Shelter Cafe

营业中

休息中

Shelter Cafe @sheltercafe1307📍柴灣永泰道60號柴灣工業城1期1307室.無諗到柴灣工業城都有靚靚cafe食，室內裝修簡約精美，夜晚嚟仲好有情調𠻹，可以望住海景，夠哂寫意，待應亦非常友好～ 呢間Shelter Cafe食物種類多，有意粉、risotto、三文治、all day breakfast、蛋糕、咖啡等，價錢合理，呢到咁好環境啱哂同朋友一齊食嘢傾計😆（其實呢度都冇大家諗嘅咁墮腳，搭8號或788號巴士由銅鑼灣或灣仔直達柴灣工業城門口）.🍝 溫泉蛋卡邦尼意粉 $78: 意粉夠彈牙，好掛汁又creamy，煙肉香脆，面頭放上溫泉蛋，味道濃郁～🥗 胡麻醬巴馬火腿柚子沙律 $68: 沙律菜夠新鮮，巴馬火腿帶咸香，配上柚子同胡麻醬，酸酸甜甜好開胃～🍄 忌廉鮮蘑菇湯 $26: 用上鮮蘑菇打成嘅濃湯，入口香滑，味道濃郁，仲食到粒粒蘑菇肉，口感十足～🍔 紐西蘭牛肉芝士漢堡伴薯條 $88: 紐西蘭牛肉漢堡勁厚夠juicy，撒入香草，份外滋味，加入芝士好邪惡，仲有番茄同生菜；薯條熱辣辣又香脆，再沾上黑松露沙律醬，夠哂惹味～🥭 熱情果芒果撻: 撻底酥香鬆化，熱情果同芒果味香濃，

知道呢間餐廳開咗一段時間，今日就即興過嚟試下。餐廳充滿文青風格，採光度十足，仲對住無敵大海景食飯，已經係視覺一大享受。忌廉鮮磨菇湯 soup $26  - 用新鮮磨菇打成湯, 香氣滿溢, 仲飲到粒粒磨菇, 正. mushroom portabella  $12  - 大啡菇好juicy , 唔會乾, 啖啖肉,  我覺得好食過真肉.pomelo parma ham salad 胡麻醬巴馬火腿柚子沙律 $68 - 沙律菜新鮮爽脆, parma ham 既咸香, 配上 胡麻醬同食, 一流. kimchi risotto 泡菜海鮮意大利飯 $80 - 用韓式泡菜方法煮辣辣地好開胃, 意大利飯軟硬度適中, 海鮮配料有唔同種類, 有蝦, 蜆肉, 魷魚等。flat white (set drink) $18 - 啡香味濃, 老闆仲好好心機咁整拉花圖案, 加分 ! latte (set drink) $18 - 啡奶比例剛好, 啡味濃香又不失奶滑. 

昨天睇OpenRice見到屋企附近的工厰大廈上有呢間cafe, 環境唔錯，食物睇落都幾吸引。趁週一的中午和太太放假便過來試下。Cafe空間充裕，簡單裝修，播放著輕音樂，感覺好舒服寫意。內只有一位侍應，服務態度100分，十分有禮。👍👍👍餐廳一角，書架上都有好多書📖可以消磨半天當天只有靠窗的三張枱有客人， 十分分寧靜舒服。餐廳有3張窗邊座位，可望海景，剛好有三枱客人，我和太太便坐在這一張。窗🪟外景色怡人Latte & Ice tea卡邦尼意份: 份量細細，十分creamy, 高質👍👍泡菜海鮮意大利飯：奇怪配搭，但又好夾，只有微辣，太太好鍾意。平靚正，消磨半天。食物質素、環境、景觀、服務、性價比，我俾100分。短期內一定會再來。

環境寧靜，近窗邊三張枱有無敵大海景，一邊食一邊望海好放鬆，泡菜海鮮意大利飯，大啡菇，忌廉蘑菇湯，巴馬火腿柚子沙律，價錢合理，靜靜地過一小時，老闆一人處理，時間需時，學習擺低香港緊湊嘅生活方式。大廈有停車場可泊車，每一小時$11。

上到去職員說問了我3次是否員工否則不可去食態度惡劣通融一次也不得openrice可以book就任何人可以食請大家注意以免混吉白去一敞令我和朋友要找另一間餐廳想通知大家要注意小心中伏

本来没有写食评的习惯但因为这家店的装修实在十分喜欢，所以想分享多一些照片让附近街坊来试试！客人不多的时候很宁静可以边看海景边读下书😌菜品名字记不全所以不一一列出了，但都非常美味十分让人满意👍🏻1.咖啡很香浓喜爱喝咖啡的家人给出很高的评分。2.三文治烤制的非常脆虽然制作花费的时间比其他菜品更长，但吃下去的口感松脆味道也不错，薯条就算不点酱也能吃到很香的味道应该是另加了一些香料炸。3.卡邦尼意粉就相对有些过于腻了所以配上沙律一起吃能中和一下，比较推荐两样一起下单。4.猪手咸度适中很香配上日式咖喱很完美🤤很推荐点这个试试！5.因为到店的时候甜品已经基本卖光了所以只能品尝甜甜圈，雪硬了的口感配上朱古力夹心感觉不错，作为一餐最后的收尾是令人满意的🤗（店员姐姐温馨提示如果想吃特定甜品可以提早预订打电话告知帮忙保留住先，服务态度不错很贴心！期待下次去会遇到新的菜品，密切关注fb留意消息XDDD

