Savour Cafe

营业中

休息中

元朗都幾多西餐廳，呢間就係B仔再行多一分鐘，大渠隔離。裝修幾唔錯幾好FEEL架，仲可以坐鋪出面。情侶食飯一定唔失禮呢個鵝肝，夠大件，可以兩人食都得，外脆，咬下脂肪爆射在口腔中。如果你地去到，一定要點呢個食墨魚汁意粉煮大墨魚，咪住先，圖唔係大蝦咩？因為果晚佢話大墨魚賣晒，用大蝦得唔得，所以餐牌冇架。大蝦鮮爽，墨魚汁意粉非常滑溜。好好味。叫了一個豬扒，唔實唔鬆，即係冇用肉鬆粉，堅料囉。一紅一白湯，白湯有奶油忌廉味，最重要喝下時有一粒粒像是磨碎既磨姑。個人就推介白湯啦跟湯既包包鬆脆好味食左咁多肉，梗要叫個菜。海撒沙律。芝士同菜比例合適，好開胃。

今日慶祝所以黎呢間餐廳2個人，坐外面，涼涼地好舒服～坐低點左兩個set先黎餐湯 淡淡地幾清淡 飲完湯佢先黎餐包但係個包好好食 有heart主菜一個炒意炒 勁足料 味道99分肉眼扒就爭小小 都可以既Overall 值得再食

同朋友都係住元朗, 但冇發現原來有間咁好食既餐廳我地約左食午餐, 但又冇諗過去邊食, 行過就中左入去餐廳Lunch比其他既西餐廳多選擇, 中點係平好多湯有兩款, 而我就揀左我最鍾意既雜菜湯, 加埋個提子包我叫左蜜糖春雞配香蒜意粉, 個雞超嫩, 一啲都唔"鞋"口, 仲去左大陪份既骨, 真係啱哂我依啲懶人, 個蜜糖汁同雞+意粉都好夾, 甜甜地好好味朋友叫左個All Day Breakfast, 未影相之前已經比佢食左隻蛋+咬左啖火腿片XD 對於女仔黎講份量都幾多, 有雜菜沙律+生果, 減緊肥都食得, 唔洗驚減肥出街冇啖好食食完已經好飽, 仲有杯餐飲已經食唔落甜品, 唯有下次再黎試過

早幾晚和朋友慶祝生日,因大家都住元朗區,又覺得這間餐廳環境優美,所以選擇此地方。因為我地較少去高級餐廳,所以大家都被餐廳內的佈置和擺設吸引著。我地都影左一輪相才開始點菜,點了鮮蝦芒果汁雜菜沙律,周打忌廉湯,鵝肝黑松露意大利飯,魷魚墨魚汁意粉,牛肉漢堡包配薯條,甜品拿破倫,心太軟和豆腐芝士餅。鮮蝦芒果汁雜菜沙律-因為我本身鍾意吃蝦和芒果,覺得這個頭盤為我而設。周打忌廉湯-朋友話好好味,有鮮味!鵝肝意大利飯-鵝肝煎得剛剛好,外脆內軟。好食!魷魚墨魚汁意粉-平時都鍾意食墨魚汁意粉,所以必叫。牛肉漢堡配薯條-份量很大,我地一行六人,侍應生很熱心幫我地開6份。很細心!薯條很香口聽侍應生講所有甜品都是自家製,很厲害!!尤其是豆腐芝士餅,第一次聽,覺得好特別!侍應生很主動幫我地影相,而且很好笑容有禮貌,我地食得好滿足,一定會再來!

好耐以前食過一次都幾好味，但系今日食午餐就真系差好多，叫左個意粉餐，個包同綠豆忌廉湯都ok，但到食個意粉時就好喊，喊到唔知咩味，D意粉又黑又灰同小小燶左，唔知以為食墨汁麵。

几年前吃過ok, 但前晚吃就麻麻地。。。跟歺頭盤沙律賣相几好pizza 不夠熱以及個底不夠脆意粉有啲未煮熟甘所有野都要自己加少少鹽先夠味呢個價錢應該可以再好食啲見人地寫的食平几好，可能果晚廚師失手

同男朋友游完水，有點肚餓，行過路過覺得餐廳感覺幾岩我地，於是決定入去一試！ 我地order左一個墨西哥牛肉卷和一份拿破崙甜品（驚喜的是甜品都跟餐有杯餐飲）墨西哥卷和甜品賣相都不錯，而且味道都幾出色！特別是甜品，擺落口有驚喜，估唔到一間西餐廳的甜品都可以做的甘出色。唔知點解，腦海入面突然諗起（XX弄，同尼間的甜品先比，真係黯然失色）會再來幫襯試下其他野，不過相信都不會令人失望。

就區內餐廳而言，Savour價錢唔算平，但作為附近住客，两年以來光顧不下數十次質素都keep到唔錯水平，已經算係我哋食堂選擇之一。今次我點最愛的野菌鵝肝意大利飯，而老公就試了羊西冷扒，我哋一向喜歡大家share食物，呢度好嘅係個別菜式可以同我哋做combo，即一人一半分兩碟上菜，賣相靚D之餘又唔洗自己分咁麻煩。呢度除主菜外，我最愛的莫過於水準一直keep到的daily soup，今日係野菌磨菇湯，呢度餐湯並唔係一般罐頭忌廉湯，啖啖都係菇菌蓉，口感豐富。談到我最愛主菜野菌鵝肝意大利飯，如果係鵝肝迷呢道菜一定係首選。鵝肝厚身煎得好香且脆，雖然已經分咗combi（一半）但size亦唔小。意大利飯煮得軟硬剛好，飯心少少硬保持意大利飯應有特色。另一道菜羊西冷出面真係好少見，一般見到都係羊鞍，羊鞍較肥有骨會較香，但羊西冷啖啖肉且juicy又係另一番滋味，店長建議食得生的話羊西冷點5成會較好味。餐飲方面除一般咖啡或茶外呢度更可點柚子蜜或柑桔檸檬，味道沒太大特色但勝在多一個選擇。

