QUE (形點 I)

营业中

休息中

見到好多人排呢間餐廳😂感覺應該好野嚟，所以即刻排隊試下囉。日式西餐廳，價錢唔貴，野食又ok，連杯跟餐咖啡都唔錯，難怪多人食。⋯♡⋯⋯⋯♡⋯⋯⋯♡⋯⋯⋯♡⋯［Lunch Set］跟是日餐湯/沙律 及 咖啡或茶✧ 黑松露野菌貓耳朵粉 $128配木魚絲 及 帕爾瑪之士😋好煙韌嘅口感，濃厚芝士味，搭上黑松露係極配！好好味？⚠️佢啲黑松露好似黏到啲牙一點點黑色😂記得要了乾淨牙先好見人！✧汁燒鰻魚枝豆意大利飯 $158個飯有成6大舊鰻魚，我唔食鰻魚嘅，但朋友話好食，我試左個飯都覺得味道同質感都好適中平衡，好味

今日入左去元朗搵食，試一試呢間新開既西日fusion 餐廳呢間餐廳坐open area但都唔嘈既，幾舒適Set lunch 都幾多選擇，仲可以加唔同小食✍🏻味噌三文魚配香煎蟹餅及明太子醬 $208三文魚煎加味噌煎得好香口，甜甜地，食完想再食蟹肉餅一啖咬落去有滿滿既蟹絲，好味仲有芥末味既薯蓉，有少少嗆鼻既辣，鐘意芥末味既人可能會鐘意✍🏻黑松露野菌貓耳朵粉配木瓜絲及帕爾瑪芝士 $128黑松露味唔太濃，配上煙煙韌韌既貓耳朵粉，ok 既，正常發揮✍🏻軟殼蟹意粉配蟹肉生椒忌廉汁 $148生椒忌廉汁個味有啲似中式既山椒八角味，同意粉唔太match, 意粉唔夠汁，多返啲汁creamy d 會好啲✍🏻炸薯條配烟肉京葱絲、木魚絲及日式芥末醬 $48薯條面鋪滿紫菜，葱絲，木魚絲，賣相好吸引配搭係好新穎既，但日式配料同薯條好似唔太夾醬汁唔夠，如果可以另上一個醬會更好薯條炸得鬆脆唔油膩，但係幼身薯條，少左啲口感

日式料理搭配貓主題概念，實在令人無法拒絕。最近元朗Yoho駐入日式Fusion餐題，餐廳以貓為主題。所有菜式都猶如藝術品，而味道亦如此，令人品嘗到最新鮮的食材味道。其中以下兩款菜式認為是店鋪必食之選。🌸松葉蟹味增甲羅燒意大利飯配海膽忌廉汁🌸$228店鋪選用日本新鮮松葉蟹，所以蟹膏香滑不苦。價錢228雖然不便宜，但每顆白飯都沾滿香滑的海膽忌廉汁，算是物超所值。🌸日式炸薯條🌸$68薯條喜出望外，外表首先已十分令人注目。薯條完全沒帶點油膩感，反而十分酥脆更帶有馥香的葵花籽油味。完全沒有罪惡感。當日所試的菜式無論視覺還是味覺都很飽足，喜歡fusion菜的話不仿一試。

Yoho mall 開了新日式cafe一直想試今日終於去試下，睇戲前食個Lunch，好彩等左幾張都吾係好耐。我地叫左兩個Set 揀咗磨菇湯 🥣味道香濃剛剛好 有蘑菇粒有口感不錯主菜叫了燒春雞及燒烏賊海苔意大利飯烏賊有炭烤香味Q彈好味😋Risotto 味道都好好燒春雞都可以但個人比較鐘意佢個risotto 咖啡都可以☕️ 下次要試下日式刺身Tacos同晚餐！

第一次試在yoho 一田對出的新開餐廳。是fusion 日式西餐，菜單有點fancy，不平，但得個樣，味道好一般。lunch set不平但餐飲要加錢。服務超級一般。我第一次幫襯已經漏單，隔離枱遲我哋十分鐘入座都嚟曬餐同飲品，我朋友個set吃完，我個餐仲未到，我散叫的latte 一直冇到。我追了幾次，佢先發現我個咖嘛漏單，我朋友個set漏了湯或沙，後段先問返我朋友要湯定沙律。我個餐三吹四請後，在我朋友完全吃完才到。共等了30分鐘才到！但不好吃，我選的是250以上的set但不好吃，得個樣！分量似餵雀！冇下次！絕對冇下次！！

Yoho mall 新開張Cafe， 每次經過都好多人幫襯，咁啱朋友嚟完入元朗，我哋就試吓食lunch，QUE餐廳主打日式洋食，cafe好多貓貓裝飾，環境都好舒適，適合打卡able ～汁燒鰻魚枝豆意大利飯$158但係鰻魚汁太甜再配意大利飯，配搭有D怪，意大利飯亦煮得太淋太爛味噌香煎三文魚蟹餅配明太子汁$208煎三文魚煎得太熟，肉質好硬，蟹餅就唔錯，有絲絲蟹肉，煎到好香口。是日餐湯甘筍湯帶點薑味，細細碗幾啖就飲完餐飲我哋+$28飲鮮奶咖啡Latte💰lunch 人均消費$220

