Ruby Tuesday (世貿中心) (已結業)

一向鍾情各式牛排，來到Ruby Tuesday，當然點選了她一向處理出色的牛排。侍應端上來時，單看賣相，已教人口水直流網燒的坑紋及那煎得焦香的外層，已令人聯想到那外脆內軟的口感，切下去，此時肉汁才緩緩滲出，牛排內層顏色仍然粉嫩，牛排肉質的嫩，味道的甜，盡數落入味蕾中，真的很好吃。 會員食有半價優惠，非常抵食！而且服務周到，侍應們都掛上微笑，讚🙂🙂

可惜公司附近沒有Ruby Tuesday,所以等平日放假，一家人先會去食set lunch 今次還特別叫了兒童餐，2大1細結賬離開都只是$200 已有很多不同款式食物，一齊分享，好滿足！始終依家不再是會員，晚餐價錢比較不值得！之前有會籍都不是常常食，會籍期限又很短。平日lunch 都不滿座，有很多卡位，坐得舒適，服務員態度都很好，沒有只顧著推銷會籍。Set lunch 選了燒汁雞配意粉，有是日餐湯，及餐飲每次餐湯我都很喜歡，因為真材實料，配上香脆餅品嘗，好正！今次是粟米雞湯，足料有咬感，還食到少少碎薯仔主菜：我們都超喜歡這裡的燒汁雞，香甜惹味是當然，令人胃口大增，小朋友都搶住食，雞肉都很嫰滑。配以濃濃芝士醬汁意粉，真的好好食！不過，大家別顧住談天說地，襯熱呼呼快點先食，這裡空氣流通，冷氣好快吹凍食物。那好處是不會食完一衫都油煙味。跟餐另加點額外小食，才$20 ，我喜歡炸魚手指，點下茄汁，點下沙律醬，香口熱烘烘今次有小朋友叫了份兒童套餐$80主菜，飲品，甜品有一細件朱古力蛋糕很不錯！主菜我們叫了最喜愛的ribs 配薯條醬汁一流！水準沒有退步！薯條麻麻地，食完好口渴啊！結賬時，有優惠券送，

The food was really fast in my table. The BBQ ribs were really good. But the baked potato was not as the picture in the menu..

今日海馬襲港，難得有一日既平日假期就即刻上露比星期二既官網print張lunch買一送一既cupon啦！打埋電話真係有開就即刻行去世貿開餐揀左兩個lunch set:分别係炸魚薯條同芝士西蘭花雞肉長通粉,尤其炸魚食得出係高級既鱈魚柳,好鬼滑 而難得打風食物服務都係預期水準之中 (辛苦晒一班冒住風雨返工既從業員)lunch set 仲包括餐湯/沙律同飲品大家都知香港哋揾食唔易，係打風既日子四周圍落曬閂直頭“搵食"艱難:咁難得係打風天可以用茶餐廳既價錢食到高級西餐喎，仲享受埋呢日假期，所以每次打風呢度就化身我嘅食堂:約定大家下次打風，不見不散！

好友剛買了這店的會籍，所以一行六人來吃飯傾計。點了很多東西，而且檯上食物太多，顧著吃便忘記為美味的豬肋條拼盆和大大杯的飲品拍照。蟹餅的份量不算太大，而且煎得稍為有點過火，但味道一流。凱撒沙律我們選了配大啡菇，非常軟身而且很多汁，配上有不少芝士碎的沙律味道真是很好。西冷牛扒也是今天的推廣特價菜式，但味道非常好，而且我們都很喜歡這店的薯蓉，非常幼滑好味。和肉漢堡亦非常出色，還可要求店員將漢堡切開八份。牛肉的口感非常好，肉汁亦豐富，只是最頂層的麵包有點太厚。最後點的甜品拼盆有點失望，味道是不錯，但份量太少，我們還有三位喜歡甜點的男士，早知道應該點大大杯的芭菲吧...總括來說食物與服務都算不錯，就食物質素來說，有會員半價的確無話可說。只是訂了檯還要等25分鐘才能入座我覺得有點驚訝。

呢間餐廳真係唔常食, 一黎貴, 二黎size好大份, 一定要約埋三五知己先至食得到今日朋友生日, 而且有個仲要有呢度既member car, 當然簡食呢度喇!😈😈😈Ruby Tuesday 係美式餐廳, 野食真係幾多而且size好大份如果唔係有member card既原價的確幾嚇人🙈幾個女仔竟然亳不客氣咁叫左幾份野食, 食到抱住個肚咁走人!😋Quesadilla麥西哥薄餅, 個皮如個醬汁都做得幾好, 不過食落去牛肉個人覺得有d over左 (太多了)食落去有d多到唔知點處理好Mini Trio漢堡包其實一d都唔mini, 而且牛肉扒好厚, 並不能一口就食得晒, 牛肉扒食落好香, 唔錯啊!薯條似係即叫即炸, 食落好脆身, 唔覺唔覺就食左好多條喇!👍🏻😋Triple Play $328炸物既炸粉感覺都幾多, 完全包住晒原有食身既外形, 食落都幾香脆不過炸粉太厚有少少失色另外配有個蜜糖芥末醬, 點黎食比較好食!豬仔骨好野味, 因為係骨與骨之間既肉所以唔會過份地肥而且肉質都幾嫩👏🏻👏🏻👏🏻❤️焗薯係主菜配的, 個size都幾大個!入面有牛油同SOUR CREAM, 食落超香濃牛油香味而且口感好細

