Ruby Tuesday (海之戀商場)

营业中

休息中

Ruby Tuesday的價錢定位非常高若沒有Ruby Tuesday的會員，應該不會光顧會員全單可享有五折沒有不做會員的理由吧一行五人總共點了五款主食精選和牛超級漢堡 - $378高級的漢堡和牛扒一樣，可選擇生熟程度選了七成熟，漢堡帶點生，口感才會鬆化兩層漢堡很厚很大塊，切開也有點肉汁唯獨牛味不夠濃郁，有點淡味跟的薯條和沙律菜也不錯10安士肉眼扒 - $368可配黑椒汁、蘑菇汁和蒜蓉汁位置偏向肥膩，上面的脂肪很多而且牛味不算得濃郁薯蓉好像尖沙咀分店比較好吃，牛油味會較重，這次的比較淡味經典燒排骨 全份 - $378最出名的菜式，叫了兩份不同醬汁燒烤經典燒烤汁帶點辣味，較惹味蜜糖燒烤汁剛被甜度中和辣味個人偏愛經典醬汁燒得很惹味，外層的肉帶脆，內面又軟熟，幾乎不用用力切虎蝦墨魚汁意粉 - $338很濃烈很重的芝士味墨魚汁味倒不覺有，可能麵條本身用墨汁做，但不會弄黑牙齒意粉軟硬適中，比虎蝦還要好吃

以前同朋友都好鍾意一大班人去食RubyTuesday, 個ribs 同埋D小食都適合大家一齊分享。今次屋企人話嚟海之戀呢個新商場行下donki，行完之後就搵嘢食啦，結果揀嚟揀去都冇咩其他嘢好食，就帶佢地食Ruby Tuesday。可能個商場真係太新太大，好多店舖都未開門，其他餐廳又可能偏向小食多啲，晚市Ruby Tuesday 真係好多人等位，我地都等咗差唔多一個鐘先有位入去食。嘢食方便因為唔係太肚餓，所以都只係叫咗一份小食拼盤(雞翼、焗薯皮、洋蔥圈、炸蝦)，牛油果雞肉burger 同一份雙拼味道嘅 ribs小食方面，整體都冇咩特別，但係每樣都好似唔係好熱咁，加上現場冷氣又大，炸物嘅味道都好似麻麻地咁。Burger 同ribs 都係正常發揮啦，新嘅蘋果醬味ribs 得到大家一致好評，酸酸甜甜冇咁漏，經典醬汁味就重口味D，食一舊已經覺得好漏XDXD 呢間分店可能新開又好多人啦，每樣嘢都要等得比較耐，落單揮手都等咗一段時間先有人應，希望耐咗人手問題可以有所改善啦!

第一次去呢個商場諗住順便行Donki, 點知人頭湧湧唯有放棄，今次見有優惠所以相約朋友再次光臨。三杯cocktail, 酒味淡頗甜。凍蝦尚算新鮮。Ribs略嫌乾身，只有中間部份比較稔。雞翼係最好味嘅，有辣有唔辣。肉眼扒應該有5成，肉質還可以。呢度環境唔錯坐得幾舒服，但食物同服務都一般，CP值一般！

星期日一家人去左海之戀行下街，攰攰地搵個地方食下野，見Ruby Tuesday啲位夠大夠闊，可以一家人下午慢慢坐，先黎叫左個手撕豬肉烤餅，烤餅夠香，手撕豬辣辣地幾開胃，仲有個酸酸地既汁，味道幾夾。之後叫左Ribs拼盤，分別有一大塊Ribs、炸雞塊及炸蝦，3樣野都係水準之上，Ribs夠大件，切開用手拎住食一流，香口野味之餘仲好嫩滑，而炸雞塊及炸蝦既炸粉好薄，蝦肉及雞肉都足料。再黎就有迷你漢堡併盤，一碟有哂豬、雞、牛三種漢堡，叫做迷你，但份量其實唔細，而且有不同口味，岩哂一家大細唔同喜好一齊食，配菜仲有個焗薯，中規中舉既一道配菜，味道唔差。飲品方面叫左三杯，有黑啡、菠蘿&朱古力特飲，黑啡唔錯，而菠蘿&朱古力特飲有驚喜，適合鍾意試新野既人。

