...麻麻地我都幾肯定我唔會再食pizza express. 同樣價錢我可以有更好選擇

一向都好鍾意PizzaExpress嘅Pizza🍕最近佢地推出咗新菜式😍好多都好吸引,例如有蕃茄新豬肉薄餅🍅、香烤雞肉薄餅🐔、牛肝菌西班牙腸薄餅🍕、意式蟹肉蕃茄沾醬🦀、法邊豆焗蘑菇🍄….樣樣都想試啊😍意式蟹肉蕃茄沾醬🦀🍅入面有蟹肉、紅洋蔥、番茄、馬蘇里拉芝士、蛋黃醬同麵包糠,再配以香草包,焗完出黎熱辣辣,芝士味好濃,就咁食都好好味,香草包第一眼睇好似薄餅,食落脆脆地,連埋個醬一齊食重正👍🏻香烤雞肉薄餅🐔🍕PizzaExpress一向有多款薄餅選擇🤩最後試咗新推出嘅香烤雞肉薄餅🍕個餡有雞肉、醃辣甜椒、紅洋蔥、混合香草、馬蘇里拉芝士及番茄醬,個餅底好脆,好重番茄味再帶點香草味🌿雞肉好大件又嫩口😋我幾鍾意呢款pizza😆牛肝菌羽衣甘藍螺絲粉🍄螺絲粉配上牛肝菌、絲翠奇亞芝士、羽衣甘藍、 蒜蓉油同蕃茜,絲翠奇亞芝士好特別,佢望落好似cream cheese,但佢比較結實,食落唔會好咸🤩而牛肝菌其實係蘑菇嘅一種,無牛肉味,口感脆同滑爽,好入味,啱晒同螺絲粉一齊食😋雜莓梳打特飲入面有士多啤梨果蓉、士多啤梨、藍莓同薄荷🍓🫐莓味好濃,唔會好甜,有埋薄荷葉好清新🌿而且食pizza飲有汽飲品絕對最適合不過🍹

話說本身就唔打算喺呢間食，點知發現美麗華分店及K11分店已經結業，唯有黎呢間食。先講食物，前菜份量明顯比以前少，意式肉丸$78 一份得5粒都算，連伴碟麵包都少過以前，而且轉左薄既包，慳皮好多另一碟前菜 牛油果醬，變左朱油果味既醬，以前粒粒牛油果係睇得到食得出，依家就食落似cream，麵包一樣轉左薄片。另外發現左餐牌套餐搵笨，佢限選$160以下的pizza, 我發現升級選擇中既pizza有啲只值$162，但係就要你加$15黎升級套餐。差成$13未免太誇張了最離譜既係服務態度，完全無人收碟，上菜時竟然直接遞到顧客手中…如果你唔得閒伸手接 佢就會求其搵個位放低，例如喺你張枱既角落頭….另外冷氣超大，吹到食物好快變凍總結：尖沙咀咁多分店中 最應該結業既係呢間。 永無下次，byebye

我原本打算在「尖沙咀東部」找餐廳，享用星期四晚餐裡面的「雞肉」食品，但是我遲遲才能乘坐交通工具來到「尖東」「帝國中心」，發現原本打算光顧的食店結果不是沒有開門營業，就是已經準備打烊休息。結果我改為光顧旁邊還有開門營業的意大利菜餐廳「Pizza Express」，無論是享用意大利薄餅食品也好，抑或是享用意大利麵食品也好，理應有機會食到雞肉食品吧。結果我雖然是在「Pizza Express」裡面找到雞肉食品，但是代價就是「Pizza Express」「雞肉」食品的售價價錢感覺都不算是很便宜，無論是「烤雞配蝴蝶粉」抑或是「蜜糖雞肉薄餅」，價錢都需要港幣一百五十八元。雖然我知道光顧意大利薄餅餐廳，按道理應該先選擇享用意大利薄餅食品，但是當時的我反而很想食燒雞肉，所以我最後才沒有決定享用「蜜糖雞肉薄餅」，而選擇就是「烤雞配蝴蝶粉」。餐廳廚房安排烤雞，擺放在蘑菇菠菜汁煮蝴蝶粉的上面，所以灑在烤雞表面裡面的調味香草粉，香味味道都滲透烤雞皮，直接滲透進入雞肉裡面，雞肉實際味道感覺偏鹹。至於「烤雞配蝴蝶粉」烤雞雞肉的實際口感感覺有少許乾燥，沒有從烤雞雞肉裡面食到任何肉汁，反而從下方蝴蝶粉的蘑菇菠菜汁裡面