TC Bistro

营业中

休息中

上星期五 01/17 我男朋友生日 我地去左呢間食野 呢到有Gordon Ramsay好出名既Beef Wellington 呢到竟然有！！！所以就朝聖我地叫左Beef Wellington, BBQ ribs 再加左兩個sets 跟餐有是日餐湯 是日沙律 同埋餐茶是日餐湯 - 大蒜忌廉湯小妹見識少 冇諗話大蒜會煮湯 出到黎個味幾好！個味好夾 好味 飲完想飲到碗哈 無expect會寫食評所以冇影相是日沙律 - Parma Ham Salad🥗Parma Ham味道岩岩好 吾會特別鹹 沙律菜好新鮮👍🏻 目前為止啲野食好好味😋Beef Wellington ($298/1 serving)Highlight of the dinner!!! 係我地期待已久既Beef Wellington! 佢賣相幾好 不過切開個陣佢就散晒 我見之前寫評啲相啲人都得切得好完整 自問我地吾係切得好大力 本身仲諗住可以打下卡🤧 呢到扣左少少分 佢地同Gordon Ramsay一樣 係酥皮同牛柳之間有搞碎左既蘑菇 牛柳煎到岩岩好 肉質都幾嫩 認真講句 佢對得住呢個價錢( ´ ▽ ` )ﾉ 出面啲餐廳閑閑地一塊扒都

第一你食個半鐘,第二冇廁所,行成條街過對面商場成10分鐘，先有廁所，去之前先把所有野疴清先，野食麻麻｡價錢同地點環境唔成正比。招待亦十分差勁。叫了意大利海鮮飯，裏面的蜆有沙的，食到我牙也痛。

雖然我是九龍人，但平時亦很少到新蒲崗覓食，這次剛好跟朋友在附近逛街，肚子餓了想吃點肉。一踏出Mikiki看到對面馬路，有一家設計搶眼、充滿異國風格設計的TC BISTRO，看到菜單上的價錢也合乎預算就決定光顧！店內裝潢十分有感覺，侍應亦非常友善。餐廳提供了薄荷檸檬水，生津又解渴。配餐加上幾十蚊就有沙律，極美味必點蕃茄餐湯和餐飲。沙律蔬菜十分新鮮，有果香味的甜醋。蕃茄忌廉湯，滿滿濃縮的蕃茄鮮甜，在冬天感覺很幸福。作為一個羊肉愛好者，我點了一個寶雲酥羊架，放到桌上陣陣香噴噴的羊味撲鼻面來，羊架外脆內軟，肥瘦適中，羊脂入口即溶，配上自家製的醬汁，口感極棒！配菜的焗蒜亦很出色，栗米也很鮮甜，連配菜也做到一絲不苛，讚啊！自家製燒汁和薄荷醬龍蝦忌簾汁意大利飯，兩隻大蝦放在濃郁醬汁的意大利飯上面，賣相滿分，每一口都吃到不同海鮮的鮮味，大蝦非常新鮮，飯粒軟硬適中。是日仲有焦糖燉蛋送上，為晚餐畫上完美句點

朋友很久前已告知我新蒲崗有一間高質又抵食的西餐廳，但一直無甚因由或機緣踏足此區，適逢今日於鑽石山出job，就約了另一半下班後由鑽石山地鐵站一齊步行15分鐘去食好西😊店員可能見我戴了口罩，便主動詢問要否給我一杯熱水，非常貼心🥰最初我見桌上的薄荷檸檬水幾別緻，以為是擺設，原來是可飲用的😆之前也聽說餐廳的威靈頓牛柳要提早預訂，但我也抱着一試的心態嘗試問店員，幸運地竟然還有最後一份一人份量的威靈頓牛柳，同一時間鄰桌亦同樣地想點一份，很可惜他們遲了一步😆而另一半則點了慢煮法式豬鞍扒，並加配了套餐！首先上桌的是無花果雜菜沙律，無花果及沙律菜新鮮，配上沙律醬汁調味，酸酸地又幾清新，之後的大蒜薯仔湯也不錯，餐包也有輕微烘過！兩道主菜同一時間上桌，賣相非常吸引，豬鞍扒很大塊，可能是慢煮的關係，肉質比較嫩，而且又多肉汁，不用蘸醬汁或芥末也已夠味，就連少吃豬扒的我也吃了不少😋薯蓉沒有完全製成泥蓉狀，仍保留薯粒在內，增添口感；威靈頓牛柳外層的酥皮烤得金黃香脆，令人垂涎欲滴🤤牛柳肉嫩多汁，配以酥皮同吃令人心心眼，真的是必點菜式👍🏻配菜亦跟有同豬鞍扒一樣的薯蓉和另一半喜愛的烤蒜及炸洋蔥圈， 烤蒜及炸洋蔥圈新鮮即製

