SUKIYA すき家 (時尚坊(第2期))

营业中

休息中

夜晚大概十時左右，在門外排隊大約十分鐘，而外賣則未有人龍。鋪頭開業不久，裝修也還挻新，店內清潔。食品有很多不同選擇，可惜 Sabu Sabu 仍未有供應。最後點了中牛肉飯套餐，加了鯖魚及凍茶。 整個餐點份量也適中，鯖魚很大條。可惜牛肉飯味道平平，鯖魚卻很咸。凍茶的味道就類似珍珠奶茶走奶的味道，比較甜。平心而論，x野x的味道比較好，但Sukiya的價錢還平了一點。味道普通，仍屬可接受的範圍。你說要排隊十分鐘以上，不如吃其他較好。不竟 Sukiya 在日本，是很普通的牛肉飯專門店，排隊吃它的，可能真比較罕見。總括來說，未試過可以試試，但排隊就免了。

黃埔原來開咗尼間SUKIYA すき家！在日本就見得多尼間專食牛肉飯舖頭而香港就首次見到疫情下排咗差不多一小時心想唔差得去邊卦！仲見好多人買外買添！在日本時自己就比較喜歡吉野家多過尼間！香港唔知會否有意外驚喜呢可惜！環境麻麻！好難想像尼間系來自日本😓食物又一般！本人未必會再幫襯

疫情期間都想偷懶唔煮飯，唯有喺附近買外賣～ 好彩兩次都唔算太長龍，外賣又優先～ 買過兩次，兩次都送$2 coupons. 兩次出餐都好快～ 食咗兩次都咁出色又抵食～ 可以話係外賣信心之選～第一次食香蔥燒肉丼加溫泉蛋～ 😋😋😋😋😋飯量足，肉量足，燒肉好香口～ 加埋香蔥鮮，溫泉蛋味濃，撈落飯度真係超滋味～第二次就轉轉口味，食唔出名嘅烤雞丼，原來配有紫菜～ 撈飯一齊食，烤雞同紫菜都好香口，yummy yummy😋

本來想食圖入面個個熱熔三式芝士牛丼 但係最後因為平$6 師奶仔心態揀左普通三式芝士但搞笑嘅係我外賣攞到返去佢自己溶左 是咪賺咗🤣不過我睇其他人食 兩款醬汁上都有啲啲唔同🤔-芝士味唔算好出 不過呢個價錢就唔會食到個分別既主要係食佢芝士個種鹹香 配埋牛肉都幾送飯😆最緊要呢間啲牛肉真係好食過吉x家好多囉！個飯本身有少少缺點就係比較乾身好彩加多左隻溫泉蛋 撈埋啲蛋汁成個飯濕潤返好多可能呢幾日都會瘋狂去買外賣🤣🤣🤣好味評分😋：4/5🌟🌟抵食指數🤑：5/5 🌟🌟餐廳環境 🤪： 4.5/5🌟🌟價錢💰：$39 （M size) +$5 溫泉蛋地址📍：SUKIYA すき家 (紅磡)紅磡黃埔天地時尚坊(第2期)地下G6B號舖

次次經過旺角分店，總是排哂長龍，有得睇無得食！今次經過紅磡，食唔到某火熱壽司店，見到對面有間出名牛肉飯(雖然仲係好多人排隊，不過就去買外賣試吓)門面原來外賣都唔使點排，而且上菜仲好快！比完錢後大約5分鐘就有了！入面其實同一般餐廳無異，感覺有啲似去左日本街頭啲小餐廳...😅餐牌其實選擇唔算多，同某連鎖牛肉飯店差不多...推介都係牛肉飯同烤肉食，或者雞😅食物好好食！好夠牛肉汁，熱騰騰！好香！^_^今次叫了烤肉牛肉飯，烤肉好香，嗰陣烤味真係唔係個個做到！真係值得去試！ps 丼有分大細，相差3蚊，師奶心態叫了大..食唔哂😅😅😅細食的朋友叫細好了，~

/ 溫泉蛋燒肉丼 $44 /すき家最近少咗人排隊，驅使我終於第一次去食，門口堂食人龍唔算長，我1點去大約10分鐘內就有位，但係因為好多人外賣，落完單都要等一段時間先有嘢食。叫燒肉丼就係expect肉會多一份香，但食落感覺只係普通牛丼嘅肉mix燒肉汁，溫泉蛋生熟程度適中，但男友嗰隻就比較熟，個蛋黃已經係固體🙁，似乎要睇彩數。整體不過不失，叫做過吓日本癮。[ 6 / 10 ]SUKIYA すき家 (紅磡)紅磡黃埔天地時尚坊(第2期)地下G6B號舖

最近見到好多人評論呢間餐廳,反正喺e邊返工即管試一試。時間早,冇人排隊.即管試一試.Waitress 測試body 溫度,之後帶我去後門張近落地玻璃.冷氣明顯不足! 熱到飛起⋯⋯服務員服務態度OK。坐低睇吓Menu，價錢亦唔平。叫咗個鰻魚配牛肉飯另外加$30加杯飲品同靖魚.相信熱潮一過,難逃執笠命運....食完冇乜特別,價錢$114。講真根本食物平平無奇, 要我排隊No way!有今生無來世.試過一次絕不回頭.

