SP Flower & Tea Room (太古城中心) (已結業)

以花為主題，食材有edible flowers, 又有花茶，食物款式又多又特別，有好多好靚的小蛋糕，加上茶名好身心靈新時代New Age feel, 例如Love yourself, Bliss, Joy...好吸引好療癒的感覺🌼🌸🌻🌹🌷💐.全店座位不多，以粉紅色及花為主，感覺是比較安靜的滋養地方。建議先訂位。..餐牌都好多頁，有好多款都是特別的，在別的地方少有的食材和款式。.午餐包餐湯及餐茶餐湯值得一提，好好味的南瓜湯，好細杯，可以一飲而盡！.香煎蓮藕植物肉蕃茄扁意粉 $148 ⭐️⭐️⭐️⭐️💫好多蓮藕和植物肉，食晒意粉都仲有餸，味道好好。賣相亦吸引。安格斯牛肉伴洛神花紅菜頭乳酪橙汁扁意粉 $138 ⭐️⭐️⭐️⭐️這款用料特別，洛神花紅菜頭乳酪橙汁的組合未見過，顏色靚，味道好。好多牛肉。.Petite Kyoto 抹茶柑桔蛋糕 $48 ⭐️⭐️⭐️⭐️💫抹茶味出，剛好配合甜甜酸酸的柑桔，整個蛋糕甜度低，賣相有紫紅和黃色的花配襯，唔捨得食。.Garden Party 玫瑰橙香紅茶蛋糕 $62 ⭐️⭐️⭐️⭐️因蛋糕太好味，再外賣一個😅😝，個設計有啲似結婚蛋糕，橙香好清新，同樣地甜度低，感覺好light👍.🎈總結：

囝囝生日🎂揀咗呢度食午餐汁燒牛肉櫻花蝦煎茶飯 💰138每次去食都必點，櫻花蝦好香又入味😋不過依家份量好似少咗，我囝囝食完都覺得唔夠飽🤣🤣我自己叫咗Tea set💰 168（1 person)-Matchacake 味道比較淡-patmaham ham味道唔太特出，配生果食會好好多-forestberriestart 藍莓唔酸個tart 唔錯-spteajelly 味道怪怪的-earlgarycake 冇咩特別-macaron 估唔到成個tea set,最好味就係macaron,唔會太 甜😋Staff冇比餐具我，要自己行去問☹️莫非個jelly都係用手食😅Rose tea🌹味道一般

屋企有老人家鍾意花，見到呢間餅店啲蛋糕用花做主題，十分精緻漂亮，就訂咗一個Spring Garden。同時亦有要求咗個「婆婆 生日快樂」牌。朋友代我去太古城攞個餅，返到屋企要切蛋糕嗰時先發現兩朶裝飾鮮花全白色！首先朵花同相嘅顏色完全唔同。再者，明知老人家生日，仲要送白花？真係大吉利事！嬲到相都唔記得影！蛋糕嘅味道就算幾好味都一定唔會再嚟！希望店主多加留意，有心訂蛋糕的人也要清楚表明要求，不然後悔莫及！

一直有買開依間嘅蛋糕灣仔舖態度一流又親切反觀太古分店不知所謂，我訂蛋糕時企係度等個人整完自己d嘢先理我。我講明我訂個蛋糕係堂食，仲即時訂埋，佢當時話無問題，其他咩都無講到我去堂食時，佢d同事先話要收加一d咁嘅服務真係令人無法接受

萬年好同事兼好友快結婚了，於是為她製造一個小驚喜。本來想買一束永生花，後來又覺得買一個蛋糕，大家都可以吃啊，這時有人拿出Sweet Dream的相片，說可以滿足我們想法，但我有點排斥，因為忌廉好像有點多，而且有個「球」在蛋糕上也太奇怪了吧！這以後也找不到合適的，便打電話查詢SP了，原來4"尺寸不會有滿天星在球以下(絲帶位置)，有滿天星的似乎順眼多了，便決定訂中間尺寸6"。取蛋糕時，永生花球與蛋糕是分開的，吃前才放在蛋糕上，主花中央沒有相片鮮豔，於是整體看上去就偏向淡雅風了。溫馨提示取蛋糕要自備大袋。-Sweet Dream 6'' $808蛋糕確是吸引女性眼球，拍照效果不錯。我初時對味道沒有絲毫期待，想不到除忌廉部分都很不錯。蛋糕甜度明顯較低，儘管這樣，愛甜同事依舊喜愛。忌廉不算甜，但油膩感滿滿，算是唯一的挑剔。有朱古力醬加持，因此整體朱古力味是突出的。淡黃色的吉士醬算是我最喜歡的部分，淡淡伯爵茶香、不膩，還有顆茶味奶凍。總體味道是超出預期的正面，不過還是想提出忌廉少一點就好了，因為不止我一人這麼想。-

上次就介紹完twinkle decor嘅打卡蛋糕仔後，大家都話蛋黃哥個款超級得意😝介紹完可愛風，如果想要啲斯文啲嘅，可以揀以下SP Flower & Tea Room嘅花花蛋糕，佢地有唔同款唔同花唔同顏色嘅蛋糕，岩曬鐘意花嘅女仔🌷PURPLE黑加侖子蜜樹茶藍莓蛋糕-$208/$438/$800(大家可按人數選擇size💁🏻‍♀️)柔和嘅紫色加上精緻嘅食用花裝飾，岩曬女神一族影靚相📸唔好以為佢得個樣，蛋糕同cream嘅味道一樣超級正💁🏻‍♀️啲cream厚得來唔膩，而且帶有淡淡嘅黑加侖子味or花味(望住啲花食就覺得自己食緊花味嘅嘢🙈)，蛋糕保持濕潤嘅口感，所以打完卡食兩啖攞低嘅狀況唔會發生😂蛋糕本身分左幾個layer，中間有層藍莓jelly，為蛋糕帶來有層次嘅口感外，仲令蛋糕味道無咁單調😉太古太古城道18號太古城中心2樓211A舖

