SO! BangKok Thai Eatery & Desserts

营业中

休息中

SO! BangKok 餐廳的內部裝修兼具傳統與現代美學，提供了一個愉悅且獨特的用餐氛圍。餐廳以橙色為主調的室內設計和露營主題的室外環境，燈光五光十色。營造出一種既時尚又休閒的氛圍。餐點融入西式元素，不僅保持了泰國菜的特色，還帶來了新穎的口味體驗。既年輕又富有創意，非常適合聚會和放鬆。//二人套餐$398//（配有以下多款食材）牛肉、豬頸肉、雞肉片鳳尾蝦、蜆、青口、魷魚、盲曹魚片、蟹棒、豬肉丸、草菇、金菇、生菜、//主食選一MAMA麵/金邊粉//湯底三選一清雞湯/椰子雞湯/冬蔭功湯船麵湯/配特色醬料//升級追加牛肉升級特級安格斯封門牛柳＋$50豬頸肉升級伊比利豬腩 +$30鳳尾蝦升級大頭蝦+$50//追加食品特級安格斯封門牛柳$160 140g /$80 60g牛肉＄90 140g /$45 70g蛋拌牛肉 ＄100140g豬頸肉 ＄90 140g /$45 70g伊比利豬腩＄110 140g /$55 70g雞肉片 $80 140g / $40 70g鳳尾蝦＄60 6隻 /$30 3隻大頭蝦＄60 3隻//追加飲品各款芒果奶蓋沙冰+$38樽裝啤酒 +$38Singha 生啤 +$48

今晚有元朗區朋友生日，最近Yoho有好多間餐廳出現 實在花多眼亂😜 只知道壽星好鍾意坐室外 同泰菜 So Bangkok 完全符合晒佢所有要求環境：睇相以為執圖出黎，原來氣氛顏色堅係咁靚！（今晚其中一個朋友超級鍾意粉紅色）影左幾百張相都有 環境我俾滿分💯服務：數碼落單好處係 會提高左員工同客人既互動，今晚係完全體驗到 叫啤酒速度驚人的我們非常滿意口味：一家五口 叫左個炒河 再加個海南雞飯，兩公婆就食 泰烤肉 set 牛肉，豬頸肉，雞肉片，鳳尾蝦，蜆，青口，魷魚，魚片，蟹棒，豬肉丸湯底仲有三款俾你揀 清湯/椰子雞湯/冬陰功湯唔夠食都唔緊要，隨時可以追加食品好多嘢揀(好有泰國地道Feel, 收埋d 卡）元朗Yoho 的你 無論一二三 期 都絕對要黎試佢，包無介紹錯

💖元朗Yoho Mall呢間粉紅色💓泰國餐廳嘅午市套餐幾抵食，$98起包括餐湯、前菜、飯麵、主菜、甜品同飲品6項，好多都各有8-12個選項，今日黎試下～1️⃣Weekday Lunch Bento🍽️ $98💖今日嘅餐湯係冬瓜湯，清甜帶絲鹹香嘅湯底暖笠笠好舒服。飲品好多選擇，要左免費嘅凍果茶同熱玄米茶。💖前菜🔸泰式無骨鳳瓜：入口Q彈，食落酸辣開胃🔸雜菜春卷：外脆內爽，清新蔬菜配上薄脆炸皮，點埋泰式甜辣醬更好味🔸泰式炸魚餅：彈牙足料，香茅味清新💖主菜➕飯麵🔸 雜錦海鮮黃咖哩➕泰式涼拌撈金邊粉：黃咖哩口味偏甜唔會好辣，有魷魚、青口、蜆肉、大蝦、薯仔等，入口彈牙飽滿、肉質新鮮。撈金邊粉搭配酸辣汁、九層塔、洋蔥、辣椒、青瓜、胡蘿蔔、花生碎、青檸等，味道口感豐富，整體食落清爽解膩，輕盈唔heavy～🔸香葉炒蝦球➕金磚蒜蓉包：蝦球肉質飽滿嫩滑，裹滿濃稠嘅醬汁，融合左酸甜鹹辣，搭配味道香濃、口感脆嘅蒜蓉包更香口🔸泰婆婆秘製海南雞➕白飯：滑嫩嘅雞件同雞皮淋上甜辣醬，再搭配清新嘅番茄同青瓜，香口得黎唔油膩，我配左白飯，都可以自選雞油飯💖甜品🔸是日甜品：香甜嘅斑斕奶凍淋上椰奶，配香滑嘅芒果粒🔸招牌新地：加配升級

