Plato (已搬遷) 新店位置

相片欠奉。是次叫左4樣野水牛雞翼至少食得出係水牛雞翼凱薩沙律生菜嘅質素令人懷疑佢係咪生菜明太子海蝦意粉蝦就唔係新鮮架喇，蝦無蝦味，失敗⋯⋯最令人驚訝嘅係佢用明太子沙律醬去做sauce 去煮個意粉，真係令人耳目一新，沙律醬都可以用黎煮安格斯西冷牛扒塊牛扒無牛味，黃芥末係⋯⋯酸嘅，丫個待應可以話係「法式芥末黎，有少少酸，可能你地食唔慣」，可能真係好款法式芥末我未食得齊⋯⋯但個酸真係酸過檸檬，比較有啲難接受，之後換左個英式（佢話）嘅美式味芥末⋯⋯餐飯食左$497我個人覺得幾唔值

同男朋友行街行到累,,俾呢間餐廳的二人套餐吸引住..座位不多, 環境同燈光都好有情調~種類都有幾多選擇, 可以食二人餐/DINNER SET/散叫點左個二人套餐 同一個德國豬手.Set入面有餐湯, 頭盤, 意粉, 主菜, 甜品, 餐飲-頭盤 凱撒沙律新鮮沙律菜再配上適中的醬汁, 食落去口感清新-意粉/飯- 黑松露帆立貝意大利飯外型已經好吸引~~ 大大隻的帆立貝係中間粒粒分明的飯再配上黑松露, 又香又好食-主菜-安格斯西冷牛扒 叫左七成熟的牛扒, 都幾大片肉質香濃又嫩口, 而且七成熟好PERFECT!!-甜品- Movenpick雪糕 好少見甜品有貴價雪糕奶味香濃而滑, 入口即溶食完個心都甜一甜呀..不得不提的德國咸豬手.份量都相當驚人.. 兩個人根本食唔哂大大啖的豬手入口, 唔肥膩又好腍, 外皮炸得好脆值得推薦 ~ 

是日四個女人行完油麻地, 又無IDEAL想食咩~上OPENRICE睇下油麻地有咩好野食PLATO的評語唔錯,, 就決定黎食店係中華書局轉入, 店鋪唔算大, 室內的裝飾優美, 燈光柔和, 好適合情侶黎撐枱腳二人套餐$428 * 是日餐湯 - 西蘭花忌廉湯 (清清地, 忌廉味唔會太重)* 凱撒沙律 (份量適中,  新鮮的蔬菜再配上水牛芝士, FRESH!)* 黑松露帆立貝意大利飯 (每啖飯都食到黑松露的香味, 醬汁又香濃,, 好滋味 而且意大利飯好飽肚)* 安格斯西冷牛扒七成熟 - (切開真係七成熟岩岩好, 見到肉汁帶點紅, 牛肉好腍)* Movenpick 雪糕 - 又香又滑的雪糕, 朱古力味入面有好多碎朱古力, 食到層次感, 而士多啤梨酸酸地幫肋消化)DINNER SET* 明太子海蝦意大利麵  $148意粉上見到粒粒分明的明太子, 帶點辣味, 更加刺激食慾每條麵都有好多醬汁黏在上面, 真係好邪惡!!*德國咸豬手$218豬手已切開上, 方便進食, 份量都唔少。 外層做到又脆又煙韌肉質嫩滑又有豊富的骨膠原,,女人呀女人~~呢間餐廳食物質素真係唔錯, 而且份量都幾大碟,, 會再黎食

