sensory ZERO (禮頓中心) (已結業)

某天在港島區辦完事後，恰巧是下午茶時光，想找點吃的歇歇腳，選擇的地點當然是有珈琲喝的，當時口袋裡沒名單，出門前也沒有做好功課😂於是快速地找找看，最後決定來此店，一間瑟縮於妝品店一角的連鎖啡店。吃的點了😋Croissant w/ Overflow Stuffing (爆料牛角包) 🥐Pork Floss, Cheese, Double Japanese Egg w/ Avocado Wasabi Paste (肉鬆，芝士，雙份日本滑蛋，牛油果芥末醬)🍑既鹹且甜的肉鬆，幼滑的炒滑蛋，嗆鼻帶點刺激的的牛油果芥末醬，牛角包很鬆脆，美味得來又吃得有點狼狽呢🤣喝的當然就是 #コーヒー 😎，選了虹吸式沖法的☕️Sumiyaki (感味炭燒咖啡) #sumiyaki，偏向 Nutty的咖啡苦味較重，感覺能將牛角包的油膩化解唷😊

記得之前見過這杯滿瀉的朱古力，但忘了是邊間店，今日俾我無意之中搵返，當然要去試，去到店八點二，店員溫馨提示八點三last order，九點關門，我話ok，叫了個澳洲M5+和牛肩肉溫泉蛋飯套餐，補錢叫了痴_缐朱古力，加埋一服務費二百幾，雖然套餐有沙律餐湯飲品主菜雪糕，但價錢不算平，佢個湯係粟米湯，溫度適中，個牛肩肉D肉質有D韌，成個飯無咩味，好淡，不過感覺好似比較健康，杯朱古力賣相吸引，用嚟打卡不錯，不甜，可可味濃，另外服務幾好.

痴_線朱古力(H) $55呢杯🍫個視覺效果真係唔錯既 面頭鋪滿朱古力粉同朱古力碎 仲要多到滿瀉 成個感覺好澎湃🤤成杯🍫反而冇咁濃味 奶既比例較重啲 不過飲落都好細滑好順喉 如果朱古力味再濃少少會比較好 同個人期望既仲有啲出入🧐評分: 7/0🌟澳洲M5+和牛肩肉溫泉蛋飯 $158啲牛肉煎至粉紅色加埋隻溫泉蛋 成個combination淨係望到都吸引🤤 每一塊既厚度都有返咁上下 但食落超淋身 好易咬開🥰 而飯入面有燒汁配上紫菜、蛋汁加和牛真係輕鬆清哂碗飯（對一個唔鐘意食飯既人黎講係好難得既事😂）評分: 9/10🌟—————————————————————————sensory ZERO (禮頓中心) (銅鑼灣)銅鑼灣禮頓道77號禮頓中心2樓L1號舖

周末下午在煩惱吃什麼輕食，突然被她捉去這裡，因為她說之後下午茶時段才有機會吃到傳說的牛角包！午餐肉芝士雙份日本滑蛋牛角包 $58牛角包的餡料有很多選擇，我和朋友都決定要選擇最邪惡的午餐肉芝士滑蛋，值得留意是午餐肉超級粗，還要是剛炸好放入裡面，咬下去午餐肉的鹹香和半融的芝士混在一起，這一份香口惹味令酥脆的牛角包更有吸引力，滑蛋充滿蛋香，在中間有平衡的作用，加上牛油果芥末醬把邪惡度降低同時相對降低，好吃好滿足！痴_線朱古力 $50其實除了牛角包，這款朱古力都是店內的皇牌menu，當我看見真身就知道原因．．．朱古力控根本無法抗拒！朱古力面上還有一層不同味道的朱古力碎，厚厚的一層泡沫下又濃郁的可可，喝一口下去完全感受到甚麼叫"Rich and creamy"，特別是和牛角包的確是絕配，難怪朋友要堅持來這裡吃下午茶～

- 痴__線朱古力 絕對唔係你想像中咁甜 Signature drink 黎到可一試唯一一樣唔係咁滿意 係唔夠熱 極其量話係唔凍😩 暖都稱唔上😔- 澳洲M5和牛肩肉飯 牛質嫩滑 個飯有d牛汁撈埋隻溫泉蛋 絕配 - 唐揚墨魚咀 唔厚粉 墨魚咀有墨魚味 Q彈 小食黎講 滿分啦- 日式芝麻手羽先 👎🏻 惡劣 個粉到個雞翼皮係分開左🤨 無芝麻香 唯一可取係雞翼炸完都juicy仲叫左佢個喵喵麵包做甜點 個包係有驚喜 果醬就so far so good 可一試既😂

