SP Flower & Tea Room (太古城中心) (已結業)

第一次 食下午茶 order左之後 就去向職員問問訂蛋糕是否入會做member有折呢？因上網睇到入會才有折 當時職員回答 沒有任何折扣優惠 我唯有落order訂蛋糕而且直接先付蛋糕錢 跟住又回位食丅 食完 埋單職員比張coupon我話下次買蛋糕有九折 我即時問佢 那可以用作剛才蛋糕訂單上嗎？點解剛才問有冇折職員又話冇 明明職員幫我落完下午茶order 我再去訂蛋糕 既然埋單會有coupon點解唔一早講第二次 都係下午茶 兩個人去 叫一個餐pancake連一杯咖啡 我哋見到蛋糕櫥窗上有一個Menu是淨飲品 我個位好狹窄好迫 好困難和小心奕奕旁邊枱有人食用中嘅餐桌才行到入去坐下 我問職員有冇出面個飲品Menu 佢竟然話冇 我話我好迫出唔到去睇 咁唯有叫坐㚈出嘅朋友用電話影低俾我睇下有乜嘢飲 跟著叫咗杯薑汁咖啡$45 食飽埋單杯薑啡是$55 我哋問職員 佢地話嗰個$45係外賣價 走的時候望下出面個memu是有寫外賣價的 問題在於佢冇Menu俾我細心哋睇清楚 而我又出吾到去睇 冇服務 而且未有提供堂食飲品餐牌 又冇職員提醒 又中伏 真係不會再光臨此店了

好耐冇去太古了。。。都有一年半載。。。今日約咗家姐去行下街，行行下，發現了一間好靚好有少女風嘅cake shop， d cake同花都好靚，好吸引，所以就入咗去擺底咗d銀兩廚窗嘅一花一朵都好靚滿天星又靚。。。cake又靚。。點忍到唔入去呃like🤣SP Bouquet $48Cake係玫瑰花果茶，荔枝雜莓味道中間係酸酸地嘅cream, 面層用薄薄嘅蛋糕皮包住Lily $52用茉莉花，桂花配上香梨，帶出了淡淡嘅茉莉花味道Cake size唔大，係酒店價錢，但可以享受到舒服寧靜環境，睇下你點揀！

今日放假，心思思想食甜品😍就去左喱間SP Flower到tea一tea🤗環境同餐廳主題好襯，感覺舒服得黎又夠清。揀左個tea set，仲可以自選兩款cake，真心覺得靚。另外個一set有好多唔同款式，好精緻。開始試下個兩款cake，估唔到個外型靚外味道都好味，不過原來個兩款cake都係莓味，早知揀過第二款😂，而個一set就真係令我好喜岀望外，原來一邊係咸食另一邊係甜食🤩，不過美中不足係杯野飲，藍非草本檸檬茶就有代改善🤣

黎到假期最後一日，本身約左朋友係太古城simply life 食brunch ，不過一入到去侍應就話入坐後1個鐘後交枱。諗住同friend輕輕鬆鬆咁嘆個brunch 嘅我地就緊係雞咁腳咁行出simply life 另覓餐廳。去到SP Flower and Tearoom門前，覺得佢靜得黎又好似幾好坐，就入左去。呢間cafe 110%走少女風格，雖然我入到去有種同自己格格不入嘅感覺，不過裝潢佈置的確好靚，好啱幾個女仔約埋一齊girl’s talk。野食方面就冇環境咁掂，不過不失咁啦。不過個價錢以港島+商場黎計又唔係好貴。個lunch set為$138-148，包杯普通熱飲同一個espresso杯咁大嘅餐湯。選擇包括有茶泡飯，意大利麵，waffle，同三文治等，選擇都幾多。我食左個牛肉茶泡飯，個是日餐湯係asparagus 濃湯，都ok的，唔太咸等asparagus 味唔太出，蘑菇味反而相對濃，不過顔色綠色係幾搶眼。我野飲跟左熱齋啡。因為呢度主打唔係咖啡，所以都唔特別評論了。☕️P.S. 兩朵燈花係聖雅各福慈善義賣買番來的。又可以做善事，又有新裝飾，何樂而不為？☺️大家新年逗完利士就做多啲善事

After a day of tiring work, I dated my friend for an afternoon near her workplace. She proposed we tried SP Flower & Tea Room as the decoration there was romantic and the cakes looked pretty. Once we entered the tea room, we were totally amazed by the flowery decoration. This was really a dream place for girl dates. After studying the menu for a while, we decided to order two different cakes and two pots of flower tea. The cakes which we ordered were named Bliss and SP Bouquet. There was indeed

