Smokey Ice (已結業)

記得它第一間店在元朗，那時候已想試試。後來在荔枝角出現，有次下午茶試了個冒煙的雪糕和吉列豬扒。這次，又搬了，來到白布街。香港地，為租金而搬來搬去，大概都習慣了。店內，牆璧畫上漫畫，紅紅藍藍，顏色鮮豔，播著流行音樂，氣份不錯。好似系腸粉用了吸油紙和鐵碟子，不認真看，還以為是真的魚蛋腸粉。模彷得似模似樣。朱古力醬代替豉油，士多啤梨醬扮甜醬，味道跟豆腐雪糕和「腸粉」又幾夾。魚蛋是炸蕃薯波。顏色和形狀幾可亂真，熱辣辣有蕃薯味，偏甜，少少煙韌，不過吃起來偏油。腸粉是椰汁味，不甜，很清。滑溜溜，在口裡滑來滑去，似啫喱又有少少爽。放棄了「魚蛋」，「腸粉」卻秒速吃清光。紫霧店員介紹了幾款特飲。選了這杯混了紫貝天葵的紫霧。其實就是帶甜的梳打，沒有喝到紫貝天葵的味道，不過冰涼解渴，又有椰果的嚼勁。7成熟牛扒雪糕用鐵板上，用乾冰做出迷霧的效果，扮鐵板熱得冒煙。除了牛扒，還有似薯餅的西多士、像粗薯條的焦糖香蕉和士多啤梨。牛扒用朱古力醬畫出坑紋，師傅的想像力實在豐富。朱古力雪糕內有大量朱古力碎，不算很甜，中間混了粉紅色的士多啤梨雪糕，果然是7成熟的牛扒。整餐甜品，最喜歡這個西多士，煎得香而不膩，中間夾著榛子朱古

今日偶爾經過黑布街， 先至發覺原來開咗一間新嘅甜品舖（ 可能係我太耐冇經過呢邊）， 所以就同朋友入去試下。 佢間鋪頭位置不多， 裝修以外國漫畫為主，都幾特別。menu鹹食甜食都有， 由於而家都係晚飯時間，所以我哋叫咗一個鹹點同埋一個甜點食。鹹點係Fish n Chips， 我相信佢係即叫即炸，因為上枱既時候都仲係熱辣辣。除左炸魚同薯條外，佢有少少菜同柚子醬做salad，另外仲有三個sauce。首先配搭方面，用少少salad做伴碟係適合的，因為fish n choips本身係比較熱氣，不過柚子醬略嫌有點過甜，可考慮伴以黑醋，或以柚子汁代替柚子醬。三款sauce作選擇的確不錯，令單調既薯條多咗幾款選擇。至於炸魚，雖然係熱辣辣，味道都可以，不過份量太少了，令哩碟Fish n Chips好似薯條先係主角，炸魚變了配角。加大番炸魚既份量，減少薯條及salad既portion會較好吧！另一款甜品叫做“好似係腸粉”，顧名思義，佢個賣相的確好似腸粉，哩點的確係抵讚！佢用咗椰汁糕 造成腸粉， 炸mochi就係魚蛋， 中間仲有個豆腐味嘅雪糕球， 仲有啲朱古力同草莓醬扮豉油同甜醬， 賣相的確係好似！ 炸mo

食完晚餐行了一會，又想食甜品，行過黑布街、白布街附近開了一家新的甜品店。有甜品亦都有小食。*7成熟牛扒雪糕 ($88)我諗最多人點的應該就是這個7成熟牛扒雪糕。乾冰造成的冒煙效果，好似牛扒放在熱熱的鐵板上；朱古力雪糕的味都算是濃，上面的朱古力醬冰凍成脆皮；旁邊有熟的蕉蕉，和榛子朱古力西多士。*榛子朱古力窩夫 ($78)窩夫的蛋醬不會太厚，烘得外脆內軟；不會太飽飽瀟瀟的；那一球朱古力雪糕都很濃。*炸魚薯條 ($78)炸魚薯條夠熱又香脆；不會太油。*熱帶海灘 ($38)朋友點的*熱情島 ($38)熱情果味，甜中帶點酸，有點爆珠，口感特別。

