Studio Caffeine (廟街)

营业中

休息中

原本想去間餐廳排長龍，所以係附近搵左呢間cafe，食返個豐富all day breakfast 醫下肚。all day breakfast (超級）＄115炒蛋超滑但無咩蛋味。煙肉幾大塊有肉感同有油香。紐倫堡腸煎得香口又脆皮，多肉汁好正。大蘑菇好薄身，亦不夠juicy ，幸好都有菇味。煙燻黑椒牛肉鞋左少少同幾薄，不過煙三文魚肥美。黑松露薯蓉幾重黑松露味，薯蓉細滑。焗豆較普通，應該罐頭野。法式奶油麵包好好牛油味，微微香脆麵包夠鬆軟。沙律用醋汁，配紅、黃車厘茄，好refresh好爽脆。新鮮水果用無核青提，幾清甜。總捨食物豐富，價錢吸引，味道正常，肚餓真係幾抵食。手撕豬肉配西班牙風味辣醬扁意粉＄95份量剛好，手撕豬肉太辣，應該加左好多辣椒仔，怕辣就免食，由於太辣食唔到其他味，肉質偏扎實，意粉反而煮得岩岩好。法式焦糖燉蛋鮮奶咖啡，第一口有好重燉蛋味，之後先慢慢出鮮奶咖啡味，但越飲個燉蛋味就越唔突出，好似普通焦糖咖啡咁，都唔錯。泡沫咖啡，奶泡豐盈綿密，咖啡味濃而口感順滑，拉花亦好靚。

黄到金嘅一間ᴄᴏғғᴇᴇ sʜᴏᴘ💛叫咗個ᴄᴏᴍʙᴏ sᴇᴛ☕️(ᴇxᴘʀᴇssᴏ+ᴄᴀᴘᴘᴜᴄᴄɪɴᴏ).個拉花都幾靚，咖啡口味比較nutty，但就普普通通，冇咩特別，中規中矩😌expresso就偏酸，都唔錯，我個人都幾中意酸🙊不過就真係好濃咖Hahahaha.平時一至五叫嘢食可以免費加杯咖啡，都幾抵🤩星期六日就可以半價加杯咖啡/嘢飲🥃

呢間cafe淨係all day breakfast都有四款選擇👻而且咖啡都唔錯 攞過唔少咖啡比賽獎架.☕️Hojicha Tea Latte ($50)話係我飲過之中最好飲既Hojicha Tea Latte一d都唔過份💕茶味同奶味岩岩好 而且沖得好滑 超正🤤.🥓American Breakfast ($105) 原本跟brioche既 不過我邪惡d轉左牛角包😈🥐配料雖然好多種類但每一種都唔媽虎 絕對值得去試架👏🏻👏🏻炒蛋夠滑 唔會overcooked最欣賞係個大啡菇 好香好juicy另外仲有我至愛既芝士腸🥰而呢度最勁個款早餐 (Monster) total有成13種toppings🤩除左常規既配料之外 仲有煙燻牛肉 煙三文魚同新鮮水果 大滿足💛🙆🏻‍♀️

去佐敦搵朋友食飯，朋友介紹下去左依間Cafe。最近好多餐廳都做唔住，大家如果出街食飯要多啲support 黃色食店呀！有啲cafe會玩fusion菜，依度大部分野食都係正統西式野，不過特別在有好多款式既貝果(bagel)😍自己好少去cafe食野，唔係好知一般價錢。menu大部分野食都係 $9X，覺得有啲貴。本身唔抱太大期望，純粹想支持黃店。結果食物質素十分出色又大份😍Hot Town Pulled Pork Bagel $98好大大大大個bagel！仲以為係細細個，完全無expect個bagel會咁大件又足料 ，成個巨大漢堡包咁XD入面夾左勁濃味juicy又軟腍既手撕spare ribs、多汁菠蘿、creamcheese 同沙律菜。（菠蘿睇得出有輕輕烤過，creamcheese個質地比較似乳酪沙律醬多過一舊舊果啲creamcheese。）一邊食一邊瘋狂滴汁，真係好邪惡呀依個配搭。貴啲但完全值！Hazelnut Latte +$5Weekday只要嗌主菜就包一杯$40既野飲，幾抵。依杯Latte沖得幾香，有微微Hazelnut香味。不過個bagel咁惹味，似乎同溫醇既咖啡唔夾…可能同ca