Ruby Tuesday (二)上次去完以為短期來都不會再去但因為同一部電腦我爸除了買了一部給自己以外也買了一部給我大姐所以有兩張優惠卷我姐碰巧找到那張優惠卷於是我們又再去吃今次沒上次吃得那麼滿足因為Ruby Tuesday出名ribs所以特意叫了triple play來嘗嘗但結果沒想像中好不過我本來就不太喜歡甜甜酸酸的東西所以其實可能不應該嘗自己不太喜歡的東西 Bananaberry★★★(★☆)☆有一陣草莓的酸味香蕉味淡淡的香蕉味是aftertaste主要味道是草莓味那兩種味沒法mix在一起有種熱帶的味道是一種健康的選擇因為cream唧得很漂亮所以特意拍了一幅放大照是平坦的cream感覺很特別Triple PlayGolden-fried Shrimp★★★★☆蝦炸粉比較多pepper味過重蝦很爽是河蝦來的挺脆點醬的話會蓋過所有味醬有甜酸醬和mustard醬可供選擇Chicken Tenders★★★☆☆和蝦一樣的炸粉一樣的炸法雞少少脆是雞胸肉來的我不太喜歡雞胸普普通通雞乾了點點醬的話挺好吃我喜歡點honey mustard醬Fork-tender Ribs★★★☆☆Ribs乾了點

還記得來到銅鑼灣的 Ruby Tuesday，是在一三年的時候，如今相隔三年，又再造訪，是夜，食客真的太多了，等位也需要時間。來到晚上十時多，食客仍川流不息，在看著餐牌，有甚麼好吃，餐廳內仍座無龔席，侍應也忙得不暇招呼，我倆只好好細鑽研餐牌就好了。點來份豬肋骨 R Honey Ribs（二百五十八個大洋），選了蜜糖燒烤醬，上桌時有七條。用刀切開不用費力，也知道其鬆化程度。入口固然肉質鬆化，充滿了蜜糖燒烤味道，亦有黐黏效果。而鬆化到肉與骨很容易分離。再點來 Potato Skins（一百一十八個大洋），薯皮是我倆喜愛菜式之一。外層煙靱而內裡卻又軟腍，富有薯仔的味道。這晚食客太多，店員忙得很，點菜較長時間，無奈只有耐心等待一下。

今日同朋友慶生去食，呢個啲service幾好，好貼心，可能平日去 人唔多。點左個Rubyribs ，洋葱圈，安格斯漢堡，凱撒沙律，海鮮焗飯，煙三文魚天使面，經典doublechocolate cake 同幾杯cooktail。啲野食上得好快，有啲唔系好食得切，搞到啲野食攤到凍晒，好彩都系好味既。啲沙律比平時食開份量稍稍多啲啲，6個人食岩岩好，正！Jumbo Size cocktail 真系好大杯，兩個人飲一杯都有啲勉強，不過真心好飲同抵飲，推薦呢杯有好多berry mix 埋既cooktail俾大家，有橙同淡淡既薄荷香，飲落幾舒服。經典chocolate cake double 就有小小失望喇。啲cream太多，個蛋糕又縮左小，但好在味道仲keep左水準。

Ruby Tuesday已經很久沒去Ruby Tuesday 了上一次去好像已經是四、五年前的事那時我還在寫食評之後因為價格昂貴就久而久之沒有去了今次因為爸爸在百老匯買電腦而得到一張六折劵於是就和姐姐一起開開心心地重遊舊地了值得一讚的是其中一位服務員態度超好（我去的是銅鑼灣wtc分店）過了下午茶交抬時間也沒趕人直到真的滿座時才叫我們離開令到我姐忍不住寫下顧客評語大讚那位侍應雖然因為價格不菲應該短期內不會再去但今次真是一次很好的飲食experienceFried Mozzarella★★★★★簡單來說就是炸mozzarella芝士條加marinara sauce我最喜歡吃的芝士就是mozzarella水牛芝士了因為它奶味重和質感軟軟的Marinara sauce基本底就是蕃茄再加大蒜,洋蔥和香草雖然沒法像芝士拉骨一樣拉得很長最多只能拉到1cm左右但是很好吃單點marinara sauce味道有點像pizza我自認為最好吃的吃法是輕輕點少少tabasco sauce然後點大量marinara sauce（自製salsa醬XP）要注意的重點是一定要趁熱吃一端出來就要吃完不是的話就會像筆者我一

