Pulau

营业中

休息中

中環街市真係一個好地方，自從改革後既中環街市，除左變左文青打卡處，又有好多香港特色野買，仲有好多好野食，絕對係有得食又有得玩。行完街街搵好野食，呢度真係好多不同國家菜式，今次就試下新加坡🇸🇬菜——蒲羅主食：1. 娘惹茶燻鴨🦆配油香飯及蘇東魚丸雞湯🥣（$82， 茶燻鴨超肥美，大大塊鴨肉彈牙，送香噴噴的油香飯，仲有半隻熟蛋配魚乾仔，正宗的新加坡菜式口味，撈埋一起食，再喝一口熱雞湯，真係好好味好好的享受）2. 巴東牛肉配班蘭椰漿飯配蘇東魚丸雞湯（$78 呢個斑斕椰漿飯係綠色的，真係好靚😍極度有胃口，加上嫩滑的巴東牛肉，份量也甚多，味道也夠入味，真係好夠食）大家喜歡吃新加坡🇸🇬菜，就不妨試下蒲羅啦😋

星期日tea time去中環街市搵食。 叫了新加坡大蝦喇沙摻摻。 “摻摻”意思：油麵+米粉。服務細心， 製作速度快 5分鐘左右便完成。喇沙材料正常。蝦切半上 只有4片 豆卡3粒 魚蛋2粉 魚片4小條。 湯底有驚喜 濃度夠 食完唔口渴👍🏻朋友叫了巴東牛肉班蘭椰漿飯 隨餐附上蘇東魚丸雞湯。椰漿飯加上班蘭汁後變成綠色。 份量係正常一碗飯size, 牛肉份量亦足夠。 味道正常發揮 淋口易咬 還有半隻boiled egg. P.S： 包裝色彩繽紛 設計精美

。新加坡大蝦喇沙摻摻 ($78) - 喱個喇沙夠哂惹味，濃郁咖哩香又有椰香味，帶點少辣，當中有炸洋蔥及蒜片，食落更香口。餸菜豐富，有魚蛋片、蝦肉、魚蛋、豆卜等，米粉夠幼又彈牙，蛋面有蛋香，每啖都吸哂啲湯汁。<Overall score: 8/10>

黎到中環唔知食咩就行左去中環街市睇下，地下有好多餐廳，朋友見到想到新加坡菜就話想食。半熟蛋配咖吔多士咖吔味道香甜濃郁，多士烘到外脆內軟，我中意加埋半熟蛋一齊食，蛋味香濃又可以中和甜度。參峇醬燒豬頸肉豬頸肉肉質爽脆可口，用左參峇醬更惹味。手打櫻花蝦餅蝦餅爽口彈牙，煎到外脆內多汁。娘惹茶燻鴨配油飯及蘇東魚丸雞湯茶燻鴨啖啖肉，外皮油脂香濃，食落咸咸地肉質嫩滑，雞油飯好香。蘇東魚丸雞湯湯底鮮甜，魚丸彈牙。

中環街市裏面真係好多驚喜 有超市好多餐廳又可以飲下野 好鍾意呢一間Pulau星馬菜走現代化路線 價錢喺中環嚟講真係好親民超值嘢食質素亦都好高 裏面大把位坐 啱曬放工同朋友嚟食飯 嘢食外觀賣相好正非常吸引真係有五星級嘅質素 今日放工就同朋友嚟食咗個檳城蝦麵蝦油好香仲有蝦 豆 豆卜做配料 好香口 有蝦做湯底 非常鮮美小食嗌咗個 半熟蛋配咖央多士半熟蛋整到好香 真係我嘅至愛 多士牛油味重 真係好香口好吸引仲點咗個 燒豬頸肉 啖啖肉點秘製醬汁真係好正仲有我最愛非常驚喜嘅星加坡鹹蛋黃單骨雞翼啖啖肉唔 鹹蛋黃好香 勁多鹹蛋黃醬 非常邪惡 但係好好食 同朋友share曬呢度大把位坐上菜速度又快 啱曬同同事午餐或者放工食嘢

