SUKIYA すき家 (時尚坊(第2期))

营业中

休息中

因為夜晚通常好多人，所以有好多次我哋都會外賣.. 最鍾意食燒牛肉丼..但外賣2-3次俾錯好肯定因為有兩次一人一款，$29牛丼and $40燒牛丼，第一次係啱嘅，第二次兩盒一樣之後只買1個燒牛肉到食嘅時候就發現錯，但係因為太遠而且已打開都冇辦法了..其實其他菜式都好食但係就蓋過咗牛肉本身的味道..至於飲品，都ok ar但同人share最好秋葵都ok ge, 不過我寧願$15比原條的因為通常買去海邊食，好暗所以冇影相今次又俾錯想反映一下咁...

好耐冇食過牛肉飯，一見到黃埔開左間牛肉飯專門店，就算大排長龍都要食，止一止對牛肉飯嘅癮。是日晚餐：我地嗌左兩個套餐+小食🍚W溫泉蛋牛丼X2🥬青菜套餐🍗炸雞套餐🐟烤三文魚

我嗌左鰻魚飯同炸雞套餐，我食咗炸雞先，我覺得啲炸雞好香不過炸雞呢啲嘢又真係好難唔好味嘅。然後我就食嗰個鰻魚飯我覺得鰻魚送飯真係好夾，不過鰻魚飯都係冇得輸嘅。😀😀😀

自從冇得食X X 家 都冇乜點食牛肉飯之後就轉戰左呢一間 都係行平靚正路線😻不過門口都排晒長龍食過幾次都係 買外賣返屋企食咁耐以來都係第一次堂食🥳呢間餐廳嘅選擇比較多淨係牛肉飯都分燒肉同普通牛肉但嘅menu 好搞笑 雙併就貴少少如果兩個人食的話就可以揀兩款 自己share 仲好😂🌟W溫泉蛋燒肉丼 $48 (M)🌟W溫泉蛋牛肉丼 $38 (M)🌟溫泉蛋烤雞丼 $50 (M)今次我地揀左兩隻溫泉蛋嘅丼飯但下次應該唔會再咁叫😆因為兩隻稍微有d over 反而一隻嘅份量會更加好燒肉都幾香 但比牛丼既牛肉乾身啲 同埋唔夠汁🥺以前最鍾意就係加牛肉汁但呢間嘅燒肉丼就無得加嘅👧🏻朋友嗌左個烤雞丼 佢話幾好味😍烤雞幾嫩滑入味📌 SUKIYA すき家 紅磡黃埔天地時尚坊(第2期)地下G6B號舖🚇港鐵黃埔站 C1 出口, 步行約1分鐘等候時間🕰 5 mins📍#黃埔

去日本旅行嘅感覺終於返嚟帶小朋友去黃埔玩，諗住去食下日本嘢～點知壽司郎要攞飛兩個鐘頭以上諗諗吓不如食牛肉飯見條人龍都唔係好長點知都要排60分鐘 終於入到去食～2大1小，我哋揀咗壽喜燒鍋和牛丼set ，再加多一條鯖魚牛肉丼同吉野家味道一樣沒有太大分別比較喜歡佢珍珠米煙煙韌韌有口感，亦有飯香$30幾蚊就有set 包嘢飲係抵食嘅另外壽喜燒鍋，個湯底略嫌太甜食到最尾，個烏冬太濃味～餐廳裝修同日本一樣入去食係尋找以前去日本旅行的感覺。總括嚟講，價格性價比高，不過唔值得等咁耐，我亦都好想試佢個早餐。

#高菜明太子沙律醬燒肉丼喱個係之前嘅期間限定😂而家已經轉左menu ॱଳ͘～明太子沙律醬微辣，高菜有啲鹹ᯅ̈成個配搭加埋就好鹹๑´ㅂ`๑燒肉都正常發揮，但比起燒肉丼我就中意食牛丼多啲！因為口感嫩啲juicy啲✧

好耐未黎過黃埔，所以今日因為有事要過去，特登周圍行吓，竟然比我見到すき家😱其實我一直都好想去すき家，不過每次經過旺角店都大排長龍，但係黃埔店朝頭早就唔多人，所以即刻走入去朝聖。早餐好抵，種類好多，完全好似返去日本嘅感覺。最後我揀咗乜嘢都有嘅牛肉烤鯖魚早餐再加一隻溫泉蛋。其實味道真係唔錯，比得上日本。不過美中不足係：食物擺放嘅位置錯了🤭因為人唔多，覺得坐得特別舒適，就係咁，慢慢享受我呢個日式早餐，過咗一個優哉游哉嘅上午。