Souffle 勁細份 圖與實物不符即整等左半個鐘但出到黎係暖 唔熱個souffle 唔係流心 質素普通 加一杯檸蜜 就$190 食完個tea 好似無食咁 除左食裝修之外 我都唔知自己食左啲咩落肚 鐘意食 souffle既朋友 就唔好去呢間啦

一踏入舖頭已經被佢嘅佈置裝潢吸引，好粉系好仙氣吖想試嘅其中一個原因絕對係因為靚~朋友生日想同佢食個靚靚蛋糕，本身想試伯爵茶蛋糕，可惜當日賣哂，就試左喜悅茶玫瑰荔枝蛋糕❤我都試過坊間其他以花藝賣點嘅蛋糕，不過真係好多都得個樣，但SP哩個蛋糕不得不讚，外層玫瑰忌廉滑口輕感細膩，蛋糕層次分明，包括有純蛋糕，荔mousse，cheer up me tea jelly而且大家都食左好似雪凍左嘅雪糕口感，大愛，好好味而咸食方便叫左4款，比較特別嘅係橙紅乳酪紅菜頭安格斯扁意粉，而附送嘅餐湯亦係滿意之作

Shop Front 呢間 SP Flower & Tea Room 位於太古城中心，每次行過都會俾佢入面既靚靚蛋糕所吸引。今年母親節，一早就訂定咗枱同蛋糕，氹下媽咪 Our Seat & View Flower Tea $68/pot 叫左2壺呢度主打既花茶 $68/pot Zen Garden (茉莉桂花烏龍) 初初2次好濃，配上食物可以消滯，有茉莉花香，算不錯。Happiness (南非藍莓國寶茶)淡淡地甜甜地，幾特別，不過唔係人人都喜歡，始終係果茶。水可以refill，慢慢歎! SP Favourite Organic Chicken Waffle $142雞扒味道唔濃，淡淡既雞肉味，相信係因為輕食同健康熟煮，雖然唔多調味，卻係入口覺得好舒服，無任何雪味，肉質有感。 醬是用來配waffle，暖暖既waffle，食落口既感覺好match。 Tea Set ，有2 個mini hamburger同埋1年mini pancake，再配2件自選既mini cake! 真係好香甜既好自然既味道，唔會覺得係惹甜既感覺，每一口都好似飲咗啖清甜既香露，好香好sweet! 蛋糕係S

用左apps 試食蛋糕呢間位於太古城中心既蛋糕店賣既甜品十分精緻, 以花和茶做主題, 今次有幸其中兩日我有機會試食蛋糕。 蛋糕店既裝修好lady, 每個蛋糕好似藝術品咁, 約朋友或者自己黎嘆個tea 或食個飯後甜品都好一流, 去隔離行街都好方便3D bouquet($48)荔枝玫瑰味, 食落有陣陣早餐茶同雜莓既味道。。 上面既乾花是裝飾, 不可食用。 充滿立體感。 軟綿綿既蛋糕, 內裏有好多層次, 都是不同既色同味道。 整過蛋糕既都知要花好多時間同心機先整到。 所以48蚊一個蛋糕好抵食Passion ($45)打側睇有好7層, 用左芒果同熱情果, 仲加左bon appetit tea。 上面果大粒紅色係紅加侖子, 酸酸地。 有兩粒細珍珠咬唔開冇味。 仲有兩塊橙色圓形朱古力幾好食。兩款比較, 我鍾意passion多d.因為鍾意食芒果男店員會好nice咁介紹呢款蛋糕俾你。我食完覺得好治療同好滿足。 好想試下堂食下午茶呀。

星期六，和母親飲完早茶後，行經一間蛋糕店，打算吃點甜品休息一下。由於時間尚早，店內還沒有其他客人。媽媽沒興趣挑選蛋糕，先入座，我在門口蛋糕櫃中點選了三件蛋糕，在蛋糕櫃上的直立餐牌點了一杯玫瑰花茶。店員告知餐牌上的是外賣飲品價錢，我問在店裏喝貴多少，她說貴一倍。由於母親已安坐了，我只好答應。但有必要貴那麼多嗎？這是尊門吃蛋糕的店，配以一杯花茶很正常，難以理解價錢相差如此遠。但這是店家的選擇，便不干預了。我入座後，店員才告知用餐時間是90分鐘，每人最低消費$60，我問剛剛點的還差多少，她說夠了，我暗笑多此一問。蛋糕非常精緻，顏色粉嫩，口感軟滑，有淡淡花香，配以一杯花茶，是午後一大享受。

