Porker

营业中

休息中

吉列牛成日都食 就嚟食下吉列豬🤤但呢到嘅豬並唔係普通嘅豬而係熟成豚肉眼🐷勁濃郁油香味 外皮金黃酥脆 肉質鮮嫩多汁 真係太出～再配埋個芥末醬 更惹味 仲可以中和油膩感😌

睇過其他食評，平日都會提供茶水，但今日三十幾度，反而同我地講只提供支裝水同有氣水，令人感覺十分差同反感。因為天氣熱所以只叫左一個set同一個沙律，咁佢就立即同我地講菜同飯就無得添咖啦。1️⃣Full House set $240追加吉列炸蝦 $50Full House set 有三款，肉熟成豚西冷、豬柳、芝士豚肉餅。感覺有小小名過於實，肉質雖然柔嫩不過偏乾，無乜肉汁，同埋唔太食得出有dry age味😖 個人認為近近地係ifc嘅丼吉，無論味道，份量，環境都比porker好啲，不過價錢就比較貴🥺不過佢地提供嘅醬汁吉列汁、芝麻醬同沙律醋都好高質，值得一讚。set入面既味噌湯配左蘿蔔同豬肉係入面好好飲。👍🏻2️⃣Porker salad $80沙律配左煙肉同橄欖，口感幾好。菜都切成一口食到既size配上酸汁，好fresh夏天無胃口都食得落。味道3/5環境3/5服務1/5🌟總體評分 6/10味道雖然幾好，不過態度麻麻有hard feeling ，不會再到訪！📍Porker (中環)中環閣麟街26號地舖

都係果句，未有得去，唯有食咗先今次就到日式吉列豬扒飯香港專食吉列豬扒嘅地方唔多，今次就特登出中環試吓嚟到呢間小店，座位間隔比較迫，我見有客人仲要坐吧枱食緊，可能午市真係比較多人掛，我去到已經兩點幾，所以唔算太多人枱與枱之間都比較迫，始終香港都寸金尺土叫咗個吉列熟成肉眼扒，呢個豬幾好食，一舊豬扒入邊會有肥瘦肥三層，不過食到一半嘅時候，就會開始有啲漏，依個吉列粉渣得唔夠鬆脆，冇咩蓬鬆嘅感覺另外佢嘅醬汁包括吉列汁、芝麻醬同沙律醋都值得一讚嘅，唔會太濃不過服務可以再主動啲，例如加椰菜，加茶，唔使次次揮手叫先到

想食正宗既日式吉列豬扒.發現HK唔係好多選擇🧐做過RESEARCH後就決定黎呢間.冇得BOOK位.於是6點幾就去食~咁都唔駛等😎地點都有D隱蔽.位置唔算好多!但感覺都好和風.WAITER有D都似係日本人?再播住日本既音樂!!🎼一場黎到.2個人叫2個SETS.試哂3個唔同部位😋💥PORKER SET(西冷+豬柳)💥AGED PORK RIB EYES SET (肉眼)SET配埋麵豉湯 椰菜 薯蓉 白飯😀OVERALL豬扒炸得好脆好香口.皮脆肉軟 🤗3隻裡面.個人最中意RIBEYE~!肥瘦恰到好處.又有肉汁😋 👍🏻西冷就太肥.豬柳太瘦顯得有D硬><配椰菜加餐廳提供既醬汁.可以消一下膩醬汁除左有日式豬扒汁.仲有柚子醋同芝麻醬柚子醋/芝麻醬 都係消膩之選😀份量都好足.2個人係食唔哂.仲要打包走XD

Porker is a small restaurant specialized in tonkatsu, Japanese pork cutlet made with aged pork. $200 for a lunch set with pork miso soup, rice and tsukemono was a bit overpriced because the aged pork did not taste intense at all compared to what I had in Hokkaido. The リブロース rib eye was more juicy that the ロース sirloin because of the distribution of fat. Both were still tender, but definitely not the best I’ve had in Hong Kong.The environment was confined. Small area with both counter and table se

