Plato (已搬遷) 新店位置

之前試過casa hotel 樓上果間plato 覺得唔錯，經過油麻地唔知食咩好～就試下佢另一間分店。呢間位置比較隱蔽，環境細細但相對寧靜，燈光柔和更有情調，啱晒同男友黎撐枱腳。今日又食二人餐🤣$428 乜都有～價錢比果邊貴三十零蚊，但我覺得前菜同埋有movenpick 㨂吸引d✨餐湯我地兩個都加$18 要龍蝦湯～癈事爭！😆呢個湯個龍蝦味好濃郁，鮮味十足👍🏻✨Parma ham 拌蜜瓜： 蜜瓜好爽甜，parma ham 質素唔錯有三大塊，如果有多舊蜜瓜就好喇。不過好彩有沙律菜拌下個ham 無咁咸，我幾鍾意個沙律醬汁～酸酸甜甜好開胃。✨香蒜白酒煮藍青口： 個青口幾飽滿多汁，但略嫌未夠鮮甜，不過個汁幾香牛油味，仲有蒜片添。✨黑松露野菌煙三文魚意大利飯： 個飯軟硬適中，充滿黑松露既香味🤤，入面仲有好多野菌同埋芝士碎，每粒飯都黏滿醬汁～加埋煙三文魚味道更加豐富好味。✨美國極黑豚肉眼扒配紅桑子燒汁： 本身望落去好似好油咁，不過食落估唔到幾好味🤤。個扒好厚切，食落爽口多汁，搭埋小小邊位d 肥膏勁香，面頭黑椒令個扒更加惹味，食完都覺得唔係好夠喉。✨另外，紅桑子燒汁味道幾特別，酸酸地正好中和一下油膩既

無論幾時，間唔中係要帶另一半去一啲比較有情調既餐廳去撐下枱腳入到黎，裝修別緻而帶有英倫風格個二人餐睇落好豐富，價錢都算合理。最重要唔洗諗呀嘛先黎個是日餐湯，今日係菠菜忌廉湯超多波菜碎，每一匙上黎都會有大量波菜碎有菜既甜味滲落湯入面仲有幾粒蒜蓉焗多士粒增加番口感仲有個巴馬火腿配蜜瓜作第一款開胃菜揀左款香蒜白酒煮藍青口做第二款前菜一上枱，好濃郁既蒜味飄飄下整羹汁入口，有好重既牛油香蒜蒜味完全係口入面擴散，白酒既香味隨後來到青口味唔算好突出，但係隻隻都好飽滿主菜又係揀兩樣，第一樣揀鹽燒阿根廷紅蝦鮮茄蓉天使面幼幼既面條，煮完仍然有著彈性蕃茄醬汁有好明顯新鮮蕃茄既味道🙈唔係用茄膏開醬汁果種味雖然平時我唔食蕃茄，但係少少新鮮蕃茄既酸味係會不斷地增加食慾大蝦只需要簡單咁灑上鹽同胡椒粉，用上蒜蓉牛油煎透，逼出大蝦既香氣就夠蝦頭仲要有膏添第二樣主菜就安格斯西冷牛扒配紅酒燒汁厚實既西冷牛扒，豪邁咁灑上鹽同黑椒碎切開既時候有肉汁慢慢咁滲出不過可能肉身較厚既關係，食落比較有頭，最好切細件啲，易食啲食完正餐，梗係跟埋個甜品啦🤣🤣意大利芝士餅比較有啲遜色餅底個質感鬆軟，芝士忌廉夠滑係咖啡味爭少少

情人節果晚訂左九點最尾無食到因為九點時連八點半都未入座問佢佢話要等十幾張枱連訂座服務都搞到一塌糊塗就算啲嘢好好食都無補於事唔會再試如果有人想食又唔想訂位都無用至少大時大節唔好去 😡明知自己地方唔大有咩可能會接受咁多人book仲要我都算遲book但book完佢都打黎confirm booking等我地有種應承左唔好意思唔到嘅感覺即係等一陣都唔緊要去到訂嘅時間都仲要人等十幾張一開始仲話要安排其他人入座問題都答唔到我明搞生意係辛苦但要人尊重你你都要尊重啲客囉