好耐無食過牛肉飯😻😻😻終於一嚐過江龍 Sukiya 平時見親堂食都係大排長龍 所以一直都未有機會試試 今次去朋友屋企 一於試下買外賣 原來 買外賣係唔洗等仲要一落完單 唔洗五分鐘就拎得啦 餐牌上有好多唔同組合選擇 黎到牛丼 當然要試牛肉飯🐄按照個人需要可以揀唔同size女仔又係好餓 可以揀S / M 都已經足夠有呢個選擇真係好貼心啊有得加溫泉蛋 半熟 好正撈落去熱辣辣嘅牛肉飯到 真係好好食 同時鍾意食蔥嘅朋友可以揀香蔥溫泉蛋牛丼另外我哋仲叫咗一份炸雞正正常常嘅炸雞外賣返去都保持到脆所以呢間牛丼飯真係好抵食希望自己個區都快啲開返一間咁就可以外賣唔駛等咁耐

每次經過旺角/油麻地分店都好多人排隊 所以開咗咁耐都冇食過今次特登嚟黃埔呢間，點知都係要排隊😅大約8pm, 門口有10幾人排隊等咗10分鐘到就有得入去, 算快~有好多自選套餐本身溫泉蛋牛肉燒肉雙拼丼(M) $63(L) $66 (+$10）青菜套餐(+$20) 炸雞套餐好抵～🌟溫泉蛋牛肉燒肉雙拼丼 味道：3.5/5以平民價黎講係絕對可以encore!重點係：好多牛！！又好大塊😋個人比較鍾意食普通牛肉多過燒牛肉因為覺得燒牛肉有陣燶味😂 （不過男朋友覺得燒肉好食啲）🌟炸雞： 皮唔太脆，但係入面好tender 🌟青菜：蒜蓉炒，比較港式另外，明明叫左一個M，一個L，但我地覺得兩個size 無分別😹份量好多 （M)我都已經食唔哂整體來講：🤩味道：3.5/5🤩性價比：5/5以呢個價錢，味道唔錯，而且份量好多，係非常之抵食😋希望會有更多分店～下次會叫普通牛肉飯套餐～壽喜燒鍋都想試吓

諗緊買咩食之濟，咁岩經過黃埔長期有人排隊既呢間牛肉飯，望下menu發現～出左新野高菜明太子味丼，喜歡試新貪得無厭既本大人，當然唔放過。拎到返屋企一打開，賣相麻麻地，原來高菜即係炸菜。明太子醬得小小，不過撈下個飯入口，又ok wo, 可能外賣盒焗住，已經溶左入個飯？！唔知啦，但絕對有足夠明太子味，牛就一向都過到我關，值得一試，下次我會叫冇高菜既lo。口

上次自己買左個外賣試，尋日同男友去開黃埔就問佢有無興趣試下呢間長期排晒長龍既牛肉飯專門店，佢話“好”我就行過去視察一下咩環境先🙈平日禮拜五下午兩點二十分去到，見到前面得兩組人排隊(1個女仔&兩個女仔)所以我地先排，但都等左半個鐘先有位😪我地叫左一個細size溫泉蛋牛丼($30)，中size香蔥溫泉蛋燒肉丼($48)，同埋加左一份山藥泥($10)～普通牛丼味道同吉xx好相似，洋蔥夠淋，牛肉份量合理，加左隻溫泉蛋撈飯好正👍香蔥溫泉蛋燒肉丼顏色幾靚，多左啲蔥幾香同有少少蔥既辣味，飯底加左少少韓式辣醬較惹味，但係呢個燒肉丼同我預期都幾大出入😅 我以為真係燒出黎，但原來係同牛丼一樣咁煮，只係加左啲燒肉汁，咁就貴過同樣係中size既香蔥溫泉蛋牛丼十蚊個人認為唔太值得😅😅山藥泥好黏口，仲送左包wasabi，配飯幾夾又健康👍👍下次如果唔駛排隊都應該會encore既😅😅

牛肉飯都有好多選擇，唔一定揀吉野家嘅😎 今次就黎咗位於黃埔嘅Sukiya再食下佢嘅牛肉飯🤪因為時間尚早，唔算好多人排隊。大概20分鐘左右就入得去食啦，比起旺角店真係少人好多！內在環境都幾寬闊，加埋限聚令，人數唔多，坐得更舒服。因為黎親都係想食牛肉飯，所以今次都嗌咗佢地L size招牌牛肉飯加double溫泉蛋😋 連埋套餐嘅青菜同紅茶，加埋都係50零蚊，非常抵食。唔知係咪人流少咗，員工順手d。黃埔分店L size牛肉飯真係好足料！裝到個碗滿曬先出餐，反而旺角店相對較求其，份量會少d。味道真係好唔錯，同日本食嘅差唔多，牛肉夠味又夠軟。加埋雞蛋落飯仲惹味。不過蒜頭少青菜就略嫌咸咗少少，餸飯食就ok，齋食會咸過頭。今次嗌多咗杯士多啤梨特飲，士多啤梨味濃郁，牛奶都香。不過都係甜咗d，但整體都ok!Sukiya牛肉飯真係平價之選，唔想係旺角排成粒鐘，入黎黃埔食都係一個好選擇

