S2 鐵板燒 (已結業)

一向都好鍾意食海膽，可惜唔係每個人都鍾意食，咁啱有人願意陪我挑戰下，就趁着正式忙之前放工後同同事嚟到呢一間喺佐敦嘅日本餐廳食個海膽晚餐😋店舖唔算大，客人可以圍住中間開放式煮食地方食飯。餐廳亦都好貼心俾咗膠袋我哋入口罩同埋迷你消毒酒精消毒雙手。由於我哋唔算非常肚餓，所以叫咗一個一人餐同另叫其他料理。火焰海膽甲羅燒 ($288)上菜時，店員仲特登用火槍點起火，保持住甲羅燒嘅溫度。內有海膽、蟹肉、蟹膏、海葡萄、魚子，仲有洋蔥粒。份量適中，用料新鮮，最重要嘅係洋蔥做咗一個好好嘅消膩作用，加強咗甲羅燒材料之間嘅平衡感！十八層海膽杯 ($368)餐廳嘅招牌菜，必叫之選。份量比想像中細，但係啖啖都好新鮮，由最高比較膩嘅海膽，到中間嘅鮑魚魷魚消下膩，淡淡都好有驚喜，好有層次感！日本十勝黑豚肉北海道松葉蟹套餐（$ 680/一人前）雖然話就話係一人餐，但係分量好多！時令沙律+ 三點刺身盛合簡簡單單嘅沙律，入邊有鴨胸、豆腐、生菜同埋蕃茄等，配上胡麻醬。而刺身則有三文魚、北寄貝同埋生蝦，夠晒新鮮！北海道松葉蟹腳份量多，不過略嫌唔夠新鮮，有啲難剝殼。日本櫻花煎廣島蠔煎香過嘅廣島蠔配埋櫻花蝦同煎煙肉別有一番風味，

邊個話食飯一定要有伴?我呢啲毒毒就慣左一個人周圍食, 就好似日劇孤獨的美食家咁, 食飯唔洗理人目光, 鐘意食就食啦, 咁先係人生~今日就去左我想試好耐既鐵板燒餐廳 - S2鐵板燒餐廳有幾款唔同主題既一人前俾你揀, 最平$480至過千都有由於糧尾既關係, 加上最近前景不明朗, 唯有平平地叫左$480個款試下先$480個款係澳洲薄燒牛肉北海道二本蟹爪套餐有沙律、刺身、主菜、食事、湯同甜品, 呢個價錢黎講我覺得算係幾豐富啦沙律同刺身都算係預料中既質素, 唔特別出色但亦都唔差主菜就幾有驚喜~四款食物都本身係我既飛佛特別值得一讚既係西京醬煎銀鱈魚甜甜地既西京醬同肉質爽脆既銀鱈魚肉非常夾~個種味道同質感係會令我覺得百吃不厭既仲有個薄燒牛肉都係唔可以錯過, 生熟程度剛剛好, 入口即化, 濃郁既牛味令人回味無窮總括黎講呢間餐廳值得推薦, 如果想食鐵板燒又想慳住荷包, 可以黎呢度試下, 絕對值回票價,我一定會再黎食!

上網睇呢間食評吾錯 甘就帶左個朋友去呢間食生日飯. 入去到啲職員就第一時間話今日沽清龍蝦套餐. 有啲sad😔 甘我地2個人最後決定嗌左2個一人前既套餐.1個毛蟹套餐同1個A5和牛套餐同單點左個18層海膽杯.... 個海膽杯其實吾差既 不過可能系因為天氣問題 啲海膽吾系幾新鮮拉. 但整體杯野刀okay吾錯. 而2個套餐既野食真系非常好食👍🏻👍🏻👍🏻 由其個和牛, 鵝肝, 花膠蜆湯, 鐵板蟹籽螺片. 我個人系非常之欣賞😍 我同朋友2個其實食吾晒2個一人前既套餐. 系非常之飽. 飽到連甜品刀無上到😂😂 不過真心吾差 加上仲有全單8拆 幾抵食下

呢排疫情關係都費事約朋友出街，發現到一個人覓食的樂趣。一個人食飯就最鐘意去啲日式小店，好似自己拍緊孤獨美食家咁。今日就揀咗呢間具有日式風味的鐵板燒小店，第一次嚟就想食下呢度招牌，十八層海膽杯。IG見到好多朋友都打卡。我又影咗十幾張。我只係點咗一杯，我覺得都夠食啦。一上枱慶幸自己淨係點咗一樣，因為真係好大杯。每一層都食到唔同嘅嘢，好豐富，食得出食材的新鮮。服務都幾親切，見我一個人嚟都會閒聊幾句，介紹下食材的特別之處。環境幾安靜，空間唔大，反而更有日本味道。