經常搭巴士返屋企途中都會喺油麻地見到一啲好短嘅街道有食肆。引起我既興趣，今次就搵左間PLATO試一試餐牌好有型格啊！夜晚仲有套餐，2個人拍拖當然叫個套餐試試啦，套餐多數都係店內好食推介吧～一上枱個蒜蓉多士已經飄來陣陣香味是日餐湯菠菜忌廉湯， 超級多菠菜，菠菜有碎又有片狀，夠滑又健康巴馬火腿火腿咸香，配上爽脆清甜蜜瓜就岩岩好啦香蒜白酒煮藍青口一上枱，好濃既蒜味，入口有牛油香蒜，好juicy，咬落去好香濃既蒜汁湧出黎咁，白酒既香味隨後來到，青口味唔算好突出，全靠個汁提升上去，有10粒青口，2人份量好足夠。鹽燒阿根廷紅蝦鮮茄蓉天使麵幼幼既面條，煮完仍然有著彈性，蕃茄醬汁有好明顯新鮮蕃茄既味道，天使麵酸酸甜甜，非常索汁，不斷地增加食慾大蝦簡單土灑上鹽同胡椒粉，用上蒜蓉牛油煎透，逼出大蝦既香氣，蝦頭仲要有膏添安格斯西冷牛扒配紅酒燒汁厚實既西冷牛扒，好大塊啊！豪邁咁灑上鹽同黑椒碎，切開時肉汁緩緩滲出，肉身較厚既關係，食落比較有咬口。最後來杯伯爵茶，清清口腔，迎接甜品我叫咗藍莓芝士蛋糕， 呢款係雪嘅， 但味道濃郁藍莓味又唔會太酸，真係好好味，幾飽都要食

約左舊同事行街濕平，行到攰想搵間靜少少嘅餐廳坐下傾計。行下經過呢間見有豬手食，朋友勁鐘意食德國野，就坐低了 叫左一個SET DINNER同德國豬手餐，都係包餐湯主菜同餐飲。餐湯係忌廉湯，加入煙肉碎粒增加口感，湯都幾CreamySet Dinner主菜挑選左香煎鵝肝配忌廉汁天使麵($168)鵝肝煎得好甘香，表層金黃香脆， 內裏鮮嫩多汁，做到外脆內軟的雙重口感。而且鵝肝好似牛油一樣喺口腔內溶化，如絲般幼滑正到不得了！！！ 個忌廉汁天使麵亦好出色，天使麵夠彈牙，個汁配埋菇菌類出黎嘅味道好香濃德國豬手 ($268)配上兩個醬汁，一個係芥末醬，另一個係燒烤汁。鹹豬手皮層脆卜卜，肉質幼滑，食落都係充滿肉汁，完全唔會乾 份量都算多，我地兩個女仔食到超級飽呢！如果可以跟埋酸菜會更好，畢竟豬手屬比較油膩，佐以酸菜可中和油膩感嘛～最後埋單大約每人$200, 除左食物質素不俗外，呢度由於唔係坐正旺區，係近油麻地果邊，靜中帶旺，環境幽暗情調不錯。好適合同另一半或者閨蜜坐低慢慢傾計享受

同朋友去完玩具城行街， 玩具城就係油麻地， 最近喜歡上買lego， 冇辦法唔去唔得，真係平出面太多。買到成手都係嘢梗係去搵地方坐下食好嘢， 本身諗住去玩具城對面嗰間，冇諗過要等位，仲要等成十幾個籌，救命點等呀 。店員就推薦我行前多幾步，就有間佢哋嘅其他分店， 唔使諗去試一試。是日例湯 忌廉南瓜湯， 南瓜味十足最重要夠曬香滑 本身仲以為佢用南瓜汁開最後我發覺係一個個南瓜咁搬入去ban，正。黑松露牛柳粒意大利飯， 最重要用真正嘅意大利飯，太多舖頭用假意大利飯扮真野， 作為一個對意大利飯有鍾情嘅人，係唔會畀佢呃到㗎。飲品檸檬薑茶 ， 簡直係調劑全日神心嘅一杯良藥， 檸檬嘅酸味配合埋薑嘅少少辣味，又有驅風效果，又令我心神安寧。今次就食， 下次一定叫多啲朋友一齊嚟。只寫自己食既，其他留有緣人食。

今日做導遊，帶內地朋友遊覽香港特色，行完廟街之後再嚟左一間香港西餐食飯，環境有特色，不失浪漫！我地點左一個all day breakfast 德國香腸餐 &美國安格斯西冷牛扒 配 香草牛油焗薯仔、沙律、西蘭花，紅酒燒汁朋友特別欣賞！我地要求西冷7成熟，肉汁豐富，超嫩滑，口感一流！川寧芒果草莓茶超好飲，第一次飲呢隻味，原來係清新之餘帶點水果甜味德國腸拼盤好吸引，非常美味，岩晒鐘意食腸既我，另外的煎蛋都好香滑，茄汁豆熱辣辣，沙律菜新鮮，蒜蓉包香脆味濃，全餐都真係好滿意！

