Shelly Cake Express

营业中

休息中

行到黎榕樹灣，點都要搵個地方坐坐先上船。search南丫島食店，第一頁見到呢間，名物係豆腐芝士餅，阿婆豆腐花食過幾次，呢到既豆腐芝士餅未試過，又試下。小店一間，得十個位，要等一等，不過一場黎到，亦唔想再行，等一等就等一等。蛋糕味道由輕至重，都要七八款，要兩款淡味一款重味。先黎係招牌野，豆腐芝士餅，豆味淡淡稍為給芝士味味搶去，餅底反而幾好，不過個人覺得薄身左d。另一款輕味要左西柚乳酪，西柚味同乳酪味都幾出，不過就偏向酸味多一點。重味的係香蕉芝士蛋糕，實實的帶有強勁蕉味，水準不錯的一款。三款之中，我既首選係香蕉芝士蛋糕。飲品就好一般，圖片分享下。友人亦買左伯爵曲奇，無試到，不過好似都唔錯。走既時候發現原來得一個人serve十枱客，又介紹又落單又切餅又沖野飲又收錢，真厲害，服務真係無得頂。雖然飲品都係唔多滿意，不過幾款蛋糕，都有一款係滿意，服務又好，還是可以給個笑臉。

首先, 大家要留意此店係有最低消費$28一位。因為食左野, 而此店又有點兒小貴, 所以2個人share一個cake set。西柚乳酪芝士餅 + 凍peppermint tea ($52+8= $60)味道的確很好, 酸酸的幾creamy, 仲好滑添。peppermint tea 就無咩特別, 加$8就唔太值。Service 方面...一入去就有一位太太serve我地, 語氣都好欣勤, 不過...一坐低就sell 我地訂唔訂生日蛋糕, 又話4件cake 可以由淡味食到濃味 (2個人食4件!?), 又sell cookies...之後我地只叫左一個set, 佢就比說話我地聽...話叫住先law。其實都fulfill 到 minimum charge, 你點解仲要比說話我聽呢!?另一端小插曲, 店主比錯左我地杯飲品比間隔桌, 佢之後發現竟然反問顧客: 點解你知唔係你, 你唔出聲?reception 仲有大大個box 寫住"tips box"... 証明佢真係好想謙你錢... (比起長洲ga 師妹甜品, 我地2個人食一個火焰雪山都肯又拉閘又熄燈真係差好遠。)總結係環境味道都好好, 店主說話雖然

都成年前既事黎la~~因為味去過lamma island~所以個日同朋友去行下山~去下風車到影下相同周圍參觀下~不過個日真係好熱呀!!!行去風車到又far away wo!!一落到黎我地就想去食openrice 有好多個既shelly cake express試下~一入到去,勁大air con!!!!本來好熱都變到好涼!!之後二話不說就叫cake~~叫左呢2款cake 咋~個放砂糖既樽好靚~好有西式感覺~哈哈仲有d小植物~~~我諗如果天氣冇咁熱,坐門口都應該幾舒服但係我就覺得d cake唔係話好好味,一般咋~同埋都唔平,,做遊客生意ma~唔緊要~試下無仿呀!!

是日天氣好, 未算太熱, 就一家人來南丫島一轉, 先到的地方就是此店.上次來是大排長龍, 是日就不用等為, 不過冷氣出了問題, 室內環境是幾侷的, 唯有快吃快走. 在十一款餅中, 就揀了三款分吃, 由淡至濃的去吃.招牌豆腐芝士餅 $48: 9分, 上次來有吃這個招牌, 是日當然要再試一次, 繼續帶有淡淡然的豆香, 芝士味剛好, 不會太濃, 質感細滑, 是好易入口的芝士餅. 餅底好薄, 但就還算幾脆.檸檬罌粟籽蛋糕 $47: 8分, 除了芝士餅, 也要了蛋糕. 幾鬆軟, 檸檬味不算太濃, 有陣清香, 配上忌廉同吃, 也幾好.曲奇芝士餅 $48: 8分, 三款餅中最濃的就是這件, 其實也不算太濃芝士味, 始終這店的出品是比較清新, 更配合離島的環境. 曲奇味當然會比豆腐搶味, 吃著吃著, 就像在吃曲奇雪糕.凍薰衣草: 上面的價錢是cake set, 包一杯飲品, 文迪要的是凍薰衣草.凍洛神花: 8分, 我要的是凍洛神花, 是無乜甜味, 其實應該飲熱的會更合適, 但這裡實在太侷, 還是飲杯冷飲吧.熱杏仁霜: 爸爸媽媽就要熱杏仁霜.這裡的餅還是水準之作, 來到南丫島的話, 也值得一試.

