Relish

营业中

休息中

今日約了男友去了觀塘撐枱腳。餐廳裝修都幾吸睛，有一個大的月亮燈。座位都幾舒服，服務都不錯。最重要是食物不論是賣相和味道，都出乎意料之外的好。點了兩份晚餐share 食，先來杯Welcome drink 紫蘇梅子梳打，味道都好香。跟餐有有機烏龍茶，清而回甘。前菜有煙燻帶子，配紅菜頭蓉等，很夾。鵪鶉脾作為前菜，配沙律，亦是意想不到的配搭。龍蝦湯有蝦肉，很香濃。星斑魚柳煎得香口惹味，八爪魚爽口彈牙，配手工薯餅、苦白菜，配搭新穎。豬胺厚切，很香口。配香甜菠蘿，更有各款菇菜，相當平衡。最後更有橘子撻做甜品，好開心的一晚。

最近久違地興朋友去左觀塘嘅工廈食晚餐，揀左呢間叫做Relish嘅餐廳。以工廈餐聽黎講，佢地嘅價位都算偏貴，每份晚餐大概$300-$400左右，但勝在夠豐富，包左前菜、餐湯、主菜同甜品。✨Welcome Drink用餐前先黎一杯welcome drink,紫色嘅紫蘇梳打賣相非常吸引，入口亦非常清新。✨Appetizer(火箭菜沙律 & 煙燻鵪鶉髀）前菜我同朋友就揀咗火箭菜沙律同煙燻鵪鶉髀share，我自己特別鍾意個沙律，入面加左番石榴同菲達芝士，味道開胃。✨Soup (乾邑龍蝦湯）✨Main (香煎法式鵝肝大啡菇意大利飯） 餐廳嘅每道菜式賣相都好吸引，呢道risotto 呈亮麗嘅鮮黃色，上面嘅鵝肝煎至外焦內軟，油香十足。✨Main (鹿兒島A4和牛西冷）餐廳選用左A4級嘅鹿兒島和牛，食落肉質嫩滑，牛味唔算好濃郁。呢道菜嘅side dish亦非常吸引，我就特別鍾意個松露薯餅，口感creamy而且帶濃郁嘅松露香。✨Dessert

係google 評論完驚你地睇唔倒嚟呢邊再講俾你聽，你地所有social media都無講你地會落場，唔寫無人知你地要休息嫁喎。希望你地會係google個營業時間度加返自己幾點午市幾點落場幾點晚市呢啲基本野，唔好再fake啲客上嚟摸門釘啦！

老公係觀塘開會，放工後我就去觀塘揾佢食飯。餐廳以木系裝修，簡潔企理。晚餐餐牌有前菜、湯、有機單品茶、主菜和甜品。🔸餐前飲品紫蘇梅子梳打，味道酸酸甜甜，仲有陣陣的紫蘇葉味，口感冰凍。🔸蘋果木煙燻北海道帶子，日本枝豆，有機粉紅玫瑰菇，紅菜頭蓉帶子的煙燻味很濃烈，肉質鮮嫩，菇有咬口，紅菜頭蓉很鮮甜。🔸原隻煙燻鵪鶉髀伴水果車厘茄田園沙律沙律菜很爽口，車厘茄鮮甜，鵪鶉髀肉鹹鹹香香，有點像臘鴨髀的味道，但肉質嫩滑。🔸干邑龍蝦湯店員會在我哋面前倒湯，湯中有蘆筍和蝦隻，店員已將蝦的殼除去，蝦肉很爽口，湯很熱而且味道濃烈，最重要是飲完成碗都唔會鹹。🔸台灣有機單品原茶店家給人很用心的感覺，餐湯後送上梨山烏龍茶，感覺清新，味道回甘，味蕾也喚醒了。🔸法式慢煮油封鴨髀伴法邊豆，普羅旺斯燴野菜鴨髀是經醃製，肉質柔軟可口，肉帶有油香，肉的味道濃郁，燴野菜的醬汁帶少許酸甜味，但沒有蓋過野菜的鮮味。🔸杜洛克黑毛豬胺伴焦糖菠蘿，野菌西蘭花苗，鴨油洋蔥烤薯仔店員建議豬胺可試7成熟，廚師真係掌握得很好，肉質鮮嫩唔鞋口，仲保留咗肉汁，焦糖菠蘿外層焦糖化，味道甜美，西蘭花苗的蒜味香濃，薯仔口感外脆內軟。🔸焙茶紅豆朱古力撻焙茶慕絲