今日約左朋友T 去Plato 食午餐, 由於我唔識去, 約左係油麻地地鐵站等。原來Plato 係油麻地中華書局旁, 從地鐵站出來2分鐘就到, 都幾易搵。至於室內, 都算幾舒適, 可以為我過去忙碌的一周充充電。在假日來用餐, 可供選擇的Set Lunch 也為數不少, 之前朋友A黎過, 話如果我同朋友T果日唔想食gam 多的話可選擇煙三文魚凱撒沙津, 如果想食All Day Breakfast 的話又可以選巴馬火腿早餐果set。但係我今日係同朋友T 同行, 由於我倆也是喜歡肉食的人, 就係豬肋骨、春雞、安格斯牛扒之間, 我們最後叫了「極黑豚肉眼扒(配意粉)」及「安格斯西冷牛扒(配意粉)」。每個Set Lunch 也配湯和一杯28蚊以下ge飲品。先來的是湯。這天餐廳供應的是甘荀湯, 原本朋友T 怕個湯會好「素」好「齋」, 但係這裡的甘荀湯吃得出有幾個層次, 除左用大量的甘荀打到佢爛, 仲吃得出它的綿滑, 也有濃濃的甘荀味 。另外亦保留了一些細小的甘荀粒, 即使只是渴湯, 仍然保留一定的「O趙頭」,  一D都唔齋。另外肉食怪的我當然唔放過食埋海鮮的機會, 加錢轉了另一個湯做龍蝦湯。呢到D 龍

好姊妹生日約食飯就搵左間暗暗地有格調啲西餐廳，可以靜靜地坐耐d傾下計☺️ Plato位於油麻地，係C出口上過對面馬路後轉右向前行到中華書局就會見到，好易搵好方便。我地2個日嗌左一個dinner set再加兩個小食同甜品。Dinner set有個蕃茄餐湯，雖然無咩料但味道都幾好飲幾濃，酸酸地好開胃。每次見到都一定會叫truffle fries，實在太中意食薯條🍟😍 呢個truffle fries同外面既有d唔同，好多truffle fries都係個source先有truffle味，呢到係將芝士🧀、truffle同薯條🍟撈埋一齊，然後點茄汁食。truffe份量都算幾多雖然味唔算濃，都叫有淡淡淡既黑松露香味，係略嚴薯條炸得有少少乾。見到網上好多人都推介呢到既buffalo wings，我地都order左一份，有5隻，好感動佢無欺騙我地真係buffalo既醬☺️ 外面好多話自己係buffalo wings都唔係真係個個source. 雞翼炸得夠脆，個醬好入味，雞肉都幾juicy! Dinner set既main course 揀左Black truffle mushroom with beef r

今次選擇咗依間彌敦道旺中帶靜嘅英式餐廳🇬🇧約埋朋友仔嚟食下飯、傾下計。店內闊落。傾心事都唔駛驚俾人知。二人套餐睇落幾豐富。近排天氣咁凍，食多少少，儲存多啲熱量都唔過份啫😝就佢啦！加多$18嚟個法式龍蝦湯質感幼滑，最難得就係做到味道濃郁而又唔會過鹹😋香蒜白酒藍青口作為頭盤分量剛好。唔會有雪味。意式巴馬火腿伴蜜瓜🍈薄薄Parma Ham嘅鹹香配微甜凍蜜瓜，清新醒胃。個胃醒晒，迎接主菜黑松露野菌煙三文魚意大利飯野菌同黑松露嘅香味四溢，未食已經流口水啦😍食落好creamy，米粒外軟內韌，係意大利飯獨有嘅口感。滿口都是黑松露的香味。炭燒美國豬仔肋骨塊肋骨好厚肉，唔會得排骨。肉質柔軟，火候啱啱好，一切就離骨，配上燒烤汁非常惹味😍女人係有兩個胃😏，呢頭話飽到食唔落，嗰頭咪又係一人一件cheese cake🍰🍰。朋友名句：無話食唔食得落嘅，係睇好唔好食嘅啫。話口未完cheese cake已經消失....

星期一放工，帶著疲倦的身軀，相約朋友去吃點好的慰勞一下自去己。記得之前在同區吃過Plato，覺得挺好吃、價錢也不貴，所以今次再訪，不過是另一間店，相信也不錯的！這家Plato主打英倫風，環境滿有情調的，圓桌子令人感覺更放鬆。是日set dinner menu:是日餐湯是甘荀湯，幾creamy入口香滑。湯上的兩塊蒜香包粒十分香脆，可惜只有兩顆，有點不夠喉呢！前菜小食就選擇套餐加配Combo的水牛城雞翼($38/3隻)雞翼外皮被酸酸甜甜帶微辣的醬汁包裹著，超開胃！而且醬汁不會太濕身，令經油炸後的雞翼保持香脆！無牛不歡的朋友當然點了D12安格斯西冷牛扒set($228)五成熟的牛扒肉汁豐富，一點也不會覺得血淋淋。估計是用大火烤熟牛扒表面，將肉汁封鎖在肉質內。略嫌火喉過了一點，表面有點乾，不過肉質也腍，整體口感也算不錯。配菜薯仔意外地好味！好香薯仔味，還帶有香草和牛油香！而我則選了比較清淡的D2煙三文魚漢堡包配沙律set ($108)。因為當晚剛好沒有意大利烘包，餐廳改用漢堡包代替，麵包受經過微微煎香，味道可口。而三文魚油香十足，只是略嫌煙薰味道不強烈，整體味道不錯，不會覺得膩。而薯條上菜時剛