近期都見到門前有長長人龍的一間日本小店，假日晚上大概等了差不多半小時。我們各點了𝘍𝘶𝘭𝘭 𝘏𝘰𝘶𝘴𝘦 𝘚𝘦𝘵及𝘈𝘨𝘦𝘥 𝘗𝘰𝘳𝘬 𝘙𝘪𝘣𝘦𝘺𝘦 𝘚𝘦𝘵， 整體吉列豚肉外層香脆不太油膩，椰菜絲爽口，味噌湯又足料，沒想過連薯仔沙律都很好吃 (＾ｰ^)ノ𝘍𝘶𝘭𝘭 𝘏𝘰𝘶𝘴𝘦 𝘚𝘦𝘵套餐包括了熟成豚西冷，豬柳及芝士豚肉餅，一次過滿足了3個願望✨個人較喜歡豬柳，口感鬆軟嫩滑！原本以為芝士豚肉餅會很濟，但這個芝士餡份量適中，會想Encore！𝘈𝘨𝘦𝘥 𝘗𝘰𝘳𝘬 𝘙𝘪𝘣𝘦𝘺𝘦 𝘚𝘦𝘵由於這個是限定套餐，而且又想試多一種其他部位的豚肉，所以毫不猶豫點了XD豚肉眼油脂分佈平均，嫩滑多汁，都值得一試⍢⧐𝘍𝘶𝘭𝘭 𝘏𝘰𝘶𝘴𝘦 𝘚𝘦𝘵 $240𝘈𝘨𝘦𝘥 𝘗𝘰𝘳𝘬 𝘙𝘪𝘣𝘦𝘺𝘦 𝘚𝘦𝘵 $200𝘗𝘢𝘴𝘴𝘪𝘰𝘯 𝘊𝘰𝘰𝘭𝘦𝘳 $38𝘠𝘶𝘻𝘶 𝘚𝘰𝘥𝘢 $38𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡♡/5⧐Porker @porkerhk 📍中環閣麟街26號地舖@foodiegoodie.hk#foodiegoodie_central

蒲經中環，不然被它綠色底色上的大白豬吸引，到了傍晚便相約朋友試試佢！意想不到的是，6時半左右，已經出現人龍，不過天氣還好，沒有影響心情。 大約15分鐘左右就可以入座。日本店長的態度不錯，沒有讓我有絲毫被怠慢的感覺。被安排坐在bar枱，坐bar枱最怕是碟太大，枱太細，幸好情況可以都坐的舒適。我先點了suntory beer mixed. 先放鬆一下心情便再去睇下有咩好食！選擇很多，最後我選了先呷一口麵豉湯，用料豐富，有碎魚片，濃濃，有想添飲的衝動。豬扒肉汁鮮嫩，略厭皮和肉有點分離，不過整親味道很好。整體是一次滿意用餐體驗。

搬新店後第一次光顧，某週末6:15pm到達店舖不用排隊。2人點了兩個炸豬排套餐，另點了一份豬軟骨和兩杯飲料。餐點6:30pm到達，一開始都好似平時一樣，會有詢問我們需不需要refill 椰菜。但進食20分鐘後（大約6:50pm），兩位店員開始不停望向我們，起初以為想留意幫我們refill椰菜，但其實我們的椰菜早早吃完了，他們之後也一直沒有refill。不難發現，店員其實在觀察我們吃完沒有，我們察覺到後，便急忙吃完所有食物飲品然後結帳了。但畢竟也點了小吃，快不到那裡去，我最後更是「硬啪」了杯飲品…最後離開餐廳時間大約7:15pm。老實說，一小時的用餐時間是剛剛足夠，但最尾半小時基本上是在被店員用眼神狂打掃是真心好有壓力….也明白有其他客人排隊，店家肯定想做第二輪生意…如果大家一心想吃好味豬扒，推薦這裡的！但如果想輕鬆吃一餐晚飯，我想$700二人的價錢在中環有其他選擇。

Porker 細鋪搬大鋪之後第一次去幫趁好滾動 無退步 仲好似好食左( ∩'ω'∩)絕對呃到自己番左日本咁佢用鹿兒島三元豬 再熟成處理叫左西冷同豬柳 各有各特點西冷肉質相對實在一啲但脂肪都比較多 尤其頭尾部分油香重但唔肥膩豬柳整體口感好鬆軟好嫩 輕輕一咬就咬開吉列炸漿好薄好脆岩岩好夠包住舊豬 炸完仲有肉汁連椰菜絲都好好食佢切到勁幼 想無限refill（◔ω◔ * ）記得2019年尾去日本既一個小確幸當日係東京最後一晚都無乜特別計劃食咩男朋友即興想食好好食既吉豬搵左tabelog有3.8分既もち豚とんかつ たいよう去撞下彩其實佢得bar枱十零個位果陣7點幾 見到門口寫住準備中 又無其他人等位都打定輸數店員出黎話已經滿座啦 明天請早但你地都可以試下等多陣既深信吸引力法則既我！成功了！任性地等左15分鐘 真係有位！真心覺得同porker好食程度好似差唔多|ω・）✿✿✿✿✿✿✿✿✿✿✿Follow @lastbitematters on IG for more

