Tapas Brew (Mikiki)

营业中

休息中

星期六中午點左一個e餐勁快送咗餐湯同奶茶餐湯係甘筍湯，飲到甘筍嘅青味，一般，讚嘅只有湯係夠哂熱。有兩個服務員一個大嬸，一個後生女，後生好勤力，個大嬸掛住玩手機服務又差態度又西….點扒餐都唔問人哋幾成熟，問佢野又話冇人會甘問對。繼續講返個餐嚟到見到擺盤都ok,開始食…咬唔爛，個汁都OK但係個扒嗌五成熟都唔係好得，勁靭….跟住講埋啲薯菜，椰菜花生生地甘，好似未煮熟。其實佢所有薯菜都係好似水煮白灼🤦🏻‍♀️🤦🏻‍♀️。最後上甜品🍮⋯⋯有期望就有失望難食，雪到見到冰冰咁比我再揀多次我寧願去茶餐廳或者大家樂食，應該仲更好食。裝修係好靚好吸引但係食物同埋服務質素真係好差。純粹個人感覺

媽咪想試西班牙飯，知道新蒲崗Mikik商場有間西班牙餐廳，環境氣氛不錯，於是打電話訂座，餐廳位於商場地下，座位設置室內和室外，室外氣氛一流，同朋友或者三五知己飲番杯酒傾吓計，感覺好relax！入到店內裝修很有特色，餐桌非常闊落，坐得好舒服😌餐牌上選擇都比較多，亦有套餐選擇！地中海式炸鱿魚圈配檸檬蒜香蛋黃醬$108魷魚圈炸至金黃食，好香脆，粉漿好少不會過厚，魷魚好厚肉帶爽口，配埋蛋黃醬一齊食，好惹味食唔停口！西班牙海鮮飯$188上枱時熱辣辣，顏色七彩繽紛賣相不錯👍，海鮮飯入面有，海蝦、蜆肉、青口、魚和墨魚仔，非常豐富，雖然材料size比較細小但好新鮮，飯的軟硬度適中，醬汁濃郁但食落不會太油膩😋

去開新蒲崗我先發現原來開咗Tapas Brew, 所以就即興同朋友揀咗呢間餐廳食飯～唔使睇餐牌都會即刻叫咗德國鹹豬手配蒜泥沙律同埋酸菜先～ 一如以往咁大份，份量又多～ 豬手皮好夠脆，入面嘅肉就好嫩滑～ 雙重口感，熱辣辣好滋味🥰 酸菜同薯仔沙律嘅調味都做得好好，配埋豬手一齊食仲冇咁油膩👍🏻另外必點嘅仲有特色烤乳豬，烤得好香，一咬落去啲油就會爆出來，好惹味😛食咗咁多肉就要食啲澱粉質啦，我哋叫咗西班牙黑毛豬風乾火腿野菌闊條麵～ 風乾火腿好香口，成個意粉就好Creamy, 兩者好Match, 一啲都唔油～食豬手都係一定要叫啤酒，所以我哋就每人叫咗一杯啤酒🍻一啖接一啖好爽🤣🤣最後仲叫咗一份粗薯條配黑松露醬去送啤酒～ 食埋飯，傾吓計又飲下酒咁就一晚啦🥰

咁啱係mikiki 呢頭，見到地下有間幾chill 嘅餐廳，坐係出面飲一兩杯應該會幾舒服，但嗰日有啲熱，所以都係揀番坐室內特色烤乳豬呢個乳豬係必食！雖然要等20分鐘，但好值得等。外脆內嫩，外皮好薄好香脆，肉質鮮嫩有肉汁。碟上面仲有啲蘋果蓉，食嘅時侯，配上醬汁同埋蘋果蓉，超搭，而且醬汁有黑松露，味道更加豐富。西班牙辣肉腸炒蛋配脆馬鈴薯絲呢個同樣好出色，炒蛋同馬鈴薯味道偏淡，但係配埋辣肉腸就啱啱好，炒蛋好滑，馬鈴薯好脆口，食落好有口感。鹽石斑魚配辣奶油醬即叫即炸，上到嚟嘅時候仲冒緊煙。炸皮好薄，石斑魚好新鮮，啖啖肉，完全無骨，奶油醬係有少少辣，但同埋石斑魚一齊食就啱啱好！

