Pompompurin Cafe (已結業)

布甸狗係唔少人既童年回憶，就算到大個都會一直鐘意，因為太可愛啦。店中的設計果然可愛，而且還加入了一些香港的特色：例如茶樓圖畫等等。我朋友說這裡可以比日本的布甸狗cafe更漂亮呢！但配樂非常煩擾，來來去去都是布甸狗的叫聲...事不宜遲，點兩個可愛的菜吧！原來有兩款餐是有杯子送的，一隻杯子也要幾十塊吧、還要是布甸狗的呢。我的意粉配拾很奇怪，為何番茄意粉的醬料要是辣的呢？其實有很多人都不能吃辣(不是我)。意粉旁邊有兩塊麵包，但沒有牛油在上面，而且是室溫的、不軟不脆，不過沾了辣番茄意粉醬來吃味道都可以接受。我朋友吃的是香港布甸狗cafe獨有的酸甜排骨飯，是布甸狗屁屁的這型，令我有點不好意思食呢。聽我朋友說，飯的汁太多了，而且非常酸，這應該遠超出開胃的效果了。

每次經過銅鑼灣SOGO總有一種想衝去食Pompompurin Cafe既衝動終於朋友係我多次要求下陪左我去癲一去到就立即俾個室內設計吸引左好好好好好多布甸狗同佢既朋友成間cafe都好夢幻但又好貼地...好有香港FEEL餐牌都好特別每個菜都有圖有D仲教你點食...講左咁耐...而家就睇下奶油包叫左D咩首先嚟個『杯上的墨西哥塔可飯』呢個飯堅好食....D肉醬加埋個飯配搭一流而呢個飯上枱時侍應話"要將布甸狗同佢個朋友推落D肉醬度撈埋嚟食"感覺好似將布甸狗同佢朋友堆屍咁之後仲叫左『布甸狗酢豚飯』呢個好有菠蘿咕嚕肉飯既FEEL酸酸甜甜...唔錯而且個飯既造型係布甸狗PAT PAT好過癒最後仲嚟左個『布甸狗迷你蒸旦糕』呢個一上枱就聞到好香熱辣辣食落去肯定好好味但因為大家都掛住影相到食既時候已經凍左D感覺冇一上枱咁香整體嚟講...Pompompurin Cafe值75分扣左既分係侍應方面叫左幾次俾熱水都係冇俾到...

有人愛好布甸狗，結果去左銅鑼灣呢間布甸狗主題餐廳「Pompompurin Cafe」，整間裝潢都好靚，周圍佈置都係布甸狗既公仔同圖案造型。有小朋友既，可以帶佢地黎，一定會好鐘意！今次叫左呢三樣野食：「煙肉蘑菇卡邦尼意大利粉$149」、「布甸狗俄羅斯風燉牛肉飯$129」、「拿破崙意大利粉$149」。「煙肉蘑菇卡邦尼意大利粉」有少許沙律菜、有兩塊麵包，另外有個有甸狗既杯載住啲「Tabasco味」既面包醬，係用黎查麵包食既，但味道麻麻。意粉都唔錯，火腿同忌廉汁整成既，味道岩岩好。「布甸狗俄羅斯風燉牛肉飯」賣相好得意，好可愛，最特別既係布甸狗既帽係用一堆牛肉整成嫁，好有心思。醬汁好有牛肉味，味道很好。「拿破崙意大利粉」有少許沙律菜、仲有片蛋、有兩塊麵包，另外有個有甸狗既杯載住啲「Tabasco味」既面包醬，係用黎查麵包食既，但味道麻麻。意粉好似蕃茄醬整成咁，但比較乾身。

友人愛布甸狗，於是陪佢來影下相食下野。成間舖每個位都有野影，全程影左好多相。因為間舖都開左一段日子，記得之前排隊排到傻。估計熱潮減退，我先敢去食咋。少人啲，影相又可以慢慢影 。坦白講，呢類主題餐廳一向唔會期望野食好掂。而呢間都唔例外。呢期做緊同chocolate crossover,叫左燉牛肉飯 129蚊，味道奇怪，可能是所謂俄羅斯風既口味。歡樂野餐拼盤 139蚊，麵包口感太硬，鬆餅太乾身，沙律蔬菜唔新鮮，醬汁唔夠。布甸奇古力特飲 64蚊。呢杯係比較正常，講真凍朱好難唔好飲，價錢貴左少少，造型搭夠。不過黎瘋狂影下相都好開心。佈置擺好有心思，牆身花紋係暗藏布甸狗樣。如果野食好味會更加分。