難得今次Sukiya開正黃埔小弟佔盡地利點可以唔試一試呢雖然開左幾個星期，但排隊堂食還有人在我就選舉外賣返去，十二點三左右去到成個過程十五分鐘，由排隊比錢到拎食物一款基本既牛肉飯，另一款芝士燒牛肉飯加多5件炸雞試下坦白講，兩款味道都差不多...燒牛肉就比較重味d而炸雞都係普通，唔係脆既.....幸好肉質唔差，滑既.....總括黎講試一次就夠.....期望你太多，注定難過.....以上食評只反映本人立場，如有雷同，實屬不幸

開咗1個星期頭嗰幾日已經想試 點知超長龍...今日趁冇咁多人就去咗先有職員俾餐牌你 之後排隊落單 大概等5分鐘左右落完單直接去俾錢 完全唔洗排隊最後就等攞外賣 等咗15-20分鐘左右我因為幫全家買 買咗6個丼😀仲分開咗2次落單 所以等得耐咗要留意係 因為外賣 所以會另外收多$1 而且餐具係最後自己攞 (我冇攞 因為環保 但係同時又覺得好似有啲唔抵 話曬俾咗錢🙈)唔知點解 放咗入外賣盒 望落好似份量唔係好多/冇堂食咁多咁但係係夠我食嘅 (一個平凡女孩子的食量👧🏻)佢啲飯真係好香就咁拎住袋外賣已經香味四溢👃🏻我嘅烤雞丼 (M) ($46)賣相都唔錯 啲盒包裝得幾好 所以安全運到屋企味道方面 好鍾意佢加咗啲紫菜同香蔥 令個飯好有日式風味同更加香👍🏻🐓雞肉份量合理 連皮 不過冇骨 好滑嫰又唔多筋同肥膏 啖啖肉 味道亦好濃味 好似啲照燒雞肉串味 好食🍚米飯都好味 係日本珍珠米 粒粒圓碌碌咁 不過比較腍同黏 冇粒粒分明可能比啲醬汁整濕咗 因爲都幾多醬汁而且淋得唔均勻 我嗰啲去曬一面同多數起底 搞到一面好濃味 一面全白飯不過可以自己撈勻架啫 所以問題唔大醬汁味道比較甜 同埋比較濕身 好嘅係唔太鹹

I went during the grand opening phase at 4:30 pm the restaurant was almost full they weren't adhering to social distancing as every table had people except 1 or 2. I then asked the waitress if I could get the curry without onions she said yes. she then brought me curry with big onions in it. my wife also asked for no vegetables in her dish and they also ignored that request. I then asked the waitress why there was onions she looked at the ticket instead of just trusting the customer or I'm afrai

すき家喺黃埔開咗第二間分店，預咗啱啱開張實好多人排，所以諗住遲d先試，但R君已經急不及待話要食（佢期待咗好耐==）我頭痛就乘機唔出門喇，等佢出去時順便買外賣返黎。佢買排隊嗰陣話佢前面大概有50人，多人到見唔到cashier7:26買咗一杯普通冰紅茶都要$8，有點貴7:42 拎咗，有個不織布袋裝住，好靚咁我食香蔥溫泉玉子燒肉丼（M size)一打開，溫泉蛋去咗邊？諗過唔通摭住咗或者因為我外賣所以幫我撈埋？ 中間係有d汁咁，但唔似蛋汁，同埋無蛋黃味～牛肉係好食嘅，唔韌，厚度同肉質都不錯，同埋好多蔥無咗隻溫泉蛋有d失望......牛肉燒肉雙拼丼（M size)我地一致認為個飯好䶢，好重味精。我食到一半忍唔住狂飲杯紅茶，食完之後隔咗一排都仲覺得好口渴，又飲咗成杯水排解陣味精，第二朝起身陣味仲喺度⋯⋯R君話雖然好多人排，但其實都好快就有，原本仲諗住要等半個鐘。個人覺得間唔中食下都ok，但未去到非吃不可嘅程度。

足足有成年無食過牛丼飯！ 返工附近新開幕 即刻要去食～ 11:50去排隊 會分堂食同外賣 2條隊～ 排堂食暴曬左15分鐘左右就入得！！疫情關係～ 枱同枱之間都比較梳落 目測應該得10枱左右 發現仲有bar枱 可以比一個人食～好快就完單之後 差不多停10分鐘先上菜～同我差唔多時間排外賣既人 已經拎完外賣！ 可能外賣仲快過堂食～溫泉蛋牛丼 $34試下最basic既飯先 我個隻溫泉蛋熟過頭☹️只有少少流心～ 反而同事個隻就好完美！牛丼個樣望落有少少乾 不過食落就唔乾之餘～ 仲唔會太咸 個飯好水潤 勁多牛汁～店內麥茶都好好飲～ 店員仲要主動幫你加添！

旺角間Sukiya開左咁耐都無食過，Sukiya第二分店開張，即刻同同事去食啦！今日陽光普照，排隊無遮無掩堅係暴曬！大概一點鐘，外賣條人龍大概有二三十人，堂食反而得五六個，曬左十五分鐘就有位。不過落完單仲要等多十五分鐘，Lunch hour去食真係有啲趕。W溫泉蛋燒肉丼 $48 溫泉蛋好流心，打孖上好正！不過燒牛肉有少少𤓓味，仲見到有黑色鑊焦。加$10配沙律同飲品，沙律係生菜洋蔥加粟米，店員仲比成枝胡麻醬任落，呢個醬配炸雞一流啊！我覺得加$20配3件炸雞同飲品，不如加$25單點5件炸雞，因為飲品只係罐裝汽水或者無咩味既特製冰紅茶，我覺得店內任飲既麥茶仲好飲。同事個香蔥溫泉蛋牛丼 $38話好香蔥味，評價幾好。埋單仲送個以為外賣先有既環保袋，好過派傳單或者紙巾啦