年廿八, 一早訂好枱嚟呢度食個西式團年午餐  星期六的下午, 呢頭都比較靜, 所以都只係得幾枱客.午餐選擇都幾多:先嚟個餐湯 - 雜菜湯湯較清, 蕃茄味適中, 蔬菜都煲到好林, 另外仲有個餐包都好好味, 帶點香草味, 好鬆軟~肉眼扒一般啦, 都有炭燒香味, 但個汁就淡咗啲啲, 配菜的薯蓉好滑, 加咗鷹咀豆, 幾特別呢個要推介  豬柳條焗得啱啱好, 好厚身, 焗到全熟但一啲都唔鞋, 仲有肉汁, 另外個蜜糖汁好甜, 好有BBQ風味, 個人好LIKE 最後點了即磨咖啡, 好香濃, 必點~

是晚在家食團年飯，奉命下午到附近取盤菜，便相約友人午餐。位置旺中帶靜，某某出名甜品行3分鐘就到，天氣寒冷坐室内，其實室外也見有暖爐燈。服務殷勤，食物方面，詳見相片...總括而言，此價位在巿區只可食到工廠大廈樓上西餐，在連鎖集團充斥飲食巿場下，實為抵食之選

因為生日ge朋友住元朗, 為左方便佢, 就上openrice search 元朗餐廳, 咁o岩搵到呢間, 見到食評都唔錯, 所以就book左。我地點左兩個主菜, 一個係鵝肝飯, 一個係bbq 味筋骨, 我地怕如果兩個都叫頭盤會食唔哂, 所以用58蚊加一個頭盤。鵝肝飯 & 筋骨份量好足, 又好味, 最後侍應送上免費ge豆腐芝士蛋糕, 重好細心咁寫上生日祝福字句, 服務好好, 會再去。

男朋友生日，又唔想出外面食，上來這裡見到呢間意大利菜食評唔錯，就來試試！地點唔錯！去到他們就介紹一些特別菜色，meau無嘅！決定揀咗個28安士嘅牛牛～配個藍霉唔知加咩嘅汁，牛5成半👍，個汁就麻麻！加$58有前菜、湯同飲品令外叫咗個Pizza，脆餅👍，不過咸咗啲！整體都唔錯！

約左朋友食lunch+聚舊傾計~係元朗區西餐廳唔多，哩間嘅好評都幾多，就揀左佢啦！ 雜菜湯湯唔杰，稀稀的，但又好足蕃茄味~有好多蕃茄同蘿蔔做配料! 提子包未試過提子包做餐包喎，但焗熱左，外脆內軟都ok嘅! 蜜糖芥末汁燒雞扒配菜沙律唔好睇佢淨係得雞扒同菜，其實哩兩樣野對減肥好重要嫁~沙律配左意大利醋醬，沾埋啲蜜汁好好味，之後再消烕塊雞扒，雞肉好滑 ，食落都幾飽喎。。。差啲食唔晒添~雖然飽，但係食完好舒服，因為淨係菜同肉，好健康!

上星期三一心落到元朗想食西餐， 朋友介紹呢間幾好食又有情調， 到餐廳點知室內滿座只有露天， 天氣太熱本來我想走，經理話有噴霧風扇唔會太熱，咁我地就試吓啦經理跟住介紹埋我們餸菜， 女朋友話環境都幾靚就是囉， 首先我地食頭盤翡翠螺和凱撒沙律兩樣都算幾好味，跟住飲海鮮忌廉湯( 濃海鮮味)同法式洋蔥湯(好有洋蔥甜味,正！)最後主菜係超大牛肉眼同鵝肝意大利飯，肉眼真係好好食，飯原來係招牌菜之一👍。~題外話~經理談話中知我上個禮拜生日，還送了一件豆腐芝士餅給我們😁， 多謝朋友好介紹！

餐廳內氣份好浪漫,燈光暗暗但不失浪漫..晚餐點了三款主菜另加$58一位可轉餐包括餐湯,沙律及餐飲.沙律:黑醋pamaham salad, 黑醋過多,令全碟沙律過酸..如果廚師可以減少醋分量會更加好!餐湯:薯仔煙肉洋䓤湯,薯仔味很溶,份量調較適中,入囗軟化.感覺好有食薯容的口感,加分!!主菜一:澳洲西冷12oz(七成熟)配磨菇汁..牛扒過了熟,應該已經well done並不是七成熟.沒有太重牛味而且過熟..有點失望 主菜二:鮮茄自制豬肉丸意粉..肉丸令人有驚喜,可以係自制關係所以好有鮮味,沒有那種雪藏感覺.鮮茄汁帶少許辣汁,感覺酸中帶辣,有驚喜 .意份軟硬適中! 值得推介!主菜三: 黑松露磨菇芝士比薩,底部有少許燶.但入囗芝士味好重好香.磨菇份量也多.值得一試 另外,不知什麼原因店內比較多蚊而且有一隻仲飛落我地d mustard 處,可能天氣關係昨天太熱又近大坑渠,不過此點餐廳要份外注意衛生!