#All-Day Breakfast – Monster 🥳 #AllDayBreakfast (入面有煙肉、紐倫堡腸、煙燻黑椒牛肉、炒蛋、煙三文魚、黑松露薯蓉、大蘑菇、紅黃車厘茄、新鮮水果、秘制焗豆、法式奶油麵包) 份All-Day Breakfast睇落超吸引，色彩繽紛又超豐富!!🌈炒蛋🥚﹕好滑又香，鐘意食蛋既小編好鐘意啊!黑松露薯蓉🥔﹕黑松露味都算濃郁，薯蓉口感綿滑，好味道!可惜既地方係凍既，如果熱食一定更吸引!!大蘑菇🍄﹕又香又多汁!如果可以釀D餡落去一定錦上添花~~法式奶油麵包🥖﹕好脆，所以會食得好論盡，不過~D奶油味都好香~其他野就正正常常，係想像到既味道。不過🐷小編同同事仔都唔食焗豆，所以就話唔到比大家聽味道係點嚕…不過🐷小編睇落就同普通茄汁豆好似啦🥫😆.#手撕豬肉配西班牙風味辣醬扁意粉 #手撕豬肉 #扁意粉 #Pasta 哈哈，平時🐷小編就食開手撕雞啦~手撕豬就真係第一次!!😝碟意粉個賣相唔算特別吸引，但係個香味就真係好唔錯!🤩令到小編手指大動，急不及待就想試!!👍🏻而且小編依意粉最鐘意扁意粉，有口感之餘又可以沾到多d汁!!🥰😋因為小編鐘意食辣，而個西班牙風味辣醬係小辣

即日食即日出，事關我好鍾意食bagel，平時就食開@blendithk 嘅bagel，呢個我之後一定會介紹，即管去買隻隻都好食冇伏😭❤️大愛。香港賣bagel嘅地方唔算多，好食嘅更加係難得，今日又俾我食到間好食嘅😆Hot Town Pulled Bagel ($98)中間夾著自家製燒烤醬配手撕豬肉，燒烤醬不過鹹又夠濃味，不會過油，下面那層包吸飽醬汁🤤餐牌上寫着夾菠蘿，但應該是沒有菠蘿，我那個是夾杏桃🤔想不到意外地搭又好吃😋bagel上層塗滿忌廉芝士，香濃滿足，加上杏桃的酸甜和火箭菜的清新，一點也不膩。旁邊的沙律菜新鮮、有醬汁配，不會沒有味道像是在嚼草😂Flat white 價錢沒有留意，我是平日午餐時段去吃，不用加錢。咖啡不錯👍🏻味道帶微酸苦澀，香氣足有餘韻，咖啡味留在口腔挺久。最後都要提多次，同我去買爆 @blendithk，最近冇得出街，係屋企食bagel就啱晒，買幾打囤係屋企早午晚食都得🤤懶人就買埋cream cheese我冇賣廣告架自己真金白銀買😬

又一家黃到不行嘅cafe，經過決定入去小歇一會，就算係五六點入面都有好多獨食人士或者結伴而來嘅食客。見到menu上有 Creme Brulee Latte，少飲咖啡嘅我覺得幾特別就試吓，順便叫咗個scone當下午茶。個latte飲落去真係有好香嘅雞蛋味，比較香甜而scone就普通啦，係普通包裝jam配whipped cream而唔係clotted cream。其實依間好似係出名all day breakfast，下次可試試！

平日下午茶時間，仍可維持4，5成入座率。店鋪面積不算大，可惜員工談天聲音很響亮，說到興奮時還夾雜著粗口聲和大笑聲，坐在一角也有點受不了，食客反而較為安靜。跟一般咖啡店很不同，閉上眼像去了學生飯堂。記緊守衛著食具，因為這裏的員工跟以前的澳牛一樣，容不下杯碟未用完紙巾多留在枱上一會，在你不為意之下快手清走，不著痕跡。以為在佐敦覓得偷閒加油站，看來要再碰運氣了。Classic all day breakfast, hot mocha 都不過不失，一百元有找，不設八達通。

好想飲返杯咖啡☕️叉下電，咁即係要食西餐啦😂喺佐敦附近搵間鋪頭懲罰下佢先我認嘅，有拉花嘅咖啡我係會加晒分仲要唔係普通嘅心形拉花開頭都唔肯定個拉花係咪一隻🕊同職員傾左一陣，佢好詳細咁解釋，仲教我地由邊個方向睇，抵讚呀好細心我地揀咗all day breakfast！呢間餐廳有三款ADB比客人選擇1. 適合素食者2.冇牛肉 ~ 即係我揀咗呢個3.有牛肉另外一杯拉花都好靚㗎，仲係一隻天鵝添🦢鍾意咖啡拉花嘅朋友仔，可以黎試下呢間餐廳可能佢哋有好多款唔同嘅拉花㗎嘢飲冇得跟餐架，要另外叫，所以都有少少偏貴啊冇+1服務費

