Studio Caffeine (廟街)

营业中

休息中

今日同媽咪睇完醫生，緊係帶佢食好嘢！飲返杯手杯咖啡啦！煙三文魚磨菇黑松露意大利($95)煙三文魚比相像中份量多，賣相好吸引，不過黑松露淡左啲，整體淡忌廉多個黑松露！超級全日早餐我第一次食超過十款材料的All Day Breakfast~非常豐富，賣相色彩繽紛，仲要好味！特別個煙肉煎得好香脆，炒蛋香滑，沙律菜新鮮！食到唔夠喉！Cappuccino泡沫 ($40)主角出場喇！杯杯都會有靚靚拉花！個人覺得咖啡一入口會偏苦少少，之後有少少甜味，唔錯！星期一至五都會跟一杯$40以下的飲品，所以呢杯係免費，好抵呀！Flat white特濃鮮奶（$40)特濃鮮奶指奶量會比其他咖啡多，相對都會大杯少少！一個字正！好鍾意呢個拉花！

應該因為疫情餐廳唔算多人去到就直接入座記得呢間好N年前黎過印象幾好今日突然想食ALL DAY BREAKFAST就諗起呢度了點左~手撕豬肉西班牙風味醬扁意粉因為唔食芝士既關係意粉選擇唔算好多最後揀左呢個問staff西班牙風味醬係咩味道佢話少少辣的紅醬就試一下啦結果黎到試一啖又幾惹味wo真係少少辣幾開胃手撕豬肉既份量都ok唔會得好少咁~美式全日早餐呢個黎到都幾豐富成隻碟滿晒未食都覺得幾滿足加左錢將麵包轉做牛角酥個牛角酥黎到暖粒粒咬落去好鬆軟幾香幾讚其他配料都正常其實幾欣賞個煙三文魚不過就得一件想食多一件~士多啤梨冰搖茶叫左小甜真係唔係好甜非常好呀而且個士多啤梨味幾香唔會好藥水果隻呢個都讚

一個人的午餐☕️有需要外出工作，所以無帶飯，過左2點避開繁忙時間，嚟到呢間出名食all day breakfast 的小店❤️想食意粉，叫左個忌廉蟹肉意粉🍝配mocha ☕️😋個意粉「超多」蟹肉差不多同啲意粉咁多🤣忌廉汁超濃🤤好味，只意粉口感比較淋，如果硬身啲有口感啲更好👍🏻Mocha 唔會太甜👍🏻朱古力味好香☕️「利申：😅個人比較少飲咖啡，不能作準」寧靜的小店接近下午茶時間仍然多人，証明有實力💪

之前都食過幾次，但就好多人，今次揀左平日既晚餐黎食，唔洗等位之如又坐得好舒服。蟹肉配意大利奶油芝士醬扁意粉（$95）一上枱就聞到超香，加埋個賣相就知非常吸引，超多蟹肉，配埋奶油芝士醬，好rich。望落好似好細碟，但食落都有點漏，同朋友share 食岩曬。忌廉汁配牛油果扁意粉 （$85）開頭以為係素意粉就以為會好dry，但食落都有層次，有驚喜。舖左大量既芝士係面，意粉煮得岩岩好，再沾上牛油果醬，配埋羽衣甘藍，整體感覺很清新。Classic Hot Chocolate （$44）拉花好靚，泡沫豐盈綿密，味道雖偏甜，但完全唔係死，飲完非常滿足。Dirty ($50)好smooth，紋理都算清晰，都好香濃。餐廳環境寬敞，店員態度親切，亦唔會有用餐時間，絕對唔會催趕離開，岩曬同朋友黎傾計食飯。🔸🔸🔸🔸🌟價錢 - 8/10 🌟回頭指數 - 10/10

自從成為啡🍑的在下，很多時找地方吃飯就先看是否有琲喝🤪就像這天，來到這兒😎🍑聽聞空腹喝 #コーヒー 對腸胃不太好，雖然小的滿肚腸肥，但也不敢造次，所以每次喝琲前也先吃點東西這天選了她。。。😋All Day Breakfast - Veggie🥗(Mixed Veggie, Kale, Portobello, Smashed Avocado, Fresh Fruit, Mashed Potato with Black Truffle, Scrambled Egg, Cherry Tomatoes, Ultimate Baked Beans, Mini Brioche)，一大碟豐盛的素菜全日早餐，最注目也是最好吃的，首選帶著松露香的薯蓉，綿滿的酪梨泥也是很讚，無論放在原味菜蔬上，又或是塗抹在鬆軟都包上同吃，也是最佳配搭呢😊🍑吃過配菜後，這回選擇的主角是☕️Pourover 手沖咖啡，印象中是首次喝手沖的🤔點單時，店員查詢要Fruity 還是 Nutty 的，這回小的終於懂答了🤪，選的當然是後者啦，在兩三款選擇中，選了其中一款來自Guatemala 的咖啡端上來時煞是有點新奇，盛載咖啡的是瓦煲