中意飲朱古力既人可能對呢間cafe一啲都唔陌生，皆因佢有個相機食先既必點item🍫 而且仲係黃店黎，所以今次專程黎朝下聖😋除左極邪惡既朱古力之外，呢個飯好似都係呢到既必點item之一🤤 首先，佢個賣相好靚仔，和牛肩肉大約有7-8塊，煎到粉紅色，大概7成熟，食落牛味好重又好有肉汁，幾乎每塊都好冧身，但有幾塊係有啲筋，咬唔開，期望太高反而有啲啲扣分🙊 而個飯係用日本米煮既，撈埋隻溫泉蛋一齊食，無得輸😋 呢個飯有三大塊好肥美既鰻魚鋪係面，煎到金黃色，食落好香口，少少碎骨但可接受。加上個滑蛋煮到水汪汪既質感，好嫩滑，配舊鰻魚撈埋個飯食，又係perfect match👍🏻 本身對呢個飯無抱好大既期望，因為自己本身唔太好鰻魚，但反而食落又幾有驚喜☺️一上到黎果然好痴線，啲朱古力滿到瀉！視覺效果即刻加爆分🤩 講下個味道，呢杯野面頭加左好多唔同既朱古力，以為會好甜，但飲落又岩岩好，雖然好似加左好多朱古力咁，但佢個朱古力味又無話特別濃郁，但overall飲落都好唔錯，推介大家一試😚整體黎講，呢間cafe既野食都幾唔錯，cafe黎講屬中上，不過以食一個飯既價錢黎講就貴左啲啲🤔 而cafe環境夠大，裝修簡約，

味道：⭐️⭐️⭐️⭐️每樣食物既唔止賣相好吸引仲好好味添👍🏻順帶一提餐廳仲有一系列既素食 顧及不同客人既需要🥙❶蒲燒三層鰻魚滑蛋飯🍚 $143（配沙律🥗、餐湯🥣及$40以下飲品☕️）鰻魚帶點微微焦香份量多 大舊得黎又好厚身同多汁不過就有少量魚骨🐟蛋味非常香濃同真係好滑 🍳鰻魚汁加蛋送飯一絕👍🏻❷廚師幫你諗好米鑑定士飯🍚$123 （配沙律🥗、餐湯🥣及$40以下飲品☕️）呢個餐簡直係選擇困難症嘅福音諗都唔使諗見到咩就食咩啦🤣最後出嚟嘅係.......豚角飯🐷半肥瘦既豬肉配上濃厚既醬汁肉質軟腍同入味 完全唔肥膩日本白米撈埋醬汁同紫菜一齊食唔錯唔錯🤪❸痴_線朱古力 (跟餐加$15）杯朱古力一睇個樣就知道有幾邪惡😈朱古力非常澎湃 好似就滿瀉咁 表面仲灑滿牛奶、黑白碎朱古力🍫 可可味非常濃郁 入口香滑又唔會好甜👻Ps: 銅鑼灣、太古、黃竹坑、尖沙咀、灣仔都有分店

9/10/2020同友人慶祝生日，去咗銅鑼灣嘅 @sensoryzero , 原來係喺sa sa 入面。我地叫咗鰻魚滑蛋飯、澳洲M5和牛飯、炸墨魚咀 share .... 嗰兩個飯係set , 分別都會有粟米湯、沙律、飲品、同埋一球雪糕。我同朋友都覺得今次鰻魚贏咗澳洲M5和牛，個牛唔係唔好食，不過都有少少肥，所以食落好‘林’ （係好事嚟嘅），不過就相對比較‘溜’⋯⋯我哋每人半碗咁樣分都覺得‘溜’，如果要一個人食一碗就真係頂唔順。另外嗰炸墨魚咀，感覺上唔似墨魚咀咁有咬口（un度），反而似魷魚身。不過佢個炸粉係幾好食嘅（亦都唔太厚）。