抗爭嘅路上一定要食飽，所以今次就嚟到尖沙咀搵(黃店)食!下晝1:00嚟都嘅時候已經排哂大隊，一諗到哩條路上唔只我地，就好感動排咗大概30分鐘,終於有得入去啦!上網已經見到好多人專誠嚟食All Day Breakfast, 我哋都要叫返個唔執輸!一嚟到真係哇咗一聲!個蛋炒得勁靚！いただきます!哩個份量兩個人share再加個啱啱好!Portobello mushroom煎都剛剛好，切落去仲會噴汁薯蓉係黑松露薯蓉,同正常all day breakfast啲薯蓉唔同, 勁香！打開餐牌見到有Bagel, 我即刻叫咗嚟試!話明The New Yorker,份量無令人失望!細細嘅Bagel包住燻黑椒牛肉、忌廉芝士、醃黃瓜、瑞士芝士、番茄、芥末同火箭菜兩種芝士加埋一齊好邪惡!!食到回味無窮!飲品都唔輸蝕!Creme Brulee Latte 同 Matcha Latte難分高下如果真係要揀， 我會再飲Matcha Latte因為茶味甘而唔苦，仲有龍貓拉花！得分！

朋友請食既生日飯，碟卡邦尼係我食過最濃最好食既卡邦尼，啖啖都有好多汁但唔會膩。鐘意食辣既一定要叫冬陰功海蝦意粉，因為真係夠辣同有泰式冬陰功既味道，食到流晒汗好爽，海蝦好大隻同埋夠新鮮。all day breakfast 都係果d 材料但個包應該係特製，味道好出色，整體超滿意呢餐，服務亦好好，一定要encore 試埋其他野！

經過見到連儂牆已經好吸睛，身為YellowObject點可以唔去懲罰下佢地。呢間coffee shop我以前成日去，平日比較清靜，但唔代表佢出品不好。相反地，是十分出色。雖然，相較創新咖啡的選擇不算多，但要舒服的享受一下coffee time, Studio certainly is one of the best choices!!店員都好多靚仔靚女😳 因為今日有點腸胃不適，就無食Monster Breakfast, 事關真係好大份，未必食得哂😳 叫左個American All day breakfast, $105, 加埋杯咖啡絕對超值(Monster只貴$10蚊，當然更抵)。經典早餐差左個juicy大啡菇，就差好遠了，事關個菇真係好正。獎項很耀眼，但都給香港人的心意比下去。在這裡，不止給你一杯標緻的拉花咖啡，還有是一種呼吸得到的心意。

我成日覺得，cafe，台式茶飲店，新式甜品店多數做年青人生意，老闆也以年青人居多，所以遇上黃店的比例總會偏高。撇開黃唔黃，位於佐敦這間 cafe 都絕對值得支持，因為它的咖啡實在好得。未飲前，見店外 menu 寫上一連串所獲得的獎項，店內亦展示著眾多獎狀，彷彿就是品質的保證。本來好怕飲奶啡，因為飲親都肚瀉，但當我知道此店去年曾獲 Latte Art Championship 的季軍後，最後還是冒死叫了杯 Latte，還配件提子 scone。咖啡端上來時，就已被那漂亮的拉花吸引，看得出奶泡打得好幼細綿密，呷一口，果然口感綿綿，奶味濃郁，跟咖啡本身非常搭配，不嗜奶的我也覺很好飲。至於個提子 scone 就正常貨色，正常味道，美中不足是用上現成果醬，需知道自從我試過 Let's Jam 的自家製果醬後，已經徹徹底底返唔到轉頭啦！😂

之前係係大坑食過second sip by Studio Caffeine 覺得好好食，估唔到佢地係佐敦都有分店，唔洗過海實在太好太開心 不過佐敦分店就無Burger 食，所以我地最後叫左個monster all day breakfast ($115) 同冬陰公大蝦扁意粉（$95），個all day 又真係幾大份量，有炒蛋、腸、沙律、煙肉、三文魚同d 生果，我地仲加左錢換牛角麵🥐 扁意粉係因為我係大坑食過覺得超好食而encore，不過我覺得今次太辣過頭，但味道都係好惹味

放假的日子吃個悠閑的豐富早餐，各款早餐也是即叫即做，食材新鮮、美味！我們二人叫了一份monster all day breakfast及一份bbq 醬煙肉芝士蛋法式多士，一杯latte 及一杯americano.因顧著享受美味早餐，後來的食物及飲品忘了拍照。令人最驚喜的是那杯簡簡單單的americano, 咖啡味道清香，咖啡下跌著的溫度讓人享受不同的豐富味道⋯花香、呍呢嗱、提子果香⋯⋯離開前不忘買了一包咖啡豆，回家繼續享受！