元朗又多間Pet Friendly既餐廳喇! 成日經過見到粉紅色為主既裝潢已經覺得好吸引! 今日終於都黎試下喇!!坐入到都幾大幾舒服, 如果多人其實佢仲有間小房仔可以坐到十幾人👍🏾咁就講野大聲的都唔怕啦1/ 泰式涼拌三文魚 $98超多醃料係三文魚上面, 惹味又開胃, 拎黎做starter一流👍🏾2/ 泰式燒安格斯牛柳沙律 $138開頭叫估唔到係辣架😹但辣得好過癮, 牛柳夠淋又嫩口唔錯!3/ 泰婆婆秘製雙拼雞飯 $98雙拼飯有海南雞加炸雞, 食落好juicy, 炸雞就皮脆又香口🙌🏽 估唔到個飯對我黎講都係highlight, 油飯好滑口, 啖啖都有味道同粒粒分明!4/ 凍蝶豆花白桃梳打 $45夠汽又夠爽! 白桃味好香, 食完辣野飲呢個岩哂!5/ 凍香芋斑斕椰奶蓋鮮奶 $48第一次飲咁樣配搭既飲品, 超級正! 椰奶蓋好順滑, 斑斕味好香, 底部滿滿既香芋😍6/ 石板街椰刨冰 $148除左打卡一流之外, 味道都好出色, 大大既朱古力奶蓋鋪係椰奶刨冰上😍刨冰非常綿滑, 啖啖都滿滿椰香味🥰🥰 而且佢仲有好多配料(香蕉, 綿花糖同Oreo脆脆) 必叫!!

本來是想去YOHO德國餐廳, 點知已關閉. 行出商場外見到這間泰菜, 裝修環境好像不錯, 便入去試下. 一個套套餐$178起....., 很多都要加錢.  QR CODE落單, 不要說有什麼服務. 上杯啤酒也沒有杯墊. 先來上一碗清湯一粒蘿蔔湯, 再上就是所謂套餐, 鳳爪一隻切開三件. 加錢牛肉, 我當你是貴價貨. 那豌船麵, 只得三四條炸豬皮. 幾啖麵. 加一杯芒果飲品要加$58, 另叫一個肉碎加蛋飯$98. 埋單$464. 唔知食左什麼. 旁邊汽車聲很嘈.不會再幫襯.埋單後說上一個甜品.

自從YOHO開咗So Bangkok之後，一直都想搵機會試吓！因為每次經過餐廳門口，我都俾佢粉紅色充滿少女心嘅裝潢所吸引！So Bangkok 有分室內及室外位置，餐廳播放著熱門泰劇歌曲，俾人感覺休閒寫意，有啲似去咗泰國度假咁！點咗幾款食物：泰式涼拌三文魚頭盤揀咗比較少見嘅涼拌三文魚，三文魚好肥美，加上大量泰式香料、酸汁，酸酸辣辣，非常清新開胃嘅一道前菜！泰式香草肉碎炒意粉充滿泰西fusion元素！意粉炒得乾身，唔會太油膩，同埋金不換一齊炒，多咗一層清香，面頭嘅溫泉蛋流心度啱啱好，如果肉碎多啲就更加豐富啦！泰式青咖喱豬頸肉配烤餅豬頸肉表面燒到焦香，肉質嫩滑唔會嚡口，青咖喱辣度適中，香料味道層次豐富。烤餅就反而有啲失望，份量偏少，而且比較乾，唔夠鬆化。雙重芒果熔岩冰冰熔岩冰冰喺呢度嘅招牌甜品，款式非常多，來到必點！揀咗雙重芒果味，一拎起圍住刨冰嘅膠邊，面頭嘅芒果奶蓋就似熔岩般傾湧而下，令人忍唔住相機食先！呢個甜品唔單止賣相吸引，味道都好驚喜！呢個椰奶刨冰有芒果奶蓋、芒果醬、自家製椰子雪糕、西米、金寶脆脆、新鮮芒果粒，不論口感抑或味道都好豐富！刨冰好細滑，每一啖都食到芒果味，自家製雪糕嘅椰

路過見到呢間泰式餐廳，整體裝修各樣唔錯。整得都幾泰式咁， 外邊有露天嘅座位，如果天氣涼啲坐喺度都唔錯。 外面有個餐牌，見到有晚餐set 都唔錯 ，有頭盤主菜甜品。 份量當然比單點的菜少啲，但估唔到味道都唔錯。 首先會有個例湯 有舊冬瓜好似有少少胡椒味道咁個湯。 仲有一杯飲品，我們點了一杯果茶，不用加錢。味道偏甜。 跟住飯麵 每人都叫左唔同的share 。 金邊粉都算幾夠份量。 蒜蓉包： 香香脆脆幾好食。燒安格斯牛肉 ：好香口，味道濃郁。都幾好。紅咖喱豬頸肉 ：味道都可以，送飯就唔錯 。 輕微嘅辣味。 咖喱幾香，豬頸肉就好似煎過咁。瑪莎曼和牛面頰 ：呢個都幾好食，和牛肉質嫩滑 ，配呢個好似咖喱汁嘅物體幾香口。小食叫咗雜菜春卷，炸蝦餅，柚子大蝦沙律 🥗雖然都係細細碟，叫做share樣樣都可以試少少。 味道都可以。最後係是日甜品：斑斕奶凍，比較甜咗啲，但係幾香斑斕味仲有少少奶香味。