星期六下午要去銅鑼灣上堂，梗係要在附近食個靚飯先啦。原來禮頓中心有 Sensory Zero 我一直都唔知，佢地有一版素食餐版，選擇都幾多，如果想飲靚咖啡食日本飯真係一個唔錯的地方。咖啡店原來在 SASA 入面，我完全唔知，在禮頓中心外面兜左成個圈再返轉頭先搵到。在SASA門口搭扶手電梯上一樓就見到，原來都幾大間，仲驚無位添。入面宜家間開左兩個範圍，我諗都係同疫情有關架。店員得幾個都幾繁忙，我見咖啡師要做埋收銀，另外兩個店員就only落單和傳餐。無肉之選有一大版，放在MENU最後，素食者可以直接揭來這版一目瞭然。特別要留意返供應時段，部分菜式午市無供應。餐點有麵包、意粉、飯和沙律等無肉牛角包和早午餐就只在早上和下午茶/晚市供應，我都幾想試下有貓貓多士的早午餐。假日有這款套餐，如果有埋湯和沙律可以揀，價錢同我單點一個飯和奶啡係一樣既。植物奶拿鐵 HK$45 + HK$5這邊的咖啡非常有名，所以一定要飲既，另外佢地有個痴線朱古力都好受歡迎。不過今次來想順便支持下 PETA’s Coffee for Cats 活動，點植物奶咖啡餐廳會捐錢去 PETA，有得飲有得做善事一舉兩得。我堅唔_係韓牛

當條街好多人，有時轉過彎就會搵到寧靜嘅角落。銅鑼灣嘅咖啡店一向出名人多，有時候連樓上咖啡店都會好爆，不過轉過彎，響禮頓中心就有一間我好鍾意嘅咖啡店sensory zero。行入呢間咖啡店，你先要行入莎莎——冇錯，呢件事真係好奇怪，但就係由於因為咁奇怪，所以呢間咖啡店唔係咁多人。飲品大致上都要$40一杯樓上，下午茶時段，果醬牛角包加一杯最基本嘅美式咖啡都係$55。牛角包鬆脆軟熟，相片入邊嘅我已經食咗一半，果醬有三款選擇，我選擇左玫瑰花士多啤梨果醬。好香，唔會有太多嘅膠質，而且唔係太甜，適合香港人口味。凍咖啡普普通通，最特別嘅係佢嘅飲管，佢哋環保無選用膠飲管之餘，如果用重用飲管有時客人都會好擔心佢嘅清潔度，而呢間餐廳佢用一條長通粉做飲管，一次性使用之餘亦都容易降解，唔會造成太多嘅污染。我都好想買呢啲長通粉做飲管。

平時周末都幾中意約朋友去cafe飲杯Latte吹下水☕️ 最近見到好多朋友都嚟到sensory ZERO打卡✨忍唔住嚟朝聖叫番杯嘢飲😎.痴_線朱古力🍫($55)用咗黑朱古力 & 牛奶做底，舖咗碎牛奶朱古力 & 碎白朱古力喺面，仲有sensory自家朱古力牌，髒髒地打卡一流👻整體嚟講朱古力味好濃郁，口感好豐富，攪匀先飲會更好，可惜上枱時已經變暖，我自己個杯嘅朱古力牌未開始飲已經溶咗😕廚師幫你諗好意粉🍝 ($92)咁啱Daily Special係我好中意嘅青醬蟹肉魚子闊條麵😋材料好豐富，又有蟹肉又有魚子，味道不過不失，咸淡適中，唔會好膩👍🏻整體而言視覺效果一流，成功刺激到視覺同味蕾🤘🏻值得一試！

今日想食西式早餐，見到原來莎莎隔離開咗間餐廳，再入去試一試，點知就一試難忘...首先我哋點左兩個牛角包，兩個啲蛋都好滑，午餐肉亦都好食香口，味道真係唔錯.我哋跟餐叫咗兩杯嘢飲，一杯係熱朱古力 (crazy chocolate) ，熱朱古力非常甜亦都好好味。另外一杯係flat white，可能泡打得太多，所以放咗一陣就起泡泡，味道一般。⭐️⭐️［重點] 雖然嘢食好味，但係衛生就非常一般！喺嗰度食咗兩個鐘就見到兩隻小強🐛🐛喺地下度行嚟行去，同店員講，佢就追住隻小強用紙巾捉着其中一隻，另外一隻就走甩咗。我睇返其他OpenRice review，發現到原來我唔係第一個見到有小強🐛🐛，依家諗返起都好嘔心...⭐️⭐️其實我喺其他地方都試過呢間餐廳，其他分店都唔錯，亦都冇乜衛生問題，希望餐廳真係要正視下，唔係幾好食都唔會有人幫襯...

