Season Plus (已搬遷) 新店位置

喺觀塘返工，早午餐理所當然喺觀塘食啦，但去到晚餐當然想跳出呢區食架啦、但有時真係無辦法，因為觀塘實在有好多又平又正的餐廳今次又再次嚟呢度食生了，連埋今次已經幫襯第四次了，質素保持高水準，平、靚、鮮、呢3個字就形容哂呢度一口芝士薄薄的炸粉外皮鬆脆，入面是軟滑而又邪惡的芝士,無改錯名，一口一塊令人滿足滿瀉法國岩鹽虎蝦雖然嚟到的時候同心目中的體積有落差，更奇怪原來係無殼的？但當放入口中時就釋除了所有的疑慮……好彈牙兼爽口，碟仔裡的岩鹽更帶出了蝦的鮮味意大利火腿 & 芝士併盤火腿在意大利統稱為prosciutto，是經鹽醃製的風乾火腿，顏色深紅，每片肉邊上都有一條不到半厘米寬的淡黃色油脂，火腿入口後，邊上的油脂即刻化開，隨後是甘甜和微鹹的味道，再加上芝士粒同吃、回味一波接一波，吃過一片後就會一片接一片吃下去上癮般的快感海鮮併盤份量頗大，有麵包蟹、龍蝦、藍青口、凍蝦、生蠔、翡翠螺……全部都好新鮮，特別係隻麵包蟹，一打開蟹蓋，d羔爆哂出嚟，蟹羔甘甜味鮮，令人回味無窮……生蠔套餐全部來自法國的生蠔、非常鮮甜，肉質爽口飽滿，富礦物味，仲加送一杯白酒添非常滿意+滿足的一餐,最後與友人攬住肚煲先至走得呢

幾時都覺得觀塘係臥虎藏龍之地好多名車行嚟行去老細又多所以只要識得搵食有好多地方都比到我好好嘅享受食嘢嘅地方係 basement 一落樓梯就見到好有天主的氣息感覺店主應該係好鍾意 red wine 特設嘅紅酒區賣嘅酒價錢都好實惠因為我其實自己都好鍾意儲紅酒箱Inspire 到我想用嚟做裝修 feature wallOyster 做緊限時優惠超級抵食嘅 Irish Rock雖然細細隻蛋都好鮮味$9隻咋我一個人食咗六隻跟住就係我最鍾意食嘅 Pacific 今次仲要係 USA Jumbo size 太平洋珍寶生蠔 $39隻 做緊買三送一一大一小各有各好味Jumbo 好似手掌咁大只鮮甜好味之餘口感比較爽一邊飲酒一邊食生蠔一邊吹水團年飯最好就食得飽啊咁先至生活豐足架嘛意式辣肉腸薄餅 $78朋友唔食牛肉所以今餐我哋主力係豬豬西班牙黑毛豬鞍扒 24oz $228厚切嘅size入口夠晒有質感濃郁嘅豬肉香味我唔係廢話而家有啲豬肉嘅質素唔係咁好唔知點解硬係食到有啲酥味但今次西班牙黑毛豬喎入口飽滿豐盈肉汁多而且質地細緻綿化真係唔同啲下次我會為咗即開生蠔而回來的

今晚觀塘區嘅朋友帶我去食好西唔係呢邊返工 真係唔知工廈都可以蠔得起不過認真講句 觀塘真係好多人！！！我地去左工業中心第三期嘅地下大大個招牌好易搵 重見到$99生蠔套餐很可惜 店員話飛機無黎 無得食套餐蠔咁唯有散叫啦 㨂左愛爾蘭石蠔 $9隻超抵！有驚喜喎 生蠔勁新鮮 唔算大隻但夠蠔味再黎煙三文魚沙律 四大塊煙三文魚 出面少有嘅份量 新鮮沙律菜配上黑醋 再來一客巴馬火腿加芝士拼盤 送酒一流牛肝菌意大利飯 勁香 口感creamy重有小牛排 無論擺盤定口感 都係一流六成熟嘅小牛排 牛味香濃 唔加醬汁都好食重有脆薯角 外脆內軟 誠意之作

