Sogno Cafe+ (已結業)

其實唔想寫食評因為好嘢想留返俾自己怕你班人同我爭位！哈哈！已經第二次食我唔係日本控 亦不好可愛風所以一上到去見到成間公仔冇好大好感但感覺係企理舒服日式風嘅。上一次食咗自由配搭沙律覺得抵食但冇乜特別但同枱其他人食啲飯就好正！所以今次揀返飯佢有蛋包飯，焗飯之類我就試咗香蕉咖喱焗雞飯聽落好似好怪但估唔到個味幾夾咖哩味恰到好處又散發淡淡香蕉味偷食同事嘅芥末汁雞飯又係好唔錯！除咗餐包飲品一坐低仲會有細細杯welcome drinks山渣蘋果汁天口咁乾潤一潤喉嚨正呀覺得間嘢創作嘅飯幾有心思會經常上嚟！吖，我今次有早一日打去卜位不過都唔算超full。

鬧市中嘅良心cafe, 仲好有童真，四周圍都貼滿/ 擺滿好多得意嘅公仔，坐落都好舒服甘筍紅酒牛肋條配珍珠飯 📍$118牛肋條好淋好入味，不過食得多有啲dry, 加返啲薯仔蘿蔔可能會好啲日式薑汁炆雞翼野菌蓋飯跟味噌湯 📍$118好香噴噴，望落都幾吸引。薑汁味唔太濃，整體都ok

中環比較少咁可愛既cafe,約朋友黎試下。。叫左個All Day Bfast: 超失望。。呢個餐要$98到，份量好少，炒蛋細份，竟提供芝士腸不是德國腸，菇份量亦好少，餐包亦唔特別（正常係多士加果醬）餐飲熱咖啡，都好一般

呢間係中環嘅樓上小店，無論係裝修、嘢食質素都好有驚喜，揀咗幾個賣相靚嘅嚟打卡🥀🥳玫瑰牛油果煙肉肉醬長通粉：上面鋪滿焗芝士，以玫瑰形嘅牛油果🥑、煙肉🥓做點綴。撥開芝士皮就見到好多長通粉同肉醬🍝，分量多到兩個人食都夠🤰🏻，好味。玫瑰雞翼：榮登頭五位最好食嘅雞翼，火候拿捏得好好🤘🏻雞翼皮炸得好脆、同內裏嘅嫩滑雞肉好夾～塗上玫瑰汁食感覺十級正～😍😍玫瑰西瓜BB蛋糕：有眼你見，賣相真係超級靚💕，紅當當嘅士多啤梨配埋果仁、慕絲、成2cm厚嘅甜西瓜，食落有驚喜，完全唔濟🍉Chef DJ 呢杯都有玫瑰味，不過同我想像中嘅Smoothie有啲出入，可能我expect creamy啲，可以試吓其他~~整體來講呢間餐廳好高分，除咗係做到小店個種relax嘅感覺之外，店員態度都好友善，推薦比大家🥰-玫瑰牛油果煙肉肉醬長通粉 | $98玫瑰雞翼 | $88玫瑰西瓜BB蛋糕 | $68 Chef DJ | $45-Sogno Cafe+ 中環威靈頓街97號威利大廈2樓D室-

今日外子生日啦咁我就安排晒需要食嘅餐廳LIST下午安排食呢間中上環嘅良心店其實我地原本1:30左右到但見好多上班人仕等緊食飯所以我地就行一行開先我地放假嘅不如遲少少再黎過行行下經過左維記間POP UP Store試食左接骨木嘅雪糕食完之後唔知可唔可將壞人快速去去 在炎夏之下逛左一陣大約2:00再到餐廳上班人仕過晒喇我地好優閒咁慢慢食仲因為遲入座而有85折 點了卡邦尼意粉, 紅酒牛肋條蛋包飯, 加左玫瑰蜜糖雞翼及咸檸檬雞翼其實全部野比較濃味主要因為我食得比較淡味不過個咸檸檬雞翼堅太濃味 卡邦尼意粉這個不過不失意粉硬度正常味道較濃 紅酒牛肋條蛋包飯原本係叫咖喱蛋包飯但就咖喱賣晒所以跟住轉左牛肋條蛋好滑牛肋條好泗淋 玫瑰蜜糖雞翼玫瑰味雞翼雞翼原先焗/炸得好脆身加埋豐富的蜜糖玫瑰花味唔算濃想濃味少少就食埋花瓣 咸檸檬雞翼呢個醬過於豐富所以咸左少少我覺得個醬多到自己可以另起沖番杯咸檸水黎飲可能個醬煮過所以就更濃味 是日重點西瓜玫瑰蛋糕即叫即整我就有去澳洲食過原裝正本呢個就西瓜明顯厚身好多但亦都係呢個原因令件蛋糕分開食時會比較難但都唔錯玫瑰花可加重少少味道更佳

