SUKIYA すき家 (時尚坊(第2期))

营业中

休息中

Their beef don is so reasonably priced and portion is generous too. Only point to note is long line which speaks for itself for the quality and CP value of this restaurant !Food also comes quickly right after we order. Will try takeaway next time so i dont have to line up for 30min for a weekend lunch!

SUKIYAKI初初黎香港開分店既時候風頭一時無兩，有日本牌子既加成下，排隊既人流從未停過。今次黎到黃埔呢間分店，淨係排隊都要圍住門口黎排😅等左半個鐘終於有得入座～而今次就試左個三式芝士燒肉丼同香蔥溫泉蛋燒肉丼～三式芝士燒肉丼賣相唔錯，滿滿既芝士鋪滿飯面，大部分既芝士都溶左落牛肉上，一夾都有拉絲既效果～而有小部分既芝士碎無溶哂，食落更有口感👍🏻而將所有野撈埋一齊食亦十分夾，芝士控必試😋香蔥溫泉蛋燒肉丼係日本食過一次，香港就未食過，最鐘意既就係佢真係將青蔥灑滿係整個飯面上，絕無與相片不符👍🏻👍🏻尤其係平時食野叫開多蔥既朋友，呢碗飯絕對啱你心水，最值得讚既係隻溫泉蛋，佢係原隻蛋上，一打隻蛋出黎蛋白結實，篤穿蛋黃亦能做到流心效果，絕對唔會太熟，呢種處理溫泉蛋既做法十分厲害，能夠做到蛋白熟蛋黃流心👍🏻👍🏻撈埋落香蔥同飯的確係十分好食👍🏻👍🏻👍🏻👍🏻👍🏻呢間餐廳的確性價比幾高，價錢唔算太貴亦都食到日本野既質素，尤其係日本過黎香港開既分店價錢過黎都會升幾倍，但呢度個價錢算係大眾化，味道亦保持水準👍🏻👍🏻十分推薦試下👍🏻

今日到黃埔花園工作，中午時份搵地方食飯，壽司勁多人，漢堡包路程遠，路過見到有條小人龍在排，望下餐牌，咦，好吸引喎，望真啲，原來就係朗豪坊對面果間牛丼飯，即刻排個隊食個飯先。可能疫情關，位置雖然少咗，但大家都唔需要等太耐。睇餐牌都睇咗一陣子，呢個想試，果個想食，選擇困難症即場發作。好彩佢都有啲suggestion,而且仲有份量選擇，小食定大胃都唔係問題。揀呀揀呀，終於點咗「溫泉蛋牛丼炸雞套餐」-M size。一碗牛肉飯，一隻溫泉蛋，三件炸雞，仲有飲品。點餐5分鐘左右，就上枱，但仍然充滿熱度，讚！牛肉份量十足，嫩滑多汁，好食過都係賣牛肉飯果間。炸雞份量剛好，肉質嫩滑，味道十足。特製冰紅茶意外的好飲。第一次接觸，感覺良好，希望有機會試其他。

次次經過都見到佢大排長龍，所以一直都想試吓食有日入去睇下外賣會唔會可以快D，發現外賣其實冇乜人排隊，咁即刻買返屋企食下😋外賣嘅賣相雖然一般，但幾好食😋而且每個飯嘅價錢亦係40蚊左右，性價比相當高👍明白點解咁多人排隊😂會想之後繼續再試吓佢哋唔同嘅野食😉

目前喺香港有3間分店，幾乎每間一到食飯時間就會排長龍，好受歡迎！😌仲好記得第一次食係喺日本東京，今次嚟到黃埔呢間分店，好彩等咗半個鐘就入得。🥳裡面嘅裝修同日本基本上無太大分別，令我好掛住日本🇯🇵🥲.//呢度嘅飯有分S/M/LL前面兩者個分別只係飯嘅多少，想要兩倍肉同多飯嘅就要揀LL啦！😆「燒肉丼」M $39 「單點山藥」$10🍽：燒肉份量算多，醬汁鋪滿成碗飯，好味道，我係食晒成碗！😛.「特濃抹茶珍珠鮮奶」$36🍽：其實呢杯野好貴，同一碗飯嘅價錢差唔多，但又真係好想試⋯😂飲落抹茶味真係超濃，濃到我覺得落咗成半樽抹茶粉咁，🤣如果再叫我唔會揀特濃，不過飲得出係用啲高質抹茶粉，茶味濃厚及香！👍🏻珍珠口感就一般啦！.「牛丼」跟套餐配青菜及味噌湯 $39🍽：牛丼啲牛係比較偏肥，亦無咗燒肉丼隻醬汁，比較清啲，好得意嘅係清菜居然係油麥菜！？日本有架咩？😂總括嚟講，呢個價錢食餐晚飯，絕對無得輸，而且味道質素都幾好！唔怪得人氣無減過，我係會再嚟食！😆