每逢12月聖誕節臨近，就是約三五知己敘舊的時候了。今次和中同嚟到新蒲崗一間頗受歡迎的小店。餐廳座位雖不多，但樓底甚高，富有空間感，是小聚之選。北海道帶子蘆筍天使麵配黑松露忌廉汁$162北海道帶子厚肉鮮甜！蘆筍嫩綠爽脆，入口清新。天使麵收汁收得恰到好處，麵條口感剛好，不會因為煮得時間太久而太淋。天使面配上黑松露忌廉汁，令整體味道更為濃郁更rich。寶雲穌羊架$268羊架表面是鬆化的麵包糠，與羊架的鹹香很搭配。羊架肉汁豐富，羊肉味濃，很惹味呢。因為配菜色彩繽紛，有薯仔、香甜粟米、西蘭花！美食又怎少得配上美酒？餐廳有特色的手工啤，是香港釀造的，當然要支持一下。Dragon King $68單看啤酒的色澤，已經十分吸引。每一口啤酒，都散發着淡淡的蜜柚甘香，讓疲憊的我精神煥然一振。啤酒入口清爽，絲毫不苦，令人齒頰留香。餐廳不論環境、食物、服務也是中上之列，大家不妨當光顧小店，肯定有令你意想不到的驚喜。

有位好朋友搬左去新蒲崗，聽佢介紹呢間餐廳係新蒲崗算係幾高質同openrice呢到評分唔錯，參觀完佢屋企就去餐廳食飯，好彩朋友之前訂好位，因為都幾full。我地一行三人食左唔係好多野，但都飽到餐飲都飲唔落黑松露薯條（$62）價錢唔貴，好大兜，著條即炸，上枱時仲係非常熱辣辣，黑松露鋪滿在薯條上，每一條都食到黑松露味，超讚！威靈頓牛柳 $298(需預訂）好少地方有得食，因為呢道菜好考功夫，酥皮脆有牛油香，中間的磨菇醬均勻，牛柳好淋，好香牛肉味，我地一致贊成呢個超高質會encore。北海道帶子天使麵（$162）超香濃既cream味，order 時唔記得問可唔可以改意粉，因為我喜歡意粉多過天使麵，好彩冇改到，原來d汁掛在天使麵上更加突顯到香味，好好食。我地仲加左兩個set 有磨菇湯，有沙律（$50/1）

夜晚嚟到呢間門口細細嘅西餐，估唔到入面店面都好大好彩客人唔多，播住耳熟能詳嘅聖誕歌主要係有對老父妻係度食飯，俾人嘅感覺好溫暖彷彿呢個節日係為佢哋而設叫咗兩個set dinner，食完前菜沙律，餐包等等都好滿意主菜方面，叫咗一個K，一個EK嘅意粉嚟先，係北海道帶子蘆筍天使麵蘆筍斜切成條，帶子大大粒，上面仲鋪上三文魚籽漬個意粉用咗啲黑松露醬同cream嚟調味，感覺好香濃，但同時唔會cover咗食材本身嘅原味用料方面有洋蔥粒，同忌廉簡直係天作之盒，又可以增加pasta嘅口感叉起一小撮天使麵試吓，發現好creamy整得好食嘅天使麵會帶點爽口，食落一啲都唔膩panseared帶子好靚，兩面都係用油封住煎香，金黃色，每粒帶子都係一個整體又結實又彈牙set dinner E係BBQ rib好大份！有成兩個ribs，每個仲可以切成5～6條，側邊仲有燒菠蘿(((切好成一口一件，“加分！)]豬肋骨表面均勻咁塗抹咗BBQ醬，酸酸甜甜配上同樣係酸甜嘅烤菠蘿一齊食，味道好夾，又可互相配搭]切開入面好juicy，啲肉汁流哂出嚟牛厚嫩滑，連住骨嘅肉會比較難切，但係用 刀叉都尚可完成]店內不乏聖誕裝飾，好有氣氛而且總

