Poke Go (大南街)

营业中

休息中

呢到啲料真係超級多每一啖都好豐富大大碗 非常之滿足！叫咗個808 Wasabi乳酪醬好好食！一入口係淡淡 wasabi味 之後就係乳酪味道兩隻味唔會好搶反而好夾… 酸酸哋好清新！吞拿魚粒冇筋又大大粒 枝豆份量都好多 青蔥都好香 同Wasabi乳酪醬吞拿魚好夾另外叫咗個自選poke揀左三文魚 枝豆 雞蛋絲 蟹籽 牛油果配辛味蛋黃醬個醬都好好食 辣辣地 但同wasabi乳酪醬比就膩啲 因為始終係蛋黃醬雞蛋絲就冇乜味 用黎裝飾 可以唔洗揀 揀其他配料更好 女仔黎講份量都算多 有機會會再翻兜！😋

一真好中意食poke，今日試左呢間都幾出名，must encoreBuild your own bowl (Mushroom + egg shreds + seaweed + tofu + Top up Avocado)啲配料同seasoning 多到就滿瀉🤣我呢款poke揀左half brown rice + half 沙律菜，估唔到真係做到有一半菜，之前食其他餐廳都係會比勁多飯👍🏻 dressing配辛味蛋黃醬，辛味出都偏辣，有少少似韓式辣醬好惹味～牛油果無發黑全部都新鮮，海帶keep到有少少咬口唔會浸太耐變淋，其他配料都唔錯～Build your own bowl (Octopus + egg shreds + seaweed + tofu)另外一碗toppings都差唔多，不過main揀左八爪魚，都係唔會因為煮到過熟變韌，食落有鮮味似壽司咁，配鰹魚醬油就相對無咁heavy，配料原本嘅味出，係健康之選👍🏻Avocado Smoothie 開頭以為會好係milkshake咁用雪糕溝出離，點知呢杯smoothie偏重奶味，唔係好甜，飲落都幾fresh

今日同朋友去深水埗買野，見到呢野店幾特別就入左黎試。呢到係食夏威夷魚生飯，係健康又好味嘅食物！朋友第一次食呢種食物覺得好特別。呢到有兩種選擇，第一種係佢幫你選配好嘅set，岩晒啲選擇困難症或者第一次黎唔識邊種配搭最好食嘅人。第二種就係自己揀想食嘅配料。我同朋友就選擇左自因為可以揀晒自己鍾意食嘅野。同埋自選可以揀一半沙律一半飯，好岩我地又想健康啲但又想食少少飯飽肚啲嘅人食！我同朋友都鍾意三文魚，醬料就一個揀醬油一個就係麻醬，一個清淡一個濃郁，兩個都好食，各有特色。三文魚份量都唔少，而且好新鮮，味道岩岩好，而份量都好夠，如果驚太飽可以好似我地咁揀一半沙律一半飯，岩岩好！

飲食記錄：冷壓橙汁午餐跟餐附送嘅果汁，可以揀冷壓橙汁/蘋果汁/菠蘿汁，或100%椰子水🍹我揀咗人見人愛嘅橙汁，睇住職員將一個個橙放入冷壓機製成橙汁🍊飲落唔會太甜/酸，仲混合著果肉及纖維嘅橙汁，覺得又好味又健康呀😋Poke Bowl 808好多配料想試，所以嗌咗最多配料嘅Poke 808（但上菜先知想食嘅芝麻海帶同重帝蟹棒都不在配料名單🤣；其實可以自選配料DIY Poke bowl/ top up預設lunch set）配料多至邊食邊滿瀉😅有吞拿魚、沙律菜、和式青蔥、枝仁豆、三文魚籽、雜菌香菇，山葵乳酪醬、芝麻、木魚絲及壽司飯🍚吞拿魚份量頗多，同時山葵乳酪醬都太多，食落有啲膩😅 壽司飯太濕😅我淨係食唔哂吞拿魚及飯😅

這是深水埗唯一一間poke bowl店，店內環境以簡約杏色配木條嘅設計，牆身有海洋畫，高樓底，木枱木椅，我覺得有點海洋沙灘feel～我的自選碗(HK$98)1️⃣ 蛋白質主食：吞拿 & 鮮蟹肉 (+HK$12)．第一次見有手撕蟹肉可揀！份量幾多下，鮮甜美味，不會太乾身2️⃣ 碗底嘅澱粉質：珍珠糙飯 & 沙律菜3️⃣ 配料：紫洋蔥，櫻桃蕃茄，麻醬豆腐．這3款配料是我必點的配搭💛4️⃣ 醬料：果仁醬5️⃣ 伴菜：木魚絲朋友的自選碗(HK$98)1️⃣ 蛋白質主食：八爪魚 (煮熟，凍食，切粒) & 鮮蟹肉 (+HK$12)2️⃣ 碗底嘅澱粉質：珍珠糙飯 & 壽司飯3️⃣ 配料：芝麻海帶、蟹籽、麻醬豆腐4️⃣ 醬料：山葵乳酪醬5️⃣ 伴菜：紫菜絲冷壓菠蘿汁 (HK$38) & 紅火龍果汁 (HK$38)．都係原隻鮮果肉以高壓機在低溫下製成，比鮮榨果汁健康，味道清甜美味😋