上星期六，為左同朋友開bridal shower party，買左呢間蛋糕。由於某啲問題，時間非常倉猝，又想買一個令準新娘難忘嘅蛋糕，又冇咩時間。我地買現成蛋糕，除左大型連鎖蛋糕店，就冇咩選擇。而我相信冇人會買連鎖餅店嘅蛋糕黎做bridal shower 蛋糕。好好彩，比我記得有呢間餅店咁，睇相啲蛋糕真係好靚。早上打電話比間鋪頭，問佢有咩蛋糕，店員好有禮貌咁話下午一點蛋糕會齊啲。咁就更加好，唔洗咁趕。一去到間鋪頭，見到啲蛋糕，心諗:原來真係咁靚，今次新娘實會有鍾意。不過我有選擇困難症，諗左好耐都未決定到買邊個，另外位姊妹又未到。不過諗下，呢啲蛋糕係緊越誇張越好。終於，就揀左呢個SP blossom，仲可以免費寫名牌。店員都好nice 呀!新娘同各位姊妹都表示驚喜，覺得蛋糕好靚😍到食嘅時候切開都好靚，同埋都好味。唔係得個樣入面就藥水味。仲有一個小驚喜，就係蛋糕上啲花係用左真花架，蛋糕入面有個位裝住啲水養住佢。真係好用心，好精緻。

一行五人做港女去食花花下午茶，點知好多人，等左差不多半個鐘，不過係出面望下佢個啲靚到出塵嘅甜品都可以消磨下時間。我地叫左三個餐share，原來唔係得個樣，味道都好好，係個價錢都高貴左啲啫個班戟食落唔似現成貨喎，切開個半熟蛋連蛋汁同煙三文魚一齊好滿足好豐富。雞扒窩夫都係用心出品，連啲洋蔥都係有調味過，可以連埋南瓜蓉食，清新又香甜仲有個Parma ham三文治賣相都好靚，味道就不過不失啦同埋超級鐘意佢個茶，好清香。

叫了兩塊櫥窗裡的蛋糕 等了好久⋯ ⋯ 一直叫我們等一下 全程沒有笑容！蛋糕好食 飲品一般！希望提高服務質素！！！對待客人可以耐心一點！來到這個店都是希望有好的service！

同屋企一齊食lunch 想搵間簡簡單單既西餐/輕食既餐廳行過見到太古城中心呢間餐廳好似既靚 餐牌既食物都啱食就決定試下啦餐廳以粉色/淺色為主 有乾花做Decoration 都幾靚食物分為意粉 Waffle/Pancake 沙律 三文治四類食物全部跟野飲 都可以+$30轉d特別d既茶類食物都有跟個mini soup今日既湯係番茄湯 個湯係打成蓉果種湯 番茄味好清甜香濃首先試個天然飼養雞排番茄窩夫Waffle好脆熱辣辣既 配上南瓜蓉 甜甜地 比起普通既syrup 好食雞排係意料之外既好食 一上檯果陣已經覺得煎得好靚雞排係超級嫩而且好夠肉汁另外仲有d沙律菜 菜好新鮮 配上少少胡麻醬就足夠之後再試天然飼養雞肉羅勒松子醬扁意粉意粉醬帶好香既香草同薄荷味 比起平時食到既pesto醬香 可能係因為食材新鮮雞肉都係好嫩 粉量幾多另外試左少少挪威煙三文魚味噌雜菌扁意粉開頭驚Miso加埋Cream會有d奇怪 但食落係出奇地夾忌廉味好濃 配上淡淡既味噌可以冇咁膩意粉配上好多煙三文魚同埋雜菌 啖啖都食到帕瑪風乾火腿牛油果炒蛋三文治一上檯又係覺得好靚三文治仲有配上生菜 芝士炒蛋好嫩 份量多到可以密鋪整個三文治表

之前朋友生日試過SP蛋糕覺得唔錯唔甜個樣又靚，今次第一次黎坐底試下其他甜品，果然無失望樣靚又好味最緊要唔甜，食左都唔易肥待應招呼都唔錯，約朋友吹水又多個地方揀唔洗R爆頭