Ruby Tuesday (海之戀商場)

营业中

休息中

荃灣海之戀嘅美式餐廳當然係Ruby Tuesday，環境舒適，玻璃窗外面向青衣嘅海景，而且座位寬敞。除左基本餐牌外，還有一張是祇係推介給會員的，入面有個龍蝦幼麵，由於我係會員，所以就點左呢款。龍蝦好大隻，連蟹鉗肉都放係上面，入面還有好多膏，味道鮮甜又有鮮味，而龍蝦嘅汁滲入到幼麵入面令到幼麵份外好食。除此之外就叫左 Premium Aged Prime Sirloin，呢個西次不過不失，外面烤既部份好香，入面充滿肉汁。飲品就叫左 Berry Fusion, 充滿果肉，值得推介

Ruby Tuesday in OP Mall is a good place for dining. American food with the nice environment. The window side is facing the sea.The menu is just updated this month. As the steak is famous here. I tried the Premium Aged Prime Sirloin steak here. The meat is juicy with the delicious flavour. The grilled surface is attractive and tasty.The Bananaberry Cream Freeze is a good choice. The mixed juice and made the smoothie really good.

海之戀都有好多餐廳今次去左Ruby Tuesday 食個lunch老闆請客如果lunchtime 黎講真係唔算多人一點鐘都唔爆坐低望下menu老闆請就唔洗睇價錢啦緊係食最貴既西冷牛扒同事就食爐魚意粉老闆食ribs首先係餐湯其實奶味都好重我淨係知係好重奶味既忌廉湯反而跟湯個芝士鬆餅好有驚喜好好食有芝士味又夠鬆之後就黎主菜喇Ribs係偏辣既老闆share左一舊比我如果唔食得辣既朋友要考慮清楚牛反而有d失望叫五成都好熟錦又無特別反而個薯蓉好creamy好好食但下次自己唔會叫扒意粉份量我覺得偏少如果一個男人應該唔夠食同事話不過不失下次再黎會試其他好處係。。。好多位同坐得舒服

2020.09.26 Saturday Staycations at L’hotel Nina et Convention Centre. After enjoy with DJI mavic air 2, we chose to take early dinner.餐廳唔算大，手機程式知道今晚已滿，冇得訂枱。唯有碰碰運氣，試吓walk-in。以為6:00p.m.有機會，點知都係要等，只好即時入座，5:30p.m.就食晚飯⋯諗定宵夜都得啦⋯疫情後，估唔到價錢貴咗十幾個%🤭。叫咗3款食物1. Clam chowder soup⋯不太差，忌廉略嫌太濃味。2. Caiun chicken caesar⋯沙律菜爽脆，麵包粒，蒜蓉香味濃郁，亦香脆可口，雞肉似沒有調味，但亦算嫩滑。3. Premium age sirloin⋯保持水準，略嫌欠缺牛肉味。焗薯安排走牛油。煙肉粒香脆，多啲sour cream就一流啦。服務員有很多，可能係分工太細，有啲行行企企，有啲忙到氹氹轉。

是日Blue Monday 低氣壓籠罩住我，陷入左完全唔想做嘢mode.....於是決定要豁出去.......食個lunch 咁大把咋 😅😅中午一般比較少食西餐，於是揀左好耐都冇食過的Ruby Tuesday疫情關係，餐廳提供紙袋 讓客人裝好口罩，貼心💕Set Lunch 其實也不算太多選擇...當然也可以在a la carte menu揀嘅既然豁出去，就打算食最貴的西冷牛扒，畢竟最近也不是常出外用餐，偶爾豪一次吧....但連個天都唔俾機會我，竟然冇左牛扒餐，典解呀所以退而求其次，揀左 露比經典漢堡🍔同行朋友 就揀左燒烤汁雞扒🐔餐飲先來，我們都選了熱咖啡 餐湯 或 沙律🥗任選一款是日餐湯係牛肝菌湯湯底濃郁，菇香撲鼻，加上佢這個香草小餐包，十分有heart不可錯過!質地實在而鬆軟，像scone的質地話咁快，朋友的雞扒已經ready薯菜是粗薯，正呀!!!雞扒賣相不錯，偷食左一啖，都幾juicy我個漢堡餐跟住都上來喇😋😋😋份量十足，漢堡牛味香濃，沒有太多的調味，比較淡口，有需要可問店員取芥辣；食完份大漢堡，我已經食唔落d薯條喇🤭🤭戰鬥力下降左添，點算 🙈🙈

