SUKIYA すき家 (時尚坊(第2期))

营业中

休息中

路過黄埔，見門外排隊人龍，即時諗起吉野家，抬頭一望食乜，被餐廳外滿蔥粒的丼飯所吸引，等了十五分鐘，終於可以入內。一看餐牌價錢，L size午餐平均6x至7x，視乎個人食量選擇可選M size的較便宜. 是次進食雙溫泉蛋牛肉丼飯+燒雞餐。食物方面，牛肉質感比吉野家美味，冇咁散，比較實有咬口，至於炸雞方面，相對普通冇任何吸引，下次光管會選擇豚肉，加$10有一碟菜味道唔錯。

日本👘過江龍餐廳出名平、靚、正，每次都見到好長長既人龍，今日行經黃埔分店。响排隊既過程見到廚窗，每個飯既模型都好想食，實在太吸引了，今次又現人龍，不過只係排左約15mins就入得，今次有口福了，店員比左個冇咩人揀既較快既Bar枱位比我們2位, 其實坐Bar枱都幾好，可以望住窗外風景。呢個價錢絕對係無得彈，上餐上得真係好快，5分鐘都唔洗，勁！ 👍👍👍我地order左兩個set~三式芝士燒肉丼沙律套餐🍛～芝士配搭牛肉， 濃厚的芝士香， 雖然唔係溶哂入去果款，但呢款芝士味都好香濃，撈埋落飯都是唔錯既選擇，一定要試下。價錢好平$58，牛肉份量正常又有質素，唔會煮得好韌，仲有沙律和飲品，真心抵食！炙燒豚丼青菜套餐🐷~豚肉搭配燒汁，份量豐富，亦有薑片可以任食，十分開胃。青菜亦真心算多，都只需要$55, 真係去邊度揾呀! ♥️👍

初初吃素時，很多食店都是“素食禁區”🚫（沒有素食的地方)，記得以前版主曾戲言：“大家樂和大快活？是用來借洗手間的地方喔🤣”。但隨着素食日漸普及，大家樂有了焗素豬扒飯👍，大快活每日也提供一款素食選擇🥳，它們終於從“素食禁區”名單消失了。最近，又有一間食店得以“解禁”🎉，版主一向從未踏足的 Sukiya Hong Kong-すき家 香港 （真係從未踏足架，連入去借洗手間都未試過的😝），推出了素肉丼，非素食朋友也說想一試，於是版主就和朋友來到這個最新的“素食解禁區”品嚐一下了。店方的素肉丼有3️⃣款，簡單的說，就是最原味的素肉丼，再在這基礎上配以溫泉蛋或芝士兩款選擇：素肉丼溫泉蛋素肉丼熱溶三式芝士素肉丼這次，我們選擇了“溫泉蛋素肉丼”和“熱溶三式芝士素肉丼”。兩款素丼中，以三式芝士味道較香，溫泉蛋溶入了素丼後，反而不太感覺到蛋在提升味道方面的效果🙈。至於素牛肉方面，口感有些滑，亦頗為煙靭，如果能夠厚少許，口感會更好。不過，以這個也算便宜的價錢來說，其實這幾款新素食選擇也是不錯的了，起碼讓素友在和非素朋友聚會時，又多了一個選擇。願素食風氣繼續普及💪，未來會有越來越多的店舖成為“素食解禁區”。FB

首先，個飯既份量係我食幾間入面飲同餸最唔岩比例(伸利，唔知係咪因為臨尾一轉堂食既關係)九龍區個幾間即使係臨尾個轉堂食去食都好永遠都係餸同飯既比例係1:1，而依間餸真係少到個比例變左3:1係個飯3比餸1🤦🏼‍♀️其次，就係個飯乾到痴線一啲汁都冇！唔係話要多到好似食湯飯咁，而係基本既少少汁都冇滴😮‍💨最後，跟餐加個青菜(當日係蒜蓉炒通菜)同男朋友每人跟餐一碟之後再加多碟，總數係3碟菜全部都係蒜蓉豉油菜都算重要有兩碟係完全唔熟🥴，同店員反應，店員一句”哦！” 咁就算數😦？！以後都唔會再食依間分店🫡店員接到反應既態度非常之冷淡，完全唔覺有問題！如果係收左爐又唔夠份量出餐既，可以同翻客人講唔需要求其出比客食🫠

見有期間限定（素肉飯）就嚟試下~抵食，唔會覺得係加工植物肉，質感似菇(?)唔算大驚喜但性價比好高👍🏻多個素食選擇同朋友一齊食嘢總係好嘅~但留意鋪頭只得即棄餐具😞唔想做大嘥鬼嘅話建議自備樓面偏忙，希望鋪頭請多個人啦……

炎炎夏日排隊等候！大概等咗十五分鐘左右，終於可以入座。食物上菜嘅速度都好快，連鎖日式丼飯嘅價錢都算係咁上下。下次食返牛肉飯，同埋唔叫嘢飲嘅話就會平返好多。炙燒豚丼$45- 炙燒味道唔重，豚肉都冇焦脆嘅香味。豚肉片半肥瘦，咬走晒啲肥膏其實冇乜肉食。醬汁好鹹，係普普通通嘅豬肉飯，可能牛肉丼飯會好食啲。黑糖啫喱宇治抹茶牛奶$32- 我揀咗少冰少甜，第一啖飲落去我覺得喺我心目中係全糖嘅味道。不過同埋飯一齊食，就啱啱好。抹茶茶味幾重、幾濃厚，黑糖啫喱甜甜地幾好味，唔錯！