平時都甚少食西班牙菜不過之前起英國留學 canteen間中會整paella (燴飯) 都幾好食 所以對西班牙菜都有少少認識佢有lunch set menu見個個人都係食佢個西班牙海鮮飯當然要試吓▶️西班牙海鮮飯 2人餐 ($188)呢個2人餐有湯/沙律 做前菜2杯飲品 最後仲有是日蛋糕做甜品湯同沙律就好一般 份量唔大個海鮮飯就真係好大份而且非常足料 賣相吸引面頭全部大大粒海鮮🦞有兩隻大蝦 青口 魚柳 蜆肉 魷魚講吓味道 佢啲飯似risotto 比較硬身同埋濕啲 口感都唔錯嘅見佢橙紅食都知道應該係蕃茄醬燴 不過有趣地食落冇乜味 好似冇落鹽咁😶有味啲就係食到啲洋蔥🧅同橄欖🫒 所以反而食到苦味再加上檸檬嘅酸味🍋海鮮就ok 冇話特別好食 應該唔係新鮮 所以冇乜海鮮味🦐對個飯有少少失望 因為真係好似好多人推介 但係自己食落覺得唔好食 完全唔香又冇味甜品係超級迷你嘅new york cheesecake 都ok嘅雖然係平 平均每人$100唔洗 不過都係覺得唔值 有啲可惜

今日嚟到位於新蒲崗嘅tapas brew，香港出咗名係美食天堂，但我一直都冇食過德國菜，今日終於有機會嚟試吓啦。一入門口已經見到充滿歐陸風嘅佈置，長身上邊仲有德國嘅地圖，俾人成個嘅風格就真係好似置身於外地一樣，尤其而家冇得去旅行依種佈置真係令人賞心悅目。咁首先我哋就叫咗一個腸仔嘅頭盤，因為德國腸都算好出名，一上菜就覺得真係好抵食，因為每條腸都好巨型，不過佢有少少偏鹹但都係好好食。之後就叫咗個燒雞，先唔講佢真係好大碟，佢嘅外觀亦都好吸引睇到已經流晒口水，食落更加係不得了，因為真係外脆內軟而且雞都醃得好好味，最後就叫咗個海鮮飯，佢海鮮飯嘅汁亦都好出色而且蝦好大隻仲有蝦膏添。總括而言，我覺得第一次食德國菜俾我嘅體驗都真係好好。

係暴雨下，成個mikiki都唔多人，唔似平時大排長龍，今次揀間未食過嘅西班牙菜～～入面環境好舒服，不過可惜今日落大雨無得出面，坐係出邊，飲下啤都會幾chillMenu唔算好多野揀，但偏偏你又會樣樣都想試最後揀左一個西班牙海鮮炒飯，份量都唔細，兩個人食係好夠，有一種特別嘅香料味，加埋啲橄欖，個人中意加多少少檸檬汁，酸酸地都幾開胃，飯口感有啲似Risotto , 海鮮都有好多，蝦、魚柳、蜆、青口等等仲有呢一個吞拿魚嘅appetiser ， 烤左個皮，再加啲芝麻好香，同時每啖連住啲芒果一齊食，好開胃，啲芒果唔會酸，甜甜地，好好味，你會想繼續食落去間中收工想同同事朋友傾下計飲下啤酒，我諗呢個應該好好送（見到隔離枱都係咁樣叫～～

