Season Oyster & Wine Bar (已結業)

海鮮一向都不平，雖然香港以前是漁港，但海鮮都是進口為主了。問起朋友那間餐廳食生蠔與海鮮抵食而又有品質，力推呢間。除了海鮮仲有西餐好似意粉及扒，滿足大部份人胃口慾望了。蠔抵食程度總於見識到了。$50 已經有生蠔，細隻通常食佢架蠔味多於感受肉質水，有少少海水味及金屬味，而肉質爽身。加上少少檸檬汁架酸味，整體味道更和合本住食海鮮而來，點左盤$298 seafood platter ，當中有蝦4隻芝士焗扇貝,龍蝦，蒜蓉翡翠螺4雙同芝士黑松露焗大黑菇。放了大量芝士，龍蝦肉好紮實，芝士混埋蝦膏同蝦子，美味卻勁邪惡！螺同蝦加了蒜提香調味，爽身肉質維持一致口感。是份海鮮拼盤，一次過嚐了多款海鮮，不亦樂乎。$58 Parma ham.salad， 抵食之作，食左太多海鮮啦要加碟salad , 放了好多Parma ham心腍點解可生蠔咁抵，薄利多銷，埋單唔傷銀包。

自問對港島區餐廳唔太熟悉，夜晚想西餐之餘，又想食到新鮮生蠔。偶然發現呢間西餐廳，價錢算係相當親民。-烤焗海鮮拼盤 $298拼盤份量算幾足，包括咗2隻芝士焗原隻龍蝦、2隻巴馬臣芝士焗扇貝、4隻蒜蓉翡翠螺、2隻牛油蒜蓉焗虎蝦、芝士黑松露焗大蘑菇。龍蝦鋪滿經烤焗嘅芝士，鹹香十足，如果龍蝦肉再多汁啲會更好。最為欣賞大蘑菇，汁多有口感。其餘海鮮香氣稍嫌不足，入口未夠惹味。-精選生蠔 $54/半打呢款生蠔體型較小巧，拼盤伴有海鮮醬蘸取。生蠔勝在夠新鮮，帶海水鹹香但不覺腥膩，適合驚腥味嘅人士食用。肉質嫩滑，入口滑捋捋。-明太子雞翼 $58/4隻一上枱已經傳嚟陣陣香氣嘅雞翼，外型飽滿焦脆。雞翼釀有明太子餡料，辣味唔算突出，只係增添咗少少口感層次。-菠蘿味手調啤酒 $58手調啤酒設有幾款水果口味，今次揀咗菠蘿味一試。雖然飲得出係菠蘿味，但水果比想像中淡，麥味反而更突出。面層仲有綿密泡泡，賣相幾可愛。-凍蜂蜜柚子蜜 $28表現正常嘅一杯特飲，拌勻後飲用都唔會太甜，潤喉清甜。

朋友介紹銅鑼灣區有一間比較隱世的西餐小店，決定不如訂座一試，兩位去到食下海鮮，不知幾寫意。入到去有啲綠色嘅主題，小清新，裏面都幾多人，證明呢間餐廳都有返咁上下實力！餐牌選擇好多，但係最近身體情況所以唔可以食生蠔，就唯有食啲熟食嘅海鮮頂住先！烤焗海鮮拼盤$298芝士焗原隻龍蝦，巴馬臣芝士焗扇貝兩隻，蒜蓉翡翠螺四粒，芝士黑松露焗大蘑菇一隻，牛油蒜蓉焗虎蝦兩隻裏面有原隻龍蝦，非常鮮味，爽口彈牙芝士味道非常突出，我也很喜歡吃焗扇貝彈牙鮮甜，翡翠螺大大隻，口感爽口，不少得虎蝦同事有很香的蝦頭膏，鹹香又有鮮味。芝士黑松露焗大蘑菇十分Juicy，正！韓式炸雞塊$68估唔到喺呢啲地方竟然可以食到韓式炸雞，仲有醬汁俾你點，炸雞熱辣辣香口金黃又Juicy～蘋果汁$28因為並不提供清水，可以揀酒精如生啤，紅白酒或者果汁類飲品都係唔錯的選擇。

