The Big Bite (已結業)

位於北角渣華道的一間隱世漢堡店，位置頗偏，就算附近住客也不會貿貿然經過。因此多數食客都為多年熟客或朋友推介。The Big Bite 沒有official website 名符其實隱世漢堡店。這裡出名漢堡，雞翼和粗薯條。星期五至日會有牛扒提供，不過要事先訂購 價錢亦頗貴。雖然沒有親身試過，但有食客評價都非常好。店內位置不大，但裝飾簡約漂亮，大約十張英式木桌椅。牆上掛著黑板寫的餐單和特式造型擺設，非常有特式和有英國氣氛。漢堡，牛肉是整個漢堡的靈魂。我最愛的是The Big Bite Burger，漢堡牛肉肉質非常軟腍，但入口後很有咬勁，每咬一口牛肉味都非常濃郁，而且牛肉上的肉汁和油份非常充足，配上新鮮生菜和洋蔥。簡單的配搭更帶出牛肉的香濃。喜歡芝士的你亦可以選擇Cheese Burger。The Big Bite Burger雞翼是這店的另一主打，總共有6種辣度，每個星期二都是Tuesday Wings Night，只要購買一枝啤酒，便可以用＄3優惠價加一隻雞翼Buffalo Wings（無上限）但每款至少要6隻。身為雞翼迷的我，當然不會錯過。（原價45＄/6隻）。另外還設有雞翼chal

店外細細地幾難搵，但店內幾舒服，幾有美式感覺The Big Bite @ #foodki北角CBC (7.5/10)($72)Big bite 係性價比高既BURGER 店🍔🍔。CBC 即係crispy bacon加埋cheese，#洋葱青瓜 同埋#漢堡扒 😉 。漢堡扒煎得恰到好處，漢堡醃得非常不錯，#黑椒 味夠，但略嫌有啲乾😕，配埋佢地隻醬就岩岩好🌞，整體係幾好食，而且唔貴🍴，如果要係呢間同 butchers club揀既話，foodki一定會揀呢間，因為真係平太多😍，而且味道仲好啲！因為友人唔食得辣，所以無得試佢地既辣buffalo感覺好可惜，蜜糖WINGS 只係一般。P.s 星期二有buffalo wings 3蚊（要嗌一支beer），好抵menu

本身喺觀塘返工，但凡到星期五happy friday，同事們就會起哄食好d，於是今次就好有型咁特登搭船過北角食burger!每次大家都會每人叫一個包，再加各式各樣既小食，包括唔同口味嘅著條、洋葱圈同雞翼，講真佢地個burger嘅份量唔係講笑，女仔黎講食個包已經飽左一大半，不過次次大家都眼闊肚窄，總係食唔晒d小食，但就死都要叫叫叫，因為款款都好好味，樣樣都想share試少少~呢度座位好有限，所以我地通常都會遲少少先出發過黎，起碼差唔多兩點lunch唔洗點等位~自問係burger迷，黎到呢度一定唔會失望~yo~

是晚只有自己食晚餐, 突然想起北角的這家我主觀認為有點加拿大風快餐店的熱狗, 想去就去吧!! 看著餐牌, 1個人能夠的食力有限,  食雞翼還是薯條好呢!? 最後決定晚餐如下Nude Hotdog, Buffalo Wings (Honey Garlic), Ice lemon tea, 這裡是先到收銀付錢取單坐低等食, 侍應會將食物送到!!從前我是不喜歡吃熱狗, 自從某年吃過加拿大某街頭的車仔檔熱狗之後就喜歡上, 在香港想食類似的熱狗, 近似的暫時只找到這間。 這裡的熱狗都是即叫即整, 麵包和香腸都放在爐上面燒烘, 麵包就烘到外脆內軟, 腸仔就烘到有少少焦, 有燒香的味道, 外皮脆, 肉就熱。話明係NUDE, 所以上枱時仲係光脫脫的沒有加配料和醬。選NUDE的原因是這裡有個自助配料和醬料吧, 可以按自己的喜好加入配料和醬汁,  我加了香甜的栗米, 洋蔥, 仲有白色的少少酸的菜(上網研究後估計係德國泡菜), 還有Sweet Relish(甜甜酸酸醬配熱狗的肥膩, 好夾), 茄汁和芥辣!這個就是我整的熱狗!! 一口咬下好豐富啊!! 配料和醬汁的水份, 剛好中和加在烘到有點乾的熱狗。最後沒有

I don't know what have come to our mind, but we must be insane to the decision of trying the homicide wings in Big Bite.Walking into the restaurants, we see cute animal heads like bear, deer, sheep on the wall, so cool!The place is also decorated with many eye-catching signs and beer ads, creating a western atmosphere for us to have some snacks and beers!Root Beer Float $48 (vodka can be added for adult version)The root beer float is massive but is needed for the challenge ahead. With all those