今日入元朗找朋友聊天順便在Yoho mall 覓食，之前聽朋友說…位於YOHO MALL一期地下嘅「 SO! BangKok」泰國菜不錯，而且個冰好好食，所以今日入去搵佢就順便去食吓😘😘「SO! BangKok」裝修好泰國feel ,有室外不過今日當然要坐室內啦😆😆泰式咖喱軟殼蟹配金磚蒜蓉包…個咖喱軟殼蟹有兩隻，外脆內軟又多汁🤭🤭咖喱好好食連埋個金磚蒜蓉包Perfect match🤭🤭泰式香葉炒肉碎配煎蛋飯….好香好惹味！主角石板街甜品…古力布朗尼、椰子意大利雪糕、Oreo 脆脆、椰奶刨冰🥰🥰香濃嘅朱古力配椰奶刨冰好好味🤭🤭

天氣咁熱🥵又想食啲冰涼❄️快嘅嘢, 心思思又想食泰菜🇹🇭又想食芒果🥭糯米飯但係尋日天氣實在太熱啦,見到呢度有芒果熔岩冰冰🥶又係一間泰菜餐廳即刻入去試吓, 環境好靚好舒服, 而且裝修仲係粉紅色💕仲有霓虹燈嘅配搭好鬼正原來佢哋嘅餐廳設計係專登搵泰國人幫佢哋設計, 個裝修好有泰國風情而且好新派添, 環境好舒服啊仲有outdoor, 可惜尋日落雨下次一定會過嚟坐喺出面😬食物方便我哋就叫咗蟹味噌💚青咖喱帶子意大利飯, 估唔到用青咖喱整意大利飯係咁好味, 再加埋煎得好靚嘅帶子真係好好食😋另外一個飯我哋就叫咗🐽泰式豬頸肉飯炒得都好夠鑊氣又夠乾身, 而且豬頸肉仲好爽口🤩最後當然唔少得佢哋嘅🍧🍨🍦皇牌甜品， 我哋就叫咗個雙重🥭芒果熔岩冰冰， 勁多芒果同埋有少少西米， 裏面係雪花冰🧊🍧所以好透心涼， 另外仲俾咗芒果汁同花奶融合埋啲冰冰度真係好好味😋

YOHO d舖頭真係轉得好快，唔覺唔覺近住大坑渠出口果邊嘅食市又轉左新野，今次係靚靚泰式餐廳。午市價錢都合理，好岩學生哥、打工仔過黎醫下肚。🔸Weekday Lunch Bento🍱個人覺得個lunch bento set 都幾自由，飯麵、小食同Main dishes自己揀，包是日餐湯同茶飲同埋甜品，睇落都幾豐富，可以試到好多款野食。最後揀左:泰式無骨鳳爪前菜無骨鳳爪份量少少岩岩好，味道酸酸辣辣，好開胃。🔸瑪莎曼和牛面頰配白飯🐮瑪莎曼咖哩好濃郁，好重花生味。和牛面肉燉得好冧好軟熟，最欣賞係面頰肉加埋少少牛筋，咬落去爆汁。🔸泰式蝦球炒金邊粉🦐🦐Pad Thai偏酸甜口，蝦球好大粒。配菜都好豐富，有芽菜韮菜花生碎，口感多層次。🔸泰式串燒沙爹（豬3串）沙爹豬串不過不失，新鮮烤起熱辣辣同半溶嘅花生醬，食落都幾過癮。🔸雙重芒果今日嘅重點係甜品！雙重芒果雖然要加88🥭但相當值回票價。芒果粒加濃濃芒果醬加埋芒果奶蓋，已經係三重芒果😍😍另外底部有鬆軟嘅椰奶刨冰同埋自家製椰子意大利雪糕🍦，好重椰子味！份量都幾大份夠3個人分🥰

首先原來book位，就係俾個位置差的枱給你，坐後巷門口…雖然有大把位☹️。職員經過旁邊出出入入，還手揈揈濕手既水，搞到我手臂濕左，枱面餐件都濕埋😫。職員又無啦啦貼我枱邊傾計😓。職員行過又多手推下我枱邊個架🫥。唯獨執枱好快手😐。冬瓜雞湯只得胡椒味; 蝦餅好薄又乾；香辣炒蝦比相細一陪，好似豉椒炒蝦；冬陰功金邊粉係酸辣湯粉；薄餅…冇食過咁細塊，得6寸..🤔：甜品ok正常。差唔多$500…..永遠冇第二次😒