揀左呢間同朋友食生日飯，呢間餐廳裝修以粉紅色同花為主，適合女生聚會。佢menu 上既主菜全部可加$做套餐，我同朋友每人叫咗個意粉，+$70 有湯、沙律、飲品同甜品。先上湯同沙律，湯係南瓜蓉湯，甜甜的好飲。我叫左牛油果黃姜乳酪雞肉扁意粉，味道清淡，黃姜與乳酪汁的配搭很夾，雞肉好新鮮無雪味，餐牌寫佢哋用澳洲有機雞肉，但食到底開始會覺得少少膩。朋友就叫左青咖哩雞肉扁意粉。甜品可以揀廚窗的任何一款蛋糕，每一個款都好靚，好有設計同細緻😍 我揀咗個雖然唔記得叫咩名但勁好味！外面係有伯爵茶味道既慕絲，入面有啖啖芒果果肉，先有茶味後有果香，好有層次，外表更加無得彈，望落去閃令令，又有珍珠同花瓣做裝飾，成個都食得，我諗無女仔見到會唔中意！今次對呢間餐廳都很滿意😊

和一名很久不見的朋友在太古吃完飯經過呢間店的厨窗，它以花作主題的裝橫及蛋糕吸引了我們入去。見到蛋糕外型好美，而當店員主動告訴我能即時寫上生日祝福語時，我突然記起朋友生日快到了，我便二話不説買了一個小蛋糕。唱完歌一同分享蛋糕，雖然味道並不如想像般好，但能和朋友在此一起慶祝，也是值得的。

這餐廳有兩家分店，一間在尖沙咀，一間在太古城。今次光顧的是太古城分店。餐廳裝修得很漂亮，充滿了花和大自然的感覺，非常適合打卡。食物的種類不算豐富，但相反茶類的選擇非常多，推薦它的花茶， 大家可以試一試。喜歡的話，他們有一罐罐的茶葉獨立販賣，送禮自用都是不錯的選擇。另外，餐廳的甜點特別漂亮、精緻，就像藝術品一樣，味道也非常出色，推薦一定要試。 總體來說，這家店非常適合女性光顧，不但裝修漂亮，甜點也漂亮，花茶和養生茶都非常適合女性飲用。

只係路過你一定會畀佢個櫥窗嘅蛋糕吸引住而停步下來😍無論環境食物都係以花為主題。初初諗住佢係做甜品為主食物會冇咩驚喜， 點知我膽粗粗叫咗藥膳排骨湯飯同埋呢個麻辣豬腩肉飯🥂😋味蕾即時受到衝擊😍😋如果你有朋友生日可以即時order 一個甜品寫上佢個名😜每一道菜都可以滿足你嘅相機食先慾望💕

很貼心的服務！我點了「汁燒天然雞柳野菌栗子煎茶泡飯」，我跟店員說「走雞」，她很細心的跟我說這樣我就只有泡飯沒有餸，接着她跟廚師商量可不可以給我特別的安排，最後煎了植物肉餅給我，味道更非常好！！

一間充滿夢幻嘅餐廳，啲甜品嘅價錢略貴，但環境的確好舒服。呢兩款甜品又靚又好食，佢啲cake整得好精緻。後面個pancake有好多唔同嘅配料，裏面有希臘乳酪同埋唔同嘅鮮果，影相打卡一流。不過價錢真係貴左少少

環境很舒服，很粉色店舖。等侯時間不會太長！我和太太到太古城一間日式料理吃茶泡飯。我選了菊花塩麴魚柳高山烏龍茶泡飯定食，而太太選了天然飼養雞扒番茄窩夫。原來吃茶泡飯是有一定的程序，好奇心驅使下，我照著指示試著玩，學學享受茶泡飯，果真有不同口感。這食法很有特色，可感受到花茶的清香也同時享受到魚的鮮味。我真的較喜歡淡淡清香的茶味！而太太選擇的雞扒，肉質鮮嫩，雖然加了些黑椒碎，但不會蓋過雞肉的味道，窩夫鬆脆可口，加上藍莓乳酪醬，令窩夫更美味可口。

之前經過覺得環境都幾靚，直至有朋友話想試下就終於入咗去可能因為我哋去嘅時間lunch time已過但又未到tea time所以好多位，staff都俾我哋自己揀位隨便坐周圍嘅設計都好靚，絕對可以係度影下相叫左個滑蛋饅魚飯同花茶最後見到d蛋糕真係好靚都有加多$32成個lunch set泥講價錢都合理而且坐咗好耐都唔會話趕人走

邊個唔生日有個靚蛋🎂🎂🎂糕食下有班朋友陪下🍰🍰吹下水?講起靚蛋糕🎂🎂🎂唔好話"靚"宜家求其一個連鎖店蛋糕閒閒地都要200幾蚊如果係咁我不如用呢個價錢買個細啲但好食啲又靚啲架啦!🍨🍨🍨第一試呢個品牌開頭真係覺得幾"啦脷"🎁🎁🎁但見到實物覺得"抵食食埋更加覺得物超所價!睇下個賣相幾有仙氣!🎀🎀🎀仲有真花花添最咖女孩子打卡影相!食落綠茶好香cream滑🎊🎉唔會苦澀最欣賞係個底其實幾有驚喜!因為買蛋糕果陣只係標明有綠茶🍵🍵🍵估唔到食到最底居然發現粒粒紅豆!🍬🍬🍬紅豆同綠茶真係絕配估唔到佢會偷偷地粉墨登場!🍵🍵🍵