同男朋友去食飯，知道佢鍾意食刺身同生蠔就揀左呢間位於觀塘的小店🤗環境不錯 好岩情侶去拍下拖，撐下枱臉啦💑帶子刺身（6片）帶子好新鮮，又大粒😋估吾到係呢度都食到好味既刺身虎蝦刺身（10條）好彈牙，又有口感，加埋秘製醬汁，好match!!!!意式辣肉腸薄餅Pizza 就一般啦，個底有d梗，不夠脆食番海鮮好點😆South Africa Gigas Oyster (Lar)好肥美 超creamy，個人就麻麻地咁creamy,不過男朋友係愛蠔之人，佢話好味就好味啦😆上面的是Irish Rock Live Oyster呢隻好抵$9隻咋 ，細細隻，不會太creamy,加點檸檬再放入口😋😋唔需要再加醬汁可嚐到淡淡的海水味，真係正正！海水味淡身，相信好多人都接受到！好抵食啊！

觀塘這一家主打海鮮和生蠔的小店，經濟又實惠，位於工業大廈的地鋪。離地鐵一分鐘的步行距離，雖然好近，卻不多人發現，是臥虎藏龍的地方。這天和朋友四個人來到這裏吃晚餐，聊聊天。朋友們是生蠔迷，所以必試這兒的生蠔！坐著聽了他們在其他食肆嚐過的生蠔，令他們肉赤非常，和他們來到這兒是明智之選！餐廳主打的生蠔價錢相宜，有＄9到＄39也有。視乎你喜歡吃那一類，海水味重的，來自不同產地的，creamy的，選擇不是太多，但都算應有盡有。今晚特意嘗試了$9的Irish Rock, $29的南非 Gigas和$39 來自西班牙Spain Arosa蠔 . 愛爾蘭的Irish rock (8pc/$72) 價錢平到你唔信，小小的易入口，不會有海水腥味屬初嚐生蠔的入門之選。南非蠔Gigas (6pc/$174) 口感creamy程度達十級，肥美得很，那份金屬味可能唔係個個都鍾意，不是我杯茶，但男朋友和朋友卻是她的知音人。而我卻是第一次嘗到西班牙的生蠔 - Arosa No.0 (6pc/$240)，珍寶的份量大得驚人，生蠔味道爽甜可口，配上淡淡的海水味，好吃得感動。而帶子位好食到要切出來！重點是生蠔的價錢十分相宜

朋友推介黎到呢間觀塘工廈的蠔吧，話有9蚊隻好抵食，今日3個人7點到，位置寛敞，有開完蠔用既洗手盤，設計細心。9蚊1隻既最少買半打，是愛爾蘭石蠔，蠔味不算濃烈，新鮮度還不錯，9蚊1隻絕對收貨。另加3隻聖米斯，29蚊1隻，體驗立即升級，更大隻，更濃味，更甜，更有after taste，一分錢一分貨。圖下方是聖米斯，上方是愛爾蘭石蠔叫左盤新推優惠，99蚊6隻yellow stone +3隻吉列廣島蠔，呢個yellow stone 雖然正價是18蚊1隻，但比起29蚊既都不遜色，吉列蠔亦相當厚肉鮮味，3個人來是對了，剛剛好夠分。食d 飽肚架啦，煙三文魚沙律同烤牛小排水準亦不錯，份量很多，配熱辣辣既厚切薯條，無得輸!仲未夠飽加追1個黑松露薄餅，長形薄餅都係第1次見，餅底屬軟熟類，襯起滿滿既黑松露同芝士，味道非常濃郁，同軟熟煙韌既餅底食起黎相當滿足。埋單595蚊3個人，價錢尚算合理，地點方便，下次買外賣番屋企做個生蠔盛宴都唔錯喎!