今日黎中環街市食飯～ 原來有好多選擇架！ 睇到眼花撩亂😵‍💫😂有日式、西餐、中餐、韓式！真係好多！最後我地叫左海南雞飯同埋 新加坡大蝦喇沙摻摻🥰中環街市不嬲都好打卡able, 座位同環境都好靚，好舒服～ 今次叫既海南雞飯係套餐黎，有配湯～呢個係隔離餐廳買～個油飯好入味～ 但又唔油！ 飯粒乾身🥰好好食～啲雞肉都好滑，冇骨～ 雞皮都係冇咩脂肪～連皮食好爽口好正～ 😋跟住呢個喇沙摻摻都好好味！ 😋擺盤好靚，配料十足～我好鐘意呢個喇沙既湯底，好好飲～又creamy! 味道濃而不膩🥰 啲豆卜浸到好入味🤤最後仲叫左個串燒拼盤～ 有蝦、魷魚鬚同雞肉～ 有6串，都幾抵食～ 岩晒我呢啲每樣都食少少既嘴饞怪～ 😜 下次行過又可以再食～🥰

係公司附近搵食咁耐，都未試過嚟中環街市食，今次上堂之前嚟呢間星馬餐廳醫肚😙呢到係半自助式，可以手機落單或者同店員落，自己去抖水、收盤⭐️吉羅大蝦🦐雞串咖哩麵配料好多，有蝦、半隻半熟蛋🥚、豆角、豆卜、雞串，好豐富，特別係雞串好正😍烤得剛剛好，好正👍🏻👍🏻個湯底係喇湯，好濃郁帶點🤏🏻辣味🌶最正係豆卜吸哂啲味😋⭐️半熟蛋配咖吔多士🍞麵包用咗健康啲嘅麵包，多士入面係班蘭醬同埋一塊牛油🧈仲有兩隻半熟蛋配埋一齊食

Pulau味道評分:☄️(highest_surprise)/☀️/🌤(pass)/⛅️/💨(lowest)☄️新加坡大蝦喇沙摻摻(油麵+粉絲) $78依碗湯底既味道有一種魔力，令我一啖接住一啖咁食🥹明明我已經飽左🥲但有一把邪惡既聲音係咁叫我:不如食多啖😉湯既質地非常濃稠 喇沙湯底就係食尼種感覺！味道方面有梛汁味，辣度恰到好處，好味🙈麵既配搭&軟硬程度都岩岩好😗佢既配料亦非常豐富😆一定要提既係👉🏻豆卜吸曬啲湯汁 超級好食👀另有大蝦二隻（已去殼 每隻一開二)、魚糕、豆角、肉丸3粒、半隻溏心蛋等等🤩十分豐富👍🏻❤️‍🔥中環街市最底果層有個小型food court👀❤️‍🔥仲有少量户外位都幾chill🫣❤️‍🔥❤️‍🔥❤️‍🔥既然你睇到尼度，不妨比個like & comment & follow me~話比我知你有睇，比啲動力我 ❤️‍🔥最後既最後，口味尼家野因人而異啦~

蒲羅 – Pulau 中環皇后大道中93號中環街市地下G19號舖Shop G19, G/F, Central Market, 93 Queen's Road Central, Central中環街市由舊街市, 改建成青年人的SHOPPING 及食野地方, 地下的食肆有像FOOD COURT, 有好多集中在一起, 又可以帶狗狗來的PET FRIENDLY 地方, 買了東西找個近中央戶口位, 通風又可以同狗狗一起享受進餐時光。$80 亞答慢煮豬手飯配蘇東魚丸雞湯 豬手煮到好軟腍, 食入口很香, 豬手皮QQ得來多骨膠原。另外有半隻滷水蛋及配菜, 豐富又美味。蘇東魚丸雞湯, 魚丸同我們食到架魚蛋口感不同, 香港架魚蛋。$82 新加坡白胡椒肉骨茶 雞油香飯，肉骨茶好重胡椒味，附有醬油同香脆油炸鬼，用來點rib 食。油飯鹹香好食，我最愛油飯的了。$56 新加坡鹹蛋黃魚皮，鹹蛋黃醬唔死鹹，加了些糖來炒醬，平衡度更好$36半熟蛋配 咖吔多士, 多士好脆身，咖吔醬香甜及牛油，抹一層在TOAST上已好好食, 更有一隻半熟蛋, 是當地人平日早餐的COMBINATION 以FOOD COURT 水準出狗地