成日出去食好西，間唔中都想食下健康野，見呢間黃poke bowl店好受歡迎，就同男朋友一齊去試試。餐廳位於文青街大南街，都算幾易搵，店內位置唔多，平日夜晚唔洗等位就入得，野食價錢合理，而且幾足料。>808：好多配料：吞拿魚、沙律菜、枝仁豆、三文魚籽、菇、木魚絲等等，吞拿魚份量好多又好新鮮配上山葵乳酪醬好開胃。>ONO：五顏六色咁好吸引，望到已經令人食指大動，裡面有三文魚、青瓜、蛋絲、皇帝蟹棒&芝麻，配料同飯既比例恰到好處，三文魚好嫩滑，配上蛋絲既蛋香味，再加上芝麻醬好好送飯，三兩下我就食哂成碗，比男朋友話我係咪好肚餓😂>和風炸雞：睇落好似章魚燒咁，炸雞炸到幾脆口，食落口肉質緊實又多汁。>桂圓紅棗茶：要放一陣d甜味先出，飲完覺得好滋潤，值得一讚係d杯仔好靚🥰

Poke Go ｜ 深水埗Bowl rice 近呢兩年多咗人鍾意食，因為都係健康食物，可以選擇健康咪做底，或者做沙律底🥗🍚跟住配菜有很多選擇，配三文魚或者吞拿魚再加其他例如牛油果蕃茄豆腐等等都是健康食物，啱晒新一代嘅人健康飲食概念💃🏻再配上不同嘅醬汁，健康得來又好食，佢每個飯上面仲配咗咋蓮藕片呢個係有驚喜嘅位，脆到好似食緊薯片咁 Yummy👍🏻刺身材料都很新鮮值得一試份量都好大，只能吃到三份二，我哋兩個人一人一個都係食唔晒，我建議可以份量細返啲價錢再平返少少

限聚令放寬後 成日大魚大肉 平日要食番light d balance 下 咁岩去開深水埗記得有朋友poke go 既沙律碗🥗一於去試下 平日晚上都幾full 呢到有幾款signature bowl 亦可以好似車仔麵咁自己揀餸Build your own bowl 由Main protein 、Base、Toppings 、Top up、Dressing 、Seasoning揀自己鍾意既野食我揀左Main protein（三文魚) 、Base (珍珠糙飯 同沙律菜）、Toppings （青瓜、蟹籽、雞蛋絲）、Dressing （蜜糖芥末醬）、Seasoning（果仁，木魚絲、紫菜絲）黎到勁大碗 要慢慢撈好先可以mixed 住咁食 俾既料都好足夠 因為全部都係自己鍾意食既野 所以全部都好好味 而且好健康食左大半碗都已經飽晒了 下次外賣番去應該可以食到兩餐添

Poke Bowl夏威夷蓋飯，以健康掛帥，配搭自由，顏色多多，打卡又得，亦可飽肚的美食，一直有其捧場客。深水埗大南街的Poke Go門口裝飾超級有夏威夷感覺，見到個門口都想入去食啦\(≧▽≦)/.隨左Poke go建議嘅搭配方式之外，另外客人可以係廿多款配料中自由揀，有啲似港式車仔麵！有八爪魚、 糙米、枝仁豆、醃酸薑、麻醬豆腐、木魚絲、蛋絲、蟹籽、三文魚籽、牛油果、粟米、雜菌、壽司飯、三文魚及吞拿魚等等，睇到花多眼亂(*¯︶¯*).就連食素嘅朋友都可以係呢度配搭出好味又多材料嘅沙律飯！最窩心嘅係飯同沙律可以半半，啱晒心大心細想試多幾樣配料嘅客人(⁎⁍̴̛ᴗ⁍̴̛⁎).環境夠chill可以同姊妹一邊食一邊傾，想快食又得，無論任何情況都好想整一碗❤️

Poke bowl我真的可以食唔厭🤭今次去到深水埗食呢間又係大受好評嘅餐廳🚶🏻‍♀️·<𝘽𝙪𝙞𝙡𝙙 𝙔𝙤𝙪𝙧 𝙊𝙬𝙣 𝘽𝙤𝙬𝙡> ʜᴋᴅ 98三文魚｜壽司飯+沙律菜｜芝麻海帶｜雞蛋絲｜蟹籽｜蟹肉 +ʜᴋᴅ 12｜山葵乳酪醬｜紫菜絲｜岩鹽｜果仁｜木魚絲｜脆蒜咁多款配料砌出嚟嘅風味碗真係好吸引又大碗，仲有一片脆藕裝飾，食落仲卜卜脆🤩三文魚油脂豐富細細粒都好香魚油味🍣芝麻海帶芽似乎用麻油拌過，麻油味好香😋雞蛋絲略帶甜味，又唔會太乾😂山葵乳酪醬真係刺激得嚟又好食，配飯同沙律都好夾🤪蟹肉份量都唔少，鮮味亦好突出🦀調味嘅木魚絲同紫菜真係可以更提鮮😊同行朋友叫咗八爪魚🐙要讚佢哋嘅八爪魚一啲都唔韌仲好淋，輕鬆咬開😉·總括嚟講都係好豐富吸引的風味碗，非常值得一試🥰女仔叫飯同沙律菜雙拼應該已經夠飽，全個都飯嘅話應該會好飽🤣