拉平日好少黎中環，今日係因為去大館，所以友人就即刻search 下有咩特色餐廳好食。我想飲咖啡hea 下，最後就揀左呢間有好cute 公仔做裝飾既樓上cafe。地點有少少難搵，不過中環都係咁上下😅我地叫左1個小食1個main。野飲叫左最基本既cappuccino， 咖啡ok，花搵得幾好，飲到最後個花仲完整係度同行友人叫左花茶。揀左茶底（紅茶/綠茶）後，會再拎一盤花茶黎，有個menu 解釋不同功效既花。等你自己mix & match。揀好花茶自己放落茶袋，份量隨你喜歡。最正係會主動不停refill 熱水，慢慢傾計岩晒我地最鍾意食雞翼，睇到menu 上玫瑰雞翼，即刻2話不說點呢個。果然冇令人失望，用脆脆既蜜糖包住雞翼，好食到停唔到口又唔會死甜超推薦呢個主食係Carbonara,味道唔錯多料又creamy ，最重要意粉唔會好淋。呢隻環境唔錯，唔會好嘈。傾計慢慢hea 最岩。下次想試下佢d甜品

同朋友去完南丫島搭船返中環，諗住坐低舒舒服服食餐晚飯，我朋友就介紹咗去依間cafe度，因為佢話網上見到餐廳入面擺放咗啲得意嘅公仔擺設......見到嗰啲公仔個樣就係成舊雲咁樣，恕我孤陋寡聞真係唔識佢哋。weekend夜晚淨係得我哋同埋另外幾台客，尚算清靜，而且餐廳都幾企理。Order之前當然openrice望一望先啦，大部分食家都係讚佢哋啲甜品蛋糕做得出色，唔知正餐做成點呢。嗌咗個海鮮飯，賣相唔錯，有啲藝術感，不過海鮮就以魷魚為主。由於都飽飽地，所以冇嗌甜品，下次先嚟再試過啦!

天時暑熱，真係行兩步就要搵地方hea下，飲野嘆冷氣。呢間上樓既餐廳，星期六下晝罕有地無咩人，環境靚，冷氣適中，超適合要黎hea，仲要好多公仔figures ，有d 置身外國cafe既感覺。講番野食，空氣蛋白忌廉黑松露意份，有一大舊蛋白打出黎既雲，仲有d 公仔紙卡，好鬼靚，好重黑松露味，但如果多d汁就更正。Green Tea Latte杯，碟，同個拉花都好靚，飲落有綠茶香味，唔澀，重奶香。Coconut Mike椰子同甜味都唔係好濃，相比之下，Green Tea Latte 正d.Peach Tea好香桃味，清新，唔錯。千層焦糖咖啡蛋糕焦糖脆卜卜，咖啡味唔會好濃，都OK. 側邊有d 係咖啡豆，咬左粒，苦既。下次都係試下其他款蛋糕。

今日趁天氣好和時間夾得來，相約與朋友出來食飯傾談，我的朋友喜歡一些別緻和環境舒服的地方。我選了這間樓上 Sogno Cafe, 完全附合她的要求，除了是相機先食，它的食物有一定水準。這間 Cafe 用了大人小朋友都喜歡雲先生和雲姐姐做主題，喜歡公仔朋友一定不能錯過與它合照和打卡啦～我們兩人來到，見餐廳的人流不算多，環境清靜，是一個可以傾談的好地方。 講重點，食物，飲品和甜品方面。 其中玫瑰雞翼，賣相好靚 和好香，原來自家調製玫瑰蜜糖的醬汁，外脆內軟，肉質好Juicy，我平時好少食雞皮，但這個完全忘記油膩的感覺，因炸到香脆可口， 不能不食。空氣蛋白忌廉黑松露意粉，雲朵賣相一流，未食相機先食，我朋友喜歡白忌廉甜甜地好好味，但意粉一般，醬汁略為乾一點，但份量很多。我最喜歡甜品，伯爵茶戚風蛋糕 ，口感鬆軟，軟綿綿，好香伯爵茶味道，而另一款焦糖啫喱咖啡蛋糕(帶概這個名字)，裡面有咖啡啫喱，軟綿綿咖啡蛋糕，雙重口感，濃郁咖啡香，唯一美足不足，略為甜了一點。最有心思地方是在白板寫上對客人生日祝福語，好貼心好細心，給人有一種很 warm 感覺，真心多謝餐廳細心款待。

今日經朋友相約下去到中環一間隱世小cafe，樓上鋪，但如果晚了在樓上經過時，會俾佢閃閃嘅柔和燈光及顏色吸引上去。入面見到好多好可愛嘅主題figures ，擺設精美，顏色豐富。朋友一早訂左位，所以去到就有位。雲雲樣卡邦尼意粉份量很大，夠熱，味道都很好然後就係軟學蟹沙律好可惜，最精髓、最好食嘅雞翼，我地因爲太肚餓而忘記影相😱呢個同薯條都係十分推薦最後就係食甜品Earl Grey chiffon cake味道唔錯，但份量大多少少更好整體環境舒適，平時冇野做，想搵地方hea下，呢度係一個好地方