今日早咗收工時間，約咗朋友又未夠鐘，一於搵個地方坐低食少少嘢hea吓先。見到呢間餐廳枱與枱之間都鬆動就一於試吓佢啦！！烤火雞三文治 $60三文治有火雞胸肉及煙肉，配上新鮮蕃茄同西生菜，食落有層次。但最驚喜係麵包到，因為兩邊都塗上滿滿嘅牛油，咁樣嘅三文治，令人忍唔住一啖接一啖咁食晒佢！🤤🤤🤤呢個價錢仲包埋一杯飲品，係平時搵地方hea吓嘅好去處！🤪🤪🤪

昨天買了Ruby Tuesday外賣肉眼扒3塊,要求五成熟，結果3塊扒都是又薄又韌又over cook, 差不多十成熟！我已經做咗會員10年多，雖然享有半價！但都要差不多$200/1塊！食啲咁嘅扒！真心感覺極差！依10幾年已經慢慢覺得佢係不斷偏差！現在已經去到不能夠接受😕

Ruby Tuesday 呢間餐廳通常都係for有會員既人黎食，冇會員冇半價真係唔抵，會好貴。有左Ruby Tuesday既membership, 真係會不自覺食多左。但次次黎親都係食果幾樣，因為都唔錯，唔想試新野中伏。.介紹番，每次必嗌既ribs，配honey bbq sauces好正。佢啲肉又唔會燒到好鞋，骨肉分離，好淋好好味。佢個墨西哥手撕豬薄餅有驚喜，墨西哥薄餅有少少脆，夾住手撕豬同芝士，暖暖地咁，好正。鐘意食芝士既朋友唔可以錯過。薯皮就普通，有啲乾，芝士薯條應該會好味啲。每次都一定會嗌杯mega size既野飲，感覺成餐飯又會再開心左～

這間分店向來食物水準不太穩定，勝在店舖寬敞，環境較為舒適。位於荃灣海之戀商場，等位都多啲地方。今次來個五成熟肉眼扒，脆香外層內肉汁豐富，分量也足夠，入口腍滑，蘑菇汁也十分足料，薯條另上也能做到外脆內軟，值得一讚，希望能保持食材質量穩定，增加食客嘅信心。

今日放假和家人到荃灣西站商場購物和用餐，這裡商場很有連貫性，洗手間算清潔，食肆多不勝數。這間餐廳的分店我都去過，今勻點了牛扒和羊扒，五成熟肉眼扒火候控制得宜，嫩滑而不韌，肉汁豐盈，七成熟羊扒則稍為生了一點，味道唔錯，甜品合桃鬆餅則較為鬆散，有待改善，服務尚算滿意。

原本位於荃灣廣場嘅分店開始覺得水準下降 然後到佢搬遷咗嚟海之戀 再食返有竟然有驚喜嘅感覺 今餐菜式水準都係中上 唔錯🙆🏼‍♀️-✏️Impossible Cheese Quesadilla ($288)墨西哥烤餅🌮跟著潮流 推出impossible meat素食版本! 每件份量超大 餡料好足 採用素肉都同樣好香 芝士份量俾好多 但係真係要趁熱食 凍咗芝士口感差好遠🙈〰️✏️Fork-Tender Ribs with Classic BBQ Sauce (full-$378)必叫嘅ribs🐖一樣係好惹味 個肉係一叉就可以同骨分離 懶人啱曬 撕扯嘅牙力都慳翻我鍾意😂〰️✏️Salmon Fettuccini ($328)另外大推每次都叫嘅三文魚意粉 唔好睇好似好普通嘅菜式 但淨睇三文魚柳原條上 勁厚肉之餘 重點肉質保留到內汁同好嫩嘅口感😻好想知點樣先可以煎到咁😂〰️✏️Rib Eye ($368)肉眼扒🐮係咁多樣入面我排最後 係好食過佢嘅西冷牛扒 煎到肉呈粉嫩色 而且鎖住肉汁但某啲部份都係有少少帶筋味道其實OK 但冇話下次好想再嗌嘅感覺🤣〰️✏️Smoked Salmon Caesar Salad ($218