入到小店，點餐後，店員端上裝有薄荷葉嘅水，感覺好清新menu選擇唔多，都係啲pasta，risotto，肉呀咁我哋2個人叫咗set dinner，配飲品唔使加錢跟餐嘅熱檸茶飲落好舒服，唔澀，證明茶底靚加少少錢飲品可以upgrade做soomthie，我揀咗牛油果沙冰，感覺好festive聽到佢open kitchen飲品吧，整攪拌機嘅聲好興奮杯沙冰好大杯，冰塊好碎，上面仲有好多牛油果粒粒Parma ham salad 整得好精緻，沙律有油醋，但酸得嚟帶甜，好fresh清新嘅菜加上濃郁嘅風乾火腿嘅鹹香，加粒小小車厘茄仔，簡單嘅味道最忠誠餐湯係甘筍薑湯，飲落有甘筍天然嘅香甜，加上有少少薑味，好暖個餐包係軟包，但係表皮烤得好脆，成條包就咁食已經好好味，因為入面有加香料壓軸嘅主菜真係意想不到嘅好好食！8安士嘅澳洲霜降M5和牛，上檯嘅時候好靚好香，分咗兩塊各4安士咁上，每塊切開都有5～6件，兩個人食都夠哂仲有煎得好香嘅蒜頭拌碟，見到都流哂口水一切開真係不得了，十分粉嫩，肉質靚到見到一絲絲但係又勁juicy一口咬落去，入口即溶簡直就係想合上眼，好好享受呢個moment牛肉味道濃郁，肉質細嫩，切開每

裝修係好靚service都好好不過廢話我今次就唔多講了因為要留筆墨形容食物首先推一推香港本土嘅手工啤酒之前喺本介紹手工啤嘅書度睇過介紹呢個品牌係將傳統神話人物嘅性格聯想落唔同嘅啤酒味道極富特色喺呢間餐廳發現有呢款啤酒 意外之喜白桃乳酸 夢幻嘅粉紅色隨餐附送嘅薯仔湯同麵包千祈唔好忽略個麵包同平時麵包舖食嘅唔同佢係好輕身但又好飽滿外面焊到啱啱好微微脆絕對要趁熱食Salad又係擺盤靚仔沙律菜新鮮到可以用企身唻形容終於入正題呢塊係我人生食過最好食嘅扒係有「扒就係應該咁樣樣」嘅感覺形狀已經極工整極靚每一啖嘅油脂分布都係極平均冇一忽多餘肥肉肉同油嘅比例亦係極標準我發覺我以前對扒有好大誤解我以為食texture就要放棄少少flavour食flavour就要放棄少少texture原來係可以好貪心咁兩者兼得雖然佢隨碟上咗鹽同mustard同燒汁但我覺得點咗係嘥咗塊肉That’s how good it was好值

