Rang Mahal Authentic Indian Cuisine (已結業)

在中環有好多不同種類的餐廳，有朋友推介附近有傳統的印度菜，這次同朋友去找這餐廳，發現入口在後巷位置，相信因怕客人難找，所以門口外牆油了很顯眼的橙色，以及大大的箭嘴，以方便客人找到入口。登上升降機到達了餐廳門口，看到明顯的餐廳門牌，證明沒有去錯地方。在餐廳內很有印度氣息，播放着印度音樂，餐廳整潔闊落，坐位也很舒適。無骨燒雞這燒雞烤得很入味，肉質嫩滑，味道帶有些少微辣，不太吃辣的也可以接受。印式椰汁咖哩羊肉這咖哩完全不辣，味道很香，帶有微微的椰汁味，羊肉很入味，肉質很鬆軟，羶味又不會很重。菠菜蒜蓉飯印度飯特別長身，飯粒粒粒分明，另外再配搭咖哩的菜式，飯味再更豐富。

Just back from my Indian trip earlier this year, still remember the mouth-watering curry dishes of Mumbai that I tried.My friend working in Central is also a lover of curry cuisines. He invited me for lunch in a local Indian food restaurant last weekend.I have been to the curry corner in Central around Wyndham street quite a few times but was not aware of this Rang Mahal Indian Food at Queen’s Road Central right next to the Mid-Levels Pedestrian Escalator Walkway.The Rang Mahal is a restaurant w

除左食自助餐會食下印度咖哩，呢一、兩年都好少光顧專食印度野既印度餐廳，上網見到呢間既評分幾高就同朋友一齊食。環境好似入咗印度屋企咁，店舖幾有自家經營既感覺，店員都係印度人，一眼望哂，有啲印度裝飾，有部電視播住印度MV，又有印度客人，環境幾附合。礦泉水 $20每枱都有一枝樽裝水，留意如飲用收費$20，唔飲用就唔收費。Tandoori Lamb Shank 烤羊膝 $148岀奇地先上似主菜既烤羊膝，平時西餐廳都係羊排/羊架，比較少有羊膝，所以就揀左羊膝，用鐵板上，羊膝都好大隻！肉同骨好易分離，縱使係烤，但肉質好鬆軟，羶味唔會太重，架上有洋蔥，燒烤汁，高分之作，鐘意食羊既朋友要試下！Panner Palak 芝士燴菠菜 $88菠菜全部打成茸，食落帶微咸及少許香料味，有用Masala Sauce調味過，而入面加左Cottage Cheese即係茅屋芝士，屬於新鮮芝士，食落比較淡味，同埋口感軟熟，咬落去有啲似硬豆腐咁，配上鹹菠菜茸增加口感，我自己幾鐘意呢碟素菜，但友人唔鐘意呢款口感既菠菜，都係睇個人口味。Garlic Naan 蒜蓉烤餅 $30有叫咖哩，當然都要嗌印度Nann配咖哩！$30一籃價

好耐冇去印度餐廳食一餐正宗既印度菜，次次行過呢頭都見到呢間餐廳既二拉架賣廣告，價錢吸引，所以mark低左搵日嚟試下。餐廳內外餐廳唔算大，燈光昏暗，會播住印度歌，都有feel。食物選擇三種醬汁每枱都會有三種醬汁，我估係比你點咩嚟食都得，但由於醬汁都係凍既，食落味道唔算好濃烈，加上印度菜本身就濃味，所以冇點沾醬。乳酪特飲 $48每次食印度野都要飲返杯Lassi，可以揀甜/咸/芒果，當然穩陣地揀左芒果，都幾大杯，估計都係用芒果漿沖，但味道唔算好假，飲落酸酸尾尾又甜甜地，奶昔口感，十分解渴。印式蝦球炒飯 $118望落細細碗但其實份量都唔少，兩個人share都夠，蝦球都有7、8隻，炒飯落左各式各樣印度香料以及必定用到印度香米，食落較乾身，好適合用嚟做炒飯，香料味重但唔會令人難接受果種，帶微辣，蝦球亦炒得唔老，整體好惹味。印式燴咖哩雞 $92有成十一款咖哩咁多，都有啲花多眼亂唔知揀邊款好，咁就憑個名，揀返有「印式」兩個字既。主菜都有得揀，揀返配雞，同樣都係細細份，印式燴咖哩主要係用上洋蔥同香料等整成，屬於乾咖哩既一種，餐牌上介紹屬於中辣，醬汁唔係水果種，而係稠身包裹住雞件，食落香味濃，至於辣度稱唔