Plato位於油麻地中華書局旁的轉角位，不是面向正街，稍欠人流，唯獨仍有不少顧客專程到訪，當中還有不少伴侶。七時未夠便來到，當時人不多，顧客於七時半許陸續到來。Dinner Set由百餘元起，有沙律、意粉、意大利飯及扒類，最貴也只不過$228，有餐湯、主菜及餐飲，其他可按需要加配。水牛城雞翼 ($38/3 pcs): 水牛城醬較貼近我喜愛的味道，偏香甜及帶微微的辣，但如果香辣味再多一點會更香口惹味，$38元點三隻小試牛刀也划算。龍蝦湯 (Dinner Set +$18升級): 龍蝦濃湯味道偏重，能嚐龍蝦味道，偏咸香，但稍欠鮮甜，以$18元的餐湯來說，可以接受。美國極黑豚肉眼扒 ($208): 豚肉的肉眼扒肉質算是較幼嫩的一款，當然與普通豬扒不一樣，切開也算多肉汁。以鹽與黑椒調味也okay，肉味適中，雖未及黑毛豬鞍的鮮，但也算不俗。Tiramisu (Dinner Set +$28加配): 質感鬆軟，整體較light並不肥膩，cream味較重，咖啡味不太濃。

聽說油麻地後面中華書局..有間西餐廳..想試好耐喇..所以今次相約妺妹去一齊食餐廳環境設計雖然暗沉..不過一到晚餐時間人群很多..氣氛非常熱鬧.帶有精緻歐美風格🇬🇧..吸引不少人拍照第一道菜都是必點..叫了蒜片白酒煮蜆末食之前已經聞到濃濃白酒味道..蜆仔好新鮮啊..正第二道菜也是必點..叫了美國安格斯西冷牛扒配紅酒燒汁.叫西冷牛扒叫了七成熟..剛剛好...重點肥以不膩，特別之處原來底下有小驚喜， 有細細舊嘅薯仔架..非常正再叫了英式早餐茶🍵英式茶包加上花奶..給人頭腦醒神嘅感覺。另一杯叫檸檬生薑茶🍵..都是荼包加上檸檬🍋..給我心中嘅安寧..暫時解除煩惱 非常之好啊未夠飽再叫多最後一個明太子海蝦意大利粉..濃厚明太子汁加上新鮮嘅海蝦..視覺上非常絕配啊👍真心推介！好食，地方坐得舒服，聚會一流

豬肋骨還可以，再濃味啲熱啲會更好；黑松露芝士薯條冇芝士，黑松露味亦欠奉，但薯條本身夠熱又脆口，點蛋黃醬幾好食；當日餐湯係粟米湯，唔稀幾夠味；辣味薯格同水牛城雞翼唔太辣，但薯格就唔太脆，雞翼肉質都算不錯；魷魚圈同洋蔥圈都好食夠味，可以再脆啲；蒜蓉法包軟身麵包搽上蒜蓉，都唔錯；漢堡當天缺乏供應；牛角酥亦從來冇出現過；芝士煙肉焗薯皮就一般，無咩芝士同煙肉。

第一次食呢間， 價錢不貴有湯、野飲， main dish加左$18叫龍蝦湯， 但少少龍蝦都無， 偏salty牛排都幾薄， overcook 左 薯條好食， 量少燒春雞不過不失但最後埋單經過廚房， 因為剛剛開左門， 所以俾我見到好唔衛生的情況 😱😱一個三層膠架上邊放滿食物， 最低那層接近地面， 放滿ribs, 無遮無掩，在人來人往的走廊 ...

是晚與母親在旺角逛街後徒步周圍行一行，走到中華書局腳步便停下，適逢期間限定之七折優惠即將完結，買本旅遊書，又是時候去準備下一趟的旅行了！在書局後面有間西餐廳，環境佈置得頗有風味，於是一試！食物種類頗多，有二人餐及散叫晚餐，有優惠價追加的小食及糕點！蘑菇忌廉湯 - 充斥著濃郁的忌廉香味，內裡有細細粒的蘑菇碎，配上脆卜卜的麵包碎感覺很完滿！英式炸魷魚圈 - 表面炸得脆卜卜，入口不油膩。內裡魷魚🦑質感頗彈牙，食後亦不會產生滯感。黑松露野菌牛肋粒意大利飯 - 飯質感軟硬適中且粒粒分明，每粒均沾上香濃的黑松露野菌醬汁故很易入口。牛肋粒軟綿綿，送飯一流！法式牛肝菌帆立貝意大利粉 - 意粉質感同樣軟硬適中，入口彈牙creamy。牛肝菌切得薄薄，帆立貝體積正常，質感爽及彈牙！伯爵茶 - 味道順口且口渴，茶味都頗濃郁！蘋果汁 - 入口酸酸味味，頗開胃。