#大食小公主柴灣出動👸🤪 ［柴灣海景工業城餐廳 Shelter Cafe］🚩 全日早餐 $98作為一個港女來講，全日早餐真係打卡必備🤭🤭呢個全日早餐有黑松露炒滑蛋，煙三文魚，日式香草豬肉腸，大啡菇，薯餅，牛角包茄汁豆，沙律出邊食咗咁多嘢嘅話，基本上係$138呢度$98價錢合理，而且非常之飽肚‼️全日早餐就冇話好唔好食嘅全部嘢都係正常發揮‼️‼️🚩 溫泉蛋卡邦尼意粉$78味道正常，都幾大碟🤤🚩煙鴨胸胡麻醬冷意粉 $80出邊好少食到冷意粉🍝咁啱去嗰日非常之熱，如果唔想食熱嘅意粉呢一個絕對係夏天可以必叫冷意粉🤤🤤🚩泡菜海鮮意大利飯$80泡菜味足夠，可以撈晒成個飯海鮮份量正常，味道都正常‼️🚩忌廉鮮蘑菇湯 $20呢個$20加得非常之抵非常之濃郁嘅蘑菇味而且每一啖都食到粒粒嘅蘑菇😆餐廳位置位於柴灣工業城，裝修好靚，環境清幽😊最重要係價錢都合理，值得一試‼️

之前放假成日想係柴灣搵間coffee shop chill下都無咩選擇 有日係openrice search到呢間位於工廠大廈既咖啡室 點知大有驚喜🥳一入門口首先就比塊手寫menu黑板吸引住 睇得出老闆係設計上花左唔少心思💛餐廳擺設同背景音樂都偏向小清新風格 得閒黎睇下書做下野都幾嘆！我地嗌左all day breakfast同kimchi risotto 份量好足 CP值max！平時好鍾意食泡菜炒飯 點知泡菜risotto仲正 酸酸辣辣加上海鮮既鮮咸同risotto既texture 勁夾勁開胃不過黎到既時候撞正lunch hour都幾full 建議大家2點左右先黎食 咁就perfect啦 好彩有枱岩岩食完我地有張窗口位座 可以望住個海食飯✌🏽老闆特登留左個少少空間整到成個自修室library咁 佢話d書可以隨便攞黎睇 有需要可以影印資料都ok 呢個concept唔錯！推薦！

說真的阿懵居於柴灣也有一段日子了！這個地方確是較少Cafe的。有日心血來潮就上了""開飯喇""搜尋一下柴灣Cafe發現了Shelter Cafe還是個附送小海景既樓上咖啡室啊！當刻便立即預約時間兼要求窗邊位置......這間咖啡室是位置柴灣工業城中，閒日午飯時間應該會很多人吧！所以我與懵佬便早於午飯時間到達，還好先預約了窗邊位置而人流亦不算多，待了一會便安排入座了！這裡是要自行到櫃台點餐及有自助斟水位置，服務還可接受，可能時間尚早員工人數亦較少的...-------------------我倆點選了-------------------〉全日早餐 (我真的很喜歡全日早餐呢！ 味道正常，不過不失)〉溫泉蛋卡邦尼意粉  (味道濃郁)〉Americano & Espresso tonic------------------------------------------------時間大約1:30pm左右已滿座了！順帶一提Shelter Cafe的窗邊位置只有3張，建議先預約及避開繁忙時間會較好！

住喺附近，知道咁就近有間工廈cafe，重歡迎我隻小寶貝，梗係要過黎打個卡啦。驚中午飯市太多人，就係OpenRice book左2:30pm黎食個下午茶。無估錯，星期一呢段時間比較清靜，我哋亦成功被安排坐到窗邊靚景位。呢度環境闊落，唔係好多張枱，我估坐滿都應該舒適。唯一無預計既係，原來午飯時間呢度幾旺場，到下午茶時段，menu上好多想食既菜式都售罄🤦🏼‍♀️兩個人，最後揀左泡菜海鮮意大飯，青醬海鮮意大利粉，同蘑菇湯。蘑菇湯蘑菇味道濃郁，颜色唔似一般蘑菇湯咁白，負責人話係因為用左幾種菇類去煮。飲得出係真材實料，唔會稀了了。飲到幾重胡椒味，大人飲ok，本人就幾鐘意，不過小朋友可能會覺得太重。青醬海鮮意大利粉之前食過既青醬意粉都好多汁，呢個就炒得比較乾身，清清地都唔錯，好香欖油味。 海鮮有蝦，蜆肉同魷魚，都好爽口新鮮。意粉份量都好足，質地唔淋，賣相亦靚。泡菜海鮮意大飯呢個意大利飯質地煮得剛剛好，係適合香港人既軟硬程度，唔會淋得濟，又唔會好似食生前米咁。 用泡菜黎煮酸酸地，唔辣，好開胃👍🏻估唔呢個泡菜同意大利飯咁夾。呢個飯入面既海鮮就主要係蝦同魷魚，海鮮既份量幾多，抵食🥳提一提呢度係要先係cash