路過佐敦偉晴街，看到這間頗正宗日式門面的鐵板燒便入內用餐了，意想不到的是食物有絕對水準，主打以海膽融入多款菜式中。十八層海膽杯：必試的海膽杯，有十八種用料併合而成有北海道紫海膽、北歐花膠、凍磯煮鮑魚、藍鰭吞拿魚拖羅容等...... 用料高貴未食先興奮。櫻花海膽焗花膠扒：花膠是半吋厚的用料十足，入口啖啖肉，花膠吸入了海膽汁更覺美味。海膽醬芝士焗原隻龍蝦：龍蝦新鮮海鮮味濃，加入海膽醬乃奢華中的奢華。海膽雪糕：頗有創意的，想像不到鹹的雪糕充滿海膽味，也是非常美味的，很驚喜。

朋友同我食生日飯咁我就簡左s2依間餐廳，見到做緊折扣好抵食就試左去到餐廳，侍應都好有禮貌，而且都有好多套餐選擇，而我地就簡左2個A5和牛北海道原隻粒貝套餐。吾知係咪因為疫情？佢地會有一次性既筷子頭，有啲特別最先上既係沙律同一啲魚生刺身做前菜然後就係北海道原隻粒貝，佢真係好好食，份量又多，一開始嚇親我地，而且好有咬口，我同朋友都好like未食晒，侍應又開始上另一樣，就係法式煎鵝肝配水果同爆珠，但鵝肝有啲膩，所以我我食晒。跟住係A5薄燒和牛，我地係7成熟，黎既既時候我發現入面既牛。。。全部都係蔥而我係一個好吾鐘意蔥既人，但點知一試，個牛味其實係遮哂啲葱味，好淋好好食食完牛，其實都6 7成飽😅再黎一個炒飯😅😳又係滿滿既葱😳😳😳但個飯真係好香，係咸左少少🤏（蟹膏炒飯&蟹籽炒飯）食完飯仲有燒野菜同炒雜菌（好香牛油味）。食完飯，仲有湯啊係用膠袋裝既蜆湯，都幾好飲，但朋友話偏咸，我個人又ok wo飲完湯，真係完喇，食甜品喇原來係雪糕泡芙，而咁岩店內有打卡送海膽雪糕，咁我地就一於嗌左一個黎試，一上檯，已經覺得好可愛，似足海膽咁用海膽板送上，而個味，都好似！係意外驚喜，朋友好like ah！

Fantastic value for money during this season of COVID19. Good quality of food and service. Priced at 50% at already discounted prices for lunch made it a great value. Lobster with cheeses was great with the right kind of chewy cheese. Soup was presented well. Goose liver was delicious. Highly recommended.

好開心有機會試到海膽達人主理嘅 十八層海膽盛宴，超級推介比所有海膽迷必食推介！十八層海膽杯淨係聽個名已經夠晒勁！單單是北海道海膽已有4層，其他十八層材料包括：燒白飯魚脆片，北海道紫海膽，海葡萄，三文魚子，蟹肉，帶子，牡丹蝦，拖羅蓉，魷魚，磯煮鮑魚等等。另外還重本加入了花膠、凍鮑魚、明太子、北海道粒貝等。其實數完一輪都是想話你知真係好足料，同埋超級打卡able！火焰海膽甲羅燒 整個蟹蓋都是滿滿的海膽、蟹膏和松葉蟹肉，On Top再鋪上三文魚子和海膽。咁多超級鮮味材料，我好想搵碗白飯去陪襯啊～S2特色花膠松茸紙包蜆湯 這個松茸蜆湯完全係出乎意料之外咁好飲！清而不淡，但有十足的蜆肉鮮味和冬菇香味，加上松茸昆布等，清甜無味精！特別一提，師傅別有心機的用膠袋裝住材料和湯水，更能夠保持鮮味和精華。北海道海膽流沙松茸大蝦多士 大大隻虎蝦再加埋海膽，真係不得了。 虎蝦啖啖肉仲吸收晒啲海膽精華～你望下我拎住隻大蝦你就知隻大蝦究竟有幾大隻啦！開始我以為啲流沙系蛋黃原來係海膽！真係勁鮮甜啊！

朋友食過之後推介我地食S2鐵板燒，話套餐好豐富好多唔同種類嘅食材，加上師傅都係有水準，佢話每道菜都好味。我地order咗$780嘅海膽焗原隻龍蝦北海道帆立貝海鮮套餐。兩款前菜都有水準，沙律清新，可以減輕食煎炸食物嘅熱氣。三點刺身有厚切三文魚，相信肥美嘅三文魚大部份人都會鍾意食。北海道黑松露帆立貝，食材新鮮肉厚，煎得無過熟，食落嫩滑唔會乾晒，就咁食有鮮甜海產味，加上黑松露醬嘅味道都配搭適宜，濃香惹味！另外脆皮煎鰻魚都係比較有驚喜，師傅將鰻魚皮同肉分開煎，魚肉唔會煎到好燶好老，魚肉唔會過薄，肉質紮實食落頗有口感。而魚皮就煎到脆卜卜，好香口，真係食緊炸魚皮咁，雙重口感。