觀塘人氣日式洋食樓上cafe，提供咖啡、生酮蛋糕、意粉。Menu定期會更新非常心思，午市一位難求，觀塘難得有質素的Cafe.🍰裝修風格以日式木系為主，再加上擺設了許多植物，整個空間寬敞且舒適，讓人坐下來就能放鬆心情，享受一份寧靜的忙裡偷閒。完全散發出一種悠閒的氛圍。🌴- 軟殼蟹黑松露野菌忌廉汁意大利粉 HK$158 🦀🍝軟殼蟹炸得完美，外酥內嫩，每一口都帶來滿滿的蟹肉風味。黑松露野菌忌廉汁簡直是美味的極致！濃郁黑松露醬與香氣四溢野菌完美融合，每一口都讓人陶醉其中。意大利粉煮得富有彈性的，整體非常香濃又滿足！- Relish All Day Breakfast HK$148 🍳- 芝士西班牙黑毛豬漢堡伴烤菠蘿 HK$148 🍔

今日放假，想去間餐廳坐得舒服啲食得好少少，一於去依間我已經收藏咗好耐嘅餐廳。12點前上到去仍然有好多位可以隨便揀咗一個位嚟坐。我叫咗一個北海道魷魚蟹肉昆布意大利飯，個飯賣相唔錯，但食落唔係好啱我口味，感覺好似飲緊碗昆布味噌湯嘅味道，略鹹，食唔出蟹肉嘅味道，魷魚就正常發揮都幾有咬口。個餐好似有包Americano同埋普通嘅茶，但我嗌咗杯flat White要加$16,味道不過不失冇咩特別。我覺得依餐最好味嘅係嗰碗湯，餐牌冇寫係咩湯，店員冇講我都冇問，不過飲落應該係蘑菇湯。佢絞碎左啲蘑菇，又有d cream,飲落口淡淡都有啲蘑菇肉可以咬下咬下咁，幾香幾好味。食到差唔到一點時， 店內仍有大半空位， 因人流不多，唔會太嘈，餐廳音樂唔會太大聲，而且有自然陽光，感覺好舒服。雖然今次嗌的飯唔多啱我口味， 但呢度感覺一人chill 下又得或者同三五知己傾吓偈慢慢食都啱，下次應該會再嚟試其他。

觀塘工廈真係好多美食呢間係位於觀塘工廈嘅其中一間Cafe餐廳環境好開揚，中間位置放咗個大大嘅月亮🌕好適合打卡😎ღ 芝士西班牙黑毛豬漢堡伴烤菠蘿、田園沙律•炸甜蕃薯條•松露醬 $148麵包入口鬆化，黑毛豬漢堡好厚身，滿滿肉汁好juicy ，而且夠肉味，加埋燒菠蘿酸酸甜甜好開胃🤤配菜炸薯條🍟食落好脆好香口，入口甜嫩綿滑😋比食真薯條更健康 ღ 香煎盲鰽柳配芒果莎莎伴香草洋蔥烤薯 •炒野菜 $178盲鰽魚味香濃，煎得魚皮香脆，肉質嫩滑而且含大量Omega 3，加上炒野菜，口感豐富又健康叫lunch set包一杯指定飲品，湯/沙律ღWhite CoffeeღJasmine Four Seasons Jade Tea