今日因為公事去了新蒲崗工商區🏘才發覺這區的發展迅捷，對出的舊啟德機場部份不少高樓大廈地盤已現雛形🏗可見在不久的將來將會變得人山人海，重現當年的繁華景象。新蒲崗與啟德地區只有一街之隔，太子道東以北的是新蒲崗，以南的是啟德，由天橋接駁兩邊，在黃昏時份更能看到美美的夕陽🌅 工作完成後已經入黑，所以和同事就直接在新蒲崗覓食，首先當然是本區最大的商場Mikiki中選擇🏰不過在商場內逛了一圈後未有心水就出去找一找，最後原來在商場地下旁邊還有一列餐廳🏝還有帶有絲絲渡假氛圍的樹下户外茶座位置，頂上懸掛著有如繁星的小燈泡🌠羅馬生菜包牛小排 $98看到這道菜有點去了韓國餐廳的錯覺，牛小排煎至5成熟再切成小粒上桌，外焦內嫩帶有粉嫩感，肉味濃郁。羅馬生菜的大小剛好包緊一口牛粒🥬附餐的醬料像韓式大醬，比較鹹。 地道蒜片辣椒橄欖油蝦 $148西班牙下酒菜中的第一位，最引人入勝的不是爽彈的蝦肉，而是麵包沾上辣炒爆香的橄欖油🍞隨著蒜片蝦還會有一客麵包粒，我肯定這裏的麵包粒是我去了香港十數家餐廳以來最多，足以滿足我沾醬汁吃麵包的慾望，橄欖油帶點點鮮蝦味😝 Tapas Brew特色烤乳豬 $188 西班牙乳豬的發源地是塞

中秋已過，踏入10月天氣依然酷熱🥵天文台總結了9月的天氣數據，高溫刷新5項9月份紀錄，除了最酷熱，也是最多酷熱日數及熱夜的9月，有半個月是屬於酷熱☀️而且户外座位是吸煙區，我比較不適應所以選了室內座位。 餐廳內部佈置也甚有西班牙小鎮風情🧱張貼了不少牆紙去營造風格，有半月型的窗門和西班牙小樓壁紙。另外亦存放了不少酒，令人看得眼花繚亂，差點忍不住酩酊大醉一番🍾 📜打開餐牌就見到有2人用的4道菜晚餐連2杯酒，不到$500就可以享用經典西班牙大餐。另外亦有單點菜牌，包括了招牌西班菜、小吃、前菜、主菜和其他特色歐洲菜📘 🫕南瓜湯配意大利餐包 $28 7.5/10首先到來的是日餐湯就是南瓜湯，將南瓜打成蓉後加入煮製，沒有刻意加入忌廉亦能形成一種Creamy口感，流入腸胃時散出淡淡暖意🥖餐包是一種帶脆皮的意大利白麵包，名為Ciabatta，抹上一層薄薄的蒜蓉牛油，香脆可口。 🐖Tapas Brew特色烤乳豬 $188 8/10這裏的乳豬完全做到肉軟、汁多、皮脆這三大關鍵😋肉汁豐富，就算不沾醬汁也十分惹味。 🍳西班牙辣肉腸炒蛋配脆馬鈴薯絲 $88 7.5/10炒滑蛋的顏色金黃亮澤，惹得我食指大動，採用細

為左慶祝3日連假，可以休息relax,是日夜晚我地揀左間好有氣氛既西班牙餐廳。呢間餐廳可以揀坐室內／外，但9月尾香港天氣仲熱到顛，所以我地當然揀室內啦。我地今次叫左4樣餸，包括1）西班牙燴蜆配檸檬橄欖油 HKD 118我地揀左燴蜆作為前菜，大概有十幾隻，佢同我地係居酒居食開既清酒煮蜆好唔同，佢係比較重口味，偏咸，用黎配啤酒一流。2) 黑松露配炸粗薯條HKD 68薯條熱辣辣，份量好多，配黑松露十分之夾，可惜裝黑松露既碗仔太細，食左一半薯條就已經食曬d 醬，好在佢地係可以免費refill 。3) 西班牙炒飯（四人份）HKD 288一上枱，就比佢地份量嚇親，真是好大碟！我地4個人都差d 食唔曬。佢地比料都十分慷慨，西班牙海鮮炒飯，有魷魚，魚，蝦，青口，蜆， 橄欖，仲有幾件檸檬伴碟。呢個炒飯整體唔錯，但略嫌飯硬左少少。4)法國燒春雞雞外脆內嫩，而且好貼心咁幫你切件上，唔使客人慢慢切，抵讚