久聞big bite既雞翼之夜今晚終於一嚐去片先出場既係root beer其實一d啤酒味都冇，加埋cream仲好好飲跟住出場既係poutine fries芝士味濃，但略嫌薯條唔夠脆可以一試，但唔需要再試今次叫左4種口味總共42隻雞翼左---wuss其實bbq味，味道好濃郁，但食幾隻就好漏中---honey garlic好好味，無論蒜香同蜜味都好正，必點！右---suicide翼如其名，唔怕spicy既就來點佢啦無圖---mild好酸，少少spicy，我個人好一般，一試就夠42隻雞翼，加1個薯條，再2杯野飲，230蚊埋單我地兩公婆都好鍾意食雞翼，但而家都要暫停一個月抖抖順帶一提，wings night汽水係冇得refill

平日下午茶時段，鋪頭一個客人都冇。環境佈置有心思，充滿美式格調，而且乾淨整潔。Big Bite Burger $56 + extra mushroom $12入面有生菜洋蔥蕃茄，漢堡扒超過半吋厚，肉質鮮嬾多汁，煎得好香但又唔會過火，配菜非常新鮮。面包大大個，但質感味道較普通。額外加12蚊加左磨菇，份量非常非常多，而且係新鮮磨菇，配上特制醬汁，滋味湧上心頭！跟歺Taters N Cream Fries $41跟歺既話除左薯條，仲有好多選擇，而薯條囗味亦有好多款。我簡左Tater & Cream 薯條，非常非常有驚喜！薯條炸得剛剛好，表皮香脆可口，裏面熱哄哄。有香濃薯仔味，而且一D油膩感都冇。上面既sour cream 同煙肉脆份量非常多。Sour cream既口感軟滑，唔會太酸。是香港難得一食既好薯條！總括，雖然價錢不算便宜，但份量非常非常多又捨得用料，食物質素有驚喜。另外有多款啤酒供應，環境有feel, 絕對是Happy Hour好地方！

鬼佬朋友推薦這家漢堡, 長方形的餐廳。最盡頭是廚房和收銀, 先付款, 食物後到。單點漢堡各款 $60-80 不等, 加約$30-40 可配小食+飲品。一行8人點了7個餐, 另叫了一客buffalo wing。最出色的是魚和牛漢堡(The big fish & The big bite), 一口咬下去, 牛肉呈粉紅色, 鮮嫩多汁, 算是香港嘗過數一數二的漢堡。The big fish 魚柳炸得脆脆, 本以為放到最後會變霖, 但依然鬆脆, 魚肉很滑, 算厚身。芝士薯條十分普通, 可以不試。相對地, 洋蔥圈比較出色, buffalo wing 酸而不辣。整體來說, 牛肉漢堡是招牌, 不錯不錯, 可惜小食 & 飲品比較遜色。

一心來北角試試The Big Bite的burger，找了半天，原來轉了地址去了渣華道。The Big Bite的環境是一貫的美式burger店風格，紅磗牆，路牌、高椅高桌、大黑板作裝飾。來到The Big Bite，不吃burger對不起自己。Order了2個signature burger " The Big Bite" ，可加錢轉set 。我們加了onion rings 同Caesar salad。採用半自助模式，到cashier先付錢order食物，後有waiter送餐。Waiter和waitress都較young，大部分用英語溝通。service嘛，幾乎沒有，你也不能expect有任何service可言。Burger 內有酸瓜、紫洋蔥、少量mushroom 、番茄、生菜和沙律醬，當然少不了牛肉。牛肉外表看似較乾，一咬下去，果然和外表一樣。和我們期望很juicy的texture不同。幸好，帶有水份的配菜能減低牛肉不夠juicy的弱點。不過我們吃時還是要加少量茄汁。餐廳毫不吝嗇Caesar salad的醬汁和芝士粉，不過我略嫌醬汁太多，令羅馬生菜太淋。而且salad的份量太少，根

同朋友黎食漢堡包，環境不錯，很適合一大班人黎傾下計。當日係下午黎，可以坐好耐，唔會趕人走。食物都好好味，漢堡唔亁，有牛肉味。薯條個肉汁唔會好漏，朋友都話好味。份量都唔少，我地叫左一個餐加一個包，但都食唔哂。

這天和朋友約了來北角的Big Bite吃漢堡，這家店的的店面十分富有情調，室內的各種裝飾和音樂配合起來讓人感覺好像置身於一座西方小鎮當中。這家店的漢堡味道不錯，牛肉烤得十分鮮嫩，麵包也鬆軟入味。但份量較小，如果價格能平些就更加不錯。