樓上住戶 , 好期待終於有新餐廳呀！但期望永遠會令人失望嬲到我好想寫第一篇食評！見之前好多人寫食評都覺得女經理態度差， 但我好彩冇遇到呢個極品不過 我遇到嘅係另一個身高唔太高嘅戴眼鏡男經理book咗一點鐘 ,準時去到但櫃檯冇人,個男經理入咗去同人落緊order佢行出嚟嘅時候已經過咗五分鐘佢望一望隻錶,然後藐一藐我唔係我遲到，係你入咗去冇人serve我喎！你仲藐我？入到去坐低， 問你攞杯熱水，你直情黑面咩事呀？公平啲講句， 當時其他嘅侍應都好好係除咗呢個男經理， 一路食一路畀佢啤住食物方面 , 三個人食咗九百蚊lunch,唔見得特別好食喺yoho咁嘅價錢會有更加好嘅選擇貼錢買難受嘅餐廳，永遠唔會再去！

拖羅蓉份量很足，每一口飯都能吃到爆滿的拖羅蓉。拖羅蓉沒有腥臭味，亦無雪藏味，值得一讚。入口充滿魚油的香味，很像剛剛新鮮劏切好的魚生在口中溶化的感覺。米飯很鬆軟，份量真的很多。擺盤認真，讓人很有食欲，飯上面鋪滿拖羅蓉，混和温泉玉子蛋漿，使口感更柔軟和味道層次感更多。不知玉子是否選取日本蛋，蛋香極濃郁。以我的飯量竟然吃不完，是真的很多。環境好擠逼，餐廳位置在電梯正下面，店內空間不大，餐桌之間距離很狹小，進出不方便。由於距離太近，能清晰聽到旁桌的人談話。拍照也容易拍到旁邊的人，和朋友合照的時候，旁桌的人縮一邊避開鏡頭。應該是剛開店也是週末，店員好像有點忙不過來，態度不是很好。

開頭以為呢間係文青café only原來是有fushion元素好多野都係第一次試期待已久終於有機會試啦有朋友生日商場送杯特飲有3隻味我地2揀左白桃味梳打賣相都好靚無hea我地個薯條配搭好特別係沙律醬,蔥,木魚,紫菜同醃蘿蔔估唔到蔥係出奇地夾個taco原來由紫菜做但就好難整開同人share只能自私食啦檸檬茶都落足3片檸檬夠曬足料不過曾經一度嚟少左三文魚扒可以再入味D$200幾蚊份內偏細但都幾滑勝在呢個租度食耐左都唔會覺得膩

話說之前食過東涌間QUE，覺得嘢食好食，環境舒服，一查之下原來元朗Yoho都有分店，就喺今日去試下元朗分店係咪一樣咁好。遠處望過去餐廳，見到有堆人喺店外等候，我地都加快腳步行去攞籌。我同老公同仔仔3個人行到埋去就同餐廳女經理(着黑衫黑褲，戴眼鏡，染金髮紥馬尾)講要攞籌for3個人。女經理唔耐煩地叫我地等陣，之後佢就開始嗌籌號，當佢嗌晒幾個籌之後，等晒啲人排隊入餐廳，佢仲施施然走埋入去幫佢地落單(但其實樓面已經有人負責執枱落單囉)。個女經理完全無視有批人喺出面仲未拎籌，唔係等嗌籌號，係連籌都未拎呀！我地足足等咗10幾分鐘佢都仲未肯派個籌俾我地。其實佢只需要花1秒按個制就派到籌，佢真係分明玩嘢，做嘢無效率，唔識分先後次序。我都算有耐性，肯用10幾分鐘嚟等你派個籌，有啲客真係等唔切，轉食其他餐廳。呢個女經理真係趕客，間餐廳真係多得佢唔少。做嘢咁低效率唔用腦，仲咁有性格。結果就喺佢10幾分鐘搞完一大輪嘢之後，返到嚟接待處，梗係唔記得咗我係第一個排隊攞籌啦，拎籌嘅先後次序佢都唔知啦。企喺我隔離有個女人同女經理講要攞籌，個女經理仲好惡咁問返我係咪同個女人同一枱，串串貢咁，個款好似佢係老闆。我話唔識

呢間新開張既餐廳本人食過三次， 但今次純好心問女經理點解樓面員工帶口罩但廚師可以吹住水切魚生吾帶口罩 女經理只答公司冇指明一定要帶 咁我都冇再追問落去 點知埋單後走人發現俾女經理全程啤住直到離開左佢視線範圍 相反樓面員工都識彎身同你講拜拜勁有禮貌 忍吾住要第一次寫負評俾餐廳囉😡😡😡😡吾怪個個都話北上消費啦 邊洗食個飯都俾人啤先得架 啤到你走人wor