自從Ruby Tuesday開咗喺海之戀之後，人流比以前仲多咗，可能因為依度有埋Donki donki, 所以我哋就決定早啲食飯我哋一行五人，18:00就食晚餐，貪佢呢個時間冇咁多人食飯仲會安全啲侍應衛生都做得幾足，而且門口都會度左體溫先比入內。因為同行既朋友有會員卡，做咗半價之後，相對上係抵食好多，但其實我覺得個本身價錢係比較偏貴。講返食物嘅質素，中規中矩。符合一般美國菜嘅份量比較偏多，所以如果人數唔係太多嘅話，其實建議可以share食就更加好了。

由於新型冠狀病毒在香港確診個案越來越多，政府收緊限聚令，最多只能四人。而餐廳於7月15日開始晚上六點至零晨五點禁止堂食。所以趁實施之前最後一日黎Ruby Tuesday 食晚飯，唔知要等幾耐先可以再出街食晚飯。最近有新餐牌- All natural chicken ，檸檬烤雞丶傳統農村炸雞丶煙峰烤雞丶香草烤雞配松露燴飯。當晚點左珍寶蟹肉芝士通心粉丶煙肉芝士薯條丶凱薩沙律丶10安士肉眼扒丶經典燒排骨丶蟹肉餅⋯⋯荃灣海之戀分店可以飽覽整個藍巴勒海峽，職員有禮貌，但係非常忙碌。整體來說全部都好味。好彩一早訂左位，次次食完之後都仲見到好多人排隊等候。2020年7月14日

以前嚟Ruby Tuesday食的心太軟個 cake 係夠熱切開，中間係熱燙的流心朱古力漿今日嚟呢間荃灣海之戀店真的令人十分失望首先一上菜，就發現蛋糕沒有煙，竟然是凍的然後隔離有碟凍嘅朱古力醬做甚麼呢？難道是淋落去個凍的蛋糕上？沒有朱古力漿從切開的蛋糕流出來，這樣還算是心太軟嗎？之後叫佢整返熱佢就就咁丁一丁個蛋糕個雪糕返黎都melt 咗一半可以講，凍的心太軟比外面更難食永遠都唔會再嚟搵笨的以前賣$128今日賣$148難食咗仲要加價仲夠膽加一咁貴覺得完全唔值嬲到要即刻打食評

Monday try Tuesday😜 長期人氣排隊，相信唔少係會員，老牌美國餐廳， 1995年來港，喺一個競爭激烈嘅香港， 可以迄立25年，還有6間分店， 一定有原因。今日好在有同事先行排隊， 加上做咗會員，仲有啲coupon未用， 就去荃灣新鋪試一試。前菜拼盤《龍蝦尾》 Regular $338, Large$588呢個有故仔講，我們要了一份regular，諗住一齊share， 上枱畀咗份大嘅我哋，服務員就走開， 後來我們向服務員求證， 服務員拿著夾龍蝦走嚟走去， 查下p o s 點餐機，問吓其他同事，經攘一番之下，送咗去另一枱，但我們差點兒就放進口。後來補上的龍蝦尾《 經典燒排骨》半份$288 很濃醬汁，烤焗後肉質直頭冧到有點兒（梅）《薯蓉》《Rib Eye》$368 medium rare 好睇唔好食， 有點兒像港式鐵板燒的牛扒一樣，冧到唔知以為佢用食粉醃過。PS: 之前買咗啲coupon，可享用不超過400蚊的主菜，但如果你幫襯的主菜是408蚊，是需要收你兩張coupon😰 會員正價食品全部有半價，其實真係要夾你入會，因為唔係會員double價錢完全唔抵食！😖食物賣相＝(滿分