Potato Corner

营业中

休息中

大年初一原來係碰碰運氣去買老虎堂，點知又真係有開等緊野飲時，隔離間薯條又有開！上次已經諗住試但買唔到！今次同仔一齊黎，就一於買個試下！買時冇咩人，我點左個Mega 揀芝士同BBQ 味後先留意到叫Giga 原來有野送！算啦....為有下次啦！等左10分鐘我果杯終於出黎啦！兩個仔係咁話好好食BBQ 味最好！仲叫我下次淨買BBQ 味但我寫緊時先發時原來杯真身我冇影正相!杯野一出我就太興奮咁拎俾仔食下次補返囉！🤣

其實呢間Potato corner 黎左香港都有一段時間但今日經過銅鑼灣先第一次試 之前覺得點解薯條都賣咁貴, 試完先知係值得嫁!! 薯條係偏幼身另有4款口味- pizza, BBQ, 芝士同埋洋蔥味, 另外分量都有分4個size 唔同價錢我地叫左MEGA SIZE $ 35 蚊, 可以揀兩隻味( 芝士同埋洋蔥味) 落左單之後會即場炸俾你, 所要都等左10 分鐘左右, 之後店員會用大桶將薯條同味粉撈埋一齊. 條條薯條都沾滿粉而且很均勻, 食落熱辣辣又脆卜卜. 份量又多一個碗都裝唔曬👍🏻👍🏻

白烚薯仔都食得落嘅我 絕對係個不折不扣嘅薯仔控🥰 如果你問我有咩比薯條更吸引 我會話一定係shake shake薯條🤪 ..Potato Corner嘅薯條係偏幼身 但每條都又長又漲卜卜 價錢由$28-$62不等 (分四個size)我就揀咗giga size 可以揀三款味道 barbecue同sour cream&onion係我長期至愛熱辣辣新鮮即炸🔥 仲好夠調味👍🏻.今個月內只要買Giga或以上size 仲免費送你三條Mozzarella Cheese Stick🧀!!可惜我略嫌唔夠拉芝 有啲乾爭爭嘅感覺☹️ 但薯條滿分😝😝😝

傳說中嘅菲律賓薯條 呢間菲律賓薯條店喺香港開咗幾年亦都開咗唔少嘅分店 有時掃街都會食下 價錢大概30到$50都有 主要分別就係佢嘅份量同埋可以揀嘅口味 通常同同學食都會揀個中嘅就可以選擇兩種口味 今次我哋食Wasabi同埋芝士味嘅薯條 個人覺得佢兩隻味都幾好食 Wasabi唔算太辣但係食得出佢本身既味 芝士味就唔算好濃 如果真係好鍾意食芝士嘅朋友可以加少少錢選擇雙重芝士嘅口味識落嘅芝士味應該會濃少少 另外嘅就係呢間鋪頭間唔中都會推出一啲新嘅口味 所以每一段時間嚟呢度試吓都會有驚喜 食完呢度嘅薯條再食返普通快餐店嘅薯條真係返唔到轉頭 另外一提嘅就係喺呢度嘅薯條係幼身既 鍾意食粗薯條嘅朋友可能要失望 同埋呢度嘅炸芝士條都幾好食 如果大家食得落都可以試吓

從小到大，最愛食的都是炸嘢👅細細個阿媽都話「熱氣」不肯買，依家自己有能力買來吃，當然不會放過食薯條的機會😈————————🔸 MEGA（特辣燒烤🌶️+香濃薄餅🍕）$34特辣燒烤 📍9/10一食就覺得勁濃❗️鹹鹹地帶小小甜～起初不覺得辣，但食食下就嚟料，不過辣度適中，好惹味😍香濃薄餅 📍7/10中規中矩，偏鹹，同Pizza味薯片的調味粉一模一樣😂想嘗新的可以唔使叫～（兩種味顏色差不多，所以好難分辨～加上一碗放兩種味，調味粉會混在一起😅）

我點都冇諗過會嚟到銅鑼灣食薯條......真係咁啱路過，而且一直都冇時間去尖沙咀去試，所以先買嚟試下。佢味道有幾隻，仲有 d季節限定，不過唔多吸引，我就買左bbq同埋奶油洋蔥。我想講，佢d薯條粗幼度同某集團一樣，d粉既味都幾濃味精味， 個人認為bbq 比較好食，不過真係咸咗d。同埋論價錢既話，我覺得我食返shake shake薯條，唔係話覺得佢貴，但我唔覺得同某集團有咩大分別，咁有對比之下，就顯得佢唔值呢個價。同埋最重要係，其中有一個女人既服務態度好差，成程黑面，語氣都唔耐煩，我等緊拎既時候，後面既女仔問多一句都被佢串，見佢對另一個staff仲惡，買個薯條，使唔使咁惡？

小編女友十分着迷嘅shake Shake 薯條🍟(已經唔係第一次分享啦 )Mega $34 可以選兩味呢排出咗一個新味♥️忌廉白松露松露味真係好重同有忌廉香👍🏻但佢又同平時黑松露既薯條感覺不一樣另外一隻味依然係選擇奶油洋蔥😋依舊甜甜地又做到惹味既感覺😝呢度既shake Shake粉仲係令我食完想再食😝🧐另外佢嘅薯條質素，真係好睇分店同嗰日店員手勢，基本上次次唔同，今次就幾好但有時會有d乾🤦🏻‍♀️

