Simplylife Bakery Cafe

营业中

休息中

為了慶祝朋友有份新工，所以就一齊去又一城食午餐，火車+鐵路沿線，實在方便不過。為了避免午市的繁忙時間，所以12點先到餐廳，完全不用等位。入座前，店員已經講只得1.5 小時享用時間呢!由於朋友係去simplylife既常客，所以就介紹「紅酒燴牛尾有機糙米飯」，佢話O的煮法好特別，已經去骨的牛尾，好juicy 的，值得一試，O甘就一於試O下啦! 另外就叫了「聖丹尼耶爾火腿、梨子、香桃、火箭菜沙律」，因為朋友吃了一個豐富的早餐，所以就吃得light 一點呀!由於叫set-lunch ，所以可以選擇只叫main course或係加埋湯及飲品，我同朋友都選咗加埋湯及飲品，南瓜湯 + 士多啤梨冰茶。好鍾意食佢既麵包，好"趣口"同埋片麵包都好大片，南瓜湯都好足料，已經都飽了三成了!值得一提「紅酒燴牛尾有機糙米飯」，真係唔錯的煮法，牛尾份量也足夠，不太硬，又加埋糙米飯，最緊要吃的時候不太油膩先係最重要，食完剛剛好.. 十分滿足!可惜，「聖丹尼耶爾火腿、梨子、香桃、火箭菜沙律」的火箭菜好苦，食落就真係好麻麻，但係梨子的製作方法真係幾特別，應該有烤一O下同加了少少甜先加入沙律，都是一個不錯的選擇!

在Simplylife食simply life，最高賞賜是彼此相安無事，願你知我最想歸家安享極尋常日子～最近領略到個歪理：邪惡要搵善良，複雜要搵簡單，可能皆因心理互補先頂得順。做善事嘅未必係心地好既人，可能係為咗善性循環。搵Simplylife嘅人未必有simply life，可能係日子艱巨。Bunch餐牌有10幾個選擇，整體其實係平平淡淡。我不是蘑菇湯打手，但蘑菇湯是手打🤣個麵包要浸湯啦，外表高級，內裏硬過我拳頭隔離飯香，我愛人食全日早餐，分左好多愛心俾我食喎我嘅意粉仲係暖笠笠，個汁調味係唔錯，白酒煮蜆唔會搞到稀晒，辣肉腸剛剛好，意粉雖然食唔出係手做，但起碼係夠硬。擺碟都算唔錯。cheers!

Beef burger tea set+ mocha ☕️ The tea starts at 3:00, ranging from $5x to $7xFood and beverage quality is on average but it has very high cp value The mocha quality is just on average, the bottom of the cup coated with chocolate powder, not fully dissolve 😔

Last晚堂食 隨便搵左間唔洗排隊既 simply life成日感覺係食tea輕食既地方 今次夜晚黎試下可能呢排少人幫襯關係 得一張紙既dinner menu 本身見到出面擺住好多靚靚既蛋糕🍰 想叫都冇menu睇下 叫完野食後即刻上餐包 待應手腳好快👇🏼餐包比較硬食 牛油溫度幾好 輕輕一推就搽到👇🏼跟餐既南瓜湯 有陣陣既南瓜溶口感 唔錯👇🏼安格斯牛 個人口味覺得有小小難咬 同埋薯條炸耐左 好深色 一般👇🏼雞胸蘑菇長通粉 菇味食落有香甜味 正常總結黎講 唔算有驚喜 不過亦都保持到正常水平～下次再食應該會食返tea類食品 可能會好d

烤蘑菇忌廉汁手製闊條麵的麵口感一般， 在手製意粉中沒有什麼驚喜，但蘑菇忌廉汁相當不錯， 不會很鹹， 濃度剛好。 雞肉好鞋， 是雞胸肉。套餐所配的蘑菇湯相當好味， 好足料。 而配的麵包則是很硬的西式包朋友點了煎魚， 他的魚很好味， 口感嫩滑， 煎得剛剛好， 但我嫌魚餐不夠飽肚， 細食嘅人就ok 午餐包凍飲或汽水，但熱飲反而要加錢餐廳庭位較密集，位置多，但舒適度一般，有種要匆忙食完的壓迫感。 位與位之間的距離也很近，如果要慢慢傾計就不合適