周末同朋友行商場睇戲，之後在戲院附近被它門口的貓店主吸引。晚餐的腳步決定停在此。二人餐有幾個特色菜令我們產生好奇，又考慮到包飲品和甜品，$438/二人餐都算抵食。脆米紙辣味三文魚莎莎：這道開胃菜以其獨特的口感和味道引起了我的注意。三文魚薄片上鋪著脆米紙，搭配辣味莎莎醬，帶來了一種令人興奮的味覺體驗。脆米紙有少少油膩感扣咗少少分。汁燒鰻魚枝豆意大利飯：這道主菜將傳統的日本料理元素與意大利飯結合在一起，呈現出獨特的風味。鰻魚肉質鮮嫩，與枝豆和意大利飯的組合非常合拍。飯質少少偏甜。黑松露野菌長通粉配木魚絲及帕爾瑪芝士：黑松露和野菌的香氣配上長通粉的煙燻風味，再加上木魚絲和帕爾瑪芝士的搭配，味道更加豐富。黑松露令其味道升溫。軟殼蟹壽司塔可：有獨特的外觀，軟殼蟹的酥脆與壽司米飯的軟嫩相互融合，帶來了一種有趣的食用體驗。京都宇治抹茶甜筒：甜筒內填滿了濃郁的宇治抹茶冰淇淋，並附上一杯抹茶朱古力醬，增添了層次感和口感。濃郁朱古力榛子蛋糕：外型形似一塊朱古力磚，每一啖都充滿濃郁的朱古力味。中間有榛子果粒增加口感。將晚餐升華到一個非常滿足和圓滿的層次。

入座後才告知咖啡機壞了，沒有咖啡，對於午市客人來說實在有點失望整個餐牌只有15個中午套餐可以選，我們點了egg Benedict , 一般都有2隻蛋，但呢度只有1隻蛋，送來既時候隻蛋黃仲要穿左….浸到個貝果淋晒…另外仲點了黑松露貓耳朵粉，結果貓耳朵缺貨，換成了長管意粉，意粉亦都好硬，感覺未夠熟水杯上有污漬，我們通知店員再換一杯，但店員過左十五分鐘才突然醒起要拎杯新既比我們這間餐廳外表裝修有好多貓貓確實係幾吸引的，但食物質素有待提升

今日同老婆專登去元朗Yoho 新開張QUE試下，叫了客軟殼蟹班尼迪蛋Bagel全日早餐，蟹是凍的似炸完放了很久，蛋黄全熟，Bagel 好韌似放咗幾日唔新鮮，食咗咁多日本餐廳都係少有咁低質。墨魚意大利飯D飯好硬但味道還可以。米纸三文鱼莎莎嘅米紙好油，漏得出油，師傅炸完無吸油。甜品柚子清酒Tiramisu盒子算幾好。埋單五佰好無㽼。祗有入去一田買包長蟹腳番屋企再食，心情好番少少。不會推薦這問價高質低嘅食店，都係第一次差評實在頂佢唔順！

元朗Yoho美食軍隊又添一員，餐廳主打日西fusion菜式，店內裝潢以日系溫馨風為主，空間寬敞；我們兩人點了一前菜兩主食及一份甜品，人均 $354牛油果角切魚生沙律 $128造型酷似生日蛋糕🎂由角切魚生堆砌，加上柚子泡沫及柚子醋醬油，味道清爽開胃。魚生方面很喜歡魚味濃郁的吞拿魚吞，作為前菜實屬不錯櫻花盛 $258一份拼盤包含六款和式小食 適合有選擇困難症的你1️⃣吞拿魚丼迷你吞拿魚丼包含赤身刺身和吞拿魚蓉，淋上柚子醬油，是吞拿魚迷滿足之選 (不推薦一次性全部加完)2️⃣火灸三文魚明太子沙律火炙後的三文魚更為香口，明太子入口較為硬身，整體配搭不錯3️⃣辛味八爪魚冷稻庭烏冬八爪魚口感煙韌，海水味濃👍🏻烏冬粗身有嚼勁，調味以蛋黃醬為主4️⃣黑松露芝士吉列蠔咬開即有驚喜，黑松露和芝士味香濃，但又不會掩蓋過炸蠔本身的味道5️⃣黑松露蟹籽壽司筒十分可愛且有創意的想法，究竟是壽司還是甜品呢🤫6️⃣靜岡縣紅茶焦糖燉蛋大推！燉蛋香嫩，焦糖烤制得剛好，入口一陣陣紅茶香味滲出~幸福感Max❤️月見燒牛肉意大利飯丼 $178顏色和肉質超粉嫩的牛肉，是我的蛋白質之選！義大利飯則是邪惡之選🤣奶油及溫泉蛋一同攪拌，與卡邦尼意粉有異曲同工之處