中環街市真係有好多野食，今日午餐黎左呢間新加坡餐廳叫Pulau食返餐。原來兩點已經有茶餐，價錢非常經濟。茶餐有6款飯粉麵作為主食，另外仲有多款輕食。價錢基本上係$80樓下。去收銀落完單自己搵位坐，6分鐘就有野食。新加坡大蝦喇沙摻摻 $68 新加坡大蝦喇沙可以揀摻摻或者米線。我揀左摻摻，都好碗。摻摻係黃色粗麵加幼身粉絲，粗麵有咬口而粉絲幼滑吸汁，加埋係好正嘅口感。個喇沙湯香滑，辣度剛好，梛汁又夠，好惹味。配料有去殼蝦兩隻開邊，炸魚蛋三粒，炸魚蛋絲幾條，吸汁豆卜4件，半隻糖心蛋，爽口芽菜同豆角，面頭灑上脆脆。材料好豐富！呢個價錢好抵食！半熟蛋配咖吔多士 $36咖吔多士一客4件，烤得香脆嘅多士夾住甜甜哋嘅咖吔醬同厚厚邪惡牛油，食落外脆內甜，好好味。半熟蛋兩隻，入口即化，又滑又有蛋黃香。參峇醬燒豬頸肉 $82參峇醬燒豬頸肉一客10片，燒得燶邊而肉質爽口兼嫩口，食落啖啖肉。伴有青瓜粒同半粒車厘茄可解膩。另上參峇醬比你自己調味。個參峇醬少少辣，好惹味。胡椒豬肉串 $48胡椒豬肉串一客4串，用圓形竹條串住。豬肉好似肉丸質感，較爲肥膩。面頭撒上脆脆同蔥花。總括而言，喇沙摻摻超抵食，而咖吔多士好好味。係

Palau今晚去左中環街市搵野食😻原來夜晚去都唔太多人，幾好😆有戶外座位亦有戶內位置💁🏻‍♀️我地簡左Attap 💁🏻‍♀️同埋Pulau💁🏻‍♂️兩間餐廳🍴食我地嘅晚餐🤤……….🐷亞答慢煮豬手飯(配蘇東魚丸雞湯)($68)豬手好淋身，入口即溶😻😻我感覺到滿滿嘅膠原蛋白😂😂🇸🇬新加坡大蝦喇沙摻摻/米線($68)湯底唔辣，但係湯底味好濃郁，如果可以加點辣更加好🤤賣相好靚，有蝦有魚蛋，亦有蛋，好多配菜💁🏻‍♀️🥪半熟蛋配 咖吔多士($36)多士好脆身，咖吔甜甜地好好食🤭🐷參峇醬燒豬頸肉($82)豬頸肉燒得乾身，唔油膩🤤，食咗都唔怕肥🤭……….原來中環街市餐廳都好多選擇，同朋友去可以各自食唔同嘅餐廳🤤有多打卡位😌📸……….

中環街市比我嘅感覺非常之文青，有啲似去咗南豐紗廠咁！好彩今日天氣幾好，冇落雨，所以可以坐係出面戶外露天嘅植物區！🌳🌴🌱🌿☘️🪴 見到啲綠色嘅植物，成個人都特別心曠神怡！💚💚💚最底嗰層G/F係一個大型food court，有各式各樣嘅餐廳，亦都有一啲開放式嘅酒吧，比附近做嘢嘅人過嚟嘆吓happy hour！🍻我哋行到最篤篤，見到有兩間都係東南亞料理，決定兩間到試下！《亞答屋》🔸海南雞飯 配 蘇東魚丸雞湯 💲7️⃣2️⃣我哋好肚餓，見到個海南雞飯賣相唔錯，一於試吓！結果試完覺得質素都唔錯，雞肉皮薄肉靚，雖然比起其他海南雞飯嚟講唔算超級超級嫩滑，但勝在有少少油脂，入口唔會好鞋身！🤩 個油飯都好好食，我平日唔多食飯㗎，但呢個飯我都食得晒！😎 蘇東魚丸雞湯味道好清甜，魚蛋都好爽彈！《蒲羅》🔸大蝦柚子沙律 💲7️⃣8️⃣嘩！呢個大蝦柚子沙律真係好食到不得了，非常之清新開胃！🌈 柚子肉超級多，基本上每食一啖都會咬到柚子肉！🥰 大蝦肉質都幾鮮甜可口。沙律入邊有啲洋蔥同紫洋蔥，仲有一啲黑醋酸汁，食落去酸酸甜甜咁，非常刺激食慾！😍🔸半熟蛋 配 咖吔多士 💲3️⃣6️⃣咖吔多士入邊嘅斑蘭咖吔醬非常香甜，加上搽咗厚厚一層嘅牛油🧈，味道