1. 澳洲M5+和牛肩肉溫泉蛋飯🐄set ($183)// 和牛肩肉好嫩口😍煮到大概5成熟所以牛肉滑嫩嫩✨易咬同埋牛味幾重💛食肉獸會愛上依個牛🙊配埋流心溫泉蛋撈飯都唔錯😚不過略嫌和牛配汁偏少，所以食到後來個飯有啲dry🤣//Food：🌕🌕🌕🌕🌕🌑.2. 蒲燒三層饅魚滑蛋飯🍱set ($143)// 饅魚燒得幾香🤤而且份量都算多同埋大大塊🖐🏼配埋饅魚燒汁同埋厚厚嘅香滑嫩蛋食都幾惹味🍳不過醬汁都係偏少🥺所以食到一半會開始好dry🤣同埋饅魚會有少少骨🤏🏼//Food：🌕🌕🌕🌕🌘🌑.3. 痴_線朱古力🍫 ($55 跟set+$15)// 相信大家對依杯signature嘢飲都唔陌生🤫澎湃嘅朱古力走曬出嚟🤤表面再灑上黑白朱古力碎超級香濃🍫以為有咁朱古力一定會好甜啦~點知飲落又唔算好甜，同埋都有朱古力微微香濃苦澀嘅後勁🤏🏼朱古力控可以去試吓☺️// Food：🌕🌕🌕🌕🌖🌑.4. 自家製薑汁牛奶咖啡☕️($50 跟set+$10)// 小編本身十分抗拒薑味😂但係見友人飲得咁開心相信愛薑嘅朋友應該會幾鐘意😚店員會將薑蓉同latte分開俾客人自己調薑味嘅濃度✨友人話飲落去有啲辣喉嚨🤣但佢覺得好飲!!!//

難得放假，香港人喺咁大壓力嘅地方，難怪成日要搵地方放鬆吓。去咗呢間兩個幾月，呢家先得閒打食評🙊sensory ZERO系一間近年都幾出名嘅cafe，其實最出名系一款飲品，不過啲野食都好味😋咩黎？睇吓咪知。呢家一杯咖啡戈啲都可以賣到$50/杯，喺呢度嘅朱古力都吾例外，講緊嘅系單買價錢姐，連埋套餐就划算得多～朱古力大家就飲得多，咁有料嘅朱古力大家飲過未呢？成間餐廳最出名係呢杯🤣個樣真系痴_線，流曬出黎🤤表面有好多朱古力粉同埋芝士粉，使得朱古力更加邪惡😈咁佢一杯朱古力飲落又真係好似同出面有少少唔同嘅，系有濃啲嘅可可味。自己本身食牛肉，牛肉黎講我最中意嘅部份就系牛肩肉，所以呢度咁啱有嘅話我一定會叫！$158呢個價錢喺一間cafe食到和牛肩肉溫泉蛋飯其實唔貴，仲要塊塊牛肉嘅顏色都好粉紅💖食得生嘅人應該會覺得幾正🤤厚度都幾厚，但咬落又吾會話好硬，軟硬度真系啱啱好。鰻魚加蛋呢個組合應該冇人會吾中意😛鰻魚有數片，鰻魚嘅光澤都好充足，就咁睇個樣都覺得吸引🤎咬落去係淋淋哋咁，不過個人覺得有啲似現成貨🙊反而滑蛋係超好食！金黃色到不得鳥，又滑蛋香味都超濃💛💛

今日冇帶飯，於是跟左同事試間新cafe, 之前佢係habitu, 如果唔係同事帶我黎，都唔知已經轉左新cafe店。。整體黎講味道，飲品都唔錯，特別係crazy chocolate 真係好濃郁，好有朱古力味。。十分正，真係好值得推介個鰻魚滑蛋飯都好味，鰻魚好肥美，骨又唔多，蛋又滑，都好正，但惟一係價錢算少貴，一個lunch set都百幾蚊以上，所以唔可以日日去食。。惟有間唔時有開心事值得慶祝先去食，要儲蓄下錢先🤣！