Salamat Cafe (已結業)

去到都一點~ 但都仲好多人店員好好服務 比我地搭枱食飯~餐湯有一種將薯仔同粟米打均左既感覺但薯仔味有啲太出 ~熱朱古力好有誠意 有拉花~ 但我覺得朱古力味唔夠濃軟殻蟹漢堡拼炸魚薯條炸魚薯條係勁好食!!! 炸既時間拿掐得岩岩好放入口仲係新鮮滾熱辣咁應該即叫即炸點埋個沙律醬就絕配而個軟殼蟹都係好新鮮即炸咁炸得外脆肉軟 配埋啲配菜食仲好fresh!!豬肉眼扒配菠蘿雜菜沙律個菠蘿仲好鮮甜黑毛豬都好新鮮 但有少少硬我個人比較鐘意食牛扒~

到大棠睇紅葉🍁前食下元朗的小店，店裡很有氣氛，店員態度也不錯。我兩點左右到，人客不多，座位也很寬敞。我和我朋友一行二人品嚐了兩款午餐。今日試左鰻魚炒烏冬，鰻魚好大塊，烏冬也很惹味，加放紫菜等配料是推介之選。👍🏻接着，我試了軟殼蟹漢堡拼炸魚手指，軟殼蟹的炸粉過厚，食唔到軟殼蟹嘅味道；包有小焗燶。😔薯條過淋，好像炸了一段時間，但配上紫菜粉，味道還可以。我和我朋友都推介鰻魚炒烏冬，大家有空都可以試下。

服務很好的小餐廳！下午茶時間可以點選午menu, 很划算！包餐湯、主菜及飲品！點了一份特色沙律及一份軟殼蟹漢堡（包括薯條、魚手指及沙律）, 份量十足！味道也不錯！秒殺大型商場及連鎖店！

早兩日老婆唔知煮咩，兩個人行嚟行去，行到馬田嗰邊見到呢間Cafe好似好有情調，所以試一下（無影餐廳嘅相，男人老狗影黎影去唔好睇）。我哋叫咗個套餐，有前菜有麵包有湯有兩個主食，最值得推介就係個意粉，個汁做得好出色，配埋個海鮮，差啲幫佢隻碟都賴埋。我建議大家不妨一試，雖然小弟影相唔係好靚！

假日中午，慢步到元朗另一頭既 "Salamat Cafe" 。每次經過都見到佢全滿，終於有機會一試❤️西餐小店外牆灰色🧱 大玻璃窗令內部可以清楚望住出面大街景色。假日中午好多放狗散步，係陽光充足既日子真係可以窗邊高枱呆一個下午😪 餐廳內部都係灰色主色📓牆上既掛飾唔知係豬🐷貓🐱定狗🐶 大玻璃窗上有小小燈泡 💡 裝飾💜午餐menu 簡潔啲，單價大約80至90。先黎一碗南瓜忌廉湯🎃 味道👌厚切豬肉眼扒笠咗個菠蘿帽🍍 出現, 搭埋個薯條，少許雜菜，拼出裡畫面唔錯✔️ 扒身極厚，刀切都有少許難度😑 不過肉質少許韌❌ 做唔出嫩滑質地，不過味道還好👌豬頸肉炒烏冬上面既木魚碎飄蘯不停🌪️ 炒烏冬係鰻魚汁襯味下比到濃烈味道✔️小塊豬頸肉反而可以幼嫩入味✔️最後揀飲品竟然有affogato💖 一小杯既純黑espresso 搭上白色雲尼拿雪糕出場。拿起熱情咖啡☕瀉落冷靜雪糕上🍨咖啡香搭配少少甜味溢出🌫️ 在咖啡冷掉之前，雪糕溶化之後，體驗甜與苦，冷與熱，軟與硬既交替😘埋單兩個人196，元朗黎講唔算平。作為假日點綴，Salamat 係一個好選擇，食物中上👌環境安靜✔️開放式廚房都無乜油煙✔️

朋友約左去元朗睇話劇。未開場前更是填滿五臟廟先。附近有好多食肆與餐廳。日式中式任食都有。但同女友人去更是搵有情調的西餐廳。熱卡布奇諾。一杯週圍都係咁沖的咖啡。拉花亦是好經常見到的拉花。令我不太重視。但超級意外的平凡外表。真是不能小看。令我為之一「震」。入口口味感覺豐富。咖啡味道濃厚。齒齦徘徊咖啡殘留的豆香。餘溫更令口腔內分泌配調更突出一些豆甜味道。白酒忌廉汁藍青口&西班牙辣肉腸配蒜蓉牛油多士。青口西餐廳真是食得多。但用辣肉腸去配搭第一次見。青口與腸一齊食。那種口感好特別。小小辣再配海鮮甜味。加上白酒忌廉汁更獨特的味道，配合得嘆為觀止！係我從未食過西餐配搭。香燒法國🇫🇷原隻春雞配黑松露薯條黑松露配薯條🍟係西餐上不常見。一般只配合意粉食慾。曾經食過一間係用咸蛋黃。做出中式黃金蝦的模樣。黃金薯條。但我喜翻黑松露的澀味配合上薯條好夾。原味燒春雞燒得恰到好處。因為仲有調味不會太咸。再配以醬汁更食得濃郁可口。