朋友喺新蒲崗返工，最近行過見到開咗呢間餐廳都未食過，大家鍾意食西餐所以book咗三位，諗住星期二應該冇咁多人掛點知都係坐滿👍有個朋友遲咗收工我哋兩個叫咗個香辣雞翼配薯條，香辣雞翼係辣粉好惹味，我個人比較喜歡食粗薯條，佢又炸得好好味😬 北海道蘆筍天使麵配黑松露忌廉汁，黑松露汁同黑松露天使麵軟度剛剛好，好香牛油味，我覺得除咗威靈頓牛柳，呢個天使麵都要推介😬另外Book枱時預訂了威靈頓牛柳，呢間餐廳嘅威靈頓牛柳都好出名，果然冇令我地失望，酥皮好好味呢個牛嘅肉汁和質地都整到剛剛好，雖然我哋放咗一陣先食，但都冇影響威靈頓牛嘅質素，一定要試，但個配菜蒜頭都超好味，蒜頭軟身但都好入味Like👍👍又叫左龍蝦咪多全件，見到OpenRice個個都有叫，佢將龍蝦肉起咗撈埋蘑菇個醬汁我從來都未食過，隻龍蝦都有好多肉抵食😬燒烤猪肋骨就最後先上枱，燒汁不會太甜，都好好味，不過可能因為最遲上枱我哋三個女仔已經食得好飽最後食唔晒🙈但其實係我哋叫得太多嘢食了，樣樣都好想叫🤭以下5分為滿分😋好味程度: 😋😋😋😋 💞回頭度: 💕💕💕 💕 💕📝服務: 📝📝📝📝 📝🌉環境: 🌉🌉🌉 🌉 網址: https://s.op

朋友在新蒲崗返工，所以今晚諗住去呢頭食。原來新蒲崗有好多餐廳，而大家今晚都想食西餐，就決入去呢間有情調嘅西餐廳啦❤️餐碟好靚，有一隻牛嘅圖案，應該出名食牛，可惜我朋友唔食牛，無緣一試了。餐牌有套餐、snacks、salad...等，好多都好吸引。而最令我朋友雙眼發光就喺見到特別口味嘅手工啤，必叫😆瓊椰白啤 $68成個setting 都好靚，酒樽、酒杯、杯墊都喺同一系列。味道偏啖易入口，聞到一點椰香味，好特別！牛油果雞肉墨西哥餡餅 $88餡餅裡面夾左牛油果及雞肉，令口感更豐富，餡餅皮脆又熱辣辣，好香口。附上3 種醬汁：藍芝士醬、牛油果醬、芒果沙沙醬。全部都喺我鐘意嘅味道😋 牛油果味淡淡的好清新。芒果沙沙醬裡面有粒粒芒果肉，酸酸甜甜好開胃。藍芝士醬令我喜出望外，超濃嘅芝士香味，仲食到一粒粒芝士，超好味，最後我食曬d 餡餅，都淨食曬個芝士醬，真係不能浪費😂慢煮法式豬鞍扒 $188 , 另加 $50 轉晚餐有：沙律、餐湯、餐飲最鐘意配菜簡單冇花巧有：西蘭花、粟米、薯溶，食到蔬菜原有味道。豬鞍扒好厚實有咬口，啖啖肉🤤 而且有 3 種食法：黑椒粗鹽、芥辣醬、BBQ 汁，令到每一口豬肉都有不同味道層次

今日去到新蒲崗食呢間隱世小店其實只係喺mikki附近 不過店鋪燈光暗啲 所以感覺好隱世入到去係晚餐時間 我地嗌咗美國安格斯肉眼set同豬鞍 轉set加50蚊 有沙律湯同包先黎一個三文魚沙律開胃 都幾fresh跟住係雜菜蕃茄湯 好多雜菜 麵包係啱啱烘起 Perfect match黎到main course安格斯肉眼嗌咗5成熟 覺得啱啱好 有濃濃嘅肉香 醬汁係另外上 但有海鹽搭配好juicy 肉眼扒下係薯蓉 咁樣處理真係好好食 另一半大讚 另外加上1個炸蒜 配搭牛扒一同進食 又係另一個食法至於慢煮法式豬鞍扒 亦好好食 非常大舊佢嘅汁同牛扒個汁唔同 有一點甜配搭豬鞍亦非常出色 而且用上慢煮 唔會鞋口同樣 豬鞍下亦有一大舊薯蓉 配上肉汁加秘製醬汁 非常好味除咗食物外 亦想大讚一下店鋪的waiter 非常有禮 亦照顧有食物敏感嘅人嘅需要 非常週到用餐過程非常享受