雖然呢間唔係親子餐廳，無bb椅，但個 burger真係好好食唯一一個缺點係：下午茶時間太晏了三點先有車打芝士煙肉牛肉漢堡併香辣薯條 （Beef Burger）賣相整得靚，味道又正🥰薯條雖然佢話辣，但我地覺得不辣呀凍咖啡手工蛋糕， 揀咗： 哈密瓜伯爵茶蛋糕味道幾清新，但我自己覺得兩款材料唔太夾本季限定冰茶：芒果味，麻麻地總結： burger必食!座位舒服relax

今日喺九龍塘附近玩完，就去咗又一城食午餐，本身諗住飲茶，但周圍都要等位就上咗simplylife睇吓，點知唔使等，就入去食啦。雖然唔使等但入面都幾滿。😆我哋三大一小叫咗兩個午餐。今日餐湯係南瓜湯，除咗南瓜外，好似仲有啲蘑菇蓉，飲湯時會食到一粒粒，令口感更豐富。👍🏻雞肉蘑菇水牛芝士薄餅食落去啖啖肉，雞肉嘅量都幾多，而且勁多芝士，再加上個餅底好薄，所以感覺好多餡。而個邊焗到趣卜卜，好似薯片咁，感覺好有趣。😋😋啤酒脆漿炸青衣魚柳·薯條·柑橘椰菜絲沙律魚柳炸得鬆脆可口，同時又能鎖住魚汁，抵讚👍🏻而沙律清新爽脆，再加上柑橘的甜香，突出沙律嘅新鮮味，而且令到個胃冇咁滯！🥰不過要留意呢間分店係冇沙律醬同冇蛋黃醬點個魚，侍應最後就攞咗一個自稱係佢哋自己溝嘅醬汁（似沙律醬不過再甜啲），雖然有心思，但我都係鍾意蛋黃醬多啲😂😂最後臨走時買咗一個提子果仁包，麵包好鬆軟，提子同果仁嘅味道都好夾，值得一試！

今日睇完畢架山峰巳經下午茶時段～當然去又一城啦！最就近！不想又食安南，就選了simply life 超值啦$58元又有現磨咖啡飲我是了雞肉漢堡同事的是酸種麵包酸洋蔥及沙律！太清不合我胃囗。雞肉漢堡賣相不俗有些少驚喜味道也不錯，我估計如果雞肉烤或焗香口一些可能會好味好多不過推出菜式前應該有研究過嘅！個人喜歡香囗一些吧加些少配搭～例如惹味配醬？

又一城，simplylife是最多年青人捧場嘅一間餐廳，佢哋提供的下午茶好抵食，同茶餐廳價錢相若，但環境同質素梗係勝一籌，呢度食下午茶可以話係好relax，食到幾時走都得，冇人會催你走下午茶選擇都有7-8款有室內及室外雅座，室外仲可以望到樓下嘅溜冰場，觀賞健見們一展身手車打芝士煙肉漢堡包餐仲跟大大條薯條，好好味😋食物全部都係熱辣辣咁上枱，包埋一杯冰凍嘅peach tea,絕佳配搭埋單連加一兩位下午茶餐$127元，講真你二個人去澳牛食個茶餐每位都要50蚊，加多個燉蛋都係咁上下價錢，間唔中轉下口味去食下burger都係幾好的選擇👍

成間餐廳啲侍應都係衰態度，經常明知你叫佢，佢眼神飄過但冇反應，尤其係一個好似高級小小嘅臭四，長頭髮ash color，鞋口鞋面黑面神，用餐氣氛極差，好明顯成個團隊都冇士氣，唔想serve人。

