Simplylife Bakery Cafe (已結業)

I asked twice if was possible to replace the bread of a burger to portobello mushrooms and they daid yes, once I got my order it was no bread no mushroom.When I asked for it they brought 1/4 of mushroom and asked me to pay 15hkd for it.Like seriously???

兩個人黎食simplylife 最鍾意飲佢個ice tea但覺得佢既圓枱太細 唔好坐 枱上既食物都唔夠位放餐包一般拉 點湯就好食 唔點就太硬了佢既ice tea 生果茶加橙 甜度岩岩好 每次都會嗌餐湯係甘筍湯 夠濃 裡面有兩粒芝士 好味芝士煙肉牛漢堡好夠野味 煙肉唔太肥 牛肉都好食唔乾 但薯條就太少 同food presentation有待改善Rib eye好香炭燒味 4成熟岩岩好 但我呢塊多根 否則個味肉汁都幾好既 我鍾意唔點醬食 保持原汁原味

奇怪!門口竟然冇乜人等，只係喺門口嗰條隊排咗一陣，就已經可以入去啦!餐牌好似冇乜嘢轉變。 要湯同飲品 或者 沙律同飲品要加$30。 麵包雖然過咗氣，但係都有微脆感嘅。 蕃茄湯食得出有蕃茄蓉。 做咩薯條少咗咁多嘅? 薯條係新鮮炸嘅，好脆口。 魚柳包魚塊好新鮮，唔會成口油，個麵包軟熟。 都係例牌有橙茶一杯。 無花果蛋糕，一食就出賣咗佢啦!所謂嘅海綿蛋糕一食就知道係美心西餅出品嘅蛋糕， 雖然佢唔甜，但係嗰海綿蛋糕一啲海綿感都冇。同Lady M比,差好遠。

激死人，今晚等阿囡放游水，唸住去食飯先，點知換來一肚子氣，未食都飽咗！👿👿👿案發經過：頭先7：30入到太古城SimpleLife, 唔駛等位，我哋兩位即時入座，睇緊餐牌時，我覺得個位好凍，見到隔離有兩張圓枱客人剛結賬離座，我就向一名較後生的服務員查詢可否轉枱，佢答我:呢D係三人枱不能轉，咁我就問佢:明明剛才是兩位客人，點解而家又一定要坐三人？佢答我唔到，隨後有位較年長的服務員走過來面無表情地說:而家比較多客，所以呢D枱要留給三位的客人。我再問佢：咁你有無另一個位無咁凍？又只係坐兩個人？佢無回答我並以眼神暗示只有呢個位。。。。。最後我哋選擇離座，行出門口，蚊都無隻，D枱留比邊個坐。😡😡😤😤客人的要求可以不理，又不是星期五，六，日，又不是高朋滿座，究竟係乜道理。 同老細倒米？😠😠話過一定唔會再去，餓死都唔去，你請我都唔去，總之就一定唔去😠😠

太古城最多就係食肆成日翻新場，食肆都會汁一汁位。見到遠處有草地咩話點解商場有草地？即刻吸引左我過去原來係simplylife好啦就揀你做晚餐啦我就最中意夜媽媽All day breakfast 架喇不過不失啦始終唔知食咩叫份all day breakfast唔洗諗另一份我地叫左牛扒，肉味都算濃，唔多筋- 場內燈光好浪漫🌹，仲有蠟燭台，岩哂黎密密針啊

座位寬敞舒服，燈光氛圍和暖，brunch水準一如既往的好，選擇都幾多。烤春雞尤其，香嫩可口，另加了每次必點的香蕉派，大人小朋友都喜歡。這個週六的上午好享受，好滿足。