之前成日經過呢個位置，見到有一間較為有格調的西餐小店，一直都好想一試，終於有機會啦！店內裝修唔算好華麗，但感覺幾溫馨同有人情味。食物選擇都唔少，當中亦不乏一啲比較特別的菜式。而各款主菜亦都可以按需要轉為套餐。套餐一點也不馬虎，沙律唔係普通野菜沙律，而係有Parma Ham的靚沙津。餐湯味道不錯，仲幾滑溜。我地點左一份十安士的美國西冷，估唔到份量都幾多，兩個人share都好夠食。牛肉味道好濃，油脂分佈亦係岩岩好，美國牛扒來講算係幾高質。而且大廚控制火候的功架亦不俗，做到幾標準的medium。Seasonal offer 餐飲仲可以免費upgrade做特飲添！除咗招牌的牛扒，意粉都好好味架！整體來講，性價比好高。下次有機會，一定要再去嘗試其他不同的菜式。

新蒲江除左工廈之外原來有好多好野食，呢間隱世西餐就係mikiki斜對面咋，真係平日行過就錯過左。出面睇係一個大玻璃上面有唔同嘅食物，入到去係好溫馨嘅燈光，有唔少情侶、朋友約會中。1.牛油果雞肉墨西哥饀餅$78係唔同地方食過類似嘅野，得呢度最得我心，牛油果有d係同雞肉一齊夾係餅中，有d就打成好smoothie嘅醬，仲有個酸甜帶d鹹香嘅，可以自己調成唔同口味，餅就好香唔重油味，岩哂 牛油果呢個主角。2.波士頓龍蝦配忌廉汁意粉$248龍蝦夠哂大隻，意粉爽滑索哂味，蝦肉好鮮，亦都好易甩殼，忌廉汁混合左海鮮嘅香同鮮，帶微甜，食到底都仲有好多，岩哂鐘意大大啖肉咁食嘅人！原本係想要龍蝦汁意大利飯，但未到7：30已經無哂睇黎好受歡迎。 3.焗大啡菇$78大啡菇好多汁，而且好厚身，口感非常豐富，上面係有d香脆嘅肉，中間就軟滑，底部係爽口嘅菇，伴碟嘅沙律其實都好出色，尤其個汁，下次一定要叫個完整嘅沙律！4.北海道帶子香草醬意大利飯$162女仔應該好喜歡佢：帶子低卡高蛋白質，質地嫩滑，外皮帶少少脆，上面仲有蟹籽，個汁係焦點，前所未有咁清新，唔係腥，帶子味相對淡，同呢個飯係絕配。今次未叫餐飲已經飽，份量真係唔

上星期約咗一個好耐冇見嘅朋友食飯，佢剛剛搬左新屋，所以就去佢屋企附近食啦！我地起openrice選左好耐、最終係比佢既威靈頓牛吸引到我地。佢有4人份量既$1080既，但要提早一日Book先有。#威靈頓牛扒 🐂 $298是一道傳統的美國菜，牛扒配鵝肝加酥皮！邪惡感大增😏😏鵝肝味道香濃柔軟，令到牛扒更加Juicy，再用酥皮卷着，香酥牛油味。#北海道帶子蘆筍天使麵配黑松露忌廉汁$162黑松露香氣極濃郁，非常惹味🥰天使麵勁彈牙。#煙三文魚凱撒沙律 🥗 $103煙三文魚份量頗多，沙律菜幾新鮮而且份量足夠share。#龍蝦米多🦞 $398可惜龍蝦肉分量不夠喉，蘑菇焗得好香，吸晒龍蝦肉嘅鮮味。#香辣雞翼配薯條🍟 $88薯條超級新鮮即叫即炸，食到停唔到口。雞翼亦都炸得好香口，好惹味。