朋友話e度有餐廳真係講都唔信話說去完澳洲無耐返黎最掛住就係個度既海鮮朋友話帶我懷念下，超期待既海鮮大餐。一坐低就叫左生豪套餐，真係估唔到都唔細隻，100蚊有找仲有杯白酒！蠔好新鮮，好甜好有蠔味。同埋都好左隻下！但檸檬可唔可以唔好咁孤寒😆😆😆😆要懷念緊係要食返夠本！海鮮拼盤！有麵包蟹有蝦仲有龍蝦，蠔，螺同青口！一定夠2個人食有多！未食前睇睇個價錢我麵真係唔相信！只係198$不過要試左先知！先食龍蝦！拉條肉出黎個下好爽！食落去淡淡肉，仲有好多好香既蟹膏到麵包蟹！一打開勁蟹膏囉！好興奮！麵包蟹肉當然無澳洲咁甜，但勝在夠多膏，膏夠香！正！蝦麵要一讚！彈牙有蝦味一d都唔梅其他都不過不失！朋友只食海鮮話唔滿足要食埋個羊！羊煮過左少少但肉味濃唔會好"so"反而配角薯角炸得好香脆！話飽飽飽，但最後都加多左個好抵食既芝士火腿拼盤同白酒吹水！好滿足！價錢非常吸引！食物質素唔差！又多酒選擇。可能e度既地方先可以做到咁好既價錢！但食物可以再多少少選擇lo😆

同事介紹Season Plus呢間餐廳嘅食物質素唔錯，叫我有時間可以黎試一試。難得今日放假，當然要約埋朋友捧下場啦！先講呢間餐廳嘅環境，餐廳約三分一嘅空間係酒庫，擺放各式各樣嘅紅酒、白酒同擺設，其餘位置係用餐區，燈光暗淡，加上柔和嘅音樂，絕對適合朋友或情侶傾計同食嘢。至於食物，首先，我同朋友揀咗做緊優惠嘅生蠔，＄99竟然有6隻生蠔＋3隻炸蠔，真係抵到爛！生蠔來自美國黃石蠔， size偏大隻 ,口感creamy，滴兩滴檸檬汁食，入口鮮甜又無腥味；炸蠔亦不錯，金黃香脆， 同一時間食到生同熟嘅蠔，可以話係俾一份錢有兩種享受，正！食完蠔，我哋胃口大開，所以之後仲點了4款食物：美國一口牛粒、日本手羽炸雞翼、西班牙黑毛豬鞍扒及意式肉醬千層麵。美國一口牛粒，牛柳粒煮得啱啱好熟，保持肉質幼嫩，入口軟林林，一d都唔韌，食嘅時候點少少黑椒更能帶出牛肉味。日本手羽炸雞翼，雞翼鋪滿白芝麻先再炸，令雞翼更脆口，入口食到香濃嘅芝麻味，食多幾隻都唔厭。西班牙黑毛豬鞍扒，有沙律菜同薯皇嘅襯托下，更加突顯兩塊厚切黑毛豬鞍嘅氣勢及吸引程度，豬鞍兩邊面煎至金黃色，帶少許焦，但切開內裏後，肉質卻非常嫩滑，呈粉紅色，看起來啱啱