今日假期，約咗阿爸阿媽行街食飯。 佢哋係非常長者， 好奇心超高， 成日都想去試新嘢。我朋友介紹我嚟呢間中環小餐廳， 就喺中環中心斜對面，佢讚啲印度菜幾好食！個餐牌都好有份量，幾乎所有香港人講得出嘅印度菜都包含咗。有印度燒烤菜(tandoori)、 特色菜、特飲、湯同埋小食。淨係咖哩都有十一款做法， 另外素食菜式亦有14款！仲有印式中菜、飯、飽同埋甜品……我哋叫咗幾款分嚟食，好快一盤盤熱騰騰嘅食物陸續出場！！！▪薯蓉咖哩角 (Samosa)炸得熱騰騰， 裏面塞滿咖哩味嘅薯蓉同雜菜， 香脆唔油膩。配埋三色醬( 薄荷乳酪, 辣醬, 酸甜醬)， 又好睇又好食！▪奶油咖哩雞 (Chicken Makhani)唔知點解，老豆好主動話要食呢個， 見到餐牌上面都話係廚師介紹， 咁識貨？！ 好， 試試就知！結論係: 非常十分好食！ 雞肉醃得夠味，肉質滑嫩， 醬汁嘅香料味濃郁， 夠creamy！ 等陣要嗌啲烤餅夾住食！▪ 馬鈴薯椰菜花 (Aloo Gobi)因為奶油咖哩雞係濃味菜， 我就叫咗呢個較為淡口啲，平衡一下！ 呢個係印度北方菜(旁遮普)，aloo係薯仔，gobi係椰莱花。 啲薯仔同椰菜花煮得淋甜，

約左好耐無見的朋友夜晚出街食飯平時食日本野、韓國嘢或者泰國嘢就多啦喺香港，今晚一於決定黎試試印度菜啦呢間野係樓上鋪，不過都好易搵晚飯時間唔算多人 每張枱上面都有一支礦泉水原來呢啲礦泉水係要收$20的 最後埋單先知我哋一嚟到已經開左倒黎飲 因為果下真係太頸渴了呢度呢個櫃擺咗好多唔同嘅酒 都係一個好特別嘅裝飾呢個就係我哋坐嗰張枱嘅其中一個枱墊令一邊係女人黎的 非常之有印度風嘢食方面 呢個係前菜送的 都幾正個餅好脆配左三款唔同味道嘅醬汁，個人比較喜歡黑色嗰個酸酸地 好開胃呢個係椰汁咖喱羊肉🍛好香椰汁味，一啲都唔辣，而且個羊肉都做得好出色，一啲都唔騷而且啲羊肉好嫩，配上呢個咖喱汁真係好好食最後我哋有叫咗一個飯不過呢個飯冇咩味，可能係啱啱嗰個咖喱太重口味所以搞到佢冇味，於是將個飯撈埋啲咖喱汁一齊食正呀！食到差唔多嘅時候應該係老細同我地傾計佢話呢個椰汁咖喱係特登加重咗椰汁令到佢冇咁辣，因為我地本地人唔係咁食得辣，真係好細心呀跟住佢仲話原來佢哋有做lunch buffet，仲同我地介紹咗有好多款嘢食，$88咋，但係佢就話lunch嘅時間佢哋就超級忙同埋超級爆同夜晚係完全相反，不過晏晝黎嘅多數係鬼佬。

同屋企人去中環行下街，忽然間話想食印度菜，尖沙咀就話知者，但中環真係考起，即刻上網查，都俾我搵到間就係附近。Rang Mahal Traditional Indian & Mughlai Cuisine - 就係皇后大道中個頭。上到去環境唔算大，但真係同尖沙咀個D差唔多格局，好有印度風味夾雜一D西餐廳既味道，畢竟係中環可今日唔多人，眼見得一個服務員，係印度人望下餐牌，心都定曬，有中文，不過主要都係得個名，係咩真係要估估下，不過唔緊要啦，反正印度菜就算講係咩我都未必知我地都點佐幾多菜下點完菜好快就黎佐一碟薄餅，相信係送既，配佐幾種香料醬呢種係尖沙咀都食過，脆卜卜配埋我最鐘意食既薄荷醬都幾正 先黎既第一道菜係呢碟PANEER PALAK 芝士燴菠菜茸都幾正，入面仲有好多一舊舊既車打芝士再黎就係奶油咖喱雞同埋我地點既2種薄餅份量比一般印度餐廳略大啦，咖喱汁都夠點曬兩份薄餅，同埋印度菜黎講佢都算多肉我地點佐蒜蓉薄餅同埋洋蔥薄餅，兩樣都香口野，佢煎得好正，唔會油淋淋亦都好香口，配埋個咖喱食一流。我都試過點佢一開始俾個薄荷醬黎食，效果都唔錯食印度野就點都要試下佢地既炒飯，因為同中式傳統炒飯好唔好我