同屋企人經過mikiki， 見到有間嘅特別嘅西班牙菜就行咗入去食啦。 去得西班牙餐廳，一定要嗌西班牙海鮮飯， 一上枱，我哋都畀佢嘅size surprise到，分量很大，擺完上枱都差啲唔夠位擺其他野，炒飯顏色鮮艷，未食已經色香俱全，賣相好吸引， 上面鋪滿咗蝦，青口，蜆，魚等海鮮， 側邊就有啲檸檬作裝飾， 未食都令人食指大動了。 食落更加沒有令人失望，海鮮清甜，而飯亦都煙煙靭靭，唔會有過淋或者太硬嘅問題， 一邊仲有蒜片同魷魚粒， 咀嚼之間有淡淡嘅辣味， 令人回味無窮。 法國燒春雞令人十分之印象深刻, 外皮烤得脆脆香香， 裏面的雞肉鮮味而唔會柴, 配合番茄醬和芥末醬,口味即時多樣左。 薯條就十分之脆， 分量好多， 配上香濃嘅黑松露醬， 係一個非常高質嘅小食，好開胃。

推介烤吞拿魚伴芒果莎莎 $165 👍👍 呢個前菜out of expectation😍 微烤嘅吞拿魚外面有香口嘅黑白芝麻 再配一d都唔酸嘅芒果 係非常開胃嘅冷盤😋 TAPAS HREW 特色烤乳豬 $188 肉質都夠嫰😗不過好似香港酒樓食個d燒乳豬😂😂 西班牙海鮮飯 $188 海鮮料幾豐富下 蝦 魷魚 蜆 樣樣齊👍記得要吱檸檬汁去一去d海鮮腥味 餐廳嘅餐具都幾有心意 隻碟上面隻豬好得意😂😂 

約朋友晚飯去了新蒲崗太子道東638號Mikiki地下G02A號舖Tapas Brew(Mikiki)餐廳用餐地方可選擇室內或室外，室外的話，秋涼一點會選室外，可以帶狗狗來。但現在天氣熱，還是選室內吧。室內環境充滿歐洲風情，尚算寬敞，店員禮貌招待。1. 羅馬生菜包牛小扒$98牛小扒表面燒焦，肉質綿軟多汁，生菜包牛小扒更覺鮮嫩可口。2. 西班牙海鮮飯$188足夠二人份量，海鮮食材舖滿飯上，有蝦、八爪魚仔、青口、大蜆、魚柳等加上鮮檸檬汁更提升海鮮味，飯粒爽口，有青紅椒和洋蔥粒，更覺美味。

【羅馬生菜包牛小扒】 HK$98【特色烤乳豬】 HK$188【德國鹹豬手】HK$218先講呢間餐廳嘅招牌菜之一【特色烤乳豬】 重點係層乳豬皮，烤得好香脆，點旁邊嘅蘋果蓉好夾， 雖然份量唔算好大，但2個人食嘅話可以一試🤔頭盤【羅馬生菜包牛小扒】食法係好似韓式燒肉咁，用生菜包住肉食，旁邊仲有黑醋可以點👍牛肉味道都算可以， 如果份量再多啲就好喇🤤食德國鹹豬手當然一定要配酸菜同薯蓉啦😋 酸菜 可以解走油膩感， 呢間豬手嘅呢係幾脆，而且幾大份，不過肉質未到好嫩滑，未必係呢一間店嘅必點菜🤔 整體呢間店同正宗嘅德國餐廳都仲有一點距離

放工之後又到覓食時間，梗係約埋朋友一齊去wet。係開飯喇睇到呢間西班牙菜，好有feel，一於黎試下。到步環境唔錯，配合燈光氛圍好正，真係好適合約埋朋友一齊食嘢傾計。果日唔係好熱，所以我地直接坐室外。（我肯定唔會講因為間餐廳full左....）黎到肯定要試下招牌特色乳豬啦，果然名不虛傳，皮脆肉嫩，唔會太肥，配合埋距個醬，真係好正。同廣式乳豬感覺完全唔一樣。生菜包牛仔扒又係另一種風味。平時泰式生菜包肉就吃得多，今次牛仔扒好有水準，半熟左右，肉嫩多汁，加埋距個醬（感覺似豆瓣醬），感覺清新好味道。另外季節限定-藍青口，都好高質素，鮮味肥美，奶香、鹹香味十足。飲品就正常水準，茶味淳，唔會覺得太甜，鹹奶蓋都OK。食物質素有保證，服務又到位，無得輸啦。預定下次試下距地隔離鋪頭噶豬手~