TC Bistro

营业中

休息中

第四次幫襯，依然係咁好食服務都一流一定要訂位同時訂埋威靈頓牛柳～餐廳前一日會打電話黎confirm，都好有禮貌！我地3個人叫左3個main course都加左50蚊跟餐，吾係Hea 野黎架，湯同沙律都好有水準好好味！黑松露薯條次次必點～係我食過最好味既黑松露薯條吾知係咪因為聖誕節，大廚仲送左海鮮酥皮盒同蘋果批俾我地，足足3人份，好飽好飽！為左吾浪費大廚既心意，我地都食得一乾二淨會繼續幫襯下次再試埋龍蝦

已經黎第4次今次用open rice book，訂座結婚周年慶祝。訂座時有得揀周年慶祝，我就選了。以為同其他餐廳一樣唔會理，點知，收到whatsapp話周年慶祝，會最尾時送我甜品，重問我係第幾年，那份細心，唔係一般餐廳做到。講返野食，主菜叫左牛同豬扒，真心好食。今次決定試下小食。見網友寫田螺好食，就試下啦。薯蓉響底係基本吧，但薯蓉個底係脆既，就非一般啦，田螺裡面入左黑椒汁，配埋勁脆既法包，真係好好食食物好食，服務細心，點可以唔推呢？

朋友介紹左呢間係mikiki對面嘅西餐小店好耐，終於有時間黎試下😄嗌左9樣嘢樣樣都好好食，feel到餐廳超有誠意，絕對值得支持+回訪！🤩巴馬火腿鮮果沙律($138)Parma ham超好味，充滿咸香，配埋超甜嘅蜜瓜食真係絕配😋 沙律菜同無花果都好新鮮。法式焗田螺($128)田螺焗到勁淋勁入味，輕輕一撩就出左黎，薯蓉勁香牛油味😋白酒煮澳洲青口($138)青口好大隻!! 又係超入味，白酒味好濃👍🏻香煎鵝肝($118一件)重頭戲！鵝肝超大塊+勁厚身，餐廳完全無吝嗇🤣 煎到超香口，外脆內軟，一咬爆晒啲油香出黎，勁邪惡🤤🤤🤤 係我係香港食過最好食嘅鵝肝多士！  美國特級肉眼($428)牛扒煎到5成啱啱好，超重肉味，調味都啱啱好😋👍🏻 配菜仲勁多😆呢間小店真係超高質，勁推薦👍🏻 但座位比較少，記住要book位😆

之前都食過了，今次我一早訂左位，我係openrice到寫左問可唔可以幫我簽收蛋糕，第二日12點左右佢地打黎回覆無問題，係收到蛋糕果時佢地都有人通知，服務唔錯值得嘉許當天我點左鵝肝多士必食田螺必食燒波蘿白桃沙冰，草莓沙冰（好飲但係如果佢可以跟杯墊會加好多分，因為佢啲水珠跌哂落張枱到，依果係我果日覺得最唔好既地方）慢煮豬胺扒黑松露帶子天使麵餐湯餐沙律送左一個法式焦糖燉蛋（凍）有驚喜，果到好似無甜品叫，如果想食可以問下職員外賣黑松露大啡菇燒波蘿整體味道很食，環境舒服唔會好嘈，服務一流（佢地會先安排好出餐既次序同係講一聲，職員會主動詢問換唔換碟，職員會考慮外賣整作時間會盡量安排好離開前煮好）超貼心，唯一令我不太滿意地方就係冰沙無杯墊，我用紙巾墊我驚佢啲倒汗水成張枱都係（如果店主見到希望可以改善一下）係價錢方面中間位啦，我都同身邊朋友介推，佢地都好滿意