之前觀塘返工都嚟食過lunch嘅工廈西餐，今次嚟食晚餐，夜晚多咗份寧靜感，幾舒適，中央仲有一個大月亮造型，幾特別🍽️Dinner Set- Welcome drink -- Appetizer -🍴蘋果木煙燻北海道帶子帶子大粒質地軟滑，幾香，特別啲係有少見嘅有機粉紅玫瑰菇、紅菜頭蓉，無草青味道🍴原隻煙燻鵪鶉髀細細隻嘅鵪鶉髀，肉質實淨味道似鴨類，伴水果車厘茄田園沙律- Soup -🦞干邑龍蝦湯本身碟上有蝦，即席倒入龍蝦湯，好少見會咁大碗- Refreshment Tea -🍵台灣有機單品原茶估唔到呢到dinner set中途都有清清口腔嘅茶，味道清新- Main -🍄香煎法式鵝肝大啡菇意大利飯$368呢個好好食👍🏻鵝肝固然肥美，大啡菇一樣好食，最正竟然係個飯，有啲似葡汁，好juicy味道好好，平時唔多食飯嘅我都食咗好多🐷杜洛克黑毛豬胺伴焦糖菠蘿$398豬胺好香好好食，都好腍，最正係有埋焦糖菠蘿，解油膩又好食，配野菌西蘭花苗、鴨油洋蔥烤薯仔，一樣好食- Dessert -🌰粟子撻微甜，但都幾好食🚩Relish (觀塘) @relishcafehk 📍觀塘鴻圖道63-65號鴻運工業大廈5樓B號

之前同朋友去啟德Airside試過Relish呢間cafe，覺得食物大份得嚟又幾好食👍🏻於是呢日再encore，不過就係去觀塘工廠大廈樓上嘅分店，試試佢哋嘅dinner menu😆環境好闊落，空間感好大，好似去咗好有品味嘅傢俬店一樣😎😎Dinner menu一共有6道菜，前奏及中場分別有2款飲品作開胃及間場用途，搭配前菜、湯、主菜、甜品，每道菜份量都幾大，但睇得出擺盤以及食材配搭都花上不少心思❤️❤️值得嚟舒舒服服地同朋友聚會慶生。Dinner MenuWelcome Drink先送上welcome drink，係帶有紫蘇葉香氣嘅酸梅火龍果梳打，酸甜開胃😙😙蘋果木煙燻北海道帶子，日本枝豆，有機粉紅玫瑰菇，紅菜頭蓉帶子好大隻厚肉🤩金黃嘅外層裡面依然保持嫩滑。有機粉紅玫瑰菇幾特別，驟眼睇以為係粉嫩嘅三文魚🤣🤣原隻煙燻鵪鶉髀伴水果車厘茄田園沙律鵪鶉髀鹹香惹味，肉質嫩滑，加上清新嘅沙律就啱啱好😋😋干邑龍蝦湯Presentation幾好👏🏻店員會即席係茶壺倒入龍蝦湯。湯頭杰身，龍蝦味好濃郁🦞飲得出係用龍蝦殼熬煮再打爛。有翠玉瓜以及2隻好大隻好爽彈新鮮嘅蝦肉🦐台灣有機單品茶淡淡清新茶味🍃正好係主菜環節