人愈大就各有各忙, 想相約聚會都會很難約齊一致時間, 今天終於有機會一聚, 在朋友返工附近找到這家有生蠔有西餐又有酒飲既餐廳共渡歡樂時光餐廳位置都幾方便, 觀塘站D出門行兩分鐘就到工廠石屎牆林立的觀塘, 看到這餐廳綠草如茵的招牌 與 門前綠地毯, 份外有清新一口氣的感覺原來餐廳有三間分店都是上班族就腳地左三為法國黑珍珠 Black Pearl, 右三為法國瑪皇蠔 Majestic 上三為西班牙Arousa, 下三為南非Gigas建議由口味無咁重的先開始吃, 首先食南非的Gigas, 非常大隻, 肉質肥厚, 極度Creamy, 一咬, 內裡cream大量湧出, 唔知以為之前被注入大量cream!之後到法國瑪皇蠔 Majestic, 清新海水味重, 口感細膩, 餘韻豐厚而且帶子位鮮甜入口之後再到法國黑珍珠, 海水味比之前的Majestic 更濃帶咸, 蠔肉飽滿, 清甜爽口, 餘韻更長一點最後到口味最重要西班牙Arousa, 海水味無前兩隻法國蠔來得濃, 比前兩隻法國蠔Creamy, 但不及南非的Gigas Creamy, 肉質肥厚爽口, 味道甘甜嘆完美味生蠔後, 再來一個海鮮拼盤, 還送一

又到聖誕 又到聖誕 雖然未到聖誕 但12月絕對係開Party,飲靚酒,食好野既最佳季節今次同小胖男友搵到呢間位於工廈地舖 有得食生蠔,鋸牛扒同飲靚酒既食店呢間食店好特別 除左係一間西餐廳 店內仲有紅酒各類日本酒,凍肉刺身等賣 一應俱全坐低第一件事 梗係叫返杯1664啤啤佢我地叫左4款生蠔 每人一隻 不得不讚全部生蠔都開得利落乾淨 當日試既4款生蠔都屬淡海水味之選 味道清甜另外叫左刺身同小食拼盤小食拼盤有芝麻雞翼,薯條,炸芝士,炸帶子同炸魚手指 當中炸芝士最有驚喜壓軸登場既main course係澳洲M5和牛肉眼 勁大塊 肉味十足 加埋黑胡椒,味道就更香濃絕對物有所值

今日又出動去觀塘工廈搵美食呢間位於地牢嘅餐廳叫《Season Plus》上網見到呢間餐廳專食生蠔一向鍾意「蠔」氣嘅我又點會放過呢一入到餐廳就見到一個大嘅酒窖食生蠔最好就係配襯白酒叫咗一支黎自德國嘅Riesling$198呢支Riesling入口微甜 用黎配親生蠔 可以突出蠔嘅鮮味一坐低就急不及待叫咗個生蠔拼盤先嚟嘅係愛爾蘭石蠔$9呢隻蠔體型較細 不過肉質爽甜 海水味一般 食多幾隻都唔會膩法國珍珠蠔no.1 $29法國珍珠蠔蠔味濃郁 海水味較重 回甘味十足 帶子為鮮甜爽口 讚西班牙Arouse $40黎自西班牙嘅Arouse 較為大隻 咸度係咁多隻蠔之中最重嘅 而且礦物味十足 食落令人喜出望外最後係來自南非嘅Gigas $29第一次食南非蠔 原來係相當creamy 入口非常軟滑 令人有相當驚喜食完蠔 嘆完白酒 係時候點啲熱食先呢一個小食拼盤$198把酒談歡 又點少得小食同啤酒呢個小食拼盤有齊雞翼 炸魚手指 炸芝士 薯條 同炸帶子芝麻雞翼食落非常香口而且炸魚手指就可以帶黎童年回憶最出色莫過於係炸芝士 裏面軟滑 食落騷香 用你襯啤酒就最匹配意式肉醬千層麵$98呢個肉醬千層麵食落唔會太漏食起黎