放假食個日式早餐雖然早餐沒有太多選擇，不過岩食一樣都足夠。出發去長洲前來個富豐的日式早餐有牛肉，靖魚，面豉湯，白飯，另加泡菜，溫泉蛋。牛肉小小碗，份量岩岩好，太多就會漏了。靖魚焗得好香，送飯一流。

今日去開黃埔影新年裝飾同辦年貨， 順便食埋一直我都好想食的日本人氣牛肉飯，聽聞呢間店時常大排長龍，所以我就揀咗大約四五點的時間入去食，唔需要排隊就入得去了。原來餐牌入面都幾多選擇，份量有大中細之分，我揀了燒牛肉丼套餐，包飲品配菜，L size 即是中型份量，價錢好經濟只係42蚊。牛牛燒得好香口，配上燒汁一起烹調香上加香。唯一評語係覺得牛肉碎左點，大塊D完整小小就更加好。他的米是標榜用日本米的，一口飯加一口牛肉，十分滋味。

Sukiya係日本旅行都經常食，因為快、靚、正！係香港開左咁耐，今次經過紅磡黃埔個邊見到，終於去食啦。晚上去都好多人排隊，結果等左半個鐘先有位。Menu都好簡單，基本上都係丼飯為主。叫左個香蔥溫泉蛋燒肉丼，蔥好幼身，真係好多，而且都好香！燒肉烤得好香，醬汁係濃味，配白飯食一流。另外，加配左配通菜同麵豉湯！麵豉湯湯底好好飲，唔似出面嘅餐廳好淡而無味咁，幾出色！通菜個汁都幾咸同濃味，用嚟送飯真係唔錯！！

今週未，朋友约了我黄埔影下新年景，影完相，去了這間日本餐廳吃，之前經過幾次已想試，今晚終於試了，坐位都坐得舒服，侍應服務都不錯，今晚我叫了芝士雞飯，很有芝士味，雞同飯都滑

次次行過呢間野都好多人排隊，今日見人少少就真係走去等咗一陣，好彩都好快入到去坐低按鐘店員就可以落單，全部餐具餐牌都係自助拎基本上每個位都自己有個邊爐位，如果想食壽喜燒可以自己慢慢打烤雞飯 M size都唔算細碗，女仔都好夠食，男仔可能要再加L或LL，但都係講緊加少少錢only。仲可以加$10有碟菜同埋凍飲，算好抵食味道又唔係太差，呢個配搭我覺得已經好過吉x家燒肉飯就完全係性價比地好食，M size份量我覺得好夠女仔食，個燒汁又好味牛奶士多啤梨特飲係另外比錢嘅，要$22，入邊又真係有士多啤梨果肉同埋藍妹果肉。雖然佢話係甜品但係其實似係嘢飲多啲，鍾意奶嘅朋友應該會覺得好好飲烤三文魚就正常嘢，但係廿幾蚊條都算係咁

