Plato (已搬遷) 新店位置

西餐廳來說規模不算大算是小店的格局吃晚餐有一種舒服的感覺我點的是美國安格斯西冷牛扒牛扒我叫左7成熟, 等左大約15分鐘先上, 我估係因為即叫即煮的關係, 而且店內既人都好多, 所以煮得有點慢, 但質素卻我認為是相當唔錯!!外層係7成熟, 入面估計有6成熟左右, 仲係鮮紅色的西冷肉質厚, 肉味濃, 油同肉既分佈岩岩好, 最鐘意食帶點油香既牛扒好易切得開, 可以選擇點醬或者唔點, 我個人覺得原味最好食蒜蓉炒雜菌我地叫左個小吃食, 呢個雜菌超好食, 夠爽口同埋蒜蓉味同雜菌好夾, 好香既菇味!!

在晚餐中, 我選擇了德國脆皮咸豬手並將餐湯升級至升級法式龍蝦湯法式龍蝦湯很濃郁的龍蝦味道, 不像其他地方吃到的很淡的像是溝了水似的德國脆皮咸豬手呢個我會稱為神級咸豬手!! 因為真的太好吃了, 先說口感吧, 一般的脆皮咸豬手, 都會有種硬硬的口感出現了, 硬了的地方不但會不好吃, 而且會與皮下脂肪分離, 變得支離破碎, 味道也不好吃這個反而是外皮脆到卜卜聲, 而且廚師很細心的切到一塊塊, 大小剛好, 一整塊放入口, 竟然有入口即溶的感覺!! 哇真的值回票價!!

係fb見到有$78放題，價錢唔貴，不過比下午茶價錢又高了點。地點係巷仔入面，有點憂靜，招牌又唔明顯。一般黎星期一至日都係一個價錢，二後黎係3-6pm就晒我而地點又近👍其實睇完會覺得款式唔係太多，不過呢個價錢我又冇乜要求。一人叫一個湯，好似係南瓜湯凱撒沙律可以啦，唔好要求太多炸野全部一碟上，呢樣比較唔滿意，應該每樣分開上，至少睇到有咩食物，但大多炸野為主。。。。薯條薯格過咸，薯皮唔夠芝士同埋好油，炸唔夠。魷魚圈ok又脆又彈，洋蔥圈普通。。。至於所謂重點豬仔肋骨好嫩，有汁既，只係醃得唔夠入味，睇色已經知。而水牛城雞翼就太濕，不過味道可以。漢堡雖然包大過塊肉好多，不過食得出係自己打，肉帶筋位，且煎至5-6成熟，依然帶粉紅，所以呢個我都推介既，只係塊包油左少少，如可以單要塊漢堡扒就好喇要提一點，侍應全部係二三十歲男仔，冇乜服務可言，問佢拎茄汁都會黑面，而且份量只係得麥當當一包茄汁咁多，佢d汁醬好似黃金咁款。。。。呢個真係試一次無妨，但係唔值得去多幾次。。。。

朋友於國內工幹了一段時間，這陣子從上海返到香港，行逛完油麻地果欄，於彌敦道附近找找晚飯地點，朋友特別想吃西餐。這間位於油麻地的意大利餐廳是一個不錯的地方，位置於某老牌書局附近的橫街，既方便也容易找到的食店。大家都肚餓，前菜選擇了水牛城雞翼，蒜蓉炒雜菌，兩者都非常出色， 雞翼煮得好好味， 雜菌炒得好香口。是日餐湯忌廉南瓜湯，朋友選擇升級法式龍蝦湯，我試咗一啖，香濃蝦味， 值得加錢一試。鮮蘆筍拿破崙天使麵，pasta唔會太熟太淋，蕃茄好新鮮，熱辣辣上枱，味道好正宗。美國極黑豚肉眼扒配紅桑子汁~廚師把黑豚肉完全煎熟(豬肉不能有半點生吃)，熟的程度啱啱好，完全唔韌，個燒汁加咗紅桑子，非常美味，配合黑豚肉，好夾呢! 蛋糕有提拉米蘇，藍莓芝士蛋糕，朱古力雪糕慕士蛋糕，我選了美式芝士蛋糕，香濃芝士味，不算太甜，送咖啡一流。餐茶可選擇芒果草莓茶，酸酸地幫助消化。朱古力咖啡，樣子可愛，水準一般。 見仲有時間，叫咗杯紅酒，繼續傾下計......

