Pulau

营业中

休息中

雖然之前一路都好近中環街市但係一直都未食過 PULAU上個星期放假就同朋友一次過叫咗幾樣嘢大蝦雞串咖喱面超濃味咖喱都叫做有啲辣 絕對唔係冇料到嗰啲面底係滲滲 即係又有油面又有米粉麵條本身係好食彈牙唔會話林啤啤豆卜同埋大蝦都係好入味啱晒重口味嘅寶寶另一個main 就叫咗海南雞飯油飯味道好味嘅 雞好滑份量都好多唔會話食剩好多飯但係冇雞 醬料方面都係傳統嘅三色醬尤其鍾意佢個薑蓉 磨得好細滑碗湯入面有兩粒魚蛋嗰粒魚蛋都相當高質另外仲嗌左咖央多配醬油蛋因為現場冷氣好大所以個多士已經有啲涼咗但係仍然係脆口 中間嗰張同埋牛油都做得幾好 牛油又唔會實滴滴已經係半溶狀態 同埋啲醬分配得好平均 唔會話個包嘅某一個角落係冇味呀蛋就正常發揮另外仲叫咗個串燒拼盤配左啲好嘢未嘅汁有少少辣雞肉串做得最出色肉汁可以鎖喺入面滑溜唔乾柴成餐飯最緊要係都唔貴咁多嘢食唔單止食唔晒仲要都係$250左右回頭率 100%

中環街巿活化之後，有好多特色小店進駐，係一個假日新蒲點。行得攰攰地，就可以到樓下既food caurt 搵食。food court 有好多唔同既選擇，可以一次過試幾間餐廳。馬拉嘢不嬲都係賣飛佛，繞場一周之後最後都係揀左PULAU同埋佢姐妹店ATTAP可能比較晏先食lunch, 所以唔洗等好耐就有位。座位都坐得舒服，內園景觀都唔錯，響度食飯都幾有氣氛。掃code 落訂可以慢慢揀，省卻排隊。🌱🌱🌱🌱🌱🌱🌱🌱🌱🌱🌱🌱🌱🌱「是日餐點」👉巴東牛肉班蘭椰漿飯配蘇東魚丸雞湯 💰$68HKD以為food court就係食快餐，估唔到呢個飯賣相又好，又足料，又抵食。巴東牛肉好冧好入味，綠綠既班蘭飯好搶眼，蘇東魚丸雞湯好清甜，唔只係一碗例湯咁簡單，估唔到呢度食物質素咁高。👉新加坡咸蛋黃單骨雞翼 💰$56HKD又係呢D邪惡既食物，即叫即整，熱辣辣，咸蛋黃薄薄的一層，為雞翼帶來一點點既咸香，但唔會蓋過雞翼本身既味道。雞翼外脆內軟，肉質仲係好juicy, 呢個小食無得輸。👉胡椒豬肉串💰48HKD有海南雞又有咸蛋雞翼，無理由又叫雞肉串燒，不如就試下豬肉串。豬肉串係免治豬肉，好重胡椒味，外面燒得好香，入面好juic

食出新天地今日去完玩係中環落船，過左中環街市搵食，呢度有D 似foodcourt 咁，幾間唔同既餐廳自己拎完餐就搵位坐底，有洗手機水機好自助，呢度坐得幾舒服，地方乾淨，係中環黎講呢度價錢都係一個唔錯既選擇，今次一次過介紹2間餐廳啦 同姊妹店Pulau 鋪🔅檳城蝦麵入哂味既米粉加油麵，一次滿足2個口感，湯底好夠味，仲有少少辣辣地，有蝦、豆卜、腩肉做餸，碗麵足料又大碗🔅半熟蛋配咖吔多士香脆多士配上咖吔醬同邪惡既牛油，就咁食又得，點下半熟蛋濕濕地食又得，牛油非常鹹香，咖吔少少甜，真係好想食多幾件🔅燒魷魚鬚一串串魷魚鬚配埋沙嗲醬，味道香濃，愈食愈滋味，肉質唔un 唔鞋，而且仲大大條添Attap 鋪🔅海南雞飯配蘇東魚丸雞湯人氣推薦之一，大大碗油飯好夠味，雞好滑啖啖肉，伴碟既青瓜都好fresh 好好味，魚丸雞湯味道好濃，仲有好耐無食既魚蛋過下口癮