又到聖誕, 一班朋友狂歡一晚的好時機目前各人都為交換禮物, 預訂聖誕大餐作好準備網上訂購十分方便, 即使自取或送貨, 食物質量往往要入口才知道而season plus是除了出售急凍, 大數量預定及聖誕餐外, 還設有堂食, 價格跟正出售的所有貨品都一樣,那就不怕"唔岩食"情況出現位於工廈第二期地庫, 由觀塘地鐵站走到店址大概三至五分鐘落一層樓梯就到, 首先會看到左邊是凍櫃, 有各刺身, 凍肉, 酒類及飲料右邊是擺放紅白酒的現貨, 感覺就像個酒窖我們被安排到較入位置, 私人度較高首先急不及待向生蠔埋手, 分別有五種。除了愛爾蘭之外, 其他每款我地都每人一隻進食次序: 南非Gigas Oyster > 法國瑪皇蠔 Majestic > 法國黑珍珠 Black Pearl > 西班牙Arousa Oyster南非Gigas Oyster大隻而超級creamy,  肉厚飽滿, 好甜法國瑪皇蠔 Majestic帶子位甜度高, 清新海水味, 回甘味特濃, 很爽口法國黑珍珠 Black Pearl海水味濃,帶甜, 蠔味較重, 層次分明, after taste 強烈, 回甘味令

同老公慶祝紀念日～揀間近公司嘅餐廳…價錢唔係問題…但無諗過可以被食評呃得咁徹底…老公食完仲....脱水…口唇都爛埋，我個胃頂住頂住咁。。。頭五六個食評都係讚…到底係我哋唔好彩定係啲人寫嘅嘢係比較專業！？總括嚟講…啲嘢真係全部都唔新鮮…完全一啲都無啲人講得咁好！第一次寫食評…真心係想反映！

Party time! 早聞season plus 有美食及各款酒類供應，便相約幾位同樣愛吃ham and cheese及生蠔的朋友來個聖誕節前的小聚會.在門外已放有黑板列出各款生蠔的品種及價錢, 還有精選推介. 沿樓梯走到地庫，最先看到幾個放酒的區域，um...這個設計...莫非從前是酒窖？西班牙、法國、意大利，紅酒、白酒、氣酒，花多眼亂.用餐位置不算寬敞，當晚更有出現要排隊入座的情況，要不是朋友早已訂位，我們也許要等一會兒.芝士火腿拼盤- 其中一款芝士偏硬及咸，拼盤有三款cold cut. 對於風乾火腿，我是有要求的，個人較喜歡把火腿放在咀裏讓那咸香慢慢滲出，不過這幾片似乎未能做到，若你喜歡一放進口，咸味搶先攻佔味蕾的，可以試試這拼盤.生蠔，可會是今晚的亮點？black pearl no.1 蠔身厚，有海水味，咸度適中，更有少少金屬味, 好鮮甜. $29一隻, 吃得過!當晚的house wine 是法國D'aupilhac，味偏酸，只能輕嘆與咸味的black pearl 不太配.另外，我們亦點了非常惹味的西班牙黑毛豬鞍12oz，兩件厚切豬鞍煎得夠香口, 但就略嫌過熟, 切開後, 肉

朋友生日當然要同佢吃餐好，今日特意帶左佢食蠔慶祝，早前係網上搵到依間餐廳原來係生蠔旗艦店，海鮮生蠔種類多，係工廈位置落地庫搵食夠哂神秘，大大個招牌唔怕盪失路<<日式鰻魚-原條>>鰻魚肉質好結實，食落好有口感，醬汁味道控制得好好，酸酸甜甜，好醒胃<<法國岩鹽燒虎蝦>>虎蝦燒至半生熟，蝦肉夠爽口，經過特別處理既岩鹽，帶來一陣香味，食蝦時沾少少可以令蝦既鮮味提升<<意式肉醬千層面>>每塊千層面都重複壓過幾十次，食起上黎好有口感，肉醬酸度岩岩好，再配上最上層溶溶地既既芝士，一個字”夾”！<<頂級安格斯牛小排 (12oz)>>牛小排煎得岩岩好，火候控制得好，唔會太老，微微既牛香，配菜擺設精緻，睇得出好用心處理，沙律酸度適中，薯角炸得好香脆<<Spain Arousa Oyster (西班牙蠔)>>夠哂大隻，成部手機咁大，肉質肥厚又爽口，食完有好長既aftertaste<<South Africa Gigas Oyster