由佢未搬鋪嗰陣 已經幫襯過好多次日本老闆娘非常好客會同客人交流叫咗個吉列熟成豚肉眼定食套餐有味噌豬肉片湯 薯仔沙律 椰菜絲呢度嘅豬扒用低溫熟成方法令肉質更鬆軟加埋炸粉並唔厚咬落去非常之香脆唔油膩而且肉質鬆軟極力推介嘅日式炸豬扒店

前幾日食完 愛上了！平時都中意食呢啲，不過今次真係好有驚喜。豬扒炸得好好食 肉質唔錯 份量啱啱好 個薯仔沙律先最正，出色！已經plan緊同朋友再返黎食！！！！！！！！！

Bookmark咗好耐好耐嘅Porker，估唔到過咗幾年，連舖都搬埋先第一次嚟食星期六十二點半嚟到已經排緊隊，等咗大概半個鐘先入座。排隊時店員就畀定餐牌我哋睇，排到第一組嘅時候就可以落咗單先。吉列豬扒定食有幾個部位選擇，分別係西冷、肉眼同豬柳。另外亦有豚肉餅、芝士豚肉餅同吉列海鮮。除咗吉列定食，仲有咖喱飯、生姜燒、滑蛋飯、三文治同多款小食。定食包括白飯，味噌湯同前菜。味噌湯係好足料嘅豚汁，有豬肉片同紅白蘿蔔片，味道偏甜唔會太鹹Porker嘅吉列豬扒用上鹿兒島三元豚，以低溫熟成令肉質變得更柔軟。熟成牛喺香港就好常見，熟成豚肉就似乎比較罕見，但其實喺日本已經興咗好耐。吉列豬扒表面沾滿大塊麵包糠，食落寧舍酥脆，而且炸得顏色均勻，賣相滿分豚肉眼係限定部位，肉味濃郁口感柔軟，邊位有少部份肥膏豬柳比起肉眼肉質更腍，脂肪較少但肉味濃郁喺日本食吉列豬扒差不多次次都係食西冷同豬柳，雖然西冷貴過豬柳，但個人覺得豬柳仲好味過西冷。定食包括嘅無限refill椰菜絲刨得夠幼細，沙律醬汁有兩款，香橙洋蔥沙律汁果味突出，帶微酸好開胃。而芝麻醬味道濃郁，撈椰菜絲食好好味餐廳自家製嘅吉列豬扒醬汁比一般嘅吉列豬扒更加惹味

叫左個combo set, 有3款部位: 西冷、肉眼、豬柳吉列做得好出色, 鬆脆的，咬開後入面有肉汁，一啲都唔乾身，配埋個飯食一流我自己就最鍾意西冷，香又好咬，肉眼就淋左少少啤酒係第一樣上枱嘅野，好濃郁，好香，完全唔想停咁飲，但食左野食後飲已經無左呢個感覺，應該係食物嘅味道影響左？最後係店員推介嘅，鹿兒島豬肉餃， 好食係好食嘅，但係就一啲都唔驚喜， 只係唔錯嘅餃子， 下次都唔會點想講下個環境都幾日式，同埋員工態度都好好

去已經係上年的事了叫了full house set當中tenderloin同cheese也好好食 juicy得黎鬆脆aged pork都好食不過鞋小小係中環地段來說位置都幾好都推介大家去！

晚市禁堂食同二人限聚令又番嚟啦😭 當出街品嘗美食嘅難度高左，係選擇食物方面自然更加精挑細選~ 今次選擇左去好友大力推介，由居港日本人打理嘅日式炸豬排餐廳！為了避開人流，我地係餐廳12點店開冇幾耐就到，成功第一批入座。一整日都落雨依然無阻香港人尋找美食慰藉心靈嘅決心，用餐期間餐廳外嘅人龍無減！Order左 Porker Set $220，有熟成豚西冷同豬柳，仲跟飯、麵豉湯、麥茶、無限refill嘅椰菜絲、薯蓉，分量超多。兩款豬炸得非常酥脆，薄薄嘅炸漿包裹住爽嫩有厚度又有口感嘅豚西冷同豬柳，內裡濕嫩，係令人懷念嘅日本味道，每一口都係滿滿嘅幸福感！係無得去日本旅行嘅日子就要尋找小確幸，難怪連日本人都會嚟呢度思鄉~ 我比較鐘意豚西冷，脂肪含量較低冇肉筋又爽口，點唔點Tonkatsu豬排汁都咁正！Porker另一個impressive嘅位係佢新鮮嘅椰菜絲，切得超幼細，唔加芝麻醬就咁食都好鮮甜，為炸豬帶來小清新！Porker Set分量真心唔野少，一人一set食到3/4已經飽到傻左。見到隔離台order嘅吉列豬柳三文治非常吸引可惜食唔落，建議想試三文治又唔太肚餓/細食嘅朋友可以考慮兩個人order