上次喺中環街市已經見到唔少美食😋入面嘅建築喺活化左之後就變咗美食廣場😋 今次去開中環附近，就梗係去中環街市搵吓食啦💕見到呢間主打新加坡菜嘅餐廳💕 見到啲相感覺都唔錯，仲有原來有兩間係姊妹唐可以選擇👍🏻新加坡白胡椒肉骨茶配雞油香飯胡椒味好香濃，排骨好淋好入味 又保留肉香💕 份量都幾多‼️油炸鬼點埋湯汁，可以中和油膩感，外脆咁好好食😋亞笞慢煮豬手飯 配蘇東魚丸雞湯雞湯入面仲用咗魷魚去煲，特別鮮甜‼️ 豬手好軟好淋，仲好入味！配雞油飯食落特別香😋串燒拼盤入面有雞肉、大蝦、魷魚鬚各兩串‼️ 配特製醬汁（我估係沙嗲醬🤣）味道香濃😋雞肉好嫩，大蝦好鮮甜，魷魚鬚好爽脆✨

海南雞飯 配 蘇東魚丸雞湯 $72Hainanese Chicken Ricewith Sotong Fish Ball Chicken Soup 好味指數 3/5 🍭🍭🍭🍬{雞湯很清甜 每碗都有兩粒魚丸和少量冬瓜 魚丸味道不太特別 海南雞入口不油膩 肉質較瘦 皮和肉之間既脂肪較多｝

今次食咗依間餐廳。好似foodcourt嘅中環街市環境幾chill。點咗個新加坡大蝦喇沙摻摻。好大碗吓。先講吓個喇沙湯。夠晒濃味。少少海鮮味。好香口。湯唔會太稀。帶微辣。可以入選Mingorr食過最好味喇沙湯頭三甲。餸有豆卜（索晒啲湯）正另外有蝦（都爽嘅）。魚蛋（彈牙）。少少糖心嘅蛋。魚片頭（爽口彈牙）。幾條綠色嘢。摻摻就有米粉加粗面。唔會浸到淋晒。每啖都掛滿濃濃喇沙湯。另外無乜牙菜都相當加分總結係一間有質素嘅餐廳。好食同份量都夠。雖然價錢都唔平。但對得起個品質嘅。

#中環美食 #中環新加坡菜中環個個都話剩係得貴格搞嘅嘢，想搵加$100左右可以食得飽又好味嘅好難？梗係唔係啦街市其實呢邊有好多餐廳，其中一間蒲羅就係我嘅鍾意嘅一間新加坡菜！本來第一次嚟係為咗食半熟蛋 配咖吔多士，原來佢哋睇喇沙同海南雞飯都幾出色！▪️新加坡大蝦喇沙喇沙湯底好香濃😍 有啲濃稠，惨惨份量都幾多，相當掛汁！裏面有鮮蝦，溏心蛋，魚蛋,魚片頭，豆卜，啖啖惹味！▪️半熟蛋 配咖吔多士麵包烘得金黃香脆，濃滑的咖央醬，食落甜甜香香，中間夾住一片牛油，層次豐富😋沾一沾半熟蛋嘅蛋液，別一風味！$36有埋半熟蛋都真係幾抵食▪️胡椒豬肉串每一串豬肉串嘅豬肉都豐滿肉肉入口胡椒味剛好，唔太重！仲好多肉汁！正▪️海南雞油飯海南雞雞肉嫩滑肥美，份量都唔少，我鍾意沾上甜豉油同蓉油，幾好味！配埋魚蛋湯～幾鮮甜！