Idk how, but its poke bowls are the best i have had in hk thus far. Portion is generous, even for guys who were initially quite worried of the bowl being not filling enough.Flavorful with plenty of choices, esp. the drinks menu. Id recommend and revisit for sure~

成日聽身邊朋友話Poke Go有大大碗健康魚生飯食好正，今日小妹黎到深水埗，決定試試佢有幾正入夜既大南街相當黑，晚市用鮮豔色彩既霓虹燈做招牌寧捨搶眼！店內裝潢走夏威夷風情格，感覺清新relaxmenu十分簡而精，主要分為唔同款式既signature bowl ，款款各有名堂；如果想由飯底配料至醬汁都係自選的話，就要同小妹一樣，用由餐廳供應既熒光筆系Build your own bowl 系列圈出自己想要既食材啦勢估唔到餐廳仲有年輕人至愛既cocktail ，仲有啤酒紅酒Tim，愛酒之人必點自選魚生飯材料有如下：BASE 沙律菜Main Protien 三文魚Toppings 枝仁豆、雞蛋絲、蟹籽Dressing 山葵乳酪醬Seasoning 全點（除辣椒碎）首先，飯真係好大碗，約有500ml大既碗，好似平時食日本魚生丼咁，所有食材撈埋一齊，加埋食物香味撲鼻，真係色香俱全；味道方面，值得一提wasabi yougurt 醬好特別前調有乳酪既酸酸甜甜味，後調會留有一陣wasabi 微香辣感，配埋三文魚魚生粒同沙律菜食真係夾檸檬香茅蜜檸檬薑蜜朋友仔同我各自點既熱飲全部都有獨立玻璃茶壺+獨立杯

放咗喺口袋裏面好耐嘅餐廳因為平時見個樣幾吸引想食好醜今日終於嚟到食😋😋所有材料都好新鮮又健康而且賣相好吸引極大碗差啲食唔晒叫咗呢兩碗都好好味❤️絕對會返轉頭再食！808 $108吞拿魚，壽司飯，沙律菜，和式青蔥：枝仁豆，三文魚籽，雜菌香菇，山葵乳酪醬，芝麻，木魚絲NALU $98瓜魚，壽司飯，櫻桃番茄，和式青蔥，甜粟米，皇帝蟹棒，辛味蛋黃醬，芝麻，辣椒碎📍Poke Go (深水埗)深水埗大南街211號地舖

-Poke Go-@深水埗.知道Poke Bowl近年好流行，但一直冇試過，今日聽同事推介，去左深水埗的Poke Go。.門面被霓虹燈打光睇落好繽紛，餐廳裡面設計簡約，空間感好足，每個座位都好闊落，坐得好舒服。Poke Go有5款Signature Bowl，適合有選擇困難症的人。.朋友點左ONO ($98)，材料有壽司飯、三文魚、溫室青瓜、雞蛋絲、皇帝蟹棒、果仁芝麻醬。.我就自選Poke Bowl，食材選擇好多，每樣都好想試下。.Main Protein有三文魚、吞拿魚、八爪魚同雜菌供選擇。Base就有壽司飯、珍珠糙米或沙律菜。我點個時冇留意朋友點的Ono有咩配料，結果揀左同樣的三文魚同壽司飯、配上蟹籽、酸蘿蔔、甜粟米、牛油果加Wasabi Yogurt。.大大碗勁豐富，睇落好Colorful超級IGable。除左賣相吸引，食材都好新鮮，而且因為配合多種食材，口感同味道都好豐富好多層次。.每碗飯底都好多，Main Protein又係超厚身，加上配料勁多，一人一碗真係好飽，下次一定要其中一碗選沙律菜先得。

深水埗大南街近年真係開左好多好多文青食肆，所以我地耐唔耐都會黎覓食，今日又黎到呢度，試下一間salad bowl.自選salad bowl選擇都唔少，我地都揀左好耐先揀定. 開頭我地以為食沙律會唔夠飽，結果我地慢慢食都食左好耐先食完，份量好足. 只要配搭得宜，其實簡單一個salad bowl就夠一餐所需嘅營養，仲要食得light d. 唔同食材仲有唔同口感，真係可以配搭好多唔同花款. 餐飲一樣好清新，我地一邊食一邊歎茶，真係好寫意. 餐廳佈置都係走小清新路線，睇得出店主都用左好多心思. 值得支持小店啊