以前細個次次去完旺角食飯，好多時都會同D朋友一齊去黑布街嗰頭食糖水。唔講唔知其實最近都新開左好多糖水舖喺嗰邊。今次來這邊找一間專門係食雪糕嘅甜品店，好似都幾得意咁，係出面望入去個感覺好科幻，牆上面嘅話都係漫畫來。試吓佢個北海道牛奶雪糕。本身以為佢只不過係一杯雪糕，點知原來佢用咗乾冰做咗啲煙霧效果出嚟，震驚十三憶人。牛奶嘅味道果然係好濃郁，係咪因為崇日嘅關係呢哈哈！(日本出產乜都好啲咁)而雪糕嘅質感都好幼滑，同埋味道都唔會太甜，不過覺得百力支同棉花糖就有少少多餘咁啦。畫蛇添足啊。

大家在旺角食開甜品、都會知有條好出名既街叫「黑布街」。今次我要食既係「白布街」既雪糕專門店，以為同黑布街好近啦，點知又難行又難搵….四周圍仲搭滿左棚架添。如果唔係朋友識用google map,肯定搵十世都未搵到。平時大家又會用幾銀食一個雪糕呢？食慣快餐店十幾蚊?定G牌朱古力45蚊?如果話你知呢間專門店一個造型雪糕要50幾至80幾不等，唔知大家又覺得抵唔抵呢？入到去無咩人，只有一枱客。而且冷氣亦有丁點不足，不過d壁畫又真係幾靚、充滿美國漫畫feel!原來呢度係限「一人一Order」…你味話，咁樣都幾高消費架。朋友話想去洗手間，點知度門打極都打唔開、好似有人在入面。但過左成十分鐘都未見有人行出黎，我再去開門，廁所居然係無人…..坐低當然一食就要食招牌菜-七成熟牛扒雪糕。一上枱果種震撼感覺係~嘩嘩嘩!因為乾冰所製造的白煙真係好逼真，立即攞起手機拍片！但細心諗下，食牛扒果陣要淋左汁先有煙架bo~無醬又何來有煙呢？！唔講賣相啦，賣相已經100分~轉講下食落有咩咁特別。牛扒切落去唔會太硬咬唔開，亦都唔會太淋好易溶曬。我食左一兩啖，雪糕既朱古力味應該是中價貸色、不至於有Belgium chocola

波鞋街附近近來的改變很大，整個社區變得靚咗，食店也很有特色！朋友知我愛吃甜品，就帶我到這裡。來到時已接近滿座，原來有樓上那就不怕冇位！雖說是甜品店，但也有咸嘢食。朋友覺得始終要先吃一點咸才食甜品。我們就點了一個細size的炸物拼盤share。拼盤有雞翼、雞球、魚餅和薯條，每樣都好味，而最推薦的是薯條，外脆內軟，超好味。飲品方面，乳酸沙冰原來加了果汁珠珠，很喜歡爆汁的感覺，朋友因爲「醫生再見」這個名字而點了這個飲品，因為有燈的杯墊，令本來已很久靚的飲品更加靚，一定要相機食先！不食牛的朋友堅持要點7成熟牛扒雪糕，為的是可以跟人說她也可以食牛！幾可亂真的牛扒雪糕造型超級精美，更用了乾冰扮嘢，雪糕是好味的朱古力雪糕，入面有少少朱古力片，中間更用了粉紅色的雪糕，相信是要營造「七成熟」的效果！連煎過的香蕉也是美味的！加上一塊三角型的西多士扮薯餅，👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻十個like!自言對窩夫或pancake 不能自拔的朋友點了個宇治綠茶紅豆窩夫，果然勁好味，窩夫內夾了紅豆蓉，配合綠茶雪糕，即叫即整的窩夫新鮮好味！大部份食客都來這裡談天食甜品，因此每人至少要點一客食物，但由於樣樣都

白布街同黑布街最近都開左啲新嘅甜品，本來想食疏乎厘pancake，但見到呢間買雪糕嘅鋪頭之後，就去咗試一試。叫咗個茶味嘅雪糕來試一試，原來係馬騮搣，都係鐵觀音既一種。佢嘅茶味較為清淡，唔似抹茶嗰種會回甘嘅茶味。另外仲食咗個海鹽焦糖味，個人來講覺得太甜。食第一啖都還可以，但之後就覺得只係得甜味。