入南丫島前..上 Open Rice 睇下有咩好野食先..好多人都讚 Shelly Cake Express 好..入得去就要試試..因為堂食每位最低消費$28我地又啱啱食完龍江雞飯..再加上店內有點怪味..所以我地買左一件"招牌豆腐芝士餅"..一邊行一邊食..味道好好..對我黎講好適中..唔同有一般芝士餅既過濃過漏..豆腐芝士口感好滑..又唔會太甜..唔好..唯一唔好既就係..太貴..

到南丫島郊遊時, 無意中發現這間蛋糕店, 被那英式的茶具, 蕾絲窗簾布吸引而走進裡面吃個Tea~店員服務很好, 會由淡至濃味逐一介紹是日cheese cake menu, cheese cake的texture是我最喜愛的, 實在而帶有雪糕的口感; 飲品方面亦有多款選擇, 果茶, 花茶, 咖啡及奶茶等...他們亦設有外賣服務, 用餐當天遇上了專程入南丫島訂蛋糕的人, 可想而知這間小品咖啡店的有名程度罷~

上年黎過, 今年再黎..同女朋友入到去, 佢地好細心解釋今日有乜CAKE食, 佢地會由淡到濃排列的叫左 紐約芝士餅 & 朱古力慕士餅紐約芝士餅 <--- 好味, 芝士濃朱古力慕士餅 <---普通, 跟外面西餅店差唔多......(但呢度要成40蚊....)比錢先發現 堂食每位最低消息$40.....我地2個人每人只ORDER左個CAKE, 無跟SET (因自己有支野飲), 所以唔夠$40/位...但落ORDER時佢地又無REMIND我地.到比錢先知. 而且, 一間餅店, 未必個個都會跟DRINK, 又或者可能3,4個人ORDER 2,3個CAKE SHARE 的, 如果每位最低消息$40, 好似貴左D ~ 大家要留意 ~

尋日同班FD去左LAMMA ISLAND 郊遊, 行完肚餓又累想搵D野食下, 個FD話除左呀婆豆花, 依到有檔CAKE店好得架. 佢講到咁..梗係要試下啦~怇呢有塊板寫住佢每日會出咩CAKE, 佢DCAKE 去得都幾快架, 不過每年都成30蚊..不過+5蚊有花茶都OK既~^^我呢就點左芒果乳酪 cheese cake, 有唔少芒果, 咬落去個時呢有軟綿綿既感覺...餅底又鬆脆, 同5星酒店有得揮, 唔怪得咁多人幫親啦~另外一個朋友就點左檸檬CHEESE CAKE, 試左小小, 都係好好食, 個濃淡到喏喏好~, 正=]

放假同朋友專程到南丫島遊一遊，行得攰攰地，回程時朋友話想試吓呢間D綠茶芝士餅，好彩我哋唔洗等好耐就有有位。我哋叫左綠茶芝士餅、芝士餅同即磨咖啡，其實2件芝士餅的賣相只是一般，但味道同質地就認真不錯。朋友較鍾意綠茶芝士餅，淡淡的綠茶味道不會搶了芝士味，而且質地很滑，有少許似布甸的感覺；至於本人則喜歡較為濃味的芝士餅，入口順滑，芝士味很濃，正！而杯即磨咖啡就不過不失，一般啦！服務方面都算OK，雖然嗰日有很多客人，但起碼沒有被催趕嘅感覺。如果有機會都會再去試其他Cake的。

同honey 郊遊, 一早坐船到南丫島, 誰知原來好多食度都開好晏等到12:30pm 先開門...叫咗一個cake set 包一杯drink ($46) 及一個齋cake ($33)豆腐芝士蛋糕 - 芝士味唔濃所以口感唔硬, 適合d 唔太喜歡芝士的人, 但唔啱我, 因為好鐘意chese曲奇芝士蛋糕 - 芝士味較濃, 曲奇都脆所以肯定係新鮮野飲品 - 凍紅茶一杯overall : 價錢同平時巿區樓上cake 無太大分別, 熱辣辣入去店內休息下傾下計都ok 舒服cake 味道唔覺有什麼特別而已