其實之前已經食過Lunch係好食(可能當時係叫漢堡包餐），所以咪諗住食Birthday dinner點知差好多，食物上到枱唔熱頂盡微暖，最正常夠熱係個湯。叫咗香煎星斑魚柳伴烤八爪魚$438，但啲魚肉唔好食唔滑有少少鞋！仲有叫黑毛豬胺$398，個扒上到枱唔熱(其實根本係凍晒)，而且最重要肉質唔夠軟熟啲肉好實(其實要食好食嘅黑毛豬胺喺官塘唔難搵）但我就因為佢正評真係好多，決定生日飯訂呢間點知仲要食到我肚痛，朋友就肚屙到第二日😓當晚得5枱客，又催我哋落order, 當諗好落單頭盤要海膽冷麵，又話冇海膽得鮮蝦冷麵(咁點解一開始比Menu我哋嘅時候，唔話埋俾我哋聽今晚冇海膽。）仲要侍應啲面口黑黑地面，朋友都未食晒碟上食物只係停咗手，侍應就伸隻手示意收碟…跟住我哋話未食完！結帳時，有睇唔明嘅地方想問清楚，點知侍應非常冇禮貌回覆。我從來都未寫過食評，真係第一次令到我肯寫！嬲咗自己生日竟然楝咗一間咁多正評啲餐廳都會搞成咁😡

觀塘工廈有好多臥虎藏龍既高質餐廳，好似RElSH就相當有人氣，餐廳以系裝修為主，空間感強，坐得好舒適，用咗好多綠色植物去裝飾，很有文青氣質，仲有擺賣一些小商品。很有心思準備咗Welcome Drink紫蘇梅子梳打，系用咗化梅、紅龍果、紫蘇葉整成，入口清新爽口，好適合餐前飲用。晚市套餐由368蚊/位起，多款可供選擇。前菜我哋揀咗：蘋果木煙燻北海道帶子 擺盤好精緻，配搭日本枝豆、有機日本玫瑰菇，用咗紅菜頭蓉做伴碟，刺身級太粒帶子，新鮮厚肉，非常鮮甜。原隻煙燻鵪鶉伴水果車厘茄田園沙律估唔到鵪鶉肉質咁嫩滑，有微微煙燻味。我哋揀咗干邑龍蝦湯，侍應會當面倒入龍蝦湯，龍蝦湯濃郁，唔會太鹹。飲完湯，侍應送黎Refreshment Tea，清清哋幾易入口，口腔即刻好清新。主菜揀咗法式慢煮油封鴨髀伴法邊豆•普羅旺斯燴野菜鴨髀好大隻，鴨肉肉質嫩滑，配搭蕃茄醬沙律菜，非常有滿足感。香烤野生虎蝦•蟹肉蟹膏意大利飯蟹肉蟹膏份量極多，同意大利飯拌勻食，啖啖都可以食到蟹肉蟹膏，飯上面仲有大隻虎蝦，蝦肉新鮮彈牙。甜品系綠茶紅豆卷蛋

Cafe裝修好有田園特色，擺設簡約雅緻🪴🌿🌱Lunch Menu (Avalible 11am to 4pm)包是日餐湯或田園沙律🍔🍍芝士西班牙黑毛豬漢堡伴烤菠蘿,田園沙律,炸甜蕃薯條,松露醬 $148- 漢堡非常足料，黑毛豬好厚肉，炸甜蕃薯吾油膩👍🏻🦞🍝芝士焗波士頓龍蝦(半隻)配龍蝦汁意大利粉 $178- 龍蝦芝士味好濃，意大利粉好夠味☕Americano☕Latte整體餐廳環境舒服，有田園風味，好有休閒嘅感覺，係weekend用餐嘅好推介💖