餐廳環境舒適,坐得好舒服由於友人想食steak, 我又想食 ribs, 為滿足大家所以叫咗一個牛扒和豬肋骨。西冷牛扒配薯蓉叫咗五成熟,都幾Juicy,塊扒有啲厚,又不太肥膩,咁哂大食嘅人燒豬肋骨送上台已熱辣辣,豬肋骨烤得啱啱好唔會太淋,配上醬汁十分惹味。焗薯仔d cream cheese 好香食唔停。

不錯的早餐選擇，價錢合理，環境舒適，食物質素高。會員有85折，折後價錢，非常抵食。松露炒旦，非常香滑，亦不失雞蛋香味。牛角包- 應該焗時過了點火，以致唔夠鬆軟，服務員態度很好，反映後，亦即時代向廚房反映意見。希望下次來有改進

Ruby Tuesday嘅set lunch，款式都幾多，有飯有意粉有扒有漢堡選擇，價錢由HK$78-$168，有平有貴，每個set都送餐湯同大大杯汽水，仲有餐前包送。◆*．◆*．◆*．◆*．◆*．◆*．◆好味指數：😋😋😋（5分為滿分）抵食指數：💰💰💰（5分為好抵食）◆*．◆*．◆*．◆*．◆*．◆*．◆1️⃣南瓜雞肉意大利飯（HK$88）南瓜味都幾濃，而且個汁仲有巴馬臣芝士忌廉醬，食落好creamy好濕潤，南瓜同芝士味都食到，入面亦有好多雞肉粒，都幾足料👍🏻2️⃣蜜汁燒雞（HK$78）外脆內軟，雞皮脆卜卜，雞肉仲係好滑，味道有啲似芝麻雞翼，而呢個set係搭配薯菜。3️⃣意式茴香腸寬條麵（HK$78）食落好濃香草味，而且蕃茄醬汁都幾多下，腸仔嘅份量都適中，不過個麵量唔算多。4️⃣芝士條（HK$78）意外地叫錯咗呢個小食，原本係想食煙肉芝士薯條，普普通通，有少少拉絲，俾我揀會俾多少少錢，食煙肉芝士薯條多啲😂

慶祝朋友生日更係食好D，因為要半價咭當然要去食啦⋯⋯今期優惠仲送兩杯飲品，可謂底上加上。叫左黑松露薯條個醬汁真心好味，食唔停口😋主菜叫左燒排骨三合一，有燒排骨、炸雞件和炸蝦，仲跟左個焗薯，還有雞胸黑松露燴飯，最後叫左ruby pancake，雪糕加班cake正正正。3杯野飲都非常正好飲，有酒精飲品係我至愛，酒配燒排骨簡直完美。大家都食到飽飽，好豐富、好滿足，3人份量剛剛好下次再食過👍🏻👍🏻👍🏻

同朋友二人沒有訂枱 6:30p.m walk in 都有位, 揀了坐outdoor(因為可以食煙🚬🤭) 坐位不多而且全是煙民！7點前啤酒🍺有happy hour 買一送一, 我叫了Stella Artois($106) 朋友就Sangria Red🍹($88)  我們先點了小食Nachos($148)粟米片很淡但勝在醬料多,  之後再點了Ribs & Wings($348) Ribs肉較乾Wings就細細隻無乜肉，而Classic Cheeseburger🍔 ($178)就揀了bamboo 麵包同五成熟漢堡，味道不過不失!

有事要去荃灣，咁就順便相約友人在荃灣食午餐，講明必須豐富，咁先至有能量抗疫😜。友人揀咗Ruby Tuesday。鋪頭大大間，美式裝修，座位寬闊，幾舒服。餐牌都幾多嘢揀，有豬有牛有羊有龍蝦等。我就揀咗大份嘅BBQ Ribs, 而友人就揀了斧頭豬扒，我哋諗住share嚟食😊。等左冇耐，先來BBQ Ribs, 我估可能有18吋咁長，都真係幾大份量。嗱嗱聲切開一條條，用手拿住嚟食，最有風味。排骨烤得好香，肉質鬆軟，加上有原味Classic Meat Sauce, 真係淡淡都好有豬味。另外配菜有薯蓉，感覺入邊有cream同埋黑胡椒，非常可口，仲有些少西蘭花同紅蘿蔔。食食吓斧頭豬扒就上枱，真係幾似斧頭嘅形狀。斧頭扒肉質比較硬，但係都唔太難咬；再配以蘋果醬汁，出奇地配合，醬汁有少少蘑菇同蘋果味，食到舔舔脷。呢餐食得非常飽，埋單$800 ，雖然貴咗啲，但係好好味😋