我們先點了一些前菜來分享，有水牛城雞翼、 黑醋芥末蘋果沙律和一個餐湯配蒜蓉法包來吃。主菜方面, 我朋友點了一個fish and chips, 而我則點了煙三文魚意大利烘包。今天的是日餐湯是粟米湯, 粟米湯質感杰身。 蒜蓉法包上塗上了一層厚厚的牛油。黑醋芥末蘋果沙律的份量比我想像中多, 沙律上面有很多片蘋果片, 黑醋醬汁酸酸甜甜, 很開胃。煙三文魚意大利烘包旁邊配了沙律菜。意大利烘包夾住煙三文魚、蕃茄片和生菜。即叫即烘的意大利包很鬆脆, 裏面的煙三文魚很大塊, 很有口感, 沙律菜配上了黑醋汁。

剛剛落堂，已經八點半了，好肚餓，拿拿林去到間睇落唔錯既西餐。諗唔到食咩好，簡左個二人套餐同另外加左個青口。精選二人套餐 $428🍴蒜蓉牛油炒什菌好香牛油味，加上肚餓關係，好快已經清哂。🍝龍蝦汁鹽燒紅蝦天使麵份量都算多， 天使麵、蝦肉彈牙，帶有洋葱彩椒香味。🥩美國安格斯西冷牛扒.紅酒燒汁好都大塊，岩哂食肉獸，肉質帶腍，黑椒味道較重旁邊仲有兩舊薯仔，減走油膩感。🍴白酒忌廉汁煮法國藍青口 $128藍青口夠大隻，帶忌廉香味。🍰Tiramisu、藍莓芝士蛋糕最後唔少得甜品，我簡左個芝士蛋糕，芝士味唔重，但鐘意佢唔太甜，所以成個食哂都唔會溜。

約了靚女食飯，靚女遲到是常識吧，所以去了中華書局睇了一陣書，即時覺得自己好有書卷味。餐廳平日都有7-8成滿座，播著輕鬆的音樂，不過座位比較迫。我們點了個二人餐貪佢樣樣齊唔需要再諗食咩。先上來的法式龍蝦湯，有很香的烤蝦味，不過就唔見在龍蝦肉在湯內，質感都幾滑。小食點了炸魷魚圈，一隻有三隻，外層炸漿不會太厚，外脆內煙韌。其中一款主菜是黑松露帆立貝意大利飯，意大利飯有幾濃郁的忌廉味，飯有點煙韌，裏面有些蘑菇，帆立貝只有一粒，不過有點過熟，比較鞋。香煎石斑配黑松露汁，石斑外皮煎得很靚，不會煎燶，雪白的魚肉吸引，肉質嫩腍，而且無骨，配上一些連皮焗的薯角、西蘭花及沙律等，薯仔又腍又夠味。我們二人都是雪糕怪，所以甜品緊係揀左movenpick雪糕啦，出面食都幾貴下餐廳真係揼本。最後餐茶的凍mocha朱古力味香濃，而且不會太甜，整體確實不錯。

M佬：柏拉圖式的杯子裝滿柏拉圖式的咖啡A姐：詩興大發呀？M佬：柏拉圖式的真實是我深深愛你A姐：口甜舌滑！唔係我咁有才華，係出自陳綺貞嘅《柏拉圖式的愛情》，一於今日同A姐去油麻地Plato談一天柏拉圖式戀愛。是日餐湯套餐包括是日餐湯，蕃茄雜菜湯，茄味濃郁，非常足料，好滿足。蒜蓉法包加HK$12有兩塊蒜蓉法包，新鮮香脆，蒜味濃郁。白酒忌廉汁煮法國藍青口法國藍青口大大隻，好厚肉，配上Creamy嘅忌廉汁，再有陣陣白酒淡淡清香，味覺豐富。德國脆皮咸豬手餐廳已經幫你拆晒骨，仲切埋件，食得好方便。外皮認真香脆可口，裏面嘅肉仲係鮮嫩多汁，無煮到過咗火。另外，配菜都唔馬虎，薯仔粒好香牛油同香草味，配埋西蘭花同沙律菜，無得彈。美國安格斯西冷牛扒五成熟，煎得啱啱好，肉質腍身。值得一讚，黑椒同海鹽吊出牛扒鮮味，大家仲可以點埋紅酒燒汁。（記住Like同Share畀朋友）By A姐M佬 玩樂日記

今晚媽媽生日，二個人去了油麻地的Plato撐枱腳，餐廳在中華書局旁邊，地點比較寧靜。餐廳有晚餐亦有二人套餐，二人餐有小食及甜品，所以我們就點了一個精選二人餐。法式龍蝦湯加了錢升級的龍蝦湯，有濃郁的龍蝦殻味，湯比較杰，表面有些忌廉汁，幾幼滑。凱撒沙律沙律不多，但新鮮爽脆，有些芝士粉、煙肉碎及麵包粒，清新開胃。龍蝦汁鹽燒紅蝦天使麵龍蝦汁及剛才飲的龍蝦湯味道相似，天使麵爽口，蝦肉新鮮彈牙，而且有些洋葱粒的香味。安格斯西冷牛扒配紅燒汁點了七成熟，牛扒表面煎得香脆，裏面呈粉色，而且肉質豐富有肉香，肉嫩且腍，旁邊有些焗薯角及香醋沙律，減輕油膩感。最後食埋個movenpick雪糕及藍莓芝士蛋糕，非常滿足的生日飯。