估唔到係銅鑼灣嘅巷仔搵到依間高質素嘅餐廳，鐘意飲酒嘅我一入到去就好開心！因為cocktail freeflow都只係$98，都有埋啤酒、house red/white揀，正！另外都幾推介依到嘅生蠔，價位係$9-$39隻，$9隻嘅精選生蠔細細隻但性價比最高，有濃郁嘅海水鹹鮮味。白酒煮馬尼拉蜆（$78），蜆肉肥美，白酒岩岩好可以帶出蜆肉嘅鮮甜。意大利巴馬火腿盤（$128），入面有parma ham,coppa同salami。色澤好靚，鹹香味好正，但始終都係覺得就咁食太鹹，有哈蜜瓜會正啲！整體黎講依間餐廳整體性價比都幾高，值得幫襯！

如果有機會將心底裡既說話講出黎，你又會唔會想知？無論將來定現在，有緣既話你一定會聽到。仲好記得曾經呢間「Season Oyster · Wine Bar」係我地相識既，兩年後既今日我故地重遊，發覺所有野都都無變，只係坐係我對面既唔再係你，而係一大盤生蠔呀！我最愛既生蠔呀！今晚枝白酒終於大派用埸啦喂！👇📌Oyster · Set -▪ Raleigh Chardonnay - $198▫ 黎到呢到必點既生蠔套餐，只係需要任揀餐廳一枝紅/白酒，就可以用極平優惠價換購半打中碼或一打精選生蠔。我今次揀左呢枝南非品牌既白酒，聞落有淡淡既果香味，屬於容易入口既級數，適合唔經常飲酒既女仕們；而後勁仲帶點清甜感，配上生蠔就無得輸啦。▪ Daily Selected Oyster - $50 (12pcs)▫ 今晚餐廳是日既「精選·生蠔」來自南非產地，本身賣點唔係肥大肉厚，而係sell個味道同層次感；食落海水味非常突出，而口感偏向creamy少少，呢個size一啖一隻果種滿足感令人難以抗拒。仲可以以$9一隻無限添食，不過要嗌一打起步，咁抵玩仲係邊到搵呀？📌Main · Course -▪ Baked L

放工後同朋友chill一chill,來到呢間位於銅鑼灣小巷內既chill bar餐廳, Season Plus. Season Plus 主打係生蠔同酒吧,仲有扒類海鮮意粉等西餐料理.首先當然要試下佢地既生蠔啦! 我地試咗精選生蠔同美國中碼生蠔. 精選生蠔為細碼生蠔. 雖然size偏細,但細碼生蠔入口比大蠔來得鮮甜, 海水味道比較淡,適合較少食生蠔既朋友. 而中碼美國生蠔海水鮮味比較重小小, 但生蠔肥美亦好新鮮.我地都試咗Season Plus推薦既烤焗海鮮拼盤. 拼盤頗具份量,適合2-3人食用. 由唔同海鮮蝦貝類同大啡菇組成. 另外配上芝士同百里香等香草頗為惹味. 如果咩都想試吓,海鮮拼盤係唔錯既選擇~ 最後我地仲甜咗份牛油蒜香蜆肉意粉. 意粉底用蒜蓉,牛油,百里香等炒熟,再配上鮮甜既蜆肉配搭得夠惹味.

餐廳稍為偏離銅鑼灣中心，位於中央圖書館附近嘅一條橫街入面。呢度地方唔算好大，但環境舒適，仲有一道紅酒木箱排成嘅特色牆，幾有格調🤗！.🔸 (HK$50/半打)原價係HK$108半打，但餐廳推出咗優惠，客人只要選購白/紅酒，就可享生蠔優惠😍。呢度酒嘅款式都幾多，同朋友諗咗一陣之後，我哋點選咗 (HK$268)，再點選埋呢款生蠔，價錢平咗差唔多一半，真係好抵😆！白酒充滿果香，生蠔隻隻肥美鮮甜，正👍🏻！.🔸 (HK$99)呢個菜式以小鑊呈上，賣相特別😆！龍蝦面頭係滿滿芝士，十分邪惡😈！粗薯條係即點即炸，夠晒熱辣辣，而且份量好多，係另一抵食之選🙌🏻！.🔸 (HK$298)拼盤係2人份量，包括：芝士焗原隻龍蝦🦞、巴馬臣芝士焗扇貝焗2隻、蒜蓉翡翠螺4粒、芝士黑松露焗大蘑菇1個🍄、牛油蒜蓉焗虎蝦2隻🦐。一個拼盤就包咗幾款海鮮，鮮甜又抵食😋～.🔸 (HK$128)拼盤份量幾多，包括： 挪威煙三文魚、巴馬火腿、有機沙律菜、法式凍熟蝦🦐，再配上意大利黑醋，食落十分開胃😚！.🔸 (HK$78)菜式份量算幾多，蜆肉大粒而鮮甜，仲有少少白酒味，不過用咗幾多牛油🧈，食落偏油膩，個別蜆仲有少少沙🙈。.✨妹豬仔👧🏻💬:

-我同女朋友肚餓😞行過咁啱見到呢間餐廳就入去試下😏見有好多唔同款野食有🦪生蠔、🦐海鮮、🐮牛扒、各款小食😋🦪生蠔我試左幾款❣️美國中碼生蠔🦪 好大隻生蠔成隻手掌咁長好誇張🤩🦪南非生蠔 呢個幾鮮甜，唔錯 仲encore 左🦞烤焗海鮮拼盤 $298雖然呢度🦪生蠔同酒🍷出名但我地點左呢個拼盤都值得推介有🦞芝士焗原隻龍蝦、巴馬臣芝士焗扇貝、蒜蓉翡翠螺、大啡菇🍄、牛油蒜蓉焗虎蝦🦐份量都幾多幾抵食🐔炸雞軟骨串 、黃金炸豆腐D 炸物都做得幾好我用嚟送啤酒 好開胃

最近股票賺到小小錢，就決定對自己好d，食餐好d la~烤焗海鮮拼盤 $298一上枱，見到咁大盤烤好哂既海鮮拼盤都流哂口水🤤龍蝦質素好新鮮，烤香味後都保持到龍蝦鮮甜爽口既肉質。海蝦大大隻，食落好嫩口彈砂。扇貝表面燒得焦香，食落感覺巧新鮮～美國中碼生蠔 $50/6隻佢既中碼生蠔超肥美，個人好鍾意佢既海水鮮味～而且餐廳有跟埋檸檬汁同蕃茄醬，可以照顧唔同口味既人士👍易飲果甜南非白酒 $198食好東西，冇理由唔叫枝白酒嘆下呢。呢隻白酒味道香甜，好易入口，配生蠔真係一流🤤👍美國特級安格斯肉眼 $248安格斯肉眼烹調時間把握得好好，外質熟而不焦，入邊就6-7成熟，而塊牛肉味濃濃，咬落有肉汁幾juicy添😋

-同男朋友想食豪d啤一啤🍻佢嘆下因為搞婚禮d 野搞到一頭煙去左間朋友介紹嘅隱世餐廳位於銅鑼灣嘅season oyster & wine bar顧名思義係食生蠔🦪由於男朋友唔食生蠔🤭所以得我一個擦😍佢哋啲玩購價好吸引🤩凡購買紅白酒 🍷加50 蚊就有一打生蠔🦪精選生蠔 幾好味、幾清甜、幾新鮮本人怕太creamy 嘅生蠔呢款生蠔啱晒我可以食勁多隻都唔會好溜😏🐮美國特級格斯西冷 $198肉質唔錯😌有濃濃牛味我地二個化骨龍好快就食哂左件西冷Overall 環境唔錯幾適合邊飲酒邊談心

喺銅鑼灣同天后之間嘅一條小街入面有一間小店，地理位置唔算方便📍，但係就算平日嘅夜晚都有唔少客人👩‍👩‍👦‍👦，一定有原因嘅.對間餐廳唔太熟悉，本身都唔抱太大期望，但係反而食物質素都唔錯😮，價錢仲要幾平🤑，幾抵食.佢哋做緊個promote，只要叫一支酒🍾，就可以優惠價叫半打生蠔🦪，好抵食，生蠔係美國生蠔🦪，海水味都重，另外我哋仲叫左南非🇿🇦同法國🇫🇷生蠔.海鮮叫咗白酒煮馬尼拉蜆，雖然蜆唔係好大隻，但係勝在白酒汁夠香😋，直頭想當湯飲，另外仲叫咗芝士焗原隻龍蝦🦞，龍蝦幾多膏，龍蝦肉都夠爽.肉類就叫咗美國🇺🇸特級安格斯肉眼🥩，medium rare，有驚喜喎，肉質夠淋滑又有肉味，值得叫😋