如果照佢講既D2出口搵其實有點難搵，建議A出口出向中環中心方向行會易好多講返先，今晚星期五上去居然得我地一枱客不過都好，坐得舒服靜靜地侍應服務幾好，我地有我地食飯，佢有佢坐係到玩手機，大家都輕鬆自在叫左個無骨烤雞、奶油咖哩雞、咖哩角、乳酪烤餅、蒜蓉烤餅同芒果Lassi無骨烤雞：有少少鞋口，用鐵板上用菜墊底，雞肉落好重香料，但只有五、六舊，仲要係好細舊奶油咖哩雞：咖哩只有微辣仲有少少甜味，有五舊雞肉幾嫩滑，個咖哩點烤飯食一流！咖哩角：有四件，幾大舊下，入面有什菜同煮到爛既青豆，又幾好食烤餅：乳酪即係芝士味，新鮮熱辣好香芝士味！蒜蓉味都唔錯，但油左少少芒果Lassi：仲以為會好甜，原來又唔係，幾好甜但唔夠凍埋單$482，食完勁飽，下次試下lunch buffet

中環人應該都有聽過呢間印度餐廳食lunch buffet $88好抵食，我都係其中一個。今晚上黎食a la carte menu，好好感受呢度晚市平靜既氛圍。夜晚呢度人無中午咁多，多一份平靜，適合約朋友傾偈。上黎之前上餐廳網站睇左個menu先，所以坐低好快就決定食乜。呢度大把唔辣既選擇，好多適合香港人口味既菜式。等上菜時有開胃小食。10分鐘之後就上菜。 Paneer Palak ($88) 芝士燴菠菜茸 - 蔬菜類都可以整到好似咖哩咁，加上一粒粒茅屋芝士更添口感。Chicken Makhani ($118) 椰汁咖喱雞 - 椰汁濃郁，帶甜味，雞嫩滑，唔會好似平時印度咖哩雞咁乾。Naan ($25) 烤餅 - 口感正常，不過如果兩個人食最好叫多份。Lassi Mango ($48) 芒果乳酪特飲 - 呢度得兩款飲品，lassi或lime soda，我地揀左lassi，果然無揀錯，好好飲，比較濃厚同結身，好似飲左個芒果布甸咁，特別要求唔好落額外糖，甜度果然啱啱好，出到最自然既芒果味，乳酪加芒果，感覺健康。

媽媽生日，佢特別指定要食印度野特登book左衣間傳統印度野餐廳佈置好有特別，牆身同枱布以紅色為主，重播住印度MV⋯⋯坐位唔算多，約七，八枱！提供既水係支裝水 - $20侍應係印度水，識講小小廣東話但餐牌有中英對照，所以都唔洗驚唔識叫野食前菜有免費送既脆餅+ 3款醬料印度辣, 薄荷醬, 甜酸醬spring roll $48素春卷,  8條都算多, 新鮮炸起, 熱辣辣, chicken makhani $119奶油咖哩雞, 超好味,  好香奶油味, 甜甜地, 辣味岩岩好份量都足夠一碟薄餅, 但雞件只有2, 3隻share 食就最好onion kulcha $38我地想叫啤酒🍻，侍應介紹我地飲印度啤味道重平時飲開既差不多，但比較淡味

舅父剛由加拿大回來，好想食印度咖喱，朋友推薦了中環一間食正宗印度咖哩的小餐館給我，正好和他吃完lunch之後順道可以到「大館」一遊餐廳以紅色為主調，牆上掛上富有印度色彩的掛畫，觸目所見四處都是印度的裝飾品，電視長期播放印度歌曲MV，整間餐廳洋溢着一片印度風情，甚有氣氛顧客以印度人為主，可想而之這一間必然是正宗的印度餐館。餐廳以北印菜式為主，菜式選擇眾多，有印度特飲，湯類，開胃小食，印度燒烤(Tandoori),咖喱特選(有辛辣的，亦有香濃的)，雞肉和羊肉菜餚，印度式包類和甜品。餐廳經理亦非常友善，樂於介紹菜式素菜春卷以椰菜作餡，炸得非常香脆可口，一點也不油腻印度無骨烤雞~用印度香料醃製，味道微辣，並以印式烤爐烤焗，烤焗時間恰到好處，肉質嫩滑，肉汁充盈，香氣四溢，再配以三色印度醬汁，帶出不同味道三種不同的醬汁為Garlic Tomato sauce(橙色)~蒜蓉鮮茄醬，微辣。Mint sauce(綠色)~薄荷醬。Tamarind sauce(深棕色)~羅望子醬，酸酸甜甜，好開胃。椰汁咖哩魚~咖哩在印度語中是醬汁的意思，所以並不等於辣, 這個椰汁咖哩魚正是不辣的印度咖哩菜式。魚塊嫩滑，充滿