一心為住呢個可愛的雲仔黎，見到隔離枱有個泡泡面的意粉，我哋斷估就叫咗個cabonara, 點知黎到冇雲嘅？！ 原來叫錯咗😂但都好食呀，佢比較厚身的creamy, 而且濃郁的蛋味(唔鐘意生蛋味的人可能麻麻)另外仲叫咗一個假日先有的酥皮紅酒牛肋條珍珠飯~第一口唔會覺得係紅酒味係l，因為佢係香草味濃d, 牛肋條非常林同入味~酥皮都唔會太油或乾硬，新鮮熱辣辣好香脆，點汁食一流，其實食食下都有d回甘的紅酒味，值得推介周圍仲有好多雲仔擺設好可愛架😍，不過就貼正人地個位隔離，夠厚面皮絕對可以影，仲有個corner賣精品添😂

這間Cafe位於威靈頓街的一幢舊式大廈，有lift到，但有時見到大排長龍，或等lift等得耐，就會行樓梯。朋友預先訂好位，所以一去就已經能坐下。小小的一間店舖，大概有十零廿個座位左右。也見到有walk-in客，在店內排隊。Lunch menu 供應時間為中午12:00 至 14:30。如果1:30後入席，全單即有85折。餐單方面，有沙律、all day breakfast、飯及意粉，價錢由$98至$118不等。這裏似乎以沙律為主，佔menu的一半。另外，這裏奉送餐飲。Welcome drink: 雜莓汁😋 微暖，由不同的雜莓混合而成，酸酸甜甜的👍🏻F餐 - 日式滑蛋烤鰻魚並丼配昆布鰹魚湯及兩小點（$118）：這個餐很豐富。丼物方面，有很多蛋，舖滿了丼面，可是鰻魚太少，只有一小條，而且薄薄的，有點失望😔沙律方面，薯仔內加入了魷魚，煙煙韌韌。而白蘿蔔（涷食）浸得非常入味，酸酸的。昆布湯不過不失，沒有什麼魚味。涷桃茶（少冰）：這杯真的很有桃味👍🏻玫瑰雞翼：這個雞翼煎得剛剛好，皮有脆香，而且搽有蜜糖，甜甜的😋 而且真的有很香的玫瑰味😍 不過由於即叫即整，時間有點耐，大概預15分鐘左右才送上。如

本身諗住同朋友搵個地方飲野，所以上左去依間cafe. 冇諗過原來中環都有咁舒服既cafe. 可能因為星期日下午既關係，所以唔洗等位，環境幾舒服，地方都夠大，所以靜靜地傾計都幾好。有好多唔同既擺設，原來都可以買精品。仲有本簿仔可以比客人留言。個廁所都好花心思有擺設。間餐廳既餐牌都好有心思，可惜剛食完飯，所以冇機會試佢既食物。今次就試左杯普通latte, 都幾好飲。拉花拉得好好，因為飲到最後一啖時，個拉花都仲o係到。計埋加一$41。

難得同豬隊友過海shopping, 行到攰攰地，就想搵間餐廳坐底食下野，見到一間樓上cafe 嘅招牌幾特別，所以就上去試試。餐牌d相好靚好吸引！見到相已經覺得肚餓。豬隊友點左一份黑松露意粉🙈（其實見到隔離檯份意粉好靚就跟住點！）個意粉好香，最特別係on top 有個打到好高嘅蛋白，個面好似用火槍燒過甘，口質好特別，味道出奇好食。個意粉好足料，其實唔計個蛋白已經好好食，加埋個蛋香就更見出色。我就點左份黑糖伯爵茶風戚蛋糕，好軟綿綿，黑糖味出眾但就唔係好覺個伯爵茶味。環境ok 慢慢聊嘅地方好介紹仲要讚埋杯芝士奶蓋牛油果沙冰

由於之前電視節目介紹過這間餐廳，所以便來試試。抵達後感到很驚喜，一朵朵白雲的裝飾，配以手寫的菜單，令人置身於開心忘我的輕鬆環境，十分療癒。先來玫瑰蜜糖雞翼，這碟是這餐最好吃的食物，玫瑰香味配以入味的雞翼，外脆內軟，熱呼呼的，冇得輸！雞肉意粉卻比較失色，幸好最後的甜品伯爵茶戚風蛋糕挽回不少分數，蛋糕鬆軟綿滑，可惜不是完整的三角蛋糕，三角形的尖頂崩了一大塊，好像曾經被偷吃了一口似的，叫店員更換另一件，情況也差不多，只是崩了那一處看起來沒有這來麼大塊吧！