返北角上堂！約幾個好友午餐！佢話呢間好味！我早到霸位，原來都無乜客（未到午餐時段）地方窄長，美式快餐擺設，揀咗張好似野餐枱嘅木枱，餐牌就係墊枱紙！等埋朋友，再揀下食品，再去櫃檯落單，可以八達通比錢！食物用紙兜盛載，醬料配菜可以自己𢳂！最喜歡粟米同酸瓜醬蘑菇芝士漢堡（$55）好多蘑菇片，牛肉雖然濃味但比較乾，加上芝士，麵包鬆軟，都幾好味！酸忌廉薯條（$41）即炸好香脆，加上酸忌廉醬，好開胃惹味！熱狗（$65）切開三段，香腸衣好脆，香腸肉有肉汁唔乾，咸香好味，肉醬好多，但整到個熱狗包好濕，一手都係汁凱撒沙律（$50）羅馬菜新鮮爽脆，沙律汁唔多，但可以帶出蔬菜鮮味又唔會水汪汪！好味r跟餐凍檸茶：茶底唔算濃，酸酸甜甜，夠凍解膩一流！熱朱古力（$8）朋友飲！店員好好人！又唔會催促！可以慢慢傾偈！我哋走時，我順手將盤上嘅垃圾倒入垃圾桶，但唔記得攞起個熱朱古力杯倒埋入垃圾桶，好𤓓咁同個店員講，佢都無黑面，幫我執手尾攞返出來！

星期六同女友約左朋友係北角上其中一個朋友到打邊爐，由於要5,6 點先有得打，女友於是建議左去呢間佢係Instagram到見到ga特色餐廳食少少野先。我地約1點半兩點去到，可能係lunch或都係因為地點比較偏僻啦......唔係好多人。一入到去就被佢地di裝修吸引左，間野係長方形ga，其中一邊有兩塊好大ga 黑板，上面寫左佢地ga menu，當然全部都係英文啦！而另外一邊就掛左di 好得意ga公仔頭！加上佢地個樓底又幾高下，成間野好有cafe ga feel，好休閒咁！！我地最終叫左個''The Big Bit'' 同 ''Taters'n Cream Sets'', 其實即係漢堡包同薯條，但都要成 97蚊。 不過都好好味ga。個漢堡都好juicy。薯條又大又軟硬適中，加埋di 好似乳酪咁ga醬，好特別。如果唔怕貴ga話，都值得來試試！！

喺加拿大好多地方都有wings night。每逢wings night, 啲雞翼特別平而The Big Bite 就將呢種快樂帶到黎香港,逢星期二wings night, 所以我久唔久都會去食下我愛嘅hot wings今次同成班同事, 一行五人8點幾黎食俾個少tips大家,通常一過左7點就要開始排隊架喇。所以唔想排隊嘅朋友,記得要早少少黎到呀~點樣可以食到平wings呢?好簡單只要買一支啤酒($4x~6x/支),就可以用$3一隻雞翼而每一隻味最少要叫6隻先接受orderwings嘅味道有7個程度,由唔辣嘅honey garlic 去到homicide (殺人)(即係辣到可以殺人)都有不過suicide 同埋homicide 就冇$3一隻雞翼嘅優惠了因為五個人可以試得多啲野,我地叫左2個hot (後來加多份) ($18/6隻) (8/10), 1 個medium($18/6隻) (7/10), 1個honey garlic($18/6隻) (8/10) , 1 個 chilli cheese fries ($38) (7/10) 同1個nacho grande poutine fries

逢星期二的雞翼之夜閒來無事做，適逢The Big Bite又是Wing's Night，所以決定再次光臨記得對上一次Wing's Night己經系一年多前了其實來到這家店實在有點像回到家的感覺，來過的朋友就會知道系香港都唔系話咁容易搵到一間又抵食又熱鬧的美式餐廳享受到低消費之餘，話唔定仲可以識到一大班朋友只需要order一支Beer－HKD3/wing, 每種口味最少要order 6隻，唔會太飽又可以試多幾款味道實在是幸福的感覺。Show Time ：Hot Buffalo Wings －無辣不歡，覺得Hot系最香口又不會辣到有點苦的感覺，Super Yummy...... Honey Garlic Buffalo Wings－甜蜜蜜又有少許痴牙既口感，一流，令人想一食再食Wuss Buffalo Wings－ 酸酸甜甜的雞翼，可能比較喜歡味濃加上未習慣這客雞翼的味道，不知道如何評價The big bite－因為Miss F不吃牛的關係，所以未能以親身的經歷各位這個大Burger 好不好吃。但友人告知是很不錯，牛也十分juice-Miss F