行咗幾次中環街市，今日終於有機會試吓入面啲嘢食。我同朋友揀咗去食新加玻菜。我哋選擇咗Pulau嘅「娘惹茶薰鴨配雞油香飯及蘇東魚丸雞湯」同「檳城蝦麵」。海南雞飯就食得多，茶薰鴨配油飯就真係第一次食。見到咁得意嘅combination 就叫嚟試試。茶薰鴨份量好多，肉質嫩滑，不過無乜煙薰茶味。油飯飯粒分明，少少煙靭，唔錯。出奇地好味嘅係毫不起眼嘅兩粒細細魚蛋仔！估唔到魚蛋鮮甜，彈牙又唔腥👍🏻檳城蝦麵湯底鮮甜，飲一啖係會發出「唔😌」一聲！配料方面亦足夠，有鮮蝦、豆卜、腩肉片同長豆角。喺中環想快快脆脆，但係又要企企理理咁食個lunch的話，Pulau 都係個幾好嘅選擇。

「係中環食咩好？有咩係好食又唔貴？」呢個問題煩擾左我好多次，但自從中環街市開左foodcourt, 我每次諗唔到食乜嘢都會過去戈日落晒雨，所以大家局住要坐喺室內，但都無礙我食好野嘅心情～今晚想食d濃味嘅嘢，新加坡野就幾岩食叫咗佢哋最出名嘅新加坡大蝦喇沙，揀左摻摻，米線同油麵嘅配搭，買完野佢地會有人送餐過黎，不同於一般food court要自己mon住number, 非常方便同customer friendly❤️喇沙非常足料，所有配料都好大量，湯底非常濃郁，麵底好容易就索晒d湯汁，好入味😋面朋友就喺隔離檔叫咗海南雞飯，好多件雞而且肥美，份量都好多，呢個價錢佢都好滿意

朝早起身嗌呢間外賣，個樣望落去都正正常常。結果真係大伏，點左海南雞飯同埋巴東牛肉飯。牛肉過分醃製想掩蓋原食材嘅味，食落去得個鹹味。仲要係味精那落去嗰隻鹹，口感就係非常柴，好似滿漢全席個牛肉咁但係難食版。個雞食就腥嘅，食落去口感都係非常之柴，主要係一擺入口就攻上個鼻嘅嗰浸腥味，食咗少少成個掉咗。成餐除咗椰子飯個味係正常之外，冇一樣野係ok。$60-70一個人嘅價錢本來已經冇乜預期，其實唔會太挑剔，但係呢間難食到我忍唔住上嚟打一篇嘢同大家講佢難食。

自從「中環街市」被活化之後，真喺令呢座歷史建築物帶嚟180°轉變，再者，內裡開咗好多特色小店、餐廳，又搞吓展覽，真喺帶動多咗好多人流。講到食，地下層更僻作美食廣場，晌中環，美食廣場真喺唔多，而呢個「中環食坊」搞得唔錯。美食廣場內有10間店鋪，兜咗個睇睇，就想試試星馬嘢，因為，印象中都好一段時間無食過，而小弟本身都幾鍾意星馬菜。故此，就兜到過嚟近「德輔道中」呢邊入口，主打新加坡菜嘅「蒲羅」（Pulau）晌佢鋪面對住仲有多張餐枱，咁就更加方便。其實，整個美食廣場仲有好多位，室內、室外都有，而一堆室外位仲設定成一個庭園，猶如城中綠洲，感覺幾唔錯，不過，一來費事捧住啲食物搬嚟搬去，二來天氣有點悶熱，都喺涼吓冷氣舒服啲。晚市嘅選擇就一張列表睇晒，上截喺主食，下截喺輕食，全部都喺散點，很可惜無啲加配優惠嘅選項，店家主要供應食物，如想飲嘢就要去另外啲鋪頭買喇。為方便客人，場內亦提供冷熱飲用水，而旁邊仲有部自動洗手機，又幾好喎。除晌櫃位落單，亦可以利用二維碼落單，更方便快捷。娘惹茶燻鴨配雞油香飯及蘇東魚丸雞湯 $82平常食星馬嘢，主要都喺海南雞飯、喇沙米線、肉骨茶，今次就專登揀啲未試過嘅。老友揀嘅茶燻