又來到中午時間，今次同朋友去咗中環街市，其實中環街市真係好多選擇，今次我就揀咗食喇沙！🔶新加坡喇沙大蝦摻摻 hkd68好欣賞佢成個presentation都好靚！因為呢啲好似food court嘅地方，多數啲餐廳都比較簡單，但係佢係連張餐紙都好靚👍🏼👍🏼至於味道方面，我覺得同平時食開嘅差唔多，唔算有咩好特別，而佢嘅蝦都好聰明咁樣切開咗一半，所以睇上去係覺得好靚嘅！但係中環來講，佢個價錢當然就係冇得輸啦！不過勝在舖頭都幾多選擇，所以都可以食啲自己想食嘅嘢

[ 蒲羅 Pulau ]重新裝修嘅中環街市，進駐左唔少食店，除咗嚟行街都可以嚟搵食🤪裡面原來仲有個Food Court，食物價錢亦相當親民。Tea time✿ 新加坡白胡椒肉骨茶 配：雞油香飯及油條 $72肉骨茶湯鮮肉嫩，湯裡有骨頭，重胡椒味，送飯一流🍚🍚✿ 巴東牛肉班蘭椰漿飯 配：蘇東魚丸雞湯 $68牛肉炆得好淋，個飯好重班蘭椰漿味，甜甜地，好香💚✿ 半熟蛋 配 咖吔多士 $36新加坡地道小食，濃香幼滑的咖央醬夾住一舊厚厚嘅牛油🧈再配半熟蛋，食落一啲都唔油膩，呢個食法第一次試🤤✿ 新加坡鹹蛋黄魚皮 $56馳名海外嘅新加坡鹹蛋黄魚皮，炸得好脆口，熱食原來仲正😻總結🫦呢間新加坡菜質素不錯，價錢亦相當平易近人，份量充足，行到攰坐低食吓嘢都唔錯。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿蒲羅 Pulau地址: 中環皇后大道中93號中環街市地下G19號舖電話:N/A✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

中環街市翻新過後，地下一層搖身一變成為美食廣場。雖然是foodcourt形式，但環境裝修優美，分了室外室內座位，有不少大型綠色盆栽，好似個庭園咁。商場播放輕鬆愉快音樂，坐得相當舒服!!有不同國家的菜式，當日想食星馬菜，所以選了Pulau。店員話Attap都係佢哋嘅姐妹店，主要賣海南雞飯，下次可以試!!☁️巴東牛肉配班蘭椰漿飯 配：蘇東魚丸雞湯 $68班蘭椰漿飯斑蘭味幾突出，好香濃帶點甜味~巴東牛肉用咗好多香料醃製，重香料味又帶點椰醬味~味道特別。牛肉燉得軟爛，偏辣~伴碟有脆花生、脆魚乾仔、青瓜蕃茄、半隻烚蛋，脆魚乾仔好鹹香。一碟望落去都好豐富蘇東魚丸雞湯清淡，兩粒魚蛋好重魚味~☁️半熟蛋 配 咖吔多士 $36咖吔醬毫不吝嗇，成塊面包都搽滿哂多士輕微烘過帶到微脆的效果牛油都好厚，食落相當過癮!!好正!!有兩隻流心蛋，我用嚟撈飯食，一流!!