今日經過旺角白布街，比呢間以漫畫風黎裝修既小店吸引左，就決定入去試下。佢個位置係係正諸聖中學對面，距離地鐵站大概8分鐘，不過地點都算方便易搵。Menu呢度係主打d特式造型甜品，窩夫，雪糕等等，仲有埋熱食輕食tim。蜜糖雞中翼$50呢個雞翼個皮炸得香脆，中等size，食落都啖啖肉，加埋d蜜糖係面，有d似bbq咁，都惹味炸魚薯條$78呢個炸魚薯條賣相雖然麻麻地，不過食落都幾好味。炸魚厚身有口感，炸粉唔多，但係食落外脆內嫩，至於個炸薯條，夠粗身，仲有dd連薯皮，有薯味又夠香口，仲有千島醬，沙律醬同茄醬提供榛子醬棉花糖吐司$68呢個吐司食起黎外面好酥脆，上面既棉花糖就半融狀態口感好棉，仲可以好似d芝士咁拉絲，加埋榛子醬，好甜蜜，好滋味7成熟牛扒雪糕$88呢個雪糕既造型十足十扒房入面既扒餐咁，仿真度好高，牛扒就係朱古力味雪糕，而佢既烤坑紋就用左朱古力醬去畫成，至於伴碟既薯條就由香蕉黎代替，洋蔥粒就變左菠蘿粒，而個薯餅就係西多士。咁點解話係7成呢？原來佢係有意思架食到中間先知原來有士多啤梨味雪糕，佢就真係做到7熟晒牛扒咁，仲有少少粉嫩。佢呢d就係創意，呢個牛扒雪糕真係好有gimmick熱帶海灘$3

你以為我食牛扒餐？少年，你太年輕了，這是雪糕甜品，再往下看，你又以為我食腸粉？錯了，那個一樣是雪糕甜品！這一間幾何亂真的甜品店，原來真的可以做到「假的假得了」！ 餐廳位於旺角白布街，裝修色彩繽紛，給人開心的感覺。 餐牌得小心的看，有的是真鹹點，有的是假鹹點，甚麼「7成熟牛扒雪糕」、「蒸籠芒果腸粉」、「疑似吉列豬扒雪糕」等等，全部都是「假狗」！ 紫霧 (前，$38)；熱帶海灘 ($38) 飲品都用小小的燈座盛著上桌，更添仙氣。紫霧是桃味果汁，熱帶海灘則充滿菠蘿香味，兩杯都十分美觀。 迷你辣魚餅 ($58) 來個真的鹹食，魚餅炸得香，又不會太乾，少許辣，配以泰式甜辣醬，開胃又美味。 7成熟牛扒雪糕 ($88) 這份「牛扒餐」有朱古力雪糕、西多及香蕉，之所以像真，是因為細微處都很認真的處理：首先是用鐵板加乾冰上桌，看上去很「熱辣辣」；香蕉切得幼幼的，經過微烤，活像薯條；「牛扒」面層是朱古力雪糕，更抵死是裡面夾了士多啤梨雪糕，一切開就像「七成熟」的粉嫰；西多煎得金黃，很像薯餅呀！ 別以為這甜品只虛有其表，實際上味道也很好，尤其是那片西多，面層脆卜卜，裡面是朱古力花生醬，真的很有驚喜

因為朋友生日食完飯食甜品，哩間想食好耐所以建議大家泥哩間食飯後小聚，個裝潢都唔錯，跟到香港潮流既店舖，不過面積好細，上上層個位置差啲行左去洗手間，都唔緊要，路係人行咖姐，不過上層有啲奄臭既味，而且個女侍應態度好厭世，問多2句係咩野飲都黑口黑面唔想答你覺得你煩咁，今時今日咁既服務態度簡直好似想趕客，我地1人叫1杯野飲梗係問清楚邊個打邊個，費是飲左人地嗌杯野都正常丫，我地嗌左個牛扒雪糕個女侍應連碟都唔比隻我地，啲匙羹都係我自己去格離枱攞，有優惠又唔同我地講，簡直可一不可再。

這間在旺角白布街的甜品店，主打造型獨特的雪糕，如雪糕牛扒、吉列豬扒和漢堡等，像真度高，吸引不少人前來打卡！店舖走漫畫風的裝潢，帶給人輕鬆的感覺。但這次我們試了另外一些甜品，因為被餐牌上的各款雪糕引誘了！味道五花八門，除了有比較common的抹茶、紫薯、牛奶、柚子、青檸、白桃、海鹽焦糖，還有辣朱古力、麥精、奶茶、波子汽水、彩虹梳打等偏門口味！原本想吃伯爵茶雪糕，可惜當天經已售罄，店員推薦了另一款茶味雪糕－馬騮搣。馬騮搣是野生的鐵觀音茶，味道較清香，喝後留有餘韻。店員端上雪糕時，有誇張的煙霧效果，兩球雪糕上不停飄出乾冰造成的煙！馬騮搣雪糕的味道有如品茶一樣，先是淡淡的幽香，後在齒脥間帶甘香，更多出一份濃郁的牛乳香。質感細滑，惟溶化速度有點兒快。正所謂塞翁失馬，焉知非福，我們還慶幸吃到了這個特別的味道呢。然後點了一客經典窩夫，有草莓、巧克力和蜜糖三款醬，中間還有忌廉。味道算是不過不失，也有蛋香，但不算香濃。喜歡的是窩夫烤得脆身，亦可按個人口味加上不同配料。份量也適合二人分享呢。要是在旺角吃過晚飯後，想吃甜點的話，不一定只到廣華，也不妨來Smokey Ice試試啊！