友人八月生日, 提早食生日飯, 知道佢鍾意布甸狗, 會去位於銅鑼灣的Pompompurin Café 食飯.一踏入店內, 全店也是布甸狗, 完全進入另一個世界.不論你是不是布甸狗迷, 見到這樣可愛的怖置也會非常開心, 不停影影影.這裡款式選擇不多, 但全部都有可愛的布甸狗造型.我選了杯上的墨西哥塔可飯, 全因被佢地賣相所吸引.杯上的墨西哥塔可飯賣相精緻, 最吸引我當然是將飯整成布甸狗放在杯中, 夠立體.其他材料還有肉醬, 雜菜, 將飯混入肉醬和雜菜一齊食, 味道尚算不錯, 只是微微辣, 幾惹味, 唯一是唔夠熱.我地食完主菜, 當然要食甜品.最後選了班戟塔.本身跟餐是會送一隻布甸狗杯, 但當日已經送晒.賣相都幾靚.除了班戟外, 旁邊還放了一些水果, 而布甸狗杯載着蜜糖.班戟質感尚算鬆軟, 蛋香味不俗. 甜度適中, 單食已經可以. 我自己較鍾意單食, 因為加了蜜糖有點蓋過了班戟本身的味道.食了班戟, 再食番小許水果, 可以清一清喉嚨.最後, 仲可以買埋精品先走.

曾幾何時既某年某月某日, 得知布甸狗Café將會香港銅鑼灣開幕無數中意布甸狗既人風靡咁去追著呢一股烈風🌬為左一嘗café既美食, 為左一張靚相, 就算排2個幾鐘頭fans都在所不辭!🙈🙈🙈自問我唔係個喜愛布甸狗既fans, 不過每次行過sogo附近都會比仍吸引住😳兒時既卡通公仔活現眼前, 裝修同平時既餐廳好好大對比, 奶黃色既門面令人一行弱就會被佢吸引住眼球😆😆😆今日同朋友係銅鑼灣行完街, 行到有少少筋疲力盡想搵個地方竭下剛好行經呢度, 不約面同咁用同一個眼神望住對方就跟隨住大家既步伐一齊行左落去了❤️Pompompurin Café住於B1, 雖然要行落樓梯不過連樓梯位置都裝飾到好卡通嫁!😍👍🏻餐廳內裡大大小小既地方都係奶黃色既布甸狗,可能平日既關係唔算好多人, walk-in都唔使排隊被安排坐卡位位置, 連張卡位櫈都整到好似布丁咁, 真係好抵死!😆😆😆Menu上既所有食物都可以搵到布甸狗既樣, 好在我唔係die heart fans如果唔係真係想點晒佢地黎食!😂(溫馨提示: Menu附有圖案既料理係有紀念布甸狗杯) 所以食完記得攞返隻杯☕️走啊~~~派對小食併盤 $149 & 拿破崙意

Pompompurin Cafe was filled with Pompompurin and his friends, it was so cute!We ordered a sweet and sour pork with rice. Look at the photo, the turmeric rice is like the bottom of Pompompurin!It's cute,isn't it? It was sweet and sour. Inside the pineapple ring, was deep fried pork chunks! Those pork chunks are inside the sauce, but they were also very crispy. The best thing of the pork was they were deep fried in Japanese style! Next, the pancake tower! It was a five layered pancake in cu

對於可愛既主題餐廳，小妹一向好有興趣，不過，有時好驚d食物係得個樣 但尋晚來到呢間布甸狗cafe 探下路，味道係有驚喜啵！鋪位好易搵，一出sogo出口轉右，其實算係so go樓下？！ 要落樓梯，條樓梯都好有心思架！揀食物既時候，小妹都係比較中意食飯，所以兩碟都係飯 揀左第一樣，真係因為佢有大大個樣椰汁雞肉咖喱外貌唔洗講啦，打卡影相一流，伴菜都好有心機好靚咁又心形又星形 (不過心裏一問，咁樣切食材係咪會浪費d 😶)食落真係嘩一聲，個汁有泰國風味，但唔辣，味道係見得人啵，唔係得個樣另一樣係香港限定既款式，酥豚飯 【簡單d講，即係咕嚕肉】味道唔差，要視乎個人口味，因為小妹同男友覺得酸度較高，無咩甜味 不過酥炸豚肉幾好食 但相比起椰汁飯，呢款個飯身比較硬同實，唔知係咪因為要堅挺住個造型 (就係搵個pat pat 對住你)跟住仲叫埋個甜品，可以叫起。餐牌入面有幾款食品會隨餐送贈圖入面隻布甸狗狗杯仔 小妹覺得佢好可愛，雖然未諗到可以裝咩 講返個甜品，賣相又係一流！ 味道方面個人覺得非常好食 個Pancake 上層係朱古力粉，中間有cream 有朱古力漿。 隻布甸狗狗杯入面就係糖漿。第一淡