生蠔癮起，一於同朋友去「蠔」一「蠔」佢😆不得不讚Season Oyster & Wine Bar依間蠔吧，環境唔錯，無論同👩‍❤️‍💋‍👨另一半或者👯‍♀️朋友一齊黎摸下酒杯底都適合🙌🏻除左🦪生蠔有質素，其他snacks同main course 亦一樣咁令人滿足😘-我地開左支🍾意大利白酒，然後以換購價$50就食到6️⃣隻中碼生蠔🦪🤩生蠔有返咁上下size而且質素一啲都唔差，性價比係超高⚠️另外單點左🔸南非生蠔🔸法國生蠔🔸想試多啲唔同層次嘅味道😋淨係生蠔依個部分，已經回頭率好高💯-🍾白酒煮馬尼拉蜆▫️作為熱食頭盤份量剛好，白酒汁味夠濃香蜆肉爽口👍🏻🦞芝士焗原隻龍蝦▫️龍蝦肉爽口彈牙😬，係食得出嘅新鮮，簡單配🧀芝士焗已經好好味～🥩美國特級安格斯肉眼▫️餐廳有唔同牛排可以揀💁🏻‍♀️，我地偏愛肉眼，鍾意佢有牛味之餘肉質夠淋，點左Medium-rare火喉控制剛好😎 同埋個🥔薯角好好味！🤩

朋友喜歡食蠔，一早預訂了這間蠔吧讓他大吃一頓，誰知他較早前看了中醫，要他禁酒禁生冷食物.....雖然來到蠔吧，也只好乖乖吃熟食了。不過這間餐廳的蠔也真是很抵食，只要開一支紅/白餐酒，再加$50.- 就可以有成打細蠔 / 半打中蠔，眼見其他枱也有點生蠔，朋友也是飲恨 XD說回我們的餐點，先來一份芝士焗波士頓龍蝦(半隻) 配薯條，龍蝦唔算好大隻，連鉗上，肉質彈牙，而且都幾多膏。味道方面，雖舖上厚芝士，亦未至完全覆蓋龍蝦甜味。薯條份量超多，味道正正常常。芝士牛油焗帶子 - 一份有兩隻，也有滿滿的芝士舖面，一口吃下既有芝士味也有帶子的鮮甜味。秘製醬汁焗豬肋骨 - 豬肋骨超大份量!!  雖然烤得乾身少少，較難切開，不過味道搭夠，醬汁似BBQ醬，惹味十足。薯角炸得香口鬆脆，熱氣都想追加的items!意式巴馬火腿意粉 - 意粉也是份量十足!  每一口意粉也掛著滿滿的忌廉汁，而且有著淡淡的火腿咸香味!!  

見到OpenRice的食評不錯，於是和朋友一起到銅鑼灣season oyster食晚飯，被安排坐上閣樓，閣樓有異味和有滴水問題。點菜時詢問服務員，那一款牛扒肉質比較軟，他們推介了日本霜降牛，但是牛扒來到，非常之韌，完全食唔到，之後要求更換，遭到服務員拒絕，另外叫左個頭焗海鮮拼盤，賣相不錯，食落好似柴皮，生蠔尚可。食左三度菜之後，想再點菜，被朋友制止，快啲飲埋啲酒，去第二間再食，埋單$1000，當買個教訓。

今晚同勁鐘意食生蠔既男朋友黎到銅鑼灣食生蠔，食到好滿足。精選生蠔$9隻，超抵食，我地叫左1打半。雖然細細隻，但好creamy，性價比超高。美國中碼生蠔 $18隻，我地叫左4隻，蠔肉比較飽滿。南非生蠔No.1 $29隻，我地叫左3隻，第二大隻，食得到海水味。法國生蠔No.0 $39隻，我地叫左3隻，係最大隻，相對比較鹹。烤焗海鮮拼盤有芝士焗原隻龍蝦、巴馬臣芝士焗扇貝2隻、蒜蓉翡翠螺4粒、芝士黑松露焗大啡菇1隻、牛油蒜蓉焗虎蝦2隻，同樣好抵食。全部食物都係即做即做，慢功出細貨，兼保持到新鮮同熱度。威爾斯羊仔架配有沙律同薯角，羊架口感夠腍，無羊膻味，size都大好件，好有水準。