夜晚經過呢間cafe見到個menu幾吸引咁就諗住入去試下揀左香煎日本刺身帶子露筍鮮蝦蛋黃忌廉汁意粉帶子大大粒 啖啖肉😋隻蝦煎到金黃色意粉軟硬度適中最緊要係個汁好creamy 正🤤另外叫左杯Mocha好濃既可可味道個拉花仲好靚添👍🏻期待下次可以試埋其他野食🥳

某次去元朗游泳池嘅途中發掘左呢間餐廳，所以特登去試下。晏就嘅時候，餐廳感覺似係森系文青cafe，無諗過，夜晚嘅時候會變成一間幾有情調，仲有獨光晚餐嘅西餐廳。.餐廳價錢係元朗區算係中上價位，但係食物質素真係幾好，所以性價比高。我地試左兩個set dinner，兩個都好好食.1) 燒寶雲酥豬鞍架，黑松露薯條，焦糖蘋果呢個豬鞍真心surprise到我，我覺得有中環西餐嘅級數！豬鞍架肉嫩多汁，而且調味好香口！唯一美中不足係薯條同焦糖蘋果唔夠好食。.2)炸黑松露粉金針菇牛肝菌忌廉意大利飯牛肝菌味濃，risotto煮得好creamy，米粒軟硬度適中不過，但黑松露粉金針菇有啲失色，張為大啡菇/雜菌可能好啲。

今晚去左元朗食西餐🤤🤤好正啊！坐得又舒服，食物既賣相到味道都無得輸。一班人聚餐既好地方💗蟹肉芒果煙三文魚蕃茄青瓜千層沙律@沙律賣相擺碟好精美，紅紅的蕃茄，綠色的青瓜，鮮黃色的芒果煙三文魚配上香甜的芒果，甜甜酸酸的令胃口大開意大利牛肝菌忌廉汁意大利飯配酥炸黑松露粉金針菇@Risotto送過來時黑松露香氣十足，上面有一件大金針菇，炸得非常香口Risotto盡吸收了忌廉汁入味非常特別一提: 女店員的服務態度非常好，充滿笑容亦非常勤快

今晚同女朋友入左元朗探朋友，揸車入到黎發現元朗夜晚非常精彩，餐廳非常多元化。每間餐廳都有好多人排隊，女朋友就想去食Salamate cafe。餐廳唔大，座位唔多，晚市時間都要排隊先食到。非連鎖店，非大集團，值得支持一下。女朋友叫左挪威三文魚鮮三文魚籽檸檬忌廉汁意大利粉。賣相擺碟好精美，醬汁輕盈完全唔膩，三文魚籽咸香突出，最愛意粉口感非常彈牙。我叫左香煎虎蝦、BB墨魚墨汁意大利飯。飯粒煙韌，海鮮好新鮮。

今日約了幾個女性朋友聚舊，三個女仔傾心事，食飯地方要找個舒適的環境，其中一位朋友介紹Salamat Cafe，這店裝修主要為白色感覺清新整潔舒適。厚切蒜蓉包用2寸厚底麵包烤成，上面鋪上新鮮的香草蒜蓉，外脆內軟。法國蘇蠔湯這個湯很特別，用新鮮蠔打成湯再加上忌廉口感棉密，蠔味非常濃郁; 加上一隻炸蠔增強口感。煙三文魚芒果球配蘆筍沙律賣相非常吸引，煙三文魚配上香甜的芒果，蘆筍雜菜新鮮可口，配上法式香醋甜甜酸酸的令胃口大開。酥炸黑松露金針菇牛肝菌意飯飯送過來時黑松露香氣四溢，上面有朵大花是炸金針菇意大利飯加黑松露牛肝菌，每粒飯也吸收了松露忌廉的精髓。燒春雞配黑松露薯條雜菜沙律半隻燒雞配上蜜糖烤焗，薯條黑松露配茄汁及肉醬汁，燒雞很入味肉質嫩滑。最後我們點了三杯飲品芝士泰茶上面鋪了一層口口芝士茶底香濃，將芝士及茶混合一體，芝味香濃。鮮青檸梳打天氣炎熱配上這個清新的飲品非常解渴，青檸加梳打提神之選。Ice Coffee 店員大力推介這招牌咖啡，我是一個咖啡迷，果然沒有令我失望，咖啡非常之香濃。