前兩晚睇美食節目介紹威靈頓牛柳，小朋友表示未食過，所以特登上網搵下邊度有得食。見呢間餐廳近我地，食評幾好，就馬上訂左第二晚晚餐。電話中，職員仲問要唔要訂埋焦糖燉蛋，我覺得應該都係餐廳特色甜品，所以都即時訂埋。當晚，食完沙律、餐湯後，都等左好一段時間先上客威靈頓。酥皮厚薄做得幾好，但一切開，酥皮就散開😧再加上成客威靈頓放係濕淋淋嘅薯蓉上面，令到下面個d酥皮淋晒😐好彩牛柳調味唔錯，加番分，但對於餐廳招牌菜黎講，比我預期失望。意粉做得幾好，係甘多食物中最好食嘅。不過最過分係個焦糖燉蛋。面頭嘅焦糖又厚又硬都算，當小朋友食左幾啖後，我發現個燉蛋係液體狀😧😧我個下都奇怪，所以問左其中一位侍應佢地嘅燉蛋係咪水狀，平時我食開係軟，但都係pudding甘固體。嗰位侍應一面茫然，話佢唔知，然後佢會入廚房問下。當時因為餐廳太凍，我一心想快啲走，所以我係同嗰位同事反映前，已經搵左另一位同事埋單俾埋錢。後來，入廚房嗰位侍應番黎覆我廚房話可能係個燉蛋焗唔熟…佢講完就望住我..wtf😡😡我個下真係著左！！焗唔熟！連食物都唔熟，點做餐廳！然後同事個下連基本「對唔住」都無一句，換一客新或者退番錢就更加無！！！如果唔係小

試過晚餐，非常滿意，今日約朋友過來試下午餐。首先店員人手充足，反應快，有禮貌！Order咗慢煮豬鞍配薯菜豬鞍非常軟滑，夠厚，最厚位置有2.5-3cm。配有芥末醬和燒汁，非常滿意。薯蓉香滑，牛油味好香。安格斯牛肉漢堡整體ok， 牛肉稍乾了一點。 龍蝦湯好味。牛油果特飲，一如既往好味，新鮮。有機會繼續會試其他菜式。

收工前，突然約食飯，揀左呢間餐廳，之前食過今次再黎過，環境好好，好適合聚餐傾計。沙律，配有蜜瓜好甜，ham 唔會好咸焗田螺配薯蓉，十分推介，一定要試，田螺既黑椒汁配薯蓉，味道好夾黑松露薯條，松露份量好夠，仲配埋松露沙律醬(份量好大，食食下先記得影相)牛肩胛位置7分熟，外焦內軟，牛既香味係個口度爆哂出黎，性價比很高海鮮飯，飯既軟硬度剛剛好，海鮮份量好足黑松露帶子天使麵，入口濃濃既忌廉松露味，醬汁好均勻係每條面上，好好食。最後，超推介牛油果沙冰，好滿足。

好一段日子沒有到TC 了, 香軟的燒豬肋骨滋味每次想起都唾延欲滴, 藉著朋友生日機會, 二話不說即訂位.朋友的house wine 不錯我至愛的牛油果沙冰, 味道依然超捧精緻的 ham salad蟹肉忌廉焗大啡姑, 蟹肉滿滿的, 配上烤過的忌廉, 好味道醬燒豬肋骨上枱時有點猶豫, 好像少了點 juicy 嗎? 望上去肉也有點乾, 跟上幾次吃的模樣有點距離上碟後實在難以為它再找藉口, 實在 dry 了點, 而且沒有什麼 sauce, 肉的比例也比之前的少 ...  滿心歡喜而來, 卻帶著失望除了燒菠蘿外, 西欄花與粟米因為沒有sauce 也很淡味最後的焦糖燉蛋

喺新蒲崗咁耐第一次試呢間餐廳好彩早幾日有book位因為7:30嘅時候大部份嘅枱都已經full咗今次食咗威靈頓牛柳同埋大蝦意粉配龍蝦汁先講威靈頓牛柳（要預先預訂嘅食物）肉質唔會太過火，調味啱啱好，值得一試👍🏻不過意大利粉就有啲油膩除咗隻蝦幾新鮮之外冇咩特別🙈不過都係不過不失啦另外加咗$50套餐多咗沙律、餐湯同埋飲品質素都唔錯侍應服務態度都幾好不過略嫌有時太過主動收嘢有少少好似想快啲趕走客人嘅感覺😂

出街成日都係食日本菜，今日就試下西餐慶祝下，呢間最出名係威靈頓牛柳，之前係屋企試過整，好多步驟仲好易失敗，都係出街食開心威靈頓牛柳 $328 (跟餐加$50)牛柳有牛味又淋，不過酥皮唔係好夠脆，但牛柳唔細件整體都好味，配菜薯蓉都好好味，好香牛油味又滑！黑松露薯條 $62今餐食左好多薯仔，但真係好味，薯條炸得好香脆，勁新鮮，重點係份量超級多！不過黑松露醬比較普通，有小小滯香辣雞翼配薯條78雞翼好好味！呢個價錢黎講好足料，仲要佢唔係好辣，對我地黎講岩岩好，薯條就唔洗講一樣好好味！TC Bistro地址: 新蒲崗景福街87號地舖電話: 22950336味道 | ❤️❤️❤️❤️抵食 |❤️❤️❤️❤️環境 | ❤️❤️❤️❤️服務 | ❤️❤️❤️❤️❤️推薦 | ❤️❤️❤️❤️5個❤️為滿分