🌕🌕🌕🌑🌑🍽相撲味噌鍋($68)大火煮滾啲湯同煮熟烏冬，嗰陣時其他鍋入面嘅都應該熟晒，唔使10分鐘就可以熄火或者較到最細火保溫鍋入面有：🙂一小撮牛肉，算有牛味🙂半個讚岐烏冬，幾條白菜同金針🙁肉丸加左好多粉，無乜肉味🙁魚糕同竹輪都係差唔多味，全部加左好多粉，唔好期待有魚味🙂蟹柳就係蟹柳，叫做最正常😐呢個鍋我係衝住鱈魚而黎，可能我滾得太耐(?)已經偏韌而魚味單薄，都幾失望😐湯底係帶少少辣嘅味噌湯，味噌味都濃，但偏鹹一定要送飯食‼️期望以後魚糕同竹輪呢啲基本材料嘅選料高質啲附上煮滾煮熟後完成圖：🍽三色芝士牛丼 (L) ($48)🙂三色芝士基本上都係芝士味，味道無分別😐牛肉偏幼細，但好鹹，唔怪得咁少牛可以俾咁多飯🍽跟沙律套餐&冰紅茶 ($10)🙁沙律菜好似雪櫃直接拎出黎🙂成支麻醬比你任落，誠意搭救🙂冰紅茶嗌左走冰，得圖中咁大杯，7成滿左右😐紅茶本身可以話係非常甜，下次最多嗌少冰‼️飲到一半發現‼️入面有隻漂浮生物，有腳的😖‼️由於嗌左走冰，所以認為係源自壺紅茶～～～～～👍🏻喜歡烚吓烚吓嘅朋友可以一試鍋物，呢個價錢包你食飽🙌🏻所有野食都偏鹹，適合重口味人士或者你要嗌野飲

牛丼🐮$29冰紅茶+沙律套餐🥗另加$10平時大排長龍嘅日式牛肉飯專門店😂咁啱行過，又見無人🤔係平日嘅下午，無人亦都正常嘅🤣嘅然係咁，結果走咗入去☺️反正都唔會有咩期望🤭不過上菜速度都幾快👍牛丼同沙律合符預期😀不過我覺得牛肉份量好似偏少🥲但味道真係唔錯，夠曬入味🙂而且肥瘦適中，加埋特製牛肉汁😌輕鬆KO成碗飯😊沙律都OK😆但凍紅茶就真係麻麻😅SUKIYA すき家 (紅磡)紅磡黃埔天地時尚坊(第2期)地下G6B號舖

有時搵下野食，30蚊就有一個中size 既牛肉飯，而且味道同品質好過之前連鎖個間飯井好多。飯既質地係日本珍珠米，一粒一粒企身有口感。真係高質性價比高既牛肉飯店。

喺附近上course, 見時間尚早，醒起黃埔有Sukiya, 就行去碰碰運氣，竟然冇乜人。叫左個牛肉早餐加溫泉蛋，之後發覺有個牛肉元氣早餐仲平仲多野食，同店員講想轉但已經改唔切，捉蟲🤣味噌湯唔會過咸，有幾多海帶。白飯質地好好，用越光米有誠意。牛肉算多，牛汁冇吉x家咁咸。溫泉蛋正常，兜椰菜我冇食到。其實牛丼正常黎講唔會難食，重點係呢間Sukiya 嘅格局，店員好有禮貌，佢個service flow 跟返日本，(堂食搵店員點餐，食完先俾錢)，仲要有圍住收銀同出餐處嘅吧枱位(雖然而家唔坐得)，令我覺得好似去左日本咁。快d開喺所有吉x家隔離收佢地皮啦，香港好多人鍾意食牛肉飯架。

自從冇食吉◯家，又冇得去旅行之後已經好耐好耐冇食過牛肉飯😭所以今日決定去尋回日本嘅味道 🇯🇵🌟香蔥溫泉蛋牛丼 (M size) ($38)M size嘅牛肉飯份量都比我地想像中大🍚而且牛肉嘅份量一d都唔少!比起香港嘅吉◯家啲牛肉汁均勻咁被牛肉吸收晒唔使額外拎牛肉汁 不過就比較少洋蔥🧅而且加埋香蔥令到成碗飯提升多一個層次🌟三式芝士牛丼 (S size) ($34)因為怕漏冇叫到熱溶芝士但碗飯同肉夠晒熱所以上枱啲芝士都已經溶左一半🤤仲有少少拉絲效果牛肉煮得好入味 而且唔會好多肥膏而且小編唔係咁鍾意食太濕嘅飯所以好欣賞佢唔會好似吉◯家咁食到底啲飯水浸咁芝士多牛肉多已經冇得輸唯一缺點就係唔夠洋蔥🧅🌟溫泉蛋牛丼 (M size) ($34)大致同蔥溫蛋牛丼一樣(其實係其中一個小編唔食青🤪)特別想提加左隻溫泉蛋真係好好食🤤啲蛋漿同牛肉好夾 好似食sukiyaki（壽喜燒）咁就算SUKIYA 開左一段時間 依家仲係好多人想試嘅朋友記得預留多d時間去排隊呀~