我早兩星期book左二月十四同女朋友食飯 落左訂金 book左八點半 我二十分到左 佢叫我等 我一等等到九點 一堆人排隊人山人海 個個都落左訂就係無台 見有pair 情侶落左訂都話退 都唔明點解落完訂要等枱九點二先入座伙計完全唔夠 個場D 台加到出餐廳外 位置更加唔夠 迫到落order 都企唔到係我地隔離落 無咁大個場 其實唔好接咁多生意啦 張枱都抹唔切就坐底D 野食都唔太底食 個餐298 一位 但個頭盤分量就係share黑松露湯就ok 好飲 其他真係唔太好我地order 左個牛扒同埋 Risotto 賣相ok 但真係無特別比錢食pizza hut 仲好 甜品一早pre order 左 movenpick choco 同tirimesu 點知到最後 佢同我講賣晒 揆換左個cut cake 比我地 655埋單完全唔值得主要係table arrangement 出現左好大問題 希望餐廳會改善一下

有時候，男朋友與我偶爾會由旺角走路走到尖沙咀在油麻地附近找到這間cafe之前都沒有留意有些小熊擺設，好可愛牆上亦掛有很多小燈，點亮了漆黑有很多西式餐可點我沒有點餐，反而點了卡邦尼意粉因為突然想吃所以沒有理會它是不是set就點了這個卡邦尼意粉沒吃到蛋黃的味道，但吃到忌廉和火腿味All day breakfast這個肯定就是把我愛吃的食物拼在一碟想不到看起來少少的，卻能把我餵飽。吃著吃著也開始多人了點了杯Latte奶味香濃，適合我的口味

***本人並非試食活動******請刊登此食評***今年情人節係剛剛結婚完無幾耐同老公度過老公特登晌結婚前幾日黎openrice search見e間comments幾好黎book的佢打電話時仲問左仲有無位, 當時店員應得好爽話無問題架! (不過要俾訂囉...依家知點解啦)我地book左7點半, 見早左無野做又拎住大家既禮物諗住早d去餐廳啦～點知去到街口見到門口咁早都咁多人覺得怪怪地~心諗book左位唔係要等呀嘛？點知行近d望真d仲大獲! 嘩情人節流流要淪落坐街邊位?餐廳入面既坐位仲窄過譚仔!!!!完全唔會有位俾你擺野!! 我見到有小姐攬住紮花晌度食....我見到都心入面喊出黎呀！一間咁細既cafe仔要夾硬接咁多客真係好離譜，大家可想而知食物質素都係唔會好得去邊~ 相比之下翠華一定係人間美味! 2款湯都係正常既~不過present同茶記1樣頭盤個廣島蠔求其灼完淋2滴辟唔到腥既香草汁，迷你心形麵包上面查左唔知咩肝醬主菜個魚係白灼而且腥, 湯入面既西芹生到有草青味，牛扒正常size同煮法不過肉本身唔好蘇蘇地....無牛味...最好食應該係個雪糕啦～我地極速食完之後走去食番碗林昌記魚蛋ja唉以

今日同朋友行油麻地，行行下見到側邊有間PLATO的西餐廳，餐廳裝修都挺新穎，又見不是太多人未進來。看見二人餐好似又幾抵，有前菜，飯/意粉，有扒，甜品，餐湯和飲品餐湯南瓜🎃忌廉湯淡淡的南瓜又不會太結。意式巴馬火腿伴蜜瓜：巴馬火腿有少少咸咸地配上清甜的蜜瓜真是一流仲有沙律菜配埋黑醋都好好味😁香蒜白酒煮蜆：蜆仔好飽滿，味又夠香又有少少的蒜香味。黑松露野菌煙三文魚意大利飯：粒粒飯都沾上黑松露的香味，又配上大大片芝士令飯粒更加濃郁。意大利飯又煮到不會太硬，軟硬適中。安格斯西冷牛扒，煎到可以鎖住肉汁的精華，牛味濃厚。甜品：藍莓芝士蛋糕和提拉米蘇。