早兩日家姐提議週末去咖啡店嘆咖啡，食all day breakfast chill吓。之後就上網揾，發現雖然香港好多咖啡店但大多數營業時間比較晏，對於我哋呢啲早起人士的確少了好多選擇。最後就揾咗呢間開8:00嘅Studio Caffeine。店內雖然有提供搓手液同探熱機，但因為位置唔明顯，好多顧客坐低咗先再由職員提示需要量度體温，忙起上嚟隨時走漏眼，呢點有待改善。店內工業風裝修，型格且時尚。可惜地方細，近路口座位容易被進出顧客撞到椅子。拉花咖排係一件藝術品，美美的。網上見matcha latte係草泥馬花紋，可惜今日呢杯唔係，不過呢個都靚嘅。味道唔會好甜岩我。All Day Breakfast 賣相相當美觀，呃like不成問題。我點咗Classic All day Breakfast, 轉牛角包另加15蚊。呢款最平嘅All day Breakfast款式較少，不過份量好足。所有野都正正常常，不過煙肉真係幾咸。總括味道，價錢，環境唔錯。係Good嘅good morning。

😍Happy Friday!🌟同一班女同事食左餐高質嘅lunch🍽，今日嘅lunch我地揀左位於廟街 嘅Studio Caffeine !😋今次揀左美式all day breakfast,本身都好鐘意食菇，咁岩依間餐廳嘅all day breakfast 係有隻菇架，仲要好好味！ 另外最驚喜嘅係個包🍞，唔係普通餐包，味道甜甜地夠軟熟，切開咗先上碟架有花心思擺盆！賣相出色！同其他餐廳嘅all day breakfast,lee 間嘅all day breakfast 係有特色嘅。成個餐份量好足夠，細食嘅女生可以share 一份all day breakfast! 😙Lunch 係包埋飲品嘅，今次我揀左美式咖啡，唔太苦無酸味，岩我口味☕️！值得再去！🍻

呢個真係好好食 係我食過最好食嘅Cafe 叫咗個蟹肉意粉同一杯榛子朱古力啲蟹肉好足料 撈埋成個意粉食好好味好creamy 個榛子朱古力好濃 個拉花好靚 係甜咗少少 但係整體來講真係好好食😋

💛#支持良心餐廳💰Veggie all day breakfast $95💰A.C.E salmon bagel $98All day bfast都幾豐富 我幾中意個奶油麵包 幾香牛油味 係軟身麵包黎 炒蛋幾滑身 中意佢有啲生果 提子同藍莓都唔算酸 咁當然未去到話好靚好甜嗰隻 個大啡菇可以再juicy啲 望返menu先發覺原來焗豆係自家製 難怪同平時嘅茄汁豆有啲唔同 味道淡啲同埋啲豆淋啲 值得講下個黑松露薯蓉 黑松露味好濃 食落都幾creamy 比隔離個牛蓉果蓉好食得多 個牛油果蓉比較稀身 同好似有啲蕃茄味 似稀版salsa 個bagel有炒蛋 牛油果蓉 煙三文魚 cream cheese同火箭菜 我唔食cc 同麻麻地火箭菜 所以liu走左 炒蛋ok嘅 呢度嘅牛油果醬正常 煙三文魚本身唔記得咗比我地 後尾補番 加埋食正好多😂 不過個bagel體係硬身但唔chewy 唔係我食開嗰隻質地 感覺上係一間質素正常嘅cafe都係咁上下價錢但又無咩位令我覺得好特別會想再黎🤔

<全日早餐唔錯 咖啡唔錯>👍🏻細細間既 cafe見網上食評唔錯 就 bk左 lunch試下 食物 menu主要係西餐類 意粉 allday bagal之類 價錢 80 至120 , 呢 d食物係差唔多 服務員有禮 唔錯👍🏻🍴monster allday breakfast 115 蚊😈見佢都係差10 蚊 所以就點 monster rather than普通 allday, 沙律菜 車厘茄 炒滑蛋 扭倫堡腸 燻黑椒牛肉 煙三文魚 大蘑菇 茄汁豆 黑松露薯蓉 奶油麵包 仲有青提子 材料豐富 個人覺得奶油麵包唔錯夠香奶油味同夠軟熟🍞 黑松露薯蓉整得好夠香 口感唔錯 蛋都炒得幾滑 🥚 其它就正正常常👍🏻平均中上🍴flat white 20 蚊☕原價40 蚊 配餐點就20 蚊個拉花整得唔錯 個人口味 個咖啡味算幾香滑 奶味夠 但就凍左少少🥛 可能因為人多關係 如可温度高 d更佳 👍🏻#cafe #咖啡 #白咖啡 #全日早餐 #焗豆 #炒蛋 #奶油麵包 #牛肉 #沙律 #腸仔 Score 平均分< 7.7/10>Taste 味道：👍🏻👍🏻👍🏻👍🏻Prese