我係星期六早上 1030 左右經 open rice 去 book 台, 不過1200左右已經見到open rice 可以 book 既台跳到 1600,, 早2小時睇仲有好多時間選擇我們準時1415到達,, 因要先叫野食付款才入座.叫完野食, 我地 book 台時要求想坐窗邊位 看海, 都成功坐到了,, 不過天氣唔係幾好,,落雨場內都唔係有好多客人, 坐了2-3張台,, 有些客人還帶了狗仔我地2位女士就叫了All-Day Breakfast - $98Truffle Ham & Cheese Sandwich w/ Fries - $78Set Salad - $10Set Cake - $36>Lemon Cheese Cake>C&C Cheese Cake個人覺得 All-Day Breakfast  & Truffle Ham & Cheese Sandwich w/ Fries 都好好食,, 份量又夠但Lemon Cheese Cake & C&C Cheese Cake 就麻麻地, 下次應該唔會再叫了整體環境都好好,, 又安靜, 客人流量唔係太多, 我地

甚少寫食評，不過未見過有cafe既職員態度會仲差過茶餐廳啲侍應，要俾完錢買野食先安排入座都算，當我俾完錢先醒起我俾緊既唔係茶餐廳既價錢，而係cafe既價錢，仲要個位係任佢安排，要求坐某個無被預訂既位，都要俾人串「你唔介意隔離有人坐既咪坐」，我以為自己得罪左佢邊忽，定爭佢錢無還⋯未食野都已經飽左。大家想空肚親飽，不仿去幫襯。

🌊舒舒服服海景cafe☕️ 讓人寧靜下來☺️☺️又係我鍾意既海景餐廳，今次間cafe係柴灣，由中環/紅磡坐快車直去～中環搭城巴788，十幾分鐘就到cafe大廈門口😆！食物都好好食😋 平日lunch比較多人，周六2點幾去就人小d～好好坐！openrice仲有折添～.♡.忌廉鮮蘑菇湯 $20 好大碗呀！蘑菇湯好rich 好香好足料🥰！粒粒蘑菇碎，又有淡淡既忌廉香。胡麻醬巴馬火腿蘋果🍎沙律🥗 $68又係好大碟😆 salad夠哂fresh，配胡麻醬無得輸☺️ 仲又好多Parma Ham！🍎健康泡菜海鮮意大利飯 $80 🌟必食！平時好鍾意食Risotto，但泡菜risotto真係第一次食！整得好好味呀😋 米飯香濃有咬口，泡菜少少辣好惹味，海鮮都好足料！推薦！藍莓🫐鬆餅 + Latte ☕️ 55$想食個簡單tea既朋友叫左依個tea set☺️ 熱辣辣既藍莓🫐鬆餅好香軟美味Cappuccino $38 推薦～

本人對工廈一直都抱有存疑 因為去過好多間嘅裝修都係奇奇怪怪舊舊地殘殘地，同層洗手間仲要不堪入目點知經朋友介紹嚟咗一次之後就Keep住有返嚟 (重點係洗手間正正常常乾乾淨淨）第一眼感覺係光猛同乾淨！因為有個大窗對住個海，真心正。員工有禮貌，又唔會打擾到我地，成餐飯食得好舒服。重點啲嘢食都好好味！對得住佢個價錢綽綽有餘。講真食嘢唔怕貴少少最怕平得嚟食垃圾。睇得出班廚真係好有心做，唔係是旦求其砌啲嘢出嚟。賣相都加曬分！順帶一提佢啲咖啡杯用The Starry Night真心好IG-able！餐廳話間唔中就會轉Menu，期待！

又有邊個估到柴灣工業城入面都可以有一個好舒服，自己一個獨處又得、同朋友聚會又得，環境舒服的餐廳？呢度知景望到海 (柴灣碼頭)，遠望可看到日出康城和整條將軍澳橋。食物唔錯，店員有禮貌，環境乾淨整潔。餐具及周圍都花了點心思，簡單得來有點藝術氣息幾好，背景音樂不會太大太細聲，整體來講係一間會再去同值得推薦的餐廳。用餐時間是平日的下午茶時段，男朋友選了紐西蘭芝士漢堡(伴薯條)，我選了藍莓鬆餅、檸檬芝士撻，另外飲品分別叫了Flat White、Cappuccino最吸引係有個2/3開放式玻璃窗，選風和日麗得日子非常舒服。