以前去日本都必食𝗦𝗨𝗞𝗜𝗬𝗔，喺香港開咗後試過幾次外賣都覺得普通，終於有機會堂食，果然另一番風味，食得番喺日本食嘅滋味😝星期日嘅朝早11點左右黃埔分店都要排大概15分鐘左右，人氣依然好高呢😳😳ღ 熱溶三色芝士牛丼 𝗠 $𝟰𝟱𝗠𝗲𝗹𝘁𝗲𝗱 𝗖𝗵𝗲𝗲𝘀𝗲 𝗼𝗻 𝗧𝗿𝗶𝗽𝗹𝗲 𝗖𝗵𝗲𝗲𝘀𝗲 𝗚𝘆𝘂𝗱𝗼𝗻 𝗠 $𝟰𝟱聽到個名就知邪惡(•̀ᴗ•́)و呢個就係我喺日本試過一日食三次𝗺𝗶𝗻𝗶 𝘀𝗶𝘇𝗲早餐下午茶宵夜嘅飯𝘀𝘂𝗽𝗲𝗿 𝗷𝗲𝗻𝗴( ˘ ³˘)♥︎之前試過外賣但芝士凍硬曬唔好食🤧堂食真係正好多！芝士份量都幾多，食到底都仲夠嚟撈飯👍🏻牛肉都唔錯，但調味有少少咸，一定要撈飯食～╰┈➤ 𝘁𝗮𝘀𝘁𝗲: 𝟳.𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴.𝟱/𝟭𝟬ღ 溫泉蛋牛丼 𝗠 $𝟯𝟰𝗛𝗮𝗹𝗳 𝗕𝗼𝗶𝗹𝗲𝗱 𝗘𝗴𝗴 𝗚𝘆𝘂𝗱𝗼𝗻呢個相對就比較普通，牛肉同樣肉質唔錯但調味有啲重。溫泉蛋有少少雪得太凍，唔夠蛋汁撈飯🥺不過整體都好食過吉野家🥸🥸🥸╰┈➤ 𝘁𝗮𝘀𝘁𝗲: 𝟳/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳.𝟱/𝟭𝟬𝗦𝗨𝗞𝗜𝗬𝗔✵ 𝒍𝒐𝒄𝒂𝒕𝒊𝒐𝒏 • 𝒆𝒏𝒗𝒊𝒓𝒐𝒏𝒎𝒆𝒏𝒕 𝟳.𝟲/𝟭𝟬✵ 𝒄𝒖𝒊𝒔𝒊𝒏𝒆 • 𝒇𝒐𝒐𝒅 𝟳.

每次經過旺角同油麻地分店都見到好多人排隊，非常好奇係咪真係咁好食同抵食😅琴晚收工之後要去黃埔拎啲嘢，知道呢度都有分店諗住冇咁多人就去試下～夜晚七點鐘去到已經有十幾個人排隊，等咗廿分鐘條隊入咗一半都無，最後決定一個人買外賣喺附近食🙈外賣超級快！落完單三分鐘拎得。。我叫咗一個最細既香蔥溫泉蛋牛肉丼，份量同我平時出去嗌少飯差唔多，唔太大食既都會夠飽👍溫泉蛋係另外放落個兜仔度👍一打開賣相還不錯 (當然啲香蔥冇圖片咁多😂)呢個飯寫明係微辣，的確食落有兩啖係特別辣， 比較唔平均😅 不過辣度可接受～牛肉大約七分瘦三分肥，比例唔錯👍個汁幾好食，加埋隻溫泉蛋，非常好送飯😋啲蔥味道唔會太生太刺激，如果洋蔥可以再淋啲就更加好啦！感覺呢個牛肉飯比起連鎖吉xx有誠意👏就算轉套餐多個菜同飲品都只係加十蚊，抵食又好食，都明白點解成日會咁多人排隊😅🙈

📍人氣牛肉飯專門店‼️ · 秋葵fans必試🤣 -- SUKIYA すき家🐮🍚===========================話說sukiya喺香港都開咗年幾，但一直都因為太多人排隊而無試🤣前排同男朋友去開黃埔行街見到無乜人排隊，就入去trytry佢😎------------------------------⭐️秋葵牛肉丼(中) $38（+$5溫泉蛋）唔知有冇人同小編一樣係秋葵fans？🤣喺menu見到呢個就忍唔住要order😎秋葵切成一粒粒舖滿成個飯面，份量好多，撈埋溫泉蛋同飯真係好正正，口感好濕潤🤪👍牛肉都幾多塊，而且唔係太肥👍------------------------------整體嚟講味道唔會話好surprise，但勝在大碗抵食🤤女仔食M size都好夠飽，細食啲嘅話可以叫S size，就唔洗怕食唔晒啦🤪有機會再嚟試試其他丼～------------------------------賣相：7.2/10味道：7/10性價比：7.5/10回頭度：7.2/10------------------------------店舖資料名稱：SUKIYA すき家 地址：紅磡黃埔天地