已經好耐無靜靜地坐低食個early dinner，尤其配合呢間轉角小巷嘅cafe更顯優閒。是日餐湯為忌廉湯，粟米味好甜，特地升級其中一個餐湯做龍蝦湯，相對之下龍蝦湯好濃，雖然就無咩龍蝦肉，但口感都唔錯。今日唔係好想食heavy嘅嘢，專登叫咗兩個比較清新嘅set dinner。烤雞凱撒沙律好fresh，醬汁嘅份量剛剛好掛起每片沙律菜上，唔會多到浸腍晒。烤雞尚算嫩滑，整體感覺良好。香煎青衣魚柳都唔錯，魚柳唔會散修修，配菜都好味道，烤薯仔好香口，配蘑菇汁食更加好食。最後加配咗個tiramisu。呢度嘅tiramisu比較重咖啡味，酒味唔算多，質感較為厚身；cream並唔算油膩，甜度剛剛好，配埋餐茶為呢一餐劃上一個完美的句號。

約咗朋友中午去佐敦書局看書，順便在後面的彩繪樓梯映吓相，之前已被旁邊間佈置清簡，很有歐陸風情的西餐廳吸引，於是便透過Openrice 網上先訂位，仲可免費送一款$48之內的小食添。坐在近落地玻璃窗旁，微微溫暖的太陽光伴著午餐，真好！午餐唔貴，包湯和熱飲。 例湯是粟米忌廉湯，不太傑又熱辣辣上枱，ok的。香煎盲曹魚柳配蒜蓉牛油汁，一人份量，如果男仔大食些可能不夠，或要加小食吃才飽。不過魚柳有咬口，唔係鬆鬆散散的。個牛油汁看似忌廉，但蘸了後，卻能提升咗魚的味道，我和朋友都一致覺得好吃。歐陸早餐份量畧多些，兩人分吃唔錯，可補魚柳的不足。煙三文魚2 片都幾大塊，煙肉不是五花肉個種，不錯。蒜蓉炒雜菌，$48幾乎抵得過一個lunch set。不過現在因先訂位所以是免費送的啊。雜菌配上香草來炒，唔油夠乾身。

這家店每次經過都看到一堆人在門口今天居然沒人於是想也沒想就進去了店裡好滿幸好一條友通常沒大問題食物很多選擇困難症發作想了好久後點了他們不細緻也不太講究的牛肉凱薩沙拉墊底的一堆生菜大大件的麵包好幾片芝士和就這樣放面的牛肉條味道正常沒特別之處值得加許的是沙律醬很均勻柔軟的炸魷魚圈六件外脆內軟滑😋西冷牛扒質素普普通通味道很濃讓在下想食白飯..嗯 沒想像中好（在下要求比較高）而伴碟的兩粒薯仔好好味玉米忌廉餐湯非常好飲檸檬生薑汁可無限加熱水但第一次原沖是最好飲的最後的水牛城雞翅好濃的汁滑滑的雞肉好想食他們的天使麵可是感覺味道好濃又讓我打消了念頭了這餐沒很飽其實在下也沒食到什麼。。嗯。。下次再光臨吧今天感覺想清淡環境適合朋友聚餐舒適整潔