今日一家人出左去油麻地買野買完野想搵間餐廳坐低食下西餐行過見到plato好似都幾靚幾嘆咁坐低發現都有幾多選擇餐湯加錢要左龍蝦湯飲落有好濃既龍蝦味夠哂開胃我叫左比目魚配意粉比目魚煎得香口個醬汁好似有黑松露起裡面幾香幾好食意粉有香蒜襯底 煮得都幾乾身好快就食哂食碟屋企人要左安格斯西冷牛扒拼珍寶帶子佢地話好香牛味 肉質都幾鮮嫩而且仲幾juicy帶子厚身大粒正！最後一人叫左一款cake share食朱古力mousse唔會太甜而且入面有雪糕 夠哂驚喜Tiramisu 鬆軟 口感好richBlueberry cheese cake is always my favourite藍莓同芝士呢個配搭永遠冇得輸New York cheesecake比blueberry cheesecake有更濃郁既芝士味 好食！

係油麻地中華書局隔離轉入角落位嘅隱世小酒吧，Cozy但幾Warm，最緊要係唔會迫人搭檯，侍應服務細心，倒水收碟算勤快。晚市有做一個精選二人套餐，$428有頭盤，意粉，主菜，兩份甜品同兩杯飲品。加$18可升級至法式龍蝦湯。我們叫了凱撒沙律，份量唔細，醬汁份量剛好，不會太多太少。有芝士片，車厘茄，西生菜，煙肉粒及麵包乾粒。白酒忌廉煮法國藍青口是另外加叫，份量唔細，大少適中，配上白酒忌廉汁，調味不錯。龍蝦汁鹽燒紅蝦天使麵，蝦幾大隻，意粉偏軟身，醬汁味濃。美國安格斯西冷牛扒 配紅酒燒汁，塊扒幾大塊，兩人分享不算失禮。Movenpick Panna Cotta，餐後甜品一盒。

朋友推介這個下午茶自助餐，我們就去試下啦豬仔肋骨最好味，多肉多汁黑松露芝士薯條炸得好香口因爲好食，再叫水牛城雞翼不辣，好脆飲品另加錢，買一送一如果帶三嵗以下的小朋友去食這個放題78位，要問清楚餐廳經理（職員系無話事權）是否三嵗以下的小朋友系免費食餐，通常餐廳無講兒童收費，系以正價為收費，有時帶入小朋友入餐廳，小朋友無食野，都照成人價收費

星期日陽光普照訓飽出去搵朋友食野去左油麻地買野順便搵野食見到plato裝修幾靚幾warm仲有落地玻璃享受下太陽光食物價錢又唔貴於是入去歎返個brunch chill下食物款式多而且豐儉由人我要左巴馬火腿早餐跟餐有西蘭花忌廉湯飲落都幾滑幾綿西蘭花打得夠碎加埋忌廉perfect match主菜色彩夠繽紛牛角包好鬆軟 而且仲係暖笠笠巴馬火腿唔會過咸食完都幾開胃最鐘意食黑松露炒蛋夠哂多黑松露雞蛋夠滑 又唔會水汪汪啖啖都有濃濃既黑松露味 正朋友話要慶祝下 叫左安格斯牛扒佢話牛扒牛味重 剛剛好七成熟唔會煎到過熟過韌薯仔都好香口食到好滿足配埋杯espresso飲完有淡淡既咖啡回甘有好餐廳好食物好咖啡先係過星期日既最好方式P.S. 呢到service都幾好

見到咁多好評、又一次失望，未飲過啲龍蝦湯無龍蝦味，都唔知係咸定焦味，最慘仲要加錢換碗咁嘅湯😤，似美極湯多啲，最後試左一啖要叫人收走。明太子蝦意粉，啲蝦只食到急凍味，完全無味，毫無誠意，連醃都無醃過啲蝦，整碟粉食唔到有明太子味，不如乾脆啲叫忌廉意粉算把啦⋯⋯⋯德國咸豬手 真係咸到呢⋯⋯另一個層次，又無酸菜中和番，真係要多幾杯水沖番個味覺。又話經網上訂座優惠時間有小食送，無送過，唔會有下次囉⋯⋯咁嘅食物質素

今晚陪老公去中華書局買書，之後找地方食晚餐，記得在書局旁有一店叫PLATO,之前來食過，本來想試佢地出名的德國脆皮咸豬手，但當時已賣曬，唯有等下次先，今晚甘岩來到,就入睇下有有得食！甘荀忌廉湯：味道creamy。紐西蘭羊架：雖然比較細件，但羊架好好味，肉質鮮嫩，點些特製醬汁，特別好味！德國脆皮咸豬手：份量不少，豬手皮炸得好香脆，肉質鮮美又夠味，真正做到皮脆肉嫩。：即磨凍咖啡：香濃冰凍，甜度適中！熱檸檬茶全日早餐： 有法蘭克福腸、煎蛋、茄汁焗豆、薯餅、煙肉、蕃茄、沙律、蔬菜、法包。非常豐富，香脆的薯餅，點些茄汁特別好味。