其實我鍾布甸多過布甸狗(但係鍾意蛋黃哥多過蛋黃，鍾意自己精神鬆弛下多過見到鬆弛熊鬆弛) 但布甸狗係90年代回憶，有同學鍾意到買到一屋都係。唔算 fans 都可以去布甸狗 cafe 間嘢其實佈置得幾靚，把主題布甸狗融入得幾好。嘢食都整得靚，並唔係印個公仔上去就算。其實我一直都唔明白，fans咁鍾意佢， 點解會捨得一啖食咗佢落肚。布甸狗墨西哥塔可飯 $139布甸狗似喺個杯伸個頭出嚟咁，像真度好高，好打耳呀。佢頂帽竟然係牛丸！有創意！至於味道，飯用黃薑整，無咩嘅。配料係健康墨西哥嘢，酸酸甜甜咁囉，無咩嘅。隻布甸狗杯可以拎走咖！拎嚟做乜呢但係，斟水無兩三啖就飲完喎。Sanrio 咁多公仔有主題cafe (hello Kitty, 蛋黃哥，布甸狗) 人家出復仇者聯盟，佢可以出 cafe 聯盟

一直想去, 但因為太多人排隊了...所以就打算熱潮稍退才去~ 跟住有次去到, 見門口貼住送曬跟餐杯杯...所以又拖後了...唔使等位 (tea time 左右, 幾乎無客...) 又有番杯送...所以, 就入黎喇~ ;)價錢合理得很~Woo～～～向頭頂望, 好治愈喲~~~~  kawaii!!!食物賣相可愛爆登, 而味道都好 ok~ ;)仲要店員極 nice！！！心心眼4圍影相都甜笑住絕無不悅~ >3<仲主動幫忙揸機影合照, 更提議靚位影多幾張~ 好鍾意佢呀!!!

女友說要陪姨甥女去吃布甸狗Café，於是我們 五人浩浩蕩蕩一起出發。 Café不設訂座，為免要排隊，早在六時半我們已到達Cafe，不用等位很快就被安排入座。我點了俄羅斯風燉牛肉飯，女友一看到牛肉飯立即心心眼，不停高8度說好可愛! 影了幾張相後開始說: 〝唔係白朱古力嘛?! 點食呀? 〞她手口並用，說得似層層…為免遭殃，當然遊說她先試。原來是酸忌廉，那我就放心食用! 短短10分鐘看著她不停變面~ 佩服佩服!牛肉黃薑飯牛肉汁香濃，滿滿牛肉香味，牛肉味道尚可。黃薑飯不會太乾，點牛肉汁同吃更滋味!朱古力特飲有萌爆的布甸狗Pat Pat做主題。朱古力加了芒果忌廉(Pat Pat)後口感順滑，雖然帶少許微酸，但仍然平衡不了朱古力的膩，整杯特飲杯太甜，不是我杯茶!吃飽後做攝影師替姨甥女拍拍照，很快就渡過了1個晚上。

布甸狗終於在香港開設首間海外分店，姨甥女很喜愛牠，約好星期日齊齊去潮聖! 香港店的設計特別加入香港特色元素，有手挽紅白藍的情景出現~haha。餐廳無論天花、牆燈與掛畫全都可以見到布甸狗的踪影，十分可愛!餐廳沒有預期般多人，可能跟已開了一段時間有關。用餐時間為90分鐘，所以我們坐下後立即點餐。香港地，有〝限量〞兩個字才夠矜貴，布甸狗Cafe當然不會例外，Crossover CHOCOOLATE推出限量版布甸狗燉牛肉飯!!廚師將飯砌成布甸狗模樣，帽子則是牛肉餅。驟眼看旁邊一個個白色ball ball ~ 巧da意啊! 心想:白色 crossover chocolate，一定是白朱古力!! 白朱古力牛肉飯..真的要放出入口嗎?!男友慫恿我先試1口..!試完才知道是酸忌廉不是朱古力!haha牛肉軟腍，牛肉汁味道濃郁，十分惹味。酸忌廉除了可愛，亦可中和牛肉的飽滯感。我點了個歡樂野餐拼盤，有有三文治、egg benedict、鬆餅和沙律很豐富。布甸狗藏身於三文治，雖然樣子沒有牛肉飯般傳神，但仍然很令人期待。麵包煙韌有咬口，不是隔夜麵包，裡面夾火腿、鮮蘋果及蔬菜。Egg benedict有大片煙肉，