之前幫櫬過一次下午茶覺得環境舒服食物質素又好, 是晚決定同朋友試下晚餐水準如何 😛同朋友揀了二人餐 $388 價錢已經包括餐湯飲品~ 端上湯前同時有烘過的多士餐包咁大個女第一次飲蠔湯, 非常creamy濃郁上面仲有隻炸蠔添 再來白酒忌廉煮青口配辦肉腸蒜蓉牛油多士, 賣相如其名一樣豐富, 2個人分享剛好, 青口鮮甜🥢忌廉汁意大利飯炸金針菇, 同朋友本來無仔細留意餐牌所以估左好耐到底係咩黎呢 , 炸到一條條口感煙韌原來是炸金針菇, 真係非常有創意! 意大利飯配左牛肝菌忌廉汁將成個飯口感提升左食到依度已經飽七成, 最後還有黑椒燒春雞 🍗雞肉嫩滑配上咖哩汁 (另上), 咖哩係印度咖哩不是甜的日本咖哩故配春雞非常惹味.. 黑松露薯條滿足口癮 🤤 伴碟有少少沙律菜中和整餐飯的飽肚感 今次晚餐朋友都覺得值得一試, 下次如果附近想食西餐一定會再來

元朗想搵一個decent既食lunch地方，醒起馬田路有呢間坐得舒服、唔會太逼、食物又唔錯既cafe。Lunch既選擇都有好多種，想飽d可以揀risotto、想豐富d有all day breakfast、想light d有沙律，而我揀既呢個burger set，本身除咗雞扒，仲有煎蛋、芝士同煙肉，十分豐富！配菜除咗薯條沙律，仲有兩隻吉列蝦。一次過滿足多個願望😻菜式都係即叫即整，賣相亦感受到師傅用心。另外嗌咗杯熱Latte，奶味同咖啡味balance得幾好。一間餐廳要咖啡同食物都做得好，的確唔容易。下次再試埋佢地dinner！

今日去元朗食飯，見平時都去YOHO，今次就試下其他地方，本來想食平時食開的西餐，但今次就試間未食過的試試。我地入去叫左個二人餐蠔湯都幾特別，平時飲的都係菜湯、龍蝦湯等，真係好少飲到，而且佢仲有一隻在上面炸蠔。味道都幾濃，好飲，而個麵包係厚多士，幾少見。冬陰公湯煮花甲唔係好辣的，所以我都可以接受，酸酸辣辣咁，花甲都算大隻，但如果量多少少會更正，因為我太鍾意食蜆同花甲。黑松露+菇+意大利飯一開始拎黎的時候我仲以為係沙津菜果類添，但食落又幾香，我個人特別鍾意黑松露的味，而且配上意大利飯特別襯😆。上面係炸左的金菇，再加上其他唔同的配料，口感不俗。豬鞍扒配黑松露薯條+蘋果厚厚的豬扒，同平時食開的口感唔同，煎香咗外層，但內𥚃唔會好乾，面頭有些脆的粒粒，口感幾特別（雖然我唔知係咩）。我個人都幾鍾意食蘋果，佢好似係有焦糖加上蘋果係凍凍地，好好味。至於黑松露薯條，我覺得無想像中咁特別，黑松露的味唔夠突出。整體而言，餐廳都好有心思，每碟都有唔同的點綴，而且店員都好體貼，我下次一定會再試下其他菜式。

每月一次朋友聚會，大家都好中意試新野，每次都會去試未食過嘅餐廳。之前去salamat cafe摸門釘，今次一早book咗位終於食到喇！餐廳環境不錯，有得點蠟燭，仲有好多玻璃窗，夜晚去都幾有情調。不過空間就有點細，如果你三人或者四人就有機會要同人搭枱。食物方面都算中上，出餐有啲慢，不過都好一樣出完，傾陣計，下一樣就會上。我地6:30食到8:30。我地三個女仔叫左嗰2人餐，有餐湯丶餐包丶前菜同埋兩個主菜，仲有杯餐茶。不過我哋加錢轉咗咖啡。食到好飽好飽。餐湯味道濃郁，好杰身，朋友唔中意飲咁杰身嘅湯，搞到我一個人飲咗兩碗🤣另外，炸蠔都ok! 蒜蓉餐包呢個蒜蓉磚真係無得輸！成晚我覺得最好食就係呢個包！外面個面香脆，充滿蒜蓉味，入面就勁軟熟。千層沙律佢地啲擺碟好靚，呢個都係心機菜。全部野都似得細細粒，口感特別。有蟹肉(ok鮮甜) ，鮮芒果(甜唔酸)，蕃茄粒青瓜粒(新鮮)再加煙三文魚，dressing較淡，味道一般。帶子鮮蝦蘆筍蛋黃忌廉汁意粉Sauce幾好味好滑，每一條意粉都可以黐住啲汁。意粉都做到al dente。蝦同帶子都大隻新鮮！燒豬胺架，配黑松露薯條加焦糖蘋果勁大塊！豬嘅肉質有點乾身，味道係