為左慶祝朋友生日，見到餐廳有promotion話生日當晚有芝士蛋糕🍰及即影即有一張。於是，我提早打電話問職員，話只要係網上訂台時寫上生日就得。生日當晚，唸住比個驚喜朋友，點知原來咩都冇，有點失望。 至於食物質素方面，還是不錯，食到幾飽。

食物味道佳海膽柸，芝士龍蝦好好味，擺放食物也有心思我D仔女也說好好味👍🏻生日有件蛋糕送🎂我嗰大女仲可以在碟上畫上Happy birthday🎉給爸爸，慶祝生日好地方

食物超美味抵食！猶其係芝士龍蝦，芝士濃郁，龍蝦鮮甜彈牙. 蜆湯有秋葵，豆腐，姑，花膠，鮮甜清香. 鵝肝多士，甘香松脆！蟹膏炒飯，粒粒米飯包著蛋與蟹膏，香噴噴，花旗參水配青檸，是為絕配！

聽左好耐人地話都不錯，即管去試下。全店得兩枱客，樂師傅親自處理， 叫左一個和牛餐一個龍蝦餐。首先上左沙律及刺身，口感 ok, 新鮮ok, 沒有太大驚喜及失望。 接住上既就好次序有點怪怪的，不過先來一隻大原貝，剛好，入味，嫩，炒大螺夠爽不過就不是好夠入味，薄燒牛肉要左三成熟，好像熟左啲，牛肉質素就牛味一般，燒鰻魚，好好味芝士龍蝦應該係重點，未食已經知道師傅好專心好精緻去烹調，雖然龍蝦不夠新鮮,但係烹調過程可以加分其他烏冬，湯，飯，甜品，菇就不作評論了，稍為失色。總括來說九龍區鐵板燒可以一試，價錢也可以，師傅話無口罩先可同客有多互動，因為戴住好焗好辛苦，希望下次可以食得嘈啲

尼間鐵板燒之前食過一次，覺得性價比高，材料新鮮，烹調唔油膩。今次回頭再食，依然維持高水準。.海膽焗原隻龍蝦北海道帆立貝海鮮套餐（hkd$780)-時令沙律-三點刺身盛合-鐵板海膽醬芝士焗原隻龍蝦-北海道黑松露帆立貝-招牌脆皮煎鰻魚-s2特色黃金炒飯-焗椰菜雜菌-s2特色紙包花膠蜆湯-飯後甜品——泡芙.淨睇餐牌已經覺得好yumyum, 沙律刺身肥美新鮮。原隻龍蝦加咗好多芝士，拉絲效果超滿足，食到隔離枱眼鯨鯨(ꐦ ´͈ ᗨ `͈ )。 帆立貝本身已經好好味，加上黑松露更帶出海鮮嘅鮮甜味道。 鰻魚平時都係食開有加鰻魚汁的， 估唔到鮮鰻魚原來魚味咁香濃肥美，而魚皮更煎到脆卜卜，好似食緊薯片咁爽脆。黃金炒飯可以自選配料，印象揀咗鵝肝，炒飯粒粒分明，不過鵝奸味就吾重，下次可以試吓其他配料。椰菜雜菌濃濃牛油香，簡簡單單已經好好食。 花膠蜆湯鮮甜清新，即使係最尾先似都唔覺得膩。 泡芙中規中矩，但飯後一點甜還是覺得滿足的

正值肺炎疫情嚴峻時期，餐廳的抗疫措施都做得不錯。首先提供膠袋用來暫存口罩，還有獨立包裝的酒精搓手液，一次性木筷子頭等等，細心又合時宜。首先上的是鴨胸芝麻醬沙律，沙律菜，滑豆腐等配搭，幾開胃。刺身有3味，三文魚很厚肉，肥美有脂肪感。牡丹蝦很大隻，肉甜爽脆，北寄貝爽甜彈牙厚肉。招牌十八層海膽杯，材料包括燒白飯魚脆片，北海道紫海膽，海葡萄，三文魚子，蟹肉，帶子，牡丹蝦，拖羅蓉，魷魚，磯煮鮑魚等等。第一眼見到的時候不禁心想: 洗唔洗咁多料呀...嘗過之後就知道這個招牌菜確實新鮮高質。燒帶子很香牛油味，帶子裙邊帶點香脆，師傅已經將帶子去腸，可以說是啖啖肉。燒南瓜和燒番薯的外層塗上了蜜糖，還有偽裝成車厘子的車厘茄，雖然大家都是車厘，但你為什麼要偽裝🤣🤣! 燒鰻魚的魚皮很脆，和燒汁完美配搭，魚肉嫩滑。原隻芝士焗龍蝦，師傅會細心的預先切件，芝士很香，份量多到可以拉絲拉高高，龍蝦很多肉，食用很方便，份量偏大，吃完一隻都6成飽了。燒雜菌是龍蝦之後的一道素菜，錫紙包住牛油來燒，可以淡化龍蝦的濃味，是不可小看的一道菜。鐵板燒炒飯香噴噴熱辣辣，飯質少少煙韌有咬口，粒粒分明。松茸蜆湯清而不淡，用膠袋裝住以保持鮮味