上一次幫襯已是上年的事,一直對當時的mocha cheese cake念念不忘因此又再來過,來時見到唯一的4人枱比對情侶坐左,侍應哥哥問明我地是3人行,入去叫對情侶坐過去一邊的2人枱,個女的慢吞吞好似唔願郁咁仲要好唔like咁睥住我地你人少就梗係坐細枱架啦,睥咩睥呀?綠茶慕絲cake $32(單叫)上面有個可愛的卷卷做裝飾仲灑上綠茶少做裝飾,慕絲味道綠茶味不重而且口感傾向似啫喱,餅底一如以往的好食又實唔會鬆散紐約cheese cake $33口感實在味濃,上面沒曬d裝飾好平實xd可惜只是普通貨色,沒咩特別芝麻cheese cake $33全場最濃味的蛋糕,通常味道咁濃郁的cake都係食得好慢~~芝麻味重比紐約cake更好食,未食過咁好食的芝麻cheese cake味道肯定有保證可放心,不過所謂的招牌豆腐cheese cake,其實呢~~覺得食唔食都罷,味道真係好淡,中意ge人當然會喜歡,如果真要食,味道濃郁d會好食d囉呢個ok之所以只係比ok,全因全程有對情侶(係呀就係剛入去睥人個對)坐左過對面超嘈(我都唔明情侶談心好比街市買菜,成間店都聽到佢地的對話)肉麻程度根本不可同人比,仲要

綠茶藍莓cheese cake這個口味很不錯，令人有驚喜，餅底很結實，綠茶味道不會太濃而苦澀，而且味道清而不膩，值得推介~豆腐cheese cake比較失望，餅底太軟，感覺整個cake要融化掉，有點拿不起來，可能是雪藏時間不足的問題？沒有豆腐的軟和滑的口感，感覺有粉狀物體，芝士的味道比較濃，但太淡。Oreo favour cheese cake比較甜深，感覺不過不失，喜歡吃Oreo 的人應該會喜愛~~如果要喝飲品，建議喝熱茶，english breakfast tea是推介，但是飲品的價格單叫比較貴，20蚊杯凍檸茶，顔色混俗，不是太值得，我們四個人去，一人一個set，也不錯，42蚊，一個cake一杯飲品~另外地方比較細，不是太適合太大班朋友一起去~不過值得欣賞的是老闆娘會親手寫menu，大概每天也有不同的設計，十分有心思，服務員也算有禮貌~

難得入南丫島，做定功課揾好野食。見shelly cake咁多好評，特登帶埋朋友去試。我地點左個豆腐cheesecake同藍莓cheesecake。豆腐cheesecake係招牌蛋糕，諗住難食極有個譜。點知個蛋糕一入口淡而無味，基本上係完全無芝士味，只係有dd豆腐味，一pat cream咁，無乜口感，餅底唔脆，食唔到好香牛油味。一個字，淡﹗但俾左錢唔想浪費，勉強食完佢。藍莓cheesecake就好少少，但唔覺有乜特別。我唔知shelly cake係咪一時失準，但我同朋友都覺得好失望，價錢貴又唔好食。俾$46黎食呢個cake好哂，早知去食其他下午茶好過。

今天天氣實在太熱, 行完一身汗, 又到回程時候, 趕船前先去shelly食件cake飲杯茶過一過冷河先地方非常細小的店舖, 坐的不多, 好彩我同朋友一入去便有位, 不用等我之前已來過一次, 同行朋友就第一次幫襯, 上次吃過豆腐cheese cake, 清清地幾好味, 今次要吃第二款, 我就點了芒果乳酪cheese cake, 朋友點了莫卡cheese cake芒果cheese cake, 不會太酸, cheese味太不濃, 所以不會太漏, 蛋糕上有一小撮紫色既cream, 應是薰衣草制成 朋友的莫卡cheese cake, cheese味rich好多, 都好好味, 而且兩件餅的餅底都好好食, 不鬆散, 非常good坐在這裡, 靜靜地嘆件cake十分舒服, 與假日的南丫島街上, 滿街是遊人, 成了對比, 不過如果地方可以再大一些便更好, 坐也可以坐得舒適一點

星期六兩隻小滋味豬難得抽時間逛了南丫島一轉，先吃了一條串燒，然後到了書蟲吃pizza和嘆咖啡，最後便去了我們全日的重點推介Shelly Cake Express。環境如小國寡民城鎮裏的餐廳，樸實舒適，小碎花的枱布，上面放有竹製的枱墊，是忙裏偷閒輕鬆的好地方。我們叫了一客套餐，另散叫一件蛋糕。套餐是店內招牌豆腐芝士餅加一杯薰衣草茶，另散叫了曲奇芝士餅。招牌豆腐芝士餅的豆腐味香濃，質感軟滑；曲奇芝士餅則如吃曲奇雪糕般，冰涼可口，曲奇味極重；薰衣草茶有粒粒薰衣草浮在茶面，清香樸鼻，剛好中和了芝士餅的甜膩口感，值得一試。