好多年無食過simply life, 咁啱有幾張美心集團現金券就用左佢嚕，原來美心集團旗下既餐廳都真係超多同估佢唔到。✨今日12點半鬆d 黎到，好彩唔使等位☺️餐廳出面有個open area, 入面係open kitchen, 感覺幾開揚舒服。✨set lunch 全部$138, 不過感覺唔係每一款都值呢個價，唯有㨂d 最抵食既choice。Lunch包餐湯/沙律 + 飲品， 飲品可以㨂餐酒，不過每次黎我都係飲佢個冰茶。✨是日餐湯係蕃茄湯，仲有好大舊麵包。成組顏色又橙又黃，見到已經好開心，加上未食早餐😆。個包超水準，外脆內軟好好味👍🏻✨蕃茄湯味道濃郁得黎唔會太酸，稀杰度剛剛好。最suprise 佢裏面有舊cheese, 煙煙韌韌，配埋個湯酸酸甜甜幾香， 入面仲有唔同顏色既車厘茄，非常吸引。✨冰茶比我走左冰😳入面有兩厚大橙，個茶其實無咩甜味，但就隱若有d 橙香，如果落番d 糖漿會開心d。試左男友果杯少冰版本+ 狂督個橙肉，好飲喎甜番d,我都幾like👍🏻。 但佢幫我督完果杯苦左可能個橙無咁靚😑同埋唔夠凍無咁好飲，下次都係叫番少冰。✨忌廉蛋汁煙肉手制意粉：睇個汁已經知道正野，加埋芝士更濃郁。

今天友人特意過來太古找我食生日飯，早兩日已經掙扎了許久決定點冬蔭公飯或者牛肉闊條麵。誰知一看餐牌才發現又轉了lunch menu友人選擇了煎曹魚，我則選擇了茄汁臘肉腸闊條麵。曹魚好評，很香又算頗嫩，薯仔味道較淡。這款闊條麵略為遜色，不如以往的紅酒燴和牛闊條麵，煮得很軟，食起身同一般肉醬意粉無二，唯獨“肉醬”大粒些？飯後點了一件蛋糕，這天沒有檸檬蛋白撻，便決定嘗試下無花果乳酪蛋糕。可惜非常失望，厚重甜膩的忌廉除了淡淡的粉紅色在宣告著自己有無花果，實在是嘗不出一點兒的乳酪或無花果的味道。如果閉上眼睛，食落就同小時候過生日家人買給我們的水果忌廉蛋糕無甚分別。或者該說，很...懷舊？時隔半年再來simplylife,似乎有些不盡興。也許下次該夜晚來，可以多點選擇？

其實啱啱喺歐洲返嚟見到西餐都有啲反胃嘅感覺所以睇左個menu實在係好耐都唔知點樣落手因為大部分嘢已經喺十幾日內不停重複連我最鍾意嘅all day breakfast已經提唔起勁因為朝朝食嘅都係all day breakfast唯有食我平時唔食嘅嘢就係burger雖然唔明白點解佢覺得佢入面冇菜但係都ok啦竟然畀我搵到佢有個雞肉漢堡真係實屬我意料之外可能佢知道香港女仔有啲都唔鍾意食牛肉芝士磨姑雞肉加埋一齊好乾如果有啲汁加埋一齊係好食啲啩雞肉都唔會嚡嘅不過下次我就絕對唔會再㨂呢個而且佢份量好大上面嗰層麵包係燒到燶燶哋甚至有啲過燶餐湯同ice tea都係standard整體上我畀佢都算合格但係其他嘢會好食啲沙律菜都好新鮮服務都算唔錯

 暑假已經过左半個月，學生哥終於可以放低書包鬆口氣啦。作為家長嘅我，都放左三日假陪阿囡飲飲食食shopping下。今日係太古城睇完早場，行左陣。就揀左Simlpylife太古城分店嘆翻個午餐。今時今日租金難頂，難得餐廳座位依然好大好闊落。餐湯番茄味濃香，配上牛油麵包好好味餐飲係西柚紅茶，酸酸地好開胃解渴，啱晒天時暑熱！蕃茄汁雞肉黑橄欖手制扭紋粉，不過不失，酸酸辣辣。份量再多d就更加好。冬蔭有機海鮮糙米飯，辣辣哋令人胃口大開。好啱熱辣辣嘅夏天食。糙米飯煙煙韌韌好有口感，海鮮鮮甜！

喺太古城食中午飯真係唔容易搵位, 今次坐吧檯 . 之前有得用apps預早攞飛, 但係現在已經沒有, 必須要都門口排隊.今次 Poached Egg 非常吸引, 蕃茄湯濃醇香噴噴. 如果一個人想靜靜地食飯, 喺呢度可以揀吧檯. 