我們倆口子到了銅鑼灣世貿中心十樓的Ruby Tuesday吃了一頓豐富的晚餐。看來又要再努力減肥了!這裡是食西餐的，食物有pasta、海鮮類、扒類、漢堡和甜品等，選擇繁多，真的令我們選擇困難啊!由於我們是無肉不歡的，所以點了以下三款菜式。頭盤是 Tandoori Chicken, 當日特價$36 - 外脆內軟，不太辣，配上漿汁，份外美味，非常掋食!我們點了兩款主菜，這款是Top Sirloin (10安士西冷), $278, 都幾大塊，有牛味，不過肉質略為硬了一些和熟了些，好像不只七成熟啊! 下次都是點肉眼會較為合我心水。另一款是Triple Play $298 - 有燒豬仔骨，炸雞件和炸蝦，份量非常多，味道也很好，很香口，普通餐廳的不能相比啊!以上兩款主菜都配焗薯，很香滑而且份量十足!這裡的服務不錯，未上菜時，余媽媽發現碟子有些污漬，於是叫侍應更換。侍應知道後大為緊張，她即時幫我更換，還跟她的同事討論了一陣子。另外，上完菜後，侍應會走過來問我們食物味道如何，收集客人的意見。當晚的食物真的很豐富啊! 由於分量真的很多，我們已經有110%飽了，已經吃不下甜品了!說實話，這裡的食物的確幾好

想坐低食飯飲野 呢度都係一個好選擇洋蔥圈比起薯條 洋蔥圈比較吸引尤其係新鮮炸起嘅時候 又香又脆 用黎配cocktail 慢慢傾計非常好 香草烤羊架用左香草拌麵包糠作為外殼 包住羊架焗到半熟羊肉嘅嫰滑同香脆嘅外殼嘅口感互相輝映而且個香草味可以去除羊騷味 令羊肉鮮味更突出黑松露扁意粉用左露筍黑松露醬同芝士拌扁意粉黑松露香味濃 加露筍加多一份清新今芝士同松露醬油膩感減半 食多少少都唔怕cocktail 種類唔算多 不過選擇可以接受夠晒大杯 兩個人飲都夠晒經理都好細心 會黎同我地講下覺得個菜點咁而且坐得舒適 可以再去

約了大堆朋友預祝新年飯，當然選個人人都喜愛的餐廳ｒｕｂｙ　ｔｕｅｓｄａｙ當然是最好的選擇，不過一早訂了枱，去到也要等一會兒每人自私吃，我點了牛扒薯條牛扒相當ｊｕｉｃｙ，而且十分大份，吃起來超爽的切起來也不難，因為用料上乘薯條也是相當香脆，十分可口雞翼是我的最愛，酸甜醬點起來，酸酸甜甜十分可口

約了舊同事午餐，一於到銅鑼灣世貿的Ruby Tuesday，原因是有買一送一的coupon，set lunch 除開只是百元有找，十分抵食。這間店的面積很大，座位也很多，平日的午飯時間客人不算多，只坐了半滿。set lunch 選擇很多，意粉、沙律、漢堡包、雞、魚、豬、牛也有，跟餐湯或沙律，及餐飲。 天氣冷得發抖，當然選熱騰騰的餐湯。南瓜湯，加入脆麵包及灑上香草，質地細滑，亦很香。另外值得一提的是跟湯的鬆餅，暖暖的外脆內鬆軟，牛油味香，十分美味！ 主菜點了牛扒，medium rare，牛扒長長的頗大塊，配有薯條及西蘭花車厘茄。薯條溫度略低，並非熱辣辣的炸好上碟，質地亦偏"削"，調味卻不錯，咸度適中。 medium rare 控制得不錯，肉還帶嫩紅的顏色，肉質不會過韌，軟軟的，肉汁很多。露比星期二以食物大份出名，set lunch 份量絕對不小，吃得滿足後繼續工作奮戰吧！

突然好想食美國菜和沙律，所以第一時間諗起呢間餐廳，以前都食過幾次了，水準依然係好！【Mushroom Caesar】磨菇好濃烈菇味，用牛油煎香，平時麵包粒我唔食，但呢間既麵包粒好食過其他餐廳，因為是有味的，未能達到滿分是因為沙律汁太少，我喜歡多些。【L Build Your Own Sampler】大拼盤，自選4種食物，我簡左芝士煙肉薯皮、芝士條、炸蝦、雞翼，唔同種類食物配以不同醬汁，實在絕配。我覺得樣樣都好好食。【Ribs & Wings】選了蜜糖汁的豬肋骨和雞翼，配送了薯蓉蔬菜，忘記了雞翼是什麼名，偏辣的，如果鍾意食辣既人就岩晒，豬肋骨好惹味，骨和肉的比例岩岩好，我唔鍾意食好厚肉的，薄薄地才好食又入味，呢間餐廳的ribs係永遠最好食。【Ice Tea Sweet】檸檬茶的檸檬，已經演變為一小塊，不再是一片片，有3片之多，可能因為而家檸檬亦都好貴，所以節約檸檬使用吧！對於我黎講，係唔夠檸檬味，但冇辦法啦！而檸檬茶是可以添飲，當你飲完可以再重新拿一杯新的比你，我就飲左2杯嘞！朋友叫了一杯熱檸水飲。2個人消費了$948.20。