好耐無食肉仔，近近地又唔駛點等位嘅就去左呢間，精選晚餐都幾多選擇，由沙律/漢堡/意粉/肉類都有 餐加$30可以有餐湯/沙律+汽水/冰茶 指定動作係呢客麵飽，加配牛油，邊位硬內裏軟 有飽配湯食夾D，是日餐湯係忌廉南瓜湯，甜美可口，湯內有南瓜籽，增加咬口 之後主菜燒美國安格斯牛扒 (10安士)配鼠尾草炸薯條及燒露荀 ($208)就上枱啦 件牛扒成10安士都幾對眼，肉面有燒紋，引起人食慾 柯打七成熟，切開仍帶微微粉紅色，燒香左嘅外圍帶少少硬度，內裏肉質仍保柔軟，肉汁仲有少許; 另外脂肪位唔多，唔會減少可食嘅份量 一邊食肉一邊食薯條(只可淺嚐，過多就有口渴感覺)! 冰茶會不定時轉換口味，除左經典橙茶外，今次係芒果冰茶，味道似少甜版，食到一粒粒果籽，解渴之選!

中午約咗舊同事係呢到食午餐。已經唔係第一次來。現在可以提前預約，唔使等咁耐。聽講呢到既面包好新鮮，以我既水平食唔太出，不過都幾好食。環境好好，好適合同朋友黎坐底傾計，不過因為等待人數眾多，最多只可以坐一個半鐘。價錢好似因為疫情平咗，宜家一個午餐100左右，記得以前係130幾。我點咗漢堡，味道幾好，配薯條,冰茶特别清爽。甜品食咗個特濃朱古力cake，口味偏膩，不過對我呢種愛朱古力既人剛剛好。整體而言係一次滿意既午餐。

好耐無食simplylife 喇，今日路經又一城，又見唔多人排隊，去食吓佢嘅下午茶先！餓底太肚餓喇，要食返個burger 🍔.哥達芝士雞肉漢堡伴香辣薯條.佢地嘅麵包真係好好食，表面嗰層烘得脆口，入面麵包質感軟腍腍， 好加分！餡料無過多嘅花巧，簡簡單單雞肉加芝士，完全唔heavy👍🏼.香辣薯條係類似薯角，加咗少少辣粉，食落惹味，唔錯！.跟餐仲有飲品，佢杯熱咖啡☕️都好好飲，咖啡味香濃，飲落夠厚身，飲完精神晒！

Simplylife是一間 一直覺得食物穩定環境不錯嘅連鎖店， 又一城店也來了好幾年， 究竟時疫情、 公司 管理或是人物資源下降， 影響 職員質素？今日叫了一個 安格斯漢堡。 質素不過不失， 未知是否疫情貨源貴了還是缺貨， 個牛不再是肉質美味濃沃， 肉厚但無味。 連我最愛的南瓜湯也是 賣上看似沒有什麼也是無味。 遲早一兩個月到葵芳新都會店質素仍然是很好的要分享就是差不多吃完brunch時， 因為我張枱靠近 全部切之士的食物枱， 看到令我嘩然的一幕。 一個看似 非華裔姐姐, 把芝士片開， 之後cheese 用保鮮紙包成一疊, 放入一個透明膠箱。 突然見那個姐姐失守一塊芝士跌在地上， 要知道地上大家都著了鞋 四處行， 他左右一望以為冇人看見， 打芝士掉進膠箱內。 我以為那個膠箱是裝廢物， 怎知我看見他將 其他繼續片出來的芝士也放進膠箱。 唔係啩， 食咗死咗唔知乜事😑😑 我立即舉手通知一位侍應， 他反應沒有表示驚訝也沒有道歉， 只是哦了一聲。 通知另一個較高級少少的侍應。 侍應走來我把整件事重複一次亦指出是哪一個相同那一個姐姐。 正常職員會表示多謝你嘅 通知亦會表示歉意， 但他知道後居然沒有

當日跟幾位同事,加1個Resign左o既舊同事一齊去食dinner聚下舊揀左呢間西餐廳叫左幾個set dinner & 小食,呢款南瓜湯好濃郁,很香食得辣o既同事叫左青咖哩,賣相很好,而且好香噴噴但我唔食得辣,都係試左少少單點呢款煎餅,用來塗汁來吃,很不錯~~愛熱吃o既同事揀左呢款,每人share食少少,好oily!平日晚上,聚舊傾下計,係不錯o既選擇!!