今日放工，同朋友去試呢一間印度餐廳，一入到去員工嘅服務好好，店內嘅裝修好有格調，我同朋友叫咗蒜蓉烤餅、奶油咖喱雞、烤魚快、印度咖喱角。待應一開始放左幾塊薄餅，連埋三個唔同顏色嘅醬，紅色代表辣、綠色代表薄荷加香料、最深色嗰隻係甜味，可以用薄餅電唔同嘅醬，三隻味都好特，辣醬最好味。印度咖喱角好好食，外脆內軟，入面有少少薯薯，香料，第一次食覺得好特別，奶油咖喱雞啲汁甜甜地，雞嘅分量都好多，用蒜蓉烤餅點奶油咖喱雞啲咖喱汁， 10分配合。最好食係烤魚快，有四件，睇落都好吸引，外表黃色，應該有啲咖哩汁，入面白色，好淋好易入口。整體來講，呢間餐廳值得一試。

環境入到去好有印度氣氛，燈光暗暗的，仲有印度音樂。服務侍應係印度人，亦只有佢一位侍應招呼客人，佢非常nice，又好好服務，落單時佢仲識講幾個字中文，落落下單會走去上菜比第二台，都體諒的，確保食物熱熱甘比到客人。佢做野好快手。讚👍🏻蒜蓉烤餅有一塊完整切開左4塊，有少少厚度的烤餅，好有咬口，好味，點咖哩一齊食，好好味。薯蓉咖哩角好大舊，個皮炸得好脆，入面有方便薯仔、青豆，幾粒印度香料，好味。奶油咖哩雞咖哩甜甜地，好有印度風味，因加左印度香料，但唔算太重，好特別。烤魚塊第一次食印度魚塊，好似膠魚，配有印度汁好味。

今次我地去左中環樓上鋪食印度菜，呢間印度菜都係印度人開既，但食客大多係香港人，我地事先book左台，一早上到去，餐廳未係甘多人，我地係第三台客。餐廳地方不算大，但幾有印度風味，坐得都幾舒服，旁邊個酒櫃同油畫都幾靚，令餐廳變得幾有格調。因為我地食左下午茶，唔係叫左好多野食。一開始店員送上薄餅同3款醬比我地，原來呢個是送的，佢仲好細心甘解釋醬既味道同成份，幾貼心喎。塊餅好薄，見到佢加入左芝麻，幾香，而且辣辣地，但愈食愈辣，幾過癮。叫左個無骨燒雞 Chicken Tikka, $98, 幾香，好入味，有少少辣，但好易入口，即使唔食得辣既朋友都接受到，而且雞肉唔會鞋，都算滑，味道好夠，唔洗點醬都食到，重點係無骨，啖啖肉好開心，推介！芝士燴菠菜茸 Paneer Palak, $88, 好特別，佢將菠菜搞碎變成茸，一patpat的，加入一塊塊既方型芝士同埋有洋蔥，食到masala既味，有點辣，好有印度風味，哈哈。仲叫左個椰汁咖哩雞肉 Curry chicken, $92, 同我食開既咖哩唔同，佢既椰奶味好濃，而且唔辣，但依然好有咖哩的香味，佢既雞肉好林好嫰滑，融入左咖哩後好香。我地再叫左一份烤餅

我超鍾意食印度野最鍾意就係椰香味所以黎呢度啱晒搵左兩個同事同我去食Book 左位 但係1230去到都要等10分鐘呢度侍應全部正宗印度人裝修完全係去左印度咁可以選擇食自助餐或者散叫我地選擇最抵既自助餐選擇唔算多 咖喱有幾款 有雞有菜有蛋有我最鍾意既印度烤餅 有飯另外有沙律 青瓜 粟米 豆 好健康仲有印度甜品 好似湯圓咁 但係甜過湯圓十萬倍因為印度人都係超鍾意食甜野我就唔係咁啱喇呢度啲相已經好多所以我都唔重覆呢度refill得幾快值得再黎