下雨天到Smokey Ice 碰一下運氣店內只有3張桌, 平常都很多人在排, 而且周圍很荒蕪這次幸運的包場XP點了炸豬扒雪糕 ($58) , 醬汁另上用麵包裹起雪糕去炸, 外脆內軟就是有點貴驚喜的是另外一個沒看到名字 ^^”就是Brownie 上有雪糕, 再把熱咖啡淋上去熱熱的Brownie &核桃配上冰冷的雪糕再混和咖啡~正到無倫Brownie 和咖啡驚艷的搭~有機會要在家試試

食甜品係我哋幾個朋友飯後嘅指定動作，仲要每次都係4-5個人叫6-8樣嘢，仲一定會食得哂！但今次真係。。極度失望 諗住呢間新嘅甜品店 裝修唔錯 ，門口嘅menu都幾吸引， 就入去試下啦！因為夏天。。一坐低就一人叫一杯嘢飲先， 什麼火之戀，雪之戀 。。都係毫無誠意嘅作品 😓只係唔同顏色同味道嘅糖水加水加冰，已經知道伏咗！普通到連相都無諗過要影。仲叫咗個菠蘿金寶同蜜糖雞翼， 兩樣都係同一樣色就係炸燶咗嘅顏色。。菠蘿金寶 ～～真係可以用不知所謂四個字嚟形容， 從未試過咁難食嘅甜品，我哋只係食咗三分一就已經擺咗喺度，因為佢做出嚟嘅樣就係菠蘿放喺底，有啲碎濕濕燶咗嘅餅乾就咁放咗喺面，好似兩樣嘢係應該分開食咁樣！同埋我真係覺得如果一間食市連炸雞翼都可以整得難食嘅真係好難。。你勁你得咗！以上兩圖都是我哋食淨咗唔敢再放入口！其實我諗我哋真係叫錯嘢，係我哋唔啱 ，應該要叫番嗰啲大大隻字推介嗰啲甜品先得，什麼七成熟牛扒雪糕呀。。 炸雪糕之類嘅嘢會好啲！

今晚一行十人黎到呢間甜品店，叫左西米露，西米煮得勁淋，我實在食唔落，相都冇影～哈哈哈蜜瓜雪糕都ok，底部有脆脆粟米片。最意想不到係窩夫，好好味，又脆又鬆軟！值得一試！😋

最近旺角新開了一家左一間賣特色造型雪糕的甜品店，即刻約朋友試下。為避開人潮，我地專登提早晚飯，8點就去食雪糕！去到唔洗等位，店舖裝修以 Pop Art為主題，好適合賣造型雪糕咁新穎嘅店舖。Smokey Ice除左賣造型雪糕外，還有窩夫,奶凍,雪花冰同飲品。選擇非常多，值得一讚！好似系腸粉（$58）我平時都好中意掃街，見到呢個腸粉一定要試下。賣相同平時食腸粉好相似，用隔油紙同鐵兜裝住食物，仲加支竹籤比食客食用，十分搞鬼！'腸粉'以椰汁做成，味道就似椰汁奶凍，質感又滑又彈，散發着濃郁椰香味。'咖哩魚蛋'其實係炸糯米糍，金黃色的皮炸得非常香脆，咬開口感煙韌。另外仲有菠蘿，士多啤梨同豆腐雪糕。豆腐雪糕好濃豆腐味，又不會太甜。再加上扮豉油的朱古力醬和扮甜醬的士多啤梨醬，賣相真係無得輸。我一直覺得菠蘿係扮燒賣，可惜比朋友笑我想得太多。朋友點左七成熟雪糕（$88）扮牛扒的朱古力雪糕用鐵板盛載着，食之前倒上醬汁，咋一聲，鐵板霧出白煙，仿真度極高。切開'牛扒',裏面係粉紅色雪糕，就係餐牌所講的七成熟！朱古力雪糕內有朱古力碎，令口感增加！再配上扮薯菜的香蕉、菠蘿、士多啤梨和炸多士，食完都幾飽。總括Smok