係元朗YOHO行完街 諗住揾啲野食下商場入面都幾多選擇 但發覺商場仲有個「地下園林」呢到原來都收埋好多唔同餐廳😋今次揀左呢間外表裝修好有特色既泰國餐廳餐廳仲設有户外坐位 好有休閑既氣氛😍Menu既食物 除左有泰菜既元素 仲有啲西式元素呢到裝修好有心思 黎打下卡都係個唔錯既選擇餐廳成個感覺都係行後生風格 幾有新鮮感😌🍤 泰式蝦球炒金邊粉 金邊粉一上枱非常之香 好夠熱辣辣旁邊配左一啲辣椒粉 撈埋落啲金邊粉到非常惹味金邊粉炒得岩岩好 唔會過份地乾 亦唔會好油膩蝦球好大碌 蝦肉質地夠爽彈而且依然保留到蝦肉既鮮味 啖啖肉😋🍗 招牌泰式燒雞（半隻）招牌菜果然係招牌菜 餐廳即叫即燒一上枱見到燒雞外表微脆 肉汁豐富😋咬落雞肉肉質一啲都唔鞋 好滑嫩調味岩岩好 剛好的鹹鮮味 半隻燒雞份量好大份 呢個性價比非常高🤣🍧 紅豆咖啡刨冰 見到呢個特色甜品外觀咁靚 決定嗌一份黎試下先🤣刨冰入面放左好多唔同既材料 有咖啡奶蓋自家製椰子意大利雪糕 椰奶刨冰仲有好多好多唔同材料係入面 增加口感層次成個甜品既甜度岩岩好 唔會過分地甜😋餐廳細心設計過 甜品係設計比客人幾種材料一齊食所以唔同材料既甜度有所分別 令整體甜度唔過份

食物非常一般，船面上嘅炸豬皮一啲都唔脆，浸完之後更加咬唔開！！！泰菜配中湯，十分奇怪😅份量少加了錢的那個套餐加了$100都吃不飽啤酒又不夠凍，性價比極之低服務不妥當 叫了水又忘記了千萬不要來10分中伏極之差的體驗！

So!BangKok裝修時尚，玩味十足，室外以露營為題，打造休閒用餐環境，提供泰式fusion菜 午市套餐包哂餐湯、前菜、主食、飯麵、飲品同甜品，只係$98起😱主菜泰式燒大頭蝦🦐賣相吸引，遠處已經聞到香味，炸到脆卜卜，蝦頭充滿蝦膏，肉質彈牙另一主菜泰式“哭泣老虎”燒安格斯牛肉🥩口感軟嫩，消脂七成熟，入口juicy姐姐🧕🏾話前想試下木瓜沙律同春卷，佢第一次食覺得木瓜甜甜酸酸，夠哂開胃，春卷剛炸起，熱辣辣，餡料豐富飲品我哋share，一個叫咗水果茶消滯，一個叫咗芒果🥭smoothie，加入西米，好似食緊甜品咁雙重芒果熔岩冰冰🍧必叫，芒果香甜😜同椰子雪糕、奶蓋、椰奶沙冰真係絕配，加上煙靭西米，多重口感，午餐只要加$88就食到啦

早幾日去完Yoho 同kuromi 打完卡📸好肚餓🤤我哋搵左間泰國餐廳醫肚😋呢間餐廳Pet friendly 🐶落地玻璃，陽光充足☀️經營正宗泰菜🇹🇭見到餐牌上仲有好吸引嘅熔岩冰冰🧊好啱咁熱嘅天氣食返個😋🇹🇭馬薩曼和牛面額肉醬寬麵條寬條麵軟硬適中✅條條沾滿醬汁，牛肉粒好冧，而且入味，醬汁帶小小辣，好惹味🇹🇭泰式香葉炒肉碎飯 配煎蛋正宗嘅泰式肉碎飯，肉碎爆香，燶邊嘅煎蛋撈落飯度，正啊🧊凍椰奶蓋珍珠皇家泰茶椰香嘅奶蓋超濃郁，奶茶少甜，茶香算濃，唔錯🥭雙重芒果好澎湃嘅芒果冰🥭店員會俾你影相打卡，芒果奶蓋包住椰汁刨冰，加上芒果汁同煉奶，好過份❗️側邊圍住新鮮芒果肉，超甜，椰子雪糕，西米，金寶脆脆，勁豐富，大滿足