今晚同老公慶祝拍拖12周年，想食咩就去之前聽朋友講話呢間有好嘢食，特別係個威靈頓牛柳非常出色，即管試下佢！加$50就可以跟餐有湯、沙律🥗和飲品呢個頭盤沙律已經令我大開眼界，好有驚喜，沙律汁係酸甜的，仲要係好似有閃粉咁！又好味又靚！❤️餐包一睇就係脆嘅，有少少果肉，味道不錯！老公唔飲南瓜湯，所以加咗錢飲龍蝦湯，不過鹹咗少少🤪南瓜湯味道和稀度適中，有高級餐廳的水準。芝士焗大啡菇跟蟹肉真要讚！好多汁，濃濃芝士，唔乾身，入面有好多蟹肉，仲有蟹膏五成熟的羊架，熟度剛好，超大份量，外面有的皮有少少蒜香咁，連伴碟都要讚，個焗蒜係好冧又甜，要食埋！主角出場，一人份量嘅威靈頓牛柳！不過係好大份，覺得可以兩個人食一個！入面好Juicy，皮薄餡靚，牛肉味好濃！

開翻晚市堂食，終於可以再食呢間，之前食過兩次，質素一直都好滿意。可惜今次無得reserve青口蘑菇湯，好濃郁，味道唔錯，唔鹹。個包配個湯都幾夾雞翼醃得幾好入味，外層炸得好脆，表面有d類似孜然粉，食落好野味薯條味道係麥當勞扭扭薯條果種，好脆，有薯味，唔使番茄醬都夠味鵝肝真係入口即溶，煎得好好，配麵包好味，不過真係油，建議60g好過100g如果兩個人威靈頓牛柳，第三次encore，水準有保持到，不過今次個皮有少少軟，但係味道一樣好好食，肉質好軟嫩，熟度剛剛好。基本上係來呢間必點菜式US特級肉眼，肉質一般，重肉味，但係肥膏太多，同埋有筋同埋起渣。有d失望，唔值呢個價錢。下次會試其他部分。焦糖燉蛋，本身無唸住叫，店員過來推薦就試下，但係有d失望，焦糖太厚，但係d蛋係creamy同重蛋味

為食Niki去搵好嘢食😋TC Bistro係新蒲崗頗有名氣嘅小店室內燈光較暗好啱情侶去❤️龍蝦汁海鮮意大利飯🦐$178龍蝦汁好濃郁大蝦🦐亦都好好食色香味俱全水準之作威靈頓牛柳（1人份）$328每日限量供應或者要預訂好好彩今日七點幾來walk in都仲有得食酥皮焗到好脆，有牛油香味牛肉味濃多汁但係冇煙肉包住牛肉，未算好正宗。整體來講兩樣主菜都好出色服務態度都好好極度推介👍🏻👍🏻👍🏻👍🏻👍🏻

屋企少爺1月中生日，年年我都會問佢想食咩，上兩星期佢突然話佢未食過威靈頓牛柳，佢睇電視見過鬼佬廚師整好似好正咁 🤔於是呢個呀媽就問下面書大人，谷友們都介紹我黎土瓜灣既tc bistros 話佢哋嘅威靈頓牛柳好出色，我位都已經訂埋，點知…. 政府突然宣布冇得食晚市，今晚之前嘅最後一晚，男友剛好放假，打電話去餐廳問仲有最後一件威靈頓牛柳，所有嘢都好似預備好俾少爺咁黑松露薯條，啲黑松露醬真係好香墨西哥餡餅好味四成熟既肉眼扒主角既威靈頓牛柳，佢話好好味我唔食牛，所以食豬鞍排，肉質都幾滑開多枝house red呢餐食左大約$1300，好味，會再encore

點了威靈頓牛柳及燒三文魚套餐， 原想試龍蝦米多 加錢飲龍蝦湯， 套餐沙律不錯， 龍蝦湯濃郁， 威靈頓牛柳肉質略韌但整體仍然不錯， 燒三文魚香口。上餐安排次序值得一讚， 不會像大多數餐廳好快一次過上齊， 服務員態度相當好， 最後餐廳還送上生日甜品👍🏻