今日「10.10全民感謝日」要出一出去，支持一下本地小店💪🏼 揀左間超高質💛店，文青格調，地方唔算好大，但食物非常高質🤤 無得輸😍😍All Day Breakfast 總共有四款：Classic，American ，Veggie，Monster😛🍳Classic All Day Breakfast ($85)沙律菜好新鮮，配黑醋，麵包烘得香脆，德國腸同煙肉都煎得好香，又唔會好咸😋🥗Veggie All Day Breakfast ($95)全素食早餐平時比較少見🥬 但一d都唔單調，仲好有驚喜🤩🤩牛油果蓉同黑松露薯蓉，好特別🥑牛油果蓉好新鮮，無添加調味料會比較淡口，真係好fresh好健康，仲有配埋生果🥰佢地啲咖啡拉花好靚，打卡一流📸 餐廳內播住輕快嘅歌曲，環境舒適，可以慢慢坐下傾下計😌———————————————————————

早牌想搵個地方出去做下野同chill下，俾我搵到佐敦有間非常厲害嘅黃店cafe. 注意⚠️：由於係小有名氣既良心小店，加上座位唔多，請預留至少15-20分鐘等位。入到去既裝修唔錯，除咗有一系列賣製作精品咖啡用具外，仲有一個滴漏咖啡壺。叫咗all day breakfast 同一杯latte, 等咗15分鐘，野食就到了煙肉：煙肉幾香但冇咩特別台灣腸：真係估唔到台灣腸同all day breakfast 都可以咁夾鹹鹹哋既腸，同煙肉配合得好好，又可以同薯蓉夾得到大啡菇：味道超正，又有預先煎香，味道非常突出，令到平時對菇類奄尖嘅我都心服口服，最快食晒都係佢，甚至比太子個間慢煮更加好食煙三文魚：超市買到嗰隻，冇咩特別茄汁豆： 平時真係好少食茄汁豆，一來又怕豆味，二來茄汁豆既texture 真係食唔慣，但今次居然突破到，同麵包又真係好夾，豆味相對冇咁勁，令我更容易接受到蕃茄：幾新鮮，又有茄汁豆醬汁令到相對濕潤麵包:質素幾高，相對軟但又好食，配合茄汁豆真係好夾炒蛋:準Gordon Ramsey 級水準，又滑又香雖然唔算稱得上係美式，但作為all day breakfast，應該甚少有其他餐廳比得上佢

A good sized all day breakfast, for a very reasonable price (115hkd). It comes with a drink under 40hkd, so I got a cup of quite nice hot chocolate. The portions are reasonable and there's a bit of everything you'd expect. Has an unusual touch of truffle mash.

Bookmark咗Studio Caffeine都有一段時間，聽人講呢間Cafe嘅咖啡好正，店主係咖啡嘅比賽屢獲殊榮，一入邊果然見到架上面就全部都係有關咖啡嘅奬項，一場嚟到梗係要見識下啲咖啡幾好飲啦！Studio Caffeine位置十分靠近佐敦地鐵，環境簡約時尚開放式廚房，店舗呈長方形，係門口外位置已擺放了餐牌。店舖運作係先付款後送餐。主打AlI Day Breakfast，有4款早餐可以揀，有veggie、American、Classic同monster ，飲料除了咖啡，仲有特色的花茶和果汁。AlI Day Breakfast（入面有煙肉，紐倫堡腸，煙燻黑椒牛肉，炒蛋，煙三文魚，黑松露薯蓉，大蘑菇，紅黃車厘茄，新鮮水果，沙律菜，秘制焗豆，法式奶油麵包）份AII-Day Breakfast睇落超吸引，份量大，色彩繽紛又超豐富！又香又滑嘅炒蛋！黑松露薯蓉都算濃郁，薯蓉口感綿滑，好味道！又香又多汁嘅大蘑菇！啲蕃茄仔又好甜。煙肉幾大塊有肉感同有油香。紐倫堡腸煎得香口又脆皮，多肉汁好正。煙燻黑椒牛肉鞋左少少同幾薄，不過煙三文魚肥美。焗豆較普通。法式奶油麵包好好牛油味，微微香脆麵包夠鬆軟。沙律

monster all day breakfast with juicy mushroom, mashed potatoes with fragrant black truffle, and buttery bread, and more lovely mint mocha nice environment with just enough room, so don’t expect too much, as it is an usual hong kong tiny coffee shop.