中午午餐時段來到Simplylife, 人流很多，所以餐廳只讓客人有60分鐘的用餐時間。看了看餐牌見到有未吃過的菜色，放棄了我最愛的冬陰公海鮮燴飯，點了牛油果醬牛肉漢堡和羽衣甘藍凱薩沙律。牛油果醬牛肉漢堡先上，看起來就是一份普通的漢堡。薯條的份量比我想像中少了。牛油果、車打芝士、漢堡排這個組合是錯不了的-好吃。以前的牛肉漢堡是有培根的，現在換了牛油果這個配搭大大減低了漢堡的油膩感。凱薩沙律主要有沙律菜、羽衣甘藍配上烚蛋、牛油果、青瓜、核桃、奇異果和巴馬臣芝士。味道和以前的凱薩沙律的味道一樣，只是今次這款沙律加了奇異果令到味道更清新。我還特地把所有配料放在一起吃，口感又軟又脆的。Simplylife 的份量都挺大的，而且他還有前菜（沙律或餐湯）和飲料，所以一定飽肚。味道也是不過不失，可再光顧。

話說有段時間沒嚟太古，一心唸住行下順便去下simplylife high tea...不過真係好多人，老公話唔想等，但我堅持想食，所以唯有排隊等啦。佢無票取的，要一個個排，都等左有45分鐘先有得坐..去到點了個什麼糙米飯同all day breakfast... 老實講，個糙米飯同我印象以前幫襯既已經好唔同，唔係話唔好食，就係好普通，同上面有舊配菜唔知咩嚟... 同老公一人一啖都分唔清是什麼東西...究竟上面呢大舊配菜是什麼？All day breakfast 最正常，不過個貌相一般.. 另外就係我唔明點解加錢配湯/salad 就一定要跟凍茶/ soda... 我想飲熱湯，要杯熱茶/熱檸水 都唔得.... 女仔有時候係不能喝凍野的，我覺得呢樣野simplylife 唔岩囉，同侍應講梗係話唔可以轉熱野，佢哋話set死晒。但我話唔要杯凍飲只要熱湯，佢又話又話唔得.... 咁咪又晒左杯凍飲囉，我都唔飲，佢叫我老公飲，但佢已經加錢有salad有凍飲唔洗要多杯啦，同埋明明出面餐廳凍飲係要加錢，我要杯熱檸水點解咁鬼煩啫。Anyway, 我覺得餐廳係要加番個熱飲落set度，凍飲選擇唔洗多，唔洗凍茶/

太古好似好多野食，又好似無乜野揀。今日約左朋友去食tea，都係揀啲最安全嘅地方，去左 Simply Life食tea。Tea 都有好多選擇，pasta salad burger都有，我揀左呢個 Burger其實一路都唔明，以前細個食Burger成個拎起放入口就食到，依家食burger好似好難咁做。好大件，人地個口咁細，邊放得晒喎結果都係拆件食。個漢堡扒幾好，芝士溶左好香，食到最尾有Ｄ漏，可能最近有Ｄ細食薯條幾好喎，跟餐既薯條黎講我覺得唔算HEA啦最重要係，呢度食野坐得好舒服，空間好大，唔會好大壓迫感，食tea傾計係唔錯咖

好友約我下午茶, 當然一口答應。因好友有事情要辦, 我便先去太古城Simlylife找個好位子等她到來。 這裏椅桌擺放位置寬敞, 環境舒適。 是與朋友談天說地的一個好地方。這裏的下午茶餐全是$58 (另需10% service charge)。 除了手工蛋糕選項外, 其他均配了香辣薯條。我比較喜歡牛肉漢堡，而友人口味亦與我一樣。故我們便一同選了車打芝士煙肉牛肉漢堡配咖啡。香辣薯條是香脆可囗的, 並不覺辣。 而那個漢堡包的車打芝士已溶在牛肉漢堡扒上。煙肉是脆脆的, 但不覺油膩。漢堡扒算厚而有肉汁和不硬, 但如肉汁方面再多一些的話, 這個漢堡包會更加滋味。我點的是黑咖啡, 本想品嚐咖啡原有的濃郁醇香味道。可惜, 這杯黑咖啡不夠濃郁, 亦不夠醇香, 只好麻煩侍應給我一瓶奶, 加入咖啡之中。總括而言, 在這環境及服務質素好的地方享受一個下午茶也是不錯的。