今日約左個朋友佢提意帶我食好西, 所以就聽佢講去左呢間位於鬧市中, 安靜小巷的街角cafe! Cafe 細細地裝潢擺設都好精緻! 全部都用上英輪風的裝飾. 好多大group 的gathering, 好嘈好熱鬧呀!!我地睇晒所有menu items 最後都係覺得呢個二人套餐最吸引, 所以我地就叫左黎share.先黎左頭盤南瓜忌廉湯同蛋黃醬炸薯條,由於天氣突然轉凍同埋肚餓有暖笠笠既野送上特別好味. 到左Main Course 安格斯西冷配紅酒汁, 我地叫medium rare 廚師都做到. 又有新薯同沙律伴碟, 都算豐富. 最窩心係俾埋mustard 我地食牛扒, 呢個位值得加分!! 呢個係我地叫另一個Main 龍蝦汁大蝦意粉(我地要求轉左唔要天使麵) 龍蝦汁好rich 同夠多, 兩隻蝦都起晒殻我地完全唔洗動手都食到啖啖蝦肉. 最後就係甜品同餐茶, 我地叫左個Tiramisu 同Movenpick雪糕再加兩杯檸檬生薑茶. 令到突然凍左既呢幾日帶點甜和溫暖.

閒時找一間有情調的餐廳同🐷仔撐下枱腳 幾開心架🤪今次黎到Plato 雖然有氣氛但環境真係有啲暗 影野食有少少困難😂我地叫左個精選二人套餐 ($428)是日餐湯係南瓜湯 岩哂我口味👍🏻頭盤要左#水牛城雞翼 聞落去有啲辣但食落去唔太辣 酸味適中 不錯～之後我地揀左#龍蝦汁鹽燒紅蝦天使麵啲天使麵索哂啲龍蝦汁 幾好吃喔來到主食又是🐷仔最愛的#美國安格斯西冷牛扒今次啲塊一啲都冇令我地失望一黎黑椒同鹽無蓋過🐮味 點芥辣食好正🤤不過最令我地驚訝嘅係佢嘅甜品🍰#藍莓芝士蛋糕 好厚實 好好食！#朱古力雪糕慕絲蛋糕 都好重朱古力味！________________________裝修環境：✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

今日又想食西餐，去左呢間上次食輕鬆既cafe板，今次男朋友就帶我去呢間有氣氛d既，燈光有情調，好有西式風格，2人套餐 $428餐湯頭盤有香蒜白酒煮藍青口，好入味，青口新鮮，食得出唔係放左好耐果D，意式巴馬火腿伴蜜瓜。另外risotto我揀左鹽燒阿根廷紅蝦鮮茄茸天使麵，蝦有2 隻大大隻，醬汁好開胃，天使麵軟硬岩岩好，份量唔會好細碟。主菜，我揀左美國安格斯西冷牛扒，紅酒燒汁，牛扒單點都要 2 百幾，所以餐真係好抵。加上肉質唔錯，又多汁 ，配菜係焗薯。甜品竟然有movenpick雪糕，不過我是日想食 cheese cake，所以叫左blueberry cheesecake and New York cheese cake, Classic地好。飲品，配$28, 其它要加錢，叫左英式奶茶，果然滑D，獨立茶包，非常細心。士多啤梨芒果茶，唔係死甜果D，好開胃。正！

去完廟街睇野之後 就去左呢間餐廳食dinner la呢間餐廳裏面嘅氣氛好有情調當中又帶d 好relax既感覺 就係呢個原因吸引左我地入去啦我哋將個餐升級轉咗做法式嘅龍蝦湯 個龍蝦湯唔會太杰而且份量適中 太大碗我都驚會太飽 一陣食唔落個主菜〰️黑松露野菌牛筋粒意大利飯〰️一上到檯已聞到好香嘅黑松露味 食落去個味都好濃郁 意大利飯既口感軟硬適中 唔會好似正宗既意大利飯咁硬 就咁望落去個飯好似好齋咁 但係其實最驚喜嘅係佢啲牛肋肉係鋪晒喺個飯既底 牛筋肉既肉質唔韌 煮得勁淋〰️扒大蝦龍蝦汁意大利飯〰️三隻蝦好大隻 呢個risotto 既汁係比頭先個龍蝦湯再濃d 淡淡都感受到龍蝦汁 因為食左個risotto 太飽啦 所以我地最終叫左凍檸茶做餐飲