Mega Fries (Wasabi & 白松露) $34見有兩款新口味就再次幫襯 今次滿意度略有提升照舊叫份mega可以揀兩隻味 兩隻都唔錯 作為松露愛好者 叫松露味係毫不猶疑 呢隻松露粉咸咸地幾入味 不輸於市面食得比較多既松露醬 另一隻wasabi本身有啲怕太重口味 食落又ok 覺得同真正既wasabi其實唔係好同 無咁刺激性 基本上咸感多於辣感都欣賞佢推陳出新所以第三次以上光顧 兩新口味都值得一試

昨日為左杯台中過江龍#老虎堂 排左1.5小時係太陽乾煎既情況下又悶又口渇又肚餓好彩隔離有間即叫即炸的薯條店揀好口味後，店員會將薯條放入桶內搖晃不停shake shake，務求每條薯條都會沾上味粉。我叫最細size $28 BBQ味佢味道有奶油洋蔥、黑松露等等。size也有幾款選擇。剛炸完非常熱辣辣，外脆內軟，夠惹味😋如老闆所說，真係好味過所有快餐店既薯條架😂食完再飲埋杯黑糖波覇，去除左薯條味粉既口渴。

I am so glad there is a third branch of Potato Corner.Unfortunately, the chicken wasn't launched when I went so I didn't get to try them.It was difficult ordering because the music was loud and the menu screen kept changing to something else.Anyway, I had the potato smileys which I think taste better than fries as there is more potato in proportion to the flavouring.The cheesey flavour is really good but the sour cream was too sweet.Your fingers will bebright orange when you finish so imagine th

去開銅鑼灣食野，食完正餐想再掃下街，點知好少，偶爾經過依間薯條店，又未食過，就諗住試下😝由於都有6個人，所以我地叫左第二大size - GIGA，可以揀三款味😋薯條係即叫即炸即shake，一拎上手香之餘又熱辣辣😍😍😍所以等左近15分鐘都係值得嘅😁1. Giga - Chili BBQ＋Sour Cream＋Cheese（$58）🍟🍟🍟份量真心多，我地6個人都完全足夠👍🏻容許我分開三款味去講下評價🙈Chili BBQ🌶我覺得係三款當中最好食，辣得好過癮，而且每條薯條完全包圍燒炸同辣味，真係愈食愈上癮🤤🤤🤤彤樂評分：9/10Sour Cream🍼其實都好食，好有奶油香，只係撞埋Chili BBQ一齊食，味道被掩蓋😂😂😂彤樂評分：8.5/10Cheese🧀依款係我最失望🤦🏻‍♀️，通常芝士薯條實冇死，但原來唔係黃色芝士，而係橙色芝士，食落去同聞落去都臭臭地，味道又怪怪地，最後食唔晒都係依款，證明佢嘅魅力去到邊😅彤樂評分：3/10

行行下銅鑼灣怡和街，見到人捧住一盤薯條🍟，見到都覺得好味🤤，見個路人盤薯條新鮮熱辣咁，估間野應該响附近😁，响恒生條巷仔轉入去一出左手邊，就見到間裝修簡單，好大個薯仔招牌！就係佢嘞😍😆即刻買黎試下🤤，佢有好多size比你簡，每個size可以簡幾多隻味🤤🤤！因爲我同朋友兩個人所為簡左2隻味，即係maga，有7隻味：芝士、燒烤、奶油洋蔥、特辣燒烤、同3隻季節味道！我簡左芝士🧀同特辣燒烤🍡，最好d薯條🍟係即叫即炸，炸完會待涼，所以食落唔會好油，再用個大筒將薯條同味粉溝匀！等咗大約5分鐘左右有得食，熱辣辣，好香口，味道十足！食完會上癮😋

今日黎到銅鑼灣行街沿途已經見人攞住盒薯條🍟但係又唔知係邊間點知行左入渣甸坊，俾我發現左佢我當然立刻要試下由於未食過的關係所以站在店前看Menu看了很久店舖前面有video一直播住，才發現這間薯條店很出名，菲律賓過江龍(原諒我井底之蛙），薯條分四種size ,我選了MEGA size，MEGA 可以選取兩種薯條口味，我選了芝士口味和辣燒烤口味☺️非常之期待，因為有人排隊，所以等了差不多10分鐘☺️yeah 由於之前沒有試過，所以並沒有期待，第一條先食芝士口味，一食即刻愛上，非常濃郁的芝士味刺激你的味蕾，比平時食開那隻芝士圈（你應該明我講邊隻😂）濃味10倍，之後再試辣燒烤味，一條兩條不覺得辣，但是食落還是幾辣，愈食愈辣，但好過癮不錯不錯,下次經過會再食，試埋另外sour cream and Onion 同BBQ口味

Mega Fries $34已經第三次幫襯呢間既薯條 菲律賓過江龍 前兩次都係尖咀 銅仔新開又去捧下場呢間薯條分幾隻size 愈大份可以揀愈多薯條口味 之前都係叫mega跟奶油洋蔥同特辣BBQ 初次食真係好有驚喜所以先會encore 見到有新既pizza味今次就揀左黎試 照舊拼特辣BBQ睇相見全部薯條都係紅紅的 實情係兩款唔同口味黎 我覺得pizza味比洋蒽同BBQ更加重口味 如果拎起條薯條近望會見到shake係上面既粉更加多食落更偏咸 個人就鍾意之前食開果兩款多啲 一黎影相兩隻色分明啲好睇啲 二黎口味都岩啲 仲有唔知係咪錯覺 凝住銅仔分店無尖咀果間裝滿到就跌果種感覺 又唔似尖咀有叉提供 所以雖然我會推介大家試 最好都係去尖咀感覺質量好啲