第一次去翻身嘅中環街市，環境舒適，仲保留左好多街市原有嘅特色。一場黎到，決定係呢到食啲野。街市嘅地下主要係food court形式。一開始仲以為呢到食野會好貴，睇真啲 原來都幾抵食（係中環黎講）。最後，被呢間Pulau嘅喇沙深深吸引住！新加坡大蝦喇沙摻掺 $78喇沙最重要一定係湯底，呢個湯超級濃郁，而且食得出有蝦味，呢啲濃厚嘅湯係香港真係買少見少啦。而配料亦相當不少，足足有4隻已去殼嘅大蝦，仲有糖心蛋，幾粒魚丸，食完呢碗已經超級滿足！娘惹茶燻鴨 配：雞油香飯及蘇東魚丸雞湯 $82食過唔少星馬菜，但都係第一次見燻鴨，點可以唔試試。果然幾有驚喜，厚切嘅燻鴨，除左啖啖肉，仲有好強烈嘅燻香味，仲鎖住哂啲肉汁，好鬼juicy，配埋個醬同埋油飯，真係好驚喜，好好味，下次會再食！串燒拼盤（雞肉.大蝦.魷魚鬚）$78各款2串嘅串燒拼盤岩哂2個人share黎食，一人一串，唔洗爭😍。燒得好香，尤其係魷魚鬚，超正，本身想encore，但真係好飽食唔落lu。整體黎講，餐廳幾高汁，食物唔錯，環境又舒服，係中環黎講都真係幾抵食，值得一試！

中環返工，最怕食晏時間趕時間揾唔倒位。今次係1:00 咗由，第一次去咗中環街市最底層有個Food Court 叫Dining Ground，一個或者兩個人， 都可以揾倒位， 實在有驚喜。行咗幾間, 最後決定食喺間新加坡菜，價錢算係中環平/中價，$82 一個吉羅大蝦雞串咖喱麵。蝦不多，但湯底都幾濃味，同微辣，仲有雞串，幾好味😋。  推介。另外大家有機會，都可以試下佢哋海南雞飯，因為都見好多人都點依個，賣相都唔錯 。同埋個場, 係有自助洗手機，同飲水機，好貼心。美食吉羅大蝦雞串咖喱麵價錢: $82

6月28日午市時間 出錯餐 由蝦麵出錯喇沙 好聲好氣同職員講出錯餐，cashier短髪女職員竟然好惡咁講 要再出就要等好耐 態度惡劣逼人接受出錯餐 喇沙 食物質素普通 唔見得特別好 態度惡劣 永不回頭

嚟到中環街市覓食下集，上集就食咗以飯類為主打嘅ATTAP，下集就係介紹佢地嘅姐妹店Pulau。除咗有喇沙、椰漿飯，仲有唔少小食！今次都係輕輕揀咗兩款小食開心Share！🌟半熟蛋配咖央多士之前睇過啲Youtuber介紹新加坡早餐🇸🇬係會食半熟蛋配吐司食🍞。今次終於試到！麵包烘得香脆，中間夾上薄片牛油🧈，Kaya醬少少甜充滿椰香。再點埋半熟蛋，讓蛋汁沾滿多士，令多士唔會太Dry！下次可以再配杯咖啡飲☕️，咁就係個Perfect Morning！🌟街頭雞肉串燒雞肉🐥串燒醃得非常入味，香茅味同沙嗲味都幾濃郁。雞肉唔會烤得太乾，醬汁亦同串燒十分匹配。