因為公司同屋企附近都有Ruby Tuesday，所以做咗會員，呢個集團都算係香港嘅老牌美式餐廳。今日週末行完山，就同屋企人去荃灣嘅分店，5個人，個個都話好肚餓，所以叫咗6個菜式：田園沙律🥗經典燒排骨斧頭豬扒🥩虎蝦墨魚汁意粉🦐蜆肉意大利幼麵🍝炸芝士條食物水準不過不失，而且仲大大碟，平均每人$230。餐廳環境唔錯，如果坐吧枱，仲可以有海景。好彩今日早到，6點鐘就到，坐咗一陣，已經全院滿座，遲嚟嘅客人要喺門外面等位😵。

行一嘅時分嚟咗食午餐， Menu好多唔同選擇，亦都好多嘢去加配。同其他分店冇乜分別，但係個view就一流！差唔多成間鋪頭都可以望到出面嘅海景。嘢食都唔錯， keep到同其他分店一樣嘅水準。黎完食嘢仲可以行埋donki😉

貴價菜!! 份量足！ ！今日跟好友去了荃灣，因為荃灣aeon 有bb展，購物會便宜一點。進入aeon bb展之前，當然去食一餐飯先，要照顧好肚子，才有氣力周圍逛一逛。哈哈哈哈！ ！ ！ 我們在荃灣到處遊走，最後揀選了Ruby Tuesday，雖然覺得價錢不便宜，但由門口看入去見到都有好多人食，所以吸引了我們入去 。朋友說整體食物質素都幾滿意，漢堡包好巨型，而且肉質都還可以，夠厚有咬口。（這是我朋友分享的）至於我食的那個餐，感覺滿意，飯有飯香，而且有彈性又夠咬口。口感十足。重點是每一粒飯都有醬汁包圍着。雞肉份量都好足夠，兩份又厚又大件的雞肉，食完都飽。我們在網上找到一張優惠券，就是食了$300可以免費送脆脆片，上面有芝士有肉醬，用來跟酒一起吃最配搭 。

今日六點行過商場 見到呢間餐廳無人排又唔想咁早食飯於是試下即日book估唔到順利book到7:30pmBook完之後 會收到sms request confirmation黎到Ruby Tuesday 當然要叫招牌ribs半份大概有7-8條骨 加埋薯蓉 兩個人食啱啱好Ribs 叫左classic 醬汁依然咁香濃 肉質夠淋小食叫左炸蝦辣辣地既汁 鬆脆既炸外皮 比想像中好食燒雞意大利飯意大利飯唔會過淋醬汁淡淡松露味 如果可以再cheese 啲再濃啲會更好雞肉可以要嫩滑啲Mega size士多啤梨果茶士多啤梨味夠 但略嫌無茶味 少少太甜Blackberry lemonade 呢個反而太酸但blackberry 味夠濃用左vip優惠 半價左都$504呢個價錢性價比較低

第一次食，試下午餐$88首先講下個湯 - 忌廉磨菇湯個湯好白，好重奶味，完全冇菇味，如果合埋雙眼飲係唔會知道自己飲緊磨菇湯，菇同忌廉完全係分開。跟湯個鬆餅係幾好味!南瓜雞肉意大利飯唔好食，唔夠汁，唔係每一粒飯都沾到汁，好多都係白飯d飯唔似意大利飯，冇咬口，同屋企煮的泰國米冇乜分別!其實屋企自己煮碗飯，撈小小罐頭湯落去都可能好食過佢!講返下d好野座位寬敞，同隔離枱有足夠距離凍檸茶竟然係今餐最好的，夠大杯! 凍飲唔洗加錢