約左朋友係附近玩室內War Game，朋友話想試下呢間。之前食過知道要排隊，所以2點幾就過左去，點知都係要排隊。入到去見唔太肚餓就點左細牛丼，份量岩岩好。仲點左杯宇治抹茶牛奶，同個飯一樣價錢，埋單50蚊。味道不過不失啦～

日式平民飯堂 🎏評分：🌕🌕🌕🌕🌑糧尾一人前食咩好呢？🤭以前就話食2/3餸飯，而家食其家進駐香港後就多一個選擇～平價由$30幾起，豐儉由人，最緊要係質素唔差😋·溫泉蛋汁燒豚肉飯🍛惹味既汁煮豚肉配上蔥花，打上日本產溫泉蛋，拌上日產珍珠米 = 平民級享受☺️·套餐加配鯖魚🐟+冰紅茶🍹鯖魚係高質既，賣相不錯，肉質肥美·少油·去骨，值得加配✅總結，性價比取勝👌👌👌🎏小tips: 早餐牛肉飯+鯖魚+冰茶套餐只售$4x 🤫 比起人山人海既旺角分店~ 想少人d可到黃埔分店.. 😇

性價比高好食依間分店唔洗點排隊可能因為我地早黎幾好食M size號啱啱好鐘意食雞蛋有2隻😍😍😍本身加左個沙律個店員漏左然後又飽飽地 所以就由佢可以再黎食😁😁😁

平日午市時間長期排長龍，咁啱有一開完會遲咗放午飯，就終於可以唔多洗排隊咁入去食啦！佢本身一個飯有大中小選擇，如果堂食嘅話可以加$10變做套餐，反而外賣就冇呢個選擇！今次我就選擇食牛肉飯，加$10沙律同紅茶，仲加咗$5要溫泉蛋！美中不足嘅係個溫泉蛋要自己打，搞到隻手污糟晒，如果可以由員工上菜前打定就會好啲囉。味道來講真係相當唔錯，咁樣食覺得營養又豐富，價錢都只係$40左右，難怪平時咁多人嚟排隊都要食到佢！

我發覺Sukiya同麥記一樣，不時會推出期間限定新口味，但中伏率好似偏高！而我又總係抱有期望咁一次又一次自薦去做試伏專員。其實見到北海道湯咖喱鍋好有興趣試，但果晚趕住食完飯去睇軒公演唱會，所以試左另一款新品奄列牛丼 M $45，比普通牛丼貴$16，就係多左件用芝士及菜整成既奄列，食得出芝士味以及有少少拉絲，可惜感覺唔到菠菜味道及口感。至於附送包茄汁，我就覺得唔太夾個奄列。雖然個奄列都算滑，但性價比還好。每次食Sukiya我一定會加$5要隻溫泉蛋，呢個係抵食既Must Eat Item！.另外加$20配炸雞套餐，三件炸雞略嫌唔夠脆，幸好雞肉算嫩，飲品唔揀罐裝汽水可選特製冰紅茶，甜度適中。

大家幫襯外賣時真的要檢查清楚，我買兩碗燒牛肉丼，一碗M，一碗LL，回家後才發現LL 那碗只得數塊燒牛肉在底，面頭的全是普通的超薄牛肉絲，M那碗反而正常。即時回鋪頭理論，女包裝員的態度像是沒有表情回應：“無錯，呢個係燒牛肉丼”，我回應是：“妳肯定？”。 之後佢俾個經理望一望，經理即時叫廚房整個新的給我。我自己食埋呢次後不會再幫襯，身水身汗拎返黎換，啲職員態度差到一個點。如果唔夠燒肉，用普通肉黎充當，真的令人氣憤。

隔左勁耐先post，等到堂食都差唔多重新開放番啦有日夜晚出街食野，見比平日少人就去左排，點知都等左差唔多45分鐘不過真係可以體會到點解甘多人排，大家都好掛住日本丼飯，同埋性價比都算高當日叫左炸雞芝士咖哩，配搭加起來唔會好膩，正常份量女仔食好足夠另外加左沙律套餐，沙律會比日本麻醬，加起來好清爽好搭如果唔洗排甘耐隊都會再去！

SUKIYA すき家 (紅磡)紅磡黃埔天地時尚坊(第2期)地下G6B號舖牛丼 LL size $45牛肉煮得唔乾，尚有濕潤感，牛汁口味偏咸，LL尺寸都幾多飯個人認為，黃埔天地呢間SUKIYA的牛丼比旺角分店好食！

今日中午買咗兩個燒肉丼，回家一打開，發現根本不是燒肉而係牛肉丼。我也不是第一次吃，喜歡吃燒肉丼係因為個汁香啲，肉質好啲。但已到家了，也不會即時退換，所以拍照留下紀錄，於稍後時間再回舖理論。下午五點經過，向店員反映，再給他們看相片，他們堅持沒有俾錯，又話牛肉丼沒有芝麻、蔥，但在這裡看到其他人d相，都會有喎！燒肉丼嗰汁係深色啲嘅，唔會好似呢個咁淺色。除咗我之外，呢度都有其他人也有這些不快經歷⋯⋯總括嚟講，以 後 都 唔 會 幫 襯 😡