星期日同朋友經過呢間cafe, 見到門面布甸狗的圖畫好吸引，於是走左入去tea一tea～入面裝修好靚，有好多得意既布甸狗公仔和圖畫。坐低叫左兩款甜品～芒果芭菲個樣係好靚，但食落先知奶野。d芒果唔新鮮，布甸質感好"潔"，完全無蛋味和芒果味，雪糕得兩粒好細粒，個底超多cream，食完好流，好濟～呢款同芒果芭菲上的布甸狗布甸味道和質感係一樣，朋友食完都覺得好流～食完影下相，見到有個超大的布甸狗毛公仔，我地滿心歡喜地拎左來同它合照。影影下，個侍應走埋來同我地講：果邊有人想影。跟住二話不說就拎走左隻公仔，完全無禮貌，無問過我地影完未，就拎走左。加上d侍應服務態度好差，無笑容，只識企埋一邊吹水。 總知食物同侍應的服務態度都一般，貴得來根本唔值，不會再去～

非常期待來到布甸狗cafe! 是布甸狗迷必到的！我一向對於卡通主題的cafe都不會抱太大期望，因為總覺得好睇就會唔好食 但原來這個只是個人偏見。由於我們沒有訂位, 所以需等待大約30 分鐘方可入座。餐廳位於地庫，餐廳門口和梯間都充滿了布甸狗的佈置，在等位時我們都拍了不少留念，一點也不無聊呢! 餐廳內的牆紙，裝飾，家俱都是采用了布甸狗的圖案， 而店內更有一間售賣布甸狗精品的小商店。餐牌上大約有十款食品可供選擇，包括:主食，小食，甜品和飲品。我們點了椰汁雞肉咖哩飯和班戟塔。食物上到當然要相機食先，我和友人拍了不少照片才開始吃，令咖哩飯都放涼了 相信趁熱吃時會更好吃呢！咖哩飯的調味適中，不會太咸和太辣, 友人不吃辣，但也吃得津津有味，相信一般小朋友也可以吃得下。伴菜也有三至四種，都被切成刀叉和心型圖案，十分可愛，也令賣相變得色彩繽紛。班戟塔是以朱古力味和香蕉作配搭，大約有五層，班戟中附有新鮮香蕉片，也有cream和糖漿，可按個人口味而配上。凡點指定食品，例如:班戟塔，可獲得一隻布甸狗小杯，好讓我們可以留住今餐的美好回憶！

【2016 年 5 月 2 日】我呢個蝸牛媽媽，現在至寫番 2 個月前的食文 ~~這日趁著假期，就陪囝囝去他至愛的布甸狗 PomPomPurin Cafe 潮聖2:50PM 去到門口唔見人龍以為唔需等位可以直接入座 ... 原來裡面客滿，都要等位 ... 不過，好好彩 ... 只是等了 10 分鐘就有位喇 !!!餐廳位於地庫，落一層樓梯就到 樓梯兩側都是可愛的布甸狗 ... 唔好掛住睇布布，小心梯級 ~~裝潢當然是以布甸的 ICON 黃色為主題，四周都是布甸 ...連天花板都有布甸狗和好朋友們 ~ ~今年是布甸狗的 20 周年，枱墊和杯墊都是 20 周年生日特別版餐紙上印了餐廳的 LOGO 和餐碟上都有布甸狗的腳印，kawaii 呢 !!!我們點了兩款甸狗推薦的料理 ... 班戟塔和煙肉蘑菇卡邦尼意大利粉另外，亦點了客俄羅斯風燉牛肉飯煙肉蘑菇卡邦尼意大利粉 HK$149囝囝至愛的卡邦尼意粉醬汁多了點，但是夠 creamy，啱哂囝囝的口味伴碟的沙律菜和麵包就啱哂我布甸狗小杯裝住清新的蕃茄莎莎醬，伴麵包食好好味的班戟塔和煙肉蘑菇卡邦尼意大利粉兩款食品都贈送紀念品『布甸狗杯』有幾款食品都贈送