聽朋友講觀塘有間高質工廈cafe， 裝修唔錯 ，西餐好有質素😍 為食嘅我梗係要試一試啦💨💨💨 Welcome drink個人特別鍾意有welcome drink提供嘅場所， 呢啲係酒店業界常用嘅招數， 令到客人覺得好受重視🤗 而呢度嘅welcome drink 做得到賣相靚 之餘又起到開胃作用， 細細杯嘅粉紅色嘅梅子特飲， 飲落特別覺得舒暢👍 Dinner setAppetizer➡️ 蟹籽鮮海膽柚油子醬油汁梅素冷麵， 絕對驚喜✨ 首先賣相好靚💖梅素冷麵係粉紅色😍😍 忍唔住相機食先😆 海膽好新鮮👍配埋酸酸地嘅梅素冷麵好fresh🥰➡️ 蘋果木煙燻北海道帶子. 日本枝豆. 有機紅玫瑰菇. 紅菜頭蓉✨ 又一款打卡食品， 紅菜頭蓉顏色好突出😍 帶子表面煎到有點蕉脆， 好香口， 內裏肉質彈牙🥰🥰Soup➡️千邑龍蝦湯✨ 必點菜式， 龍蝦湯又香又濃， 加上微微酒味， 香氣提升👍👍➡️ 蕃茄濃湯✨ 好有田園風味嘅蕃茄濃湯，唔係完全順滑， 反而保留些小口感， 酸度有層次😋Main鵝肝紅花大啡菇意大利飯➡️ 選用優質鵝肝， 比平時食嘅有兩倍厚度， 咬落更見多汁👍👍👍 大啡菇上有芝士， 芝士有點焦香， 配上極度j

再訪呢間位於觀塘既文青日式cafe🤍晚上提供非常精緻有心思嘅西餐餐廳仲會定期轉Menu保證每次來訪都有驚喜🤩🌟蟹子鮮海膽柚子醬油汁梅素冷麵冷麵賣相好精緻海膽新鮮甜美配埋柚子汁更加提升鮮味令人食指大動🌟 蘋果木煙燻北海道帶子•日本枝豆•有機粉紅玫瑰菇•紅菜頭蓉🌟 干邑龍蝦湯龍蝦湯味道好濃郁仲會係客人面前即席倒出夠晒儀式感🌟 蒜香野菌銀魚柳辣蕃茄汁手工意粉配香蔥吞拿魚腩蓉($368)提供自家制手工意粉好有誠意意粉比一般食到既更煙韌有口感新鮮蕃茄蓉味道清爽開胃配上香蔥吞拿魚蓉配搭幾新穎🌟香烤野生虎蝦 •蟹肉蟹膏意大利飯($398)risotto個軟硬度煮得啱啱好飯粒入味之餘仲帶有咬口配埋蟹膏好鮮味香煎虎蝦超大隻肉質彈牙爽口蝦頭入面仲有滿滿既蝦膏😚🌟焙茶瑞士卷甜品畫上用餐嘅完美句號

餐廳空間感頗大 光線柔和 以木系色調裝飾 設有梳化位置 環境恬靜舒服 店員先端上Welcome Drink 紫蘇梅子梳打 清甜帶微酸 每道菜賣相都好精緻 睇得出餐廳都幾有心思🔻Dinner Set Menu $368-$498/位 （以下介紹兩款套餐）🌟Appetizer🌟👉🏻蘋果木煙燻北海道帶子 擺盤精緻 紅菜頭蓉好搶眼 帶子有兩粒 好巨型 厚肉鮮嫩 👉🏻原隻煙燻鵪鶉伴水果車厘茄田園沙律煙燻味濃郁 鵪鶉肉質結質 搭配清新沙律剛好🌟Soup🌟👉🏻干邑龍蝦湯店員會係面前倒入龍蝦湯 滿滿儀式感 好啱打卡 湯質地唔算濃稠 但蝦膏味都幾濃🌟Refreshment Tea🌟👉🏻冷泡白茶 入口清爽回甘 幾好飲🌟Main🌟👉🏻社洛克黑毛豬鞍伴焦糖菠蘿，野蘭西蘭花苗、香草鴨油烤薯仔豬鞍揀咗七成熟 肉質彈牙帶豬油香 配搭酸酸甜甜菠蘿 去油膩感👍🏻👉🏻香烤虎蝦蟹肉蟹膏意大利飯忌廉汁沾滿每一粒意大利米 夾着蟹肉同蟹膏一齊食 帶鹹鮮 虎蝦大隻爽彈 🌟Dessert🌟👉🏻榛子蛋糕